小火焰韓式咖啡廳 (金山樓) (已結業)

店員好好，我地3人叫左個2人套餐，問店員我哋夠唔夠食，佢話夠晒有餘，不斷叫我地唔洗再叫，最後我地真係有食剩野🤣炸雞好食，芝士粉&醬甜甜地其他食物一般般食到差不多時候，已經催埋單了…查看更多

第一次寫食評，係因為有一間餐廳係可以難食到咁，食到個人會好嬲，希望大家見到呢個食評，唔好再有人入去中伏。其實啲嘢食份量好大，但係真係好難食，係咁夾硬食，真係搞唔掂，都食淨好多嘢。石鍋鰻魚炒飯，完全冇味，要問佢再拎辣醬同泡菜撈過去，鰻魚肉少到搵放大鏡先搵到，但個飯上枱係好夠熱既。炸雞combo 入面有三舊甜辣炸雞，食到最後個舊先見到入面係唔熟嘅。同埋個酥脆蘑菇雞翼上枱係暖暖地，個質感係淋pat pat。板燒烤肉combo，份量係唔錯，食食吓個口黐到有條頭髮🤢🤢🤢其實員工嘅服務態度真係OK唔錯既，有禮貌。但係啲嘢食真係唔掂，好難食。永遠以後都唔會再入去呢間餐廳。…查看更多

呢間餐廳真係好令人失望，食物質素同口感都唔夠水準。一入去已經感覺唔係韓國菜館，而係一間普通嘅港式餐廳。嗰啲Like都唔知係點嚟嘅，但係味道真係令人大失所望。喺呢間餐廳叫咗兩樣野，第一樣係牛肉石鍋飯，已經係非常難食到嘅程度，仲有甜蛋，味道非常唔夾，唔知做咩野。第二樣係拉絲芝士BB豬肋骨伴泡菜炒飯，豬肋骨肉質勁肥，痴肉，泡菜炒飯就完全冇泡菜味同辣味，仲有個汁勁伏，真係嚇死人。總括嚟講，呢間餐廳唔值得一試，食物質素低劣，唔符合韓國菜嘅風格，令人大失所望，仲要有加1。建議大家唔好浪費時間同金錢喺呢度食飯，去其他韓國菜館搵食啦！…查看更多

警世: 千祈唔好去呢間餐廳‼️肚餓同男朋友求其入左呢間餐廳食個下午茶，叫左個泡菜黑豚肉鍋飯餐($48)加個小食(辛辣小杯年糕)($10)同吉列豬扒拼盤($46)。講下個小食，年糕既味道仲衰過711叮叮年糕，難食到我食左1啖就成碟再冇郁過，咁就$10，自己去買個叮叮年糕都冇咁嬲🙂我自己食飯速度每次都係男朋友食完要等我10分鐘𠴱隻慢。我食完成個飯，男朋友個餐都仲未到!!! 最後到左，男朋友一攞塊豬扒放入口，喂！凍既？？仲有啲生…即刻同個店員講，然後佢攞啲豬扒入返廚房炸多左陣….🥲？(圖為已再炸過既豬)…仲有個薯條，講真食完先覺得M記薯條原來係咁好食🥹奉勸大家…冇咩事真係唔好入去呢間餐廳ಥ_ಥ…查看更多

食物種類非常多，無論是主菜、小食、甜品都包羅萬有，食幾次都不會覺得悶炸雞又脆又熱，而且價錢不會好像外面的韓國店那麼貴，算是CP值幾高其他食物可以說是沒有記憶點，如果諗唔到食咩，又想平平哋搞掂，都不失為一個好選擇嘅佢嘅午餐、下午茶套餐都幾抵幾個朋友去叫幾款食物share都唔貴不過以衛生和用餐體驗而言，觀塘分店都遠勝大圍店，大圍店的員工有些太生手，休息時又除鞋將腳放在椅子上，令人完全冇胃口，見到都想即刻走 男的是這樣，女的也是，真係太倒胃口，完全不顧顧客感受………查看更多

可能係店主考慮到疫情之後大家都肥咗，專登幫各位減肥😂。有無加過價我唔敢講，但應該無減過價。88蚊食個比手板大小小嘅餅，係咪比去其他地方食健康好多呢！ps. 有得做埋運動，打咗三隻蚊。😓…查看更多

今次已經係第二次食呢間韓式餐廳，上一次感覺唔錯。環境算舒適，服務態度良好。同大圍站大約5分鐘距離，而且餐廳位於大街，一D都唔難搵。等候時間唔使10分鐘。本身想揀一個主食再隨便揀D小食。但服務員極力推薦二人套餐，最終揀左五菜一甜品既二人套餐。每款都值得打卡，喜歡韓式食物既朋友可以一試。豉油蝦配糖心蛋，醬汁配蝦好味👍🏻，口感新鮮。香芒炸雞沙律，蔬菜新鮮爽口，食落開胃。年糕炸雞半份，唔好睇只係得四件，件件都差唔多有手掌甘大，一定夠飽。牛肉鍋，湯底稍嫌清淡，牛肉相比炸雞表現冇咁出色。鰻魚飯，紫菜配上鰻魚飯味道新鮮，個人非常喜歡。二人套餐再配兩個飲品，人均約$250。每一道餸菜都好好，尤其是炸雞分量真係比心目中多好多。二人套餐份量簡直夠三人食。下次再食真係要預備好個胃。…查看更多

係大圍附近游完水想食野補充體力，路過見到餐牌啲野食都幾吸引，自己同朋友本身又鍾意食韓國野，就一齊入咗去試下！泡菜豬肉炒粉絲 $108整體都幾好食，份量又足。但可能炒得唔夠耐，碗底有少少湯汁，但味道都ok! 辣炒豬肉食石鍋飯 $98食落有驚喜泡菜豬肉嘅份量好多，撈埋啲飯又甜又辣，食落好開胃。旁邊仲有啲黃瓜拌飯, 可以解油膩, 而且同個飯好match, 多咗層次感。 可惜今次得兩個人去食，淨係試咗兩樣主菜，下次仲想試多啲野…查看更多

比較唔同韓式餐廳，呢間啲食物好足份量，好味又抵食泡菜肥牛炒粉絲 $108份量好足, 但覺得味道一般。可能炒得唔夠耐, 有少少湯汁係底。但整體味道ok辣炒豬肉蓋飯 $98食落有驚喜，而且價錢都幾抵。因為自己唔食得辣所以嗌咗少辣, 味道啱啱好。…查看更多

門店貌似韓店，不斷播韓國MV，食物完全不是韓式，炸雞🍗大件似麥記，無雞肉味炸醬無味個汁多到浸住啲雞，但雞肉juicy；薄餅中式薄餅加幾件泡菜和幾隻無味蝦；炒飯啲豬肋骨同甜酸豬仔骨差不多，服務唔好提啦⋯⋯…查看更多

人生第一次飲到啲咁嘅湯，完全冇泡菜味，又唔辣、唔酸，仲要得少少泡菜，食落係有泡菜味，湯就唔知係咩湯咯…叫個lunch外賣又唔係特別平，俾咗百幾蚊蝕俾你都一肚氣，食完都唔知自已食咗啲咩…查看更多

今日同朋友聚餐，想食韓國菜，佢就揀咗依間餐廳，佢話之前喺觀塘食過超級好食，今次就試吓其他分店，由於好肚餓，所以淨係影咗兩張食物相😂😂冇影到炸雞，味道就正正常常幾惹味，不過炸雞就可以再嫩滑啲，但係整體都唔差。有影既海鮮菜餅，餅底比較薄同埋脆口，海鮮就好足料，不過就比較淡口味，食唔到濃味嘅可以食依個。另外再叫咗個甜品，糯米糍3.6牛奶乳雪花冰，好似個個都叫，跟大隊叫😂，牛奶味係幾重，糯米糍或者冰都係正正常常。整體嚟講係幾抵食既。…查看更多

今日同朋友去咗大圍呢邊做嘢😆，原來屯馬綫過去都係三個站👍🏻👍🏻 試咗呢間韓式餐廳，餐牌好多款式！最緊要係我想食飯，朋友想食甜品，一間餐廳搞掂晒！.環境方面，寬敞闊落👍🏻響大街好容易搵到！.炸紫菜卷紫菜卷炸得好酥脆，紫菜入邊包住粉絲，外脆入面彈牙！.香燒牛扒蕃茄湯烏冬蕃茄湯底味道濃郁🍅🍅午餐仲可以用優惠價加配小食，我就叫咗芝士炸雞😚.爐板燒布朗尼🍫推介甜品！我同朋友一見到就想試試，上枱時，果然冇失望，佢嘅賣相好精緻，因為一路燒緊鐵板嘅關係，布朗尼熱辣辣，雪糕凍冰冰，仲有少少溶緊落嚟，一口白色一口黑色放入口，真係好正！.芒果窩夫🧇芒果好甜😎 配窩夫和雪糕無得輸！.午餐包咗飲品😚 叫咗杯咖啡☕️完美😎…查看更多

個盤上到嚟仲係熱辣辣，而且上邊都有好多嚿豬肋骨，非常足料。佢用甜辣醬汁🌶提前醃過，所以每一啖都好香，◕‿◕軟腍，而且入味。.而表面都有好多融化咗的芝士🧀同埋薯蓉粟米，原來排骨仲🦴可以卷埋啲cheese一齊食，化身牌芝士排骨。.多重變化嘅食法， ✺◟(∗❛ัᴗ❛ั∗)◞✺真係令人耳目一新！吃起身排骨好香，加上咗惹味嘅泡菜，炒飯辣辣地，👍更加唔會覺得膩。.板燒烤肉 combo(🇺🇸特選美國牛板腱&牛小排)，原來哩度，🥩仲可可以自己烤肉。啲肉都好新鮮，搭配埋一碗飯最好不過。…查看更多

位於大圍的小火焰餐廳，一直都是人氣之選，目前已有樂富，觀塘的店，今次來到有不少高質食店的大圍，光顧後發現不會和附近的小店比下去。環境上，餐廳的大壁畫好容認真店內不停地播放韓國音樂，節拍強勁，電話落單很方便。價錢平，份量足。裡面也有不少的美食可介紹🔹溶岩芝士炸雞🔹望上去有點像嘉多娜的名物法式布甸包，卻是必食之選，可以將炸雞放上溶岩芝士點，重可以食那個幾脆的法包，我地一班人食都唔怕唔夠飽。🔹板燒烤肉Combo🔹板燒牛肉份量勁足，配上酸甜開胃的鮮菠蘿，就不會只食肉咁Dry, 加上三種醬可選擇，必點。🔹牛肉石鍋飯🔹充滿飯焦的牛肉飯，材料有生雞蛋，生牛肉，酸瓜，木耳絲，青瓜，蘿蔔絲，泡菜，店員會幫你撈匀，等2分鐘可食，建議落韓式辣醬會更美味。🔹芒果布朗尼3.6牛乳雪糕🔹這裡的芒果非常新鮮，腍，配合上硬的朱古力布朗尼，一硬一軟，對比度大，甜品控一定滿意😄。🔹青蘋果熱情果梳打🔹這個賣相就好似係不死的經典打卡飲品，感覺就是爽，而且呢種擺法讓混合的味道逐漸增加，越飲越爽。🔹北寄貝水冷麵🔹配上蘿蔔味湯底的北寄貝水冷麵，份量十足，隨著天氣漸熱，新鮮冰爽的水冷麵為必點前菜。🔹冰梅蕃茄沙律🔹蕃茄都是用有機種植蕃茄，加上冰梅漿，會是一個很好的開胃前菜…查看更多