小瑪哥米線

# 🍜【食評】灣仔《小瑪哥米線》——舒服米線店，湯濃餃香，小食出奇好味！ 今日放工經過灣仔，見到呢間評價幾好嘅 **《小瑪哥米線》**，門口乾淨企理、裝修簡約得嚟又帶少少小清新感，心諗不如入去試下。 ---## 🪑 環境氣氛 入到去第一個感覺係——**幾舒服！** 枱距唔逼、位與位之間有少少私人空間；光線柔和、冷氣唔會凍到人縮埋。整體氣氛偏向文青style，但又唔失米線店應有嘅親切感。 我哋大約 **7點半** 到，店內已經坐滿七成，客流穩定但唔嘈。 ---## 🥣 餐點體驗 ### 🐔 濃湯餃子浸鮮雞米線 — $88 呢碗堪稱今晚冠軍。湯底色澤奶白，一聞就知係真材實料熬出嚟，入口香濃得嚟又唔膩。 雞肉份量夠多，啖啖肉而且滑嫩唔柴，仲有啲金黃色雞皮，味道更香。餃子都唔馬虎，餡仲有豬肉同蔬菜，口感紮實。 米線分開上（呢個設計超貼心🔥），唔會浸得太腍。唯一可惜係——湯唔係熱辣辣，有啲微溫，但飲落反而順口，好似屋企煲湯咁舒服。 ---### 🐂 肥牛腐皮炸醬酸辣米線（BB辣）— $78 湯色紅潤香氣十足，我本身嗜辣，揀咗「BB辣」已經有啲辣，辣度啱啱好。 肥牛切得薄身，油香四溢；炸醬分開上，可以自由調味，醬香濃郁，好惹味。 腐皮份量慷慨，吸晒湯汁後仍保持少少脆感。湯底酸辣平衡得唔錯，每啖都醒胃。 ---### 🍗 昭通醬雞翼（5隻）— 跟餐$42 老實講，本身冇乜期望，點知竟然係今晚最大驚喜！ 雞翼炸得金香，醬汁鹹鹹辣辣，表面再灑上白芝麻，口感層次豐富。 咬落去即刻爆汁，啲蒜蓉同醬香滲晒入去。重口味控會超愛！ 以呢個價錢嚟講性價比勁高，強烈建議一定要嗌！ ---## 🧃 飲品 我哋嗌咗 **豆漿** 同 **鹹檸七**。 豆漿唔太甜，好滑好順；鹹檸七就係經典嘅港式拍檔，解辣一流。配米線真係岩晒。 ---## 🍧 甜品收尾 — 彩虹芋圓冰粉 + 花奶 — 跟餐$24 色彩超靚，啲芋圓煙煙韌韌，有紫薯、蕃薯、芋頭味，咬落香甜。 底層冰粉滑滑哋，加咗花奶後味道更香更圓潤。呢個甜品超級解辣，食埋呢個甜品整個晚餐完美收尾。 ---## 💬 總結 | 項目 | 評價 ||------|------|| ⭐ 食物水準 | 材料新鮮、湯底真材實料 || 🪑 環境氣氛 | 闊落舒服、唔嘈雜 || 💰 價錢 | 約$200-$250兩個人，性價比高 || 💁🏻‍♀️ 服務 | 禮貌、出餐快，無需等太耐 || ❤️ 推介指數 | ⭐⭐⭐⭐☆（4.5/5）|**一句話總結：** > 《小瑪哥米線》唔止米線靚湯出色，連小食都有驚喜。好啱放工輕鬆食個飽又唔想隨便將就嘅時候。 📍灣仔軒尼詩道211號地下A&B舖 ☎️ 2560 9666 整體真心推介，之後一定會再嚟試佢其他湯底！…查看更多

今晚嚟左呢度，因為想食啲熱辣辣米線，餐牌選擇好多，除咗米線之外仲可以揀食飯。金牌小鍋湯米線，我揀咗兩個餸分別係花枝丸同埋腐皮，辣到可以揀BB辣，適合我呢啲唔係太食得辣的人🤣入邊本身已經有啲辣肉碎同埋酸菜，爽滑嘅米線現在加上酸酸辣辣嘅湯底真係好開胃。佢嘅花枝丸都幾彈牙。濃湯餃子浸鮮雞配米線，佢個米線係分開上，可以先淨係飲個湯先，個湯好清甜，餃子有兩大嚿係白菜豬肉餃子，啲雞件有驚喜夠嫩滑。召通醬雞翼，叫左份三隻，面頭佈滿芝麻，再加上好香好濃嘅蒜蓉味，真係好惹味。蜜語水果茶，超級大杯，加上有生果，香香甜甜又解膩。呢度間餐仲可以加埋甜品食呀，好少米線有得食甜品，彩虹芋圓冰冰粉，個花奶味好香濃，芋圓細細粒又夠煙靭，正呀。另外要大讃見到呢度嘅職員對所有客人都好主動同好有禮貌啊。…查看更多

星期日午餐一家四口入去，已經差唔多下晝2:00所以唔係好多人，收銀位哥哥主動俾咗張high Chair我，然後又介紹餐單，亦都推介咗一啲啱小朋友食嘅麵餐，最後嗌咗三個午市套餐，每個套餐有嘢飲同有一款小食，我就叫咗一個撈麵，個豆腐撈麵第一次食我覺得幾唔錯，不過有少少鹹我覺得如果冇咁鹹嘅話會更加好食。小食有矮瓜。皮蛋同埋青瓜，青瓜正常矮瓜可以皮蛋我覺得都係太鹹麻麻哋，同個麵一樣，如果冇咁鹹嘅話會更加好味。小朋友嗌咗一個蕃茄湯湯底嘅麵，佢話覺得好好食。。唔錯，有機會，會再食…查看更多

又是去完教會找吃晚餐時間今次我們找了米線店, 天氣太熱不想吃飯, 因假期, 店內不多客人, 職員熱情地招呼我們, 我們點了豆花炸醬魚蛋腐皮白菜餃撈米線套餐, 跟熱菊蜜, 朋友點了氣鍋雞, 小食則有昭通雞翼我的撈米線很大碗, 先把豆花撈混, 加上炸醬很惹味, 魚蛋彈牙.腐皮有很多件, 是一款很特別的米線, 在夏天吃尤其涼快,是我第二次吃涼米線氣鍋雞是小小窩的, 除了雞, 仲有竹笙，蕃茄, 清甜湯底昭通雞翼是店招牌食物, 少少脆, 但又不是太熱氣, 味道不會太濃, 適合配米線吃,  值得一提是很抵,只是$42有五隻了店員也介紹涼拌金耳也是主打食物, 下次試下先總括來說, 今餐好滿意…查看更多

位於灣仔的小瑪哥米線，承傳三十年雲南菜館的精髓，並加入創新元素，為傳統滇味注入新活力。我哋叫左氣鍋雞套餐，以金獎涼白肉打頭陣，原味豬肉片薄而不膩，配上自家製蒜蓉醬，清爽開胃。主角招牌氣鍋雞，湯頭清澈鮮甜，菇菌香氣撲鼻，雞肉嫩滑，既養生又美味。配菜哈尼牛肉則以香料醃製後慢煮，肉質軟嫩而富嚼勁，滲出微辣香氣，令人回味。主食金牌小鍋湯米線湯底以豬骨及雞骨熬成的湯底，特別濃郁入味，米線滑溜，吸盡湯汁精華，必食之選。甜品方面，彩虹芋圓冰冰粉色彩繽紛，口感Q彈，甜而不膩；山水豆腐花豆香濃郁，仲有好特別既玫瑰味。綜合而言，餐廳令我哋加深對雲南菜既認識，而且老板將食材和味道調配到啱香港人口味，吃得出的誠意。…查看更多

本人今日於午市時段光顧餐廳，大約在12:45分入座，並點了其中一個午市米線套餐。然而，餐廳在13:20才把米線出餐。本人對於餐廳在平日午市時段的出餐速度深感不滿，希望其他食客不會遭遇同類事件。…查看更多

岩岩睇完舞台劇，肚仔打鼓，同朋友衝咗去食雲南米線。今次試咗個氣鍋雞二人套餐，超級豐富！個套餐除咗主角氣鍋雞，仲可以揀一款小食、兩款主食、一款主菜同兩款甜品。小食我哋揀咗涼拌金耳，係雲南直送，口感爽爽哋，酸酸辣辣好開胃。個氣鍋雞真係冇得頂！原盅燉出嚟，湯色好清，飲落好甜好潤，一啲都唔油。雞肉燉到好淋，一夾就散，但唔會爛晒，仲好滑溜。飲完成個人暖笠笠，好舒服。主菜叫咗滇池酸菜魚，魚片滑溜溜，酸菜夠入味，湯底酸中帶辣，飲咗幾啖已經流晒汗，好過癮！主食就要咗金牌小鍋湯米線同白飯。米線湯底好鮮甜，配酸菜魚汁撈飯簡直一流。甜品試咗彩虹芋圓冰冰粉同玫瑰冰冰粉。芋圓QQ哋，冰冰粉滑捋捋，食完辣嘢再食呢啲凍甜品，真係透心涼！今餐食到好飽好滿足，呢個套餐份量足，味道正，下次一定會再嚟！…查看更多

涼拌金耳呢個涼拌金耳真係好清新，係夏天食正好。金耳本身質地爽脆，口感非常好，搭配上芥末，令整體味道更加提味。食完之後令人感覺清爽，十分開胃，真係好適合作為開胃小菜。豬骨清雞湯米線呢碗米線湯底係用豬骨和雞肉慢慢熬製，味道非常清甜，唔會油膩。豆卜吸收咗湯的精華，食落去嚟口感滑嫩，魚蛋彈牙，竹笙有一種清香。米線則係吸收咗湯底嘅味道，咬落去非常有口感，整碗米線嘅搭配十分和諧，令人一口接一口，食到心滿意足。豆花炸醬撈米線呢碗豆花炸醬撈米線都好值得一試！炸醬味道濃郁，帶有一點點的甜味，搭配上新鮮嘅白菜餃、蔬菜、腐皮同花枝丸，口感層次非常豐富。米線本身滑爽，配搭炸醬後味道更加突出，真係一碗好滿足嘅撈米線，唔會令人覺得膩。山水豆腐花滑嫩的豆腐花，口感非常細膩。雖然甜，但唔會過於腻，係完美嘅結尾，食完之後令人感到滿足，亦為整頓飯畫上圓滿句號。…查看更多

今日嚟到灣仔食小馬哥米線，聽講佢呢度嘅酸辣同埋撈米線都非常唔錯，今日特登嚟試吓，聽老闆講原本係開喺另外一個地方好多年，跟住近年搬咗嚟依度😎金牌小鍋湯米線（冬菇、腐皮、竹笙 , 彈牙大蝦球 )🔥🔥湯底鮮甜微辣，搭配彈牙大蝦球、香菇、腐皮同竹笙，每款配料都吸飽湯汁，味道豐富層次夠。蝦球個個飽滿彈牙，幾彈口，蝦味都不錯冬菇香氣濃郁，腐皮嫩滑，竹笙爽脆，為湯底增添口感變化。✅✅豆花炸醬撈米線（辣雞柳 ，香茅豬扒 ） 💪米線滑順有彈性，炸醬香濃帶點微甜，跟柔滑豆花夠特別，豬扒帶有香茅獨特清香，外層微焦香脆，肉質嫩滑多汁，香氣撲鼻。雞柳炸得金黃酥脆，辣味適中帶花椒麻香，刺激味蕾，吃得過癮。🤩召通醬雞翼 呢度既必點菜，雞翼肉質嫩滑，醬汁鹹甜帶點蒜香，外皮帶脆口感，每口都夠滋味。👌🏻嘶嘶皮蛋 皮蛋入口滑嫩帶鹹香，煙韌口感配餐簡單卻好味。🥒宮廷醬茄子 茄子煮得軟腍吸滿醬汁，宮廷醬鹹香微辣，開胃下飯之選。🫨🫨…查看更多

一間高質米線，地址方便，喺灣仔/銅鑼灣都好易去到，餐點有雲南特色，可以食到出面冇嘅菜色。要提一提佢嘅招牌氣鍋雞: 用特製汽鍋，通過蒸汽將雞肉蒸熟，保留到雞肉嘅原汁原味，又有清澈嘅湯汁，營養豐富。一人份雞味濃，有油香但唔會話飲到一口油，有菇菌味；可能因為用蒸氣煮，所以雞件唔柴離骨，又入味，肉質唔錯，藥材香亦都滲哂入去。叫咗碗酸辣米線，酸味為主，唔會死辣，叫埋小辣食得舒服，米線份量十足。特別試咗佢嘅油雞樅菌，香口脆卜卜，油香十足，同埋平時好少會見到米線有得叫，加埋米線食就咸淡得宜！另外嘅特色嘢係豆花撈米線，出面又係好少見。豆花香滑清新，夏天食落去涼涼地好舒服，適合淡口味之人，撈落米線係十分之夾，因為兩樣都好滑口；肉碎微辣有特色，蕃茄帶來清澈嘅感覺，令個米線唔會太油膩又多一份自然嘅清甜。配菜係豬排，有越南香茅嘅味道，估唔到食雲南米線都食到越南嘢嘅風味。另外叫咗涼拌金耳，十分獨特，清新口感爽，有食刺身嘅感覺，點埋豉油同wasabi又有另一種風味！想試下全新嘅米線風味就要嚟呢間小瑪哥到試下啦！…查看更多

氣鍋雞套餐1. 招牌氣鍋雞（山珍氣鍋雞）是雲南風味的牛肝菌蘑菇雞湯蒸籠，雞湯鮮甜濃郁，牛肝菌帶來獨特的松木香與大地氣息，其他蘑菇，如雞樅菌，增添層次感，蒸製手法鎖住湯汁精華，雞肉滑嫩脫骨，牛肝菌肥厚帶微韌性，菌菇吸飽湯汁後口感飽滿，蒸籠保留食材原味，湯頭清澈卻滋味深厚，雞肉精華與山珍燉煮後令口感豐富。2. 頭盤小食（涼拌金耳）是創意涼拌菜，入口酸辣開胃，山葵的辛辣與醋汁以香醋、辣油為主，搭配蒜末和香菜提香，金耳本身味道清淡，能吸收醋汁，刑成酸爽微嗆，金耳質地獨特，外層爽滑如海蜇皮，內裡柔軟帶輕微膠質感，整體開胃解膩。3. 主菜（香茅豬扒）東南亞風味主導，香茅、魚露、檸檬葉的清新酸香滲入豬肉，表面焦糖化帶微甜，附薑黃、蒜末帶來鮮香，豬扒外酥脆內多汁，外皮煎至酥脆，肉質因醃漬軟化不乾硬，香茅令肉質增添咀嚼感，配合青瓜絲提升濕潤度，入口爽滑香脆。4. 主食（金牌小鍋湯米線、絲苗白飯）金牌小鍋湯米線是酸辣肉末米線，酸辣鮮明，發酵酸來自雲南酸菜，辣味由糊辣椒主導，肉末炒香後帶焦香，湯底鮮味濃郁，搭配韭菜配料提清爽，米線柔滑帶彈性，肉末細碎有嚼勁，湯汁濃稠能掛住米粉，酸辣刺激中透出鮮甜後韻。絲苗白飯是米香純粹，選用香米，淡淡甜味，粒粒分明且彈牙，不黏糊，適合搭配氣鍋雞湯汁。5. 甜品（玫瑰冰冰粉、彩虹芋圓冰冰粉）玫瑰冰冰粉嘅濃郁的玫瑰花香為主，玫瑰糖漿的清甜，加入蜜蜂甜味增添果香，底層有淡雅奶香，冰粉如果凍般顫動，入口即化，搭配芝麻粒增加咀嚼感。彩虹芋圓冰冰粉是芋圓帶地瓜、紫薯、芋頭的自然甜味，糖水為椰奶基底，甜度較低突出自然花香，芋圓Q彈有嚼勁，冰粉滑溜，整體冷熱交替，入口即化，特別好味嘅甜品。小瑪哥餐廳食物質素好，份量不少，菜式好味道，價錢又唔貴，仲冇加一，店員服務態度又好，好值得向大家推介來食。…查看更多

今日係灣仔做gym，諗住食埋個飯先返屋企。見到呢間米線好似唔錯，唔小心叫哂所有餸都係雞😂不過可以補充下蛋白質都好。.原本氣鍋雞係雞湯黎，入面都好足料有齊魚肚，兩個人飲左個湯已經有少少飽。呢個召通醬雞翼係見到隔離枱食所以先叫，幾惹味嘅！仲有米線必備口水雞，次次都要攞d汁落去撈米線食。.食左咁多野雞，全部都係滑雞，無投訴。米線叫左一個清湯一個辣味。最正係個餐有甜品，豆腐花同冰粉正。超鐘意食冰粉，但香港好少地方有得食。價錢參考下，二人餐有咁多野。…查看更多

My stop at 小瑪哥米線 in Wan Chai was a great pick for a quick meal, offering the familiar, no-frills vibe of a typical Hong Kong cha chaan teng. The place was straightforward, ideal for a fast bite, and even though the air conditioning was a bit weak, it didn’t take away from the experience. The service was efficient, keeping everything on track.I was genuinely surprised by the 氣鍋雞, a dish new to me and, as I later learned, quite rare in Hong Kong. Its chicken soup was a highlight, full of rich, savory flavor that made every spoonful feel like comfort in a bowl. The Zhaotong sauce chicken wings were equally impressive, crispy on the outside with a sweet, flavorful sauce that packed a nice punch.My boyfriend went for the rice noodle dish with fresh tomato soup, which he enjoyed with his choice of ingredients, and we also shared the blanched vegetables, which were solid additions. 小瑪哥米線 is a dependable spot for a quick, satisfying meal, especially if you’re curious about something like the 氣鍋雞. I’m already looking forward to our next visit for more of that soup and those tasty wings.…查看更多

今日收工搭叮叮去菲林明道，小瑪哥米線，就係電車站隔離。呢度手機落單。呢度有套餐又有單點。我揀左酸菜魚米線$78，油雞樅菌（+$10），蔬菜（+$10）。涼拌黄金耳（半份）（$33），然後飲品係蜜語水果茶（$10）。米線個湯就唔係我地平食食開啲酸菜魚金湯。係另一種雲南風味。油雞樅菌係硬身，熱食，炒起之後個菇啲味又唔似平食啲冬菇、蘑菇，幾特別，個味好香。一search下原來係珍稀野生食用菌，據說曾經係貢品。啲魚係大鱸魚，個份量就唔算好多，但勝在夠滑身。涼拌金耳，原來英文叫tremella mushroom，別稱黃耳。見咁特別決定叫黎試下。同平時食米線成日食啲木耳。口感居然有啲似魚蛋！係凍食既，用豉油加芥末。水果茶真係有真水果，有西瓜、火龍果等等。…查看更多

小瑪哥米線食左幾次都覺得唔錯，真係幾鍾意佢將豆花放入去雲南炸醬米線🍜 所謂嘅豆花其實口感同豆腐花一樣，但就應該係冇加糖，所以就幾清新、撈埋比較鹹香味重嘅炸醬米線一齊食，感覺都幾refreshing，尤其係佢標準配備都會加埋蕃茄粒、感覺更好。其實炸醬，花生水道加豆花撈埋，好難吾好食🤤滷水雞翼喺配菜加嘅話有兩隻，都幾厚身同有肉地。鴨血、魚豆腐都好食。嘶嘶皮蛋唔算太辣，ok.水果茶好大杯，裏面水果果肉都食得，有西瓜火龍果橙最尾我哋嗌咗個玫瑰冰冰粉、都幾有玫瑰味，我老婆話口味令人感覺似rose latte。我覺得佢講得誇張咗，但都係幾好食嘅、好過堅信號嗰啲黑加侖子味冰粉好好多…查看更多