小瑪哥米線

营业中

休息中

成日食開T仔，搞到本身唔係好號米線嘅我，見到其他米線舖頭都會想試吓，見到佢個氣鍋雞套餐好似好有霸氣咁，同朋友share左黎食。頭盤揀咗涼拌海蜇原味：中規中矩，份量都還可以。鍾意嘅係佢有青瓜絲墊底，更加開胃。主菜金牌口水雞：睇個樣好似好多辣油，食上去有少少麻嘅感覺我最鍾意，我平時都唔食辣嘅，呢個辣都接受到。而且雞肉好滑，估唔到都做得幾有心機。招牌氣鍋雞：姐姐話本身係一人一盅，不過而家轉左大盅，所以就兩位共享。個鍋好靚之餘都見到係真材實料，除咗有雞之外，仲有蘑菇同竹笙，感覺好養生。雞湯份量其實都唔細，我哋兩個人每人都食咗兩碗，即係其實一盅有四碗湯嘅份量，趁熱飲嘅時候真係飲到雞嘅鮮味。同口水雞一樣雞都係好滑，估唔到浸咗湯咁耐都仲keep到，而且配料都好入味。主食：金牌小窩湯米線(+$10) 本身以為清湯底好似汽鍋雞嘅湯咁樣，點知原來真係好似雲南米線咁樣，有少少榨菜，芽菜同埋湯底都係辣辣地帶麻嘅，不過就好惹味，而且米線都好滑，雖然冇乜餸喺碗米線入邊好似爭啲嘢咁，但係整體來講都係好味嘅。鮮菌蕃茄湯米線: 又係另一種風味，先茄份量好多，我諗有成差唔多一個完整嘅蕃茄係入邊，飲落去唔覺得有太多嘅味精。

星期六晚去咗灣仔搵朋友，佢話附近有間新開嘅氣鍋雞唔錯，就一齊去左食。我哋點左二人氣鍋雞套餐，有齊頭盤小食、氣鍋雞、主菜、主食同甜品，性價比最高。金獎涼白肉首先黎嘅係原味涼白肉，豬肉片肥瘦適中，切得厚薄啱啱好，再配埋伴碟嘅青瓜同醬汁食，非常開胃，難怪會攞金獎。招牌氣鍋雞呢個招牌菜的確冇令人失望，雞湯非常濃郁，喝得出完全冇味精，而且用料十足，有好滑嘅雞件、大量嘅竹笙、同埋菇類……真係每啖都足料。滇池酸菜魚酸菜魚比想像中少辣，魚片好新鮮，酸菜食落好香，仲有少量薯粉，的確唔錯。金牌小鍋湯米線米線質感煮得啱啱好，唔會太軟或者硬身，而且粗幼適中，食落好滑。湯底酸辣開胃，飲得出係用香濃豬骨以及雞湯底熬製而成。鮮菌蕃茄湯米線湯底有大量新鮮蕃茄蓉，每一啖湯都有濃濃茄蓉，又有鮮菌，營養豐富，非常適合愛健康嘅朋友。甜品兩款甜品都有清淡嘅玫瑰花味，但唔會好甜。玫瑰豆腐花好滑，而且豆味香濃。玫瑰冰冰粉食落好清涼，質感爽口，用嚟解辣一流。總括而言，餐廳招牌氣鍋雞令人印象深刻，二人餐非常抵食，有機會會再幫襯。

最近天氣日夜溫差大，晚飯想吃熱騰騰的食物，去了灣仔新開米線店—小瑪哥米線，味道及CP值都不錯。《金牌小鍋湯米線》（油雞樅菌+竹笙）（$66）湯底熱騰騰，很適合冬天吃，湯底里面有酸菜、芽菜，而且配料雞樅菌和竹笙份量多，雞樅菌鮮香可口，越嚼越美味，配搭米線一流。《氣鍋雞》（$88）雞湯好濃郁，喝下去非常暖胃，雞湯用了雞肉、竹笙、菇等材料，再用獨特氣鍋熬製而成，保留雞的鮮味。《召通醬雞翼》（$34）召通醬類似豆瓣醬，麻辣咸香，與雞翼很搭，味道不錯。《風味涼菜》（麻辣豬耳+秘製醬蘿）（$34.32）豬耳香脆，而且有小小麻辣，另外秘製醬蘿蔔清爽可口，酸酸鹹鹹，兩款前菜都很開胃。《雲南玫瑰蜜》（$23）《百香果糯米茶》（跟餐免費）

呢個氣鍋雞套餐真係好抵食，而且樣樣野都好味~ 一開始店員上左個氣鍋雞，啲姐姐好好, 每枱都會叫客人趁熱飲左湯先，個湯好濃雞味，入面仲有好多菇同竹笙，而家天氣涼涼地，啖雞湯真係暖入心，佢係2人份, 每人用碗仔都有2-3碗既份量都幾多~之後係個昭通醬雞翼, 我問姐姐咩係昭通醬, 佢話昭通係一個地方, 雞翼既味係鹹鹹地又有少少辣, 如果講要似咩味應該係少少似蝦醬但無咁鹹，而且啲雞肉好嫰好juicy, 送飯一流個酸菜魚好特別，同平時出面食唔同，一上枱已經聞到好香，佢有一層油喺面，而且仲有一堆蒜，撈埋一齊真係令個魚生色不少~ 而且份量都唔係細, 佢個魚係鱸魚，一啲泥味都無，而且仲有好多配料同薯粉襯底，真係好好食!小鍋湯米線都好出色，我鍾意個米線好稔, 佢地話咁樣先係正宗，如果唔係已經飲左湯，我相信我會飲埋米線個湯~最後就係玫瑰冰冰粉, 食完一輪辣野再食個冰冰粉真係好爽，好香既玫瑰味，仲加左好多芝麻好香!

行過灣仔見到間新開嘅米線舖皮蛋嘶嘶雞米線| 皮蛋嘶嘶雞|清雞湯米線|蔬菜|BB辣|百香果蘆薈檸檬梳打米線同雞係分開上嘅，值得讚雞有少少辣，味道幾香，再加埋皮蛋同埋上高嘅花生香蔥等配料又開胃又有口感加$10可以有生菜 夠晒健康嘢飲係分開上 自己加梳打水 自己條配自己鍾意嘅味道跟住就到招牌既氣鍋雞原來係一鍋好濃郁嘅雞湯加雞肉入邊仲有好多配料，例如山竹同埋香菇雞湯金黃色 好濃郁嘅感覺 飲落口熱辣辣 值得一試之後叫咗個風味涼菜（雙拼）|涼拌皮蛋| 麻辣豬耳外貌好精美 皮蛋味好味豬耳有口感召通醬雞翼雞翼味道幾得意 有豐富嘅醬汁

路過灣仔既小瑪哥米線，見到晚市都幾多一家兩口子係到食，就知道應該係健康之選！望落個餐牌有氣鍋雞，應該好養生，一於試下先！氣鍋雞汽鍋雞係雲南嘅一款特色名菜，菜式係用汽鍋蒸制嘅主要食材係雞肉，主要烹飪方法係蒸，有補虛養身、補血、健脾開胃嘅功效怪唔得咁多檯客都食，簡直係冬日恩物呢一飲落去就好暖身，個湯底好濃郁，好滋補 而雞肉都煮得好入味，肉質鮮嫩金牌口水雞飯啲雞肉好滑嫩，配埋啲麻辣嘅醬汁，真係太過癮仲有啲切碎嘅蔥同花生碎，增加咗口感同層次感飯粒都好香好軟木耳個質地脆口，同埋配埋啲醬汁，味道鮮美紅油水餃餃皮薄脆，餡料都份量十足紅油醬汁香而唔算辣，感覺健康d 一口咬落去，汁水四溢，好好食脆炸蝦寶炸到金黃酥脆，好Juicy亦有好多蝦肉，幾彈牙值得encore的一餐

新開，入嚟食lunch試吓，點知中哂伏。話氣鍋雞係招牌菜，咁試吓啦，點知一嚟到，我地成枱人都呆左，個鍋仲細過個拳頭，仲要係冇主食跟，冇飯、冇米線、冇餐飲，鍋中間仲通個窿（即係份量再少啲），咁就盛惠$88。睇圖最實際。如果想食雞，$88不如過對面街食原隻燒春雞。叫左個豆花炸醬米3餸$72，勝在份量夠大碗，多到可以share食，叫雞個朋友先得以填飽個肚，但係味道一般般冇特別。最好食嘅就係個$19手拍青瓜（呢味餸好難整得難食)

突然間好凍，天氣凍就會好想食米線！呢晚去咗小瑪哥米線 ，原來原店「阿詩瑪雲南風味軒」大有來頭，喺太古開業23年，儲落不少熟客！米線湯底一共有5款選擇，分別係金牌小鍋湯米線、鮮菌蕃茄湯米線、香辣涼拌撈米線、豆花炸醬撈米線及豬骨清雞湯米線。各自都可以揀2-4款配菜，豐儉由人。豆花炸醬撈米線（三餸$72)香港好少地方有得食豆花炸醬撈米線，當然要試吓！ 就咁聽豆花配炸醬好似風馬牛不相及，但食落卻發覺味道好夾！滑溜嘅豆花剛好中和左炸醬嘅膩感，入口仲多佐滑捋捋嘅口感，好食！配菜我揀咗魚腐、白菜餃及彈牙蝦球(+$8)，蝦球略為失望，如果有d調味會更好！金牌小窩湯米線（四餸$79)湯底麻香，第一啖先食到香味，落到喉嚨卻麻麻辣辣，非常過癮刺激，湯底做得唔錯！配料有鴨血、麻辣腩肉、麻辣肥腸同竹笙，腩肉略嫌比較薄切，厚身一點會較有口感！米線都免費跟咗熱檸水或者糯米香茶，糯米香茶值得一試，解辣解膩一流！小瑪哥除咗米線出名，呢度仲有另一個招牌名物—山珍氣鍋雞 。價錢少貴，個確係好足料，吸收晒唔同材料嘅精華，超級鮮甜！飲完成個身都好暖！

早前坐叮叮經過，發現新開了一間「小瑪哥米線」，特登帶風先生來嚐新，餐廳裝修簡潔明亮，樓底高，空間感足，並設有卡位雅座，用餐環境舒適，由於晚餐想食得豐富點，點了一個「二人氣鍋雞」套餐。頭盤小食（8選1）涼拌海蜇（原味）-海蜇爽脆彈牙招牌氣鍋雞-熱呼呼的金黃特濃雞湯，鮮甜可口，一試難忘內有嫩滑雞件、竹笙與雞肶菇，與風先生餐前餐後各一碗，砂窩能保溫，餐後用的一碗，依然是溫熱美味主菜（5選1）酸菜魚-與坊間有所不同，這裡的酸菜魚是一片紅油，但食落並不太辣、微酸，鱸魚片新鮮，魚味極濃，肉質超嫩滑還配有萵筍、薯粉與酸菜，豐富味美主食（4選2）金湯小鍋米線-米線爽口不過淋，湯底鮮而濃郁，帶酸香，屬微辣（平時食開譚仔2小辣），惹味可口，我加配了一份肥腸，入味不羶甜品 （2選1）玫瑰豆腐花與玫瑰冰冰粉-豆腐花豆味濃而滑，冰冰粉配玫瑰乾花，冰涼不過甜，為晚餐畫上完美句號餐廳阿姨好熱情，主動查詢出品如何，是否合口味，又落力地著我們幫忙介紹予朋友，被阿姨打動了。 📣「小瑪哥」現可註冊做會員，有迎新優惠券，滿$60減$10，消費滿$60可儲一個印花，儲夠10個可換優惠券

朋友喺太古城食過呢間，太古城嗰間搬走咗之後一直念念不忘！好彩而家喺灣仔有得食到！裝修都幾舒適！獎涼白肉，這道菜以鮮嫩的白肉為主角，再加上最精粹嘅生蒜豉油同埋青瓜！食出嚟生蒜唔辣！好惹味召通醬雞翼，這道菜有著烤至金黃酥脆的外皮和多汁嫩滑的內在。有啲炸蒜頭喺上邊，味道惹味，其他地方食唔到！紅油水餃充滿了辣椒油的餃子，搭配著鮮嫩的肉馅和精心調配的調味料，好彩唔算好辣！氣鍋雞非常足料而且呢碗湯令我好難忘！經過特殊的氣鍋烹調技巧，使得雞肉保持了原汁原味，並且更加多汁鮮嫩。鮮菌蕃茄湯米線喺呢度嘅招牌菜，蕃茄味偏酸，而且味道唔假！魚腐好大好好食！豆花炸醬撈米線則結合了豆花的滑嫩和炸醬的香濃，必食！百香果蘆薈檸檬梳打

「從阿詩瑪到小瑪哥，不斷創新，用心做好每一碗米線」見到呢一句就知道以前太古城嘅阿詩瑪喺灣仔開咗間米線專門店「小瑪哥」，主打氣鍋雞同雲南米線，我同朋友仔今晚就嗌咗個山珍氣鍋雞套餐，套餐包括頭盤小食+氣鍋雞+主菜+主食+飲品，只需$238已經可以試到店家嘅招牌菜式👍🏻金獎涼白肉白肉肥瘦相間，以醬油、辣油去調味，加上大量蒜頭、香蔥，肥而不膩，口感煙煙韌韌，惹味又開胃的一道前菜哈尼牛肉香料味道非常濃郁，牛肉粒肉質鬆軟，份量多，味道有啲似巴東牛肉，但帶點酸辣味，配上一碗白飯最適合不過招牌氣鍋雞湯底呈奶白金黃色，非常濃郁鮮味，氣鍋能夠鎖住雞嘅精華，原汁原味，亦能夠保持雞肉嫩滑嘅口感，加入珍菌、竹笙同鮮雞件去熬製，每一啖雞湯都鮮甜得黎帶有菇香金牌小鍋米線配香茅豬扒湯底味道酸酸辣辣，加入酸菜、韭菜、香葱、芫茜，濃香鮮美，米線滑溜，唔會一夾就散，朋友仔加配咗香茅豬扒，豬扒煎得金黃鬆化，配上蔥油更加香口美味配麻辣腩肉、麻辣肥腸、鮮菌不得不讚呢度嘅湯底，我飲晒成碗都唔會覺得口渴，真材實料👍🏻米線配料份量足，腩肉有厚厚嘅6,7片，入味夠稔身，肥腸食極都仲有😆QQ彈彈有咬口😋📍小瑪哥米線 (灣仔)灣仔莊士敦道2

星期六約左朋友去灣仔電腦城買野, 之後係附近餐廳食野。因為我同朋友都好鐘意食米線, 今次試左呢間新開既雲南餐米線。我哋叫左餐廳既兩人餐, 十分抵食。餐廳招牌既氣鍋雞湯, 湯底配料好多, 有竹笙雞件冬菇等, 十分鮮甜濃郁, 食完都唔會口渴。涼拌魚皮食落好爽口, 非常開胃。酸菜魚既魚肉嫩滑, 有薯粉和萵筍, 份量十足。我哋亦叫左金牌小鍋湯米線,湯底麻香, 味道比其他米線店更好食。 最後叫左豆腐花, 十分香滑解辣呀。餐廳位置幾方便, 地鐵站行過去唔遠, 價錢亦唔貴, 可以再黎試呀。

放假嚟灣仔購物，shopping 完就順便喺附近食埋嘢先返屋企。路經莊士敦道，見到有間新開米線店，裝潢時尚，座位闊落舒適，一於坐低試下。餐廳以雲南米線為主題，提供小鍋、乾拌等多款口味，另外亦有氣鍋雞、風味小食、涼菜、甜品及特色飲品等供應。點咗個二人氣鍋雞 ($238)，套餐包頭盤小食、二人份量氣鍋雞一盅、主菜、兩款主食及甜品或飲品。頭盤選了原味金獎涼白肉，白肉切得工整有序，面頭灑上蒜泥、蒜蓉和醬油，肉片好軟滑，蒜蓉香味充斥著口腔每個部份，入口完全沒有膩感。招牌氣鍋雞採用雲南建水紫砂氣鍋，以氣孔蒸溜法炮製，烹調過程中完全唔會加水，絕對係原汁原味。湯很清甜鮮美，湯料亦下得很慷慨，內有野菌、竹笙、雞件和瘦肉等，分量十足，入口湯鮮味濃，四季皆宜。主菜揀咗香茅豬扒，而主食就選了豬骨清雞湯米線 (+$10) 同 絲苗白飯。豬扒以長碟盛上，肉質很嫩口，香茅味好重，可見店家在醃製上花了不少功夫👍🏻豬骨雞湯鮮甜奶白，飲晒成碗都唔會口渴，米線十分爽滑，內有腐竹同生菜。最後食埋甜品先走，揀咗玫瑰冰冰粉，冰粉Q彈爽滑，糖水有淡淡玫瑰香，入口清新怡人。

呢間米線前身係太古的阿詩瑪因結業後再重新在灣仔開小瑪哥主打以雲南小鍋米線外仲有蕃茄湯及其他特色涼拌米線金湯小鍋湯米線 (二餸)🍜一開始覺得酸辣湯底裡面有種香料唔太中意，後來慢慢適應，但味道偏酸，而辣度揀左小辣，另配2隻鹵雞翼🍗鹵得夠入味又唔鞋口，3隻彈牙大蝦球🦐食落鮮甜爽彈，但要另加$8價錢偏貴🙈，米線爽滑彈牙有嚼勁豆花炸醬撈米線 (二餸)🍜未試過豆花炸醬跟米線配搭估唔到咁特別，豆腐花口感嫩滑，麻辣腩肉🐷份量好足料，每片切得很薄身，肥瘦相間，食落唔會覺得油膩感，3隻白菜餃餡料飽滿雲南糯米香茶 (熱)🍵糯米茶聞到濃濃的糯米味，茶味甘香，感到好健康雲南玫瑰蜜 (熱)🍵飲到淡淡的玫瑰花香，底部有幾片玫瑰花瓣，清甜滋潤整體食物都幾好，下次有機會再訪試埋二人氣鍋雞套餐

之前已經認識阿詩瑪，很多年前在太古城，現在專做米線，親民，美味，環境舒服，幾抵食，值得再來！兩個人整好點一個山珍氣鍋雞套餐 $238，一次過食齊特色。涼拌金耳 溫馨提示，芥末非常攻鼻！點豉油食很爽，金耳比雲耳更有益。招牌汽鍋雞熱辣辣，今日天氣寒冷，正呀！雞湯非常濃郁，非常很有雞肉味，雞肉好滑。皮蛋嘶嘶雞辣的，配皮蛋、粒粒脆卜卜、青瓜，辣辣地唔過份，味道很好。金牌小鍋湯米線 +$10酸辣湯底，有些豬肉碎，重點是米線非常滑，好好食。豬骨清雞湯米線 $10豬骨清湯味香，清清地但夠味，亦好。很喜歡這個玫瑰冰冰粉及豆花冰涼可口，很有玫瑰花香，是特色！