小火焰韓式咖啡廳 (樂富廣場A區)

营业中

休息中

今日在樂富足球場睇完阿仔踢波後兩個搵下附近有乜嘢好嘢食～～ 畀我哋搵到一間韓式餐廳！經過門口已經畀兩個火焰公仔吸引住！望一望餐廳內好多位丶好闊落～感覺應該坐得好舒服所以我哋決定入去試一試！ ！見到餐牌價錢都好合理！我哋便叫咗一個石鍋🐮🍚一個🐂肋骨湯麵🍜～～1） 牛肉石鍋飯 $108 ⭐⭐⭐⭐⭐ 成碗石鍋飯份量好足夠兩個人食, 仲有🍚蕉～熱辣辣丶香噴噴～好足料！牛肉亦好足夠～餐廳職員仲教我哋撈完先好食！加埋辣醬～正～少少辣！接受得到！好滿足呢～～～牛肉石鍋飯撈完之後變成咁嘅樣！ 雖然賣相有啲差，但食落口好好味！好豐富！仲有一碟小泡菜送！ 個泡菜好好味！好似我去咗韓國🇰🇷🇰🇷食嗰啲泡菜～ 燴牛肋條淮山麵配香濃🍅🍅湯底$78 ⭐⭐⭐⭐呢碗蕃茄淮山麵送到我們面前已經聞到香噴噴的牛肋條味，好想一啖食咗佢！不過,缺點係唔夠熱,湯底只是和暖！餐廳內有足夠紙巾供客人使用

今日朋友介紹我過嚟呢間食韓式嘢食同埋嘢飲嘅一間餐廳 我自己覺得相對 出面食開嘅韓國嘢比較好食高質 味道真係好好食 而且環境都好好首先我就叫咗一個 北寄貝水冷麵 出面好少機會可以食得到水冷 呢度做出嚟嘅水冷麵 好食得呢而且 麵質亦都好彈牙 再加上北寄貝都幾大 所以食落去嘅時候兩個夾埋一齊食 就更加好味道之後就叫咗呢一個大醬海鮮粉絲鍋 因為佢有好多海鮮嘅關係 再加埋佢自己嘅醬汁 大醬 兩件事炒埋嘅時候令到個湯底非常之好味道 所以最後食埋個粉絲嘅時候啲粉絲係完全會入曬味仲有飲埋 呢一杯巨峰乳酸特飲 非常之好味道嘅飲品 因為佢對方同埋乳酸嘅味道唔會話好重 所以淡淡地嘅口味加埋梳打嘅感覺 真係好解渴嘅

因為太耐冇去過韓國所以喺香港都搵一間近似韓國可以食到嘅餐廳 一解思鄉之愁 今次就帶咗一個比我更加鍾意韓國嘅朋友過嚟呢間嘢食飯 過到嚟之後見到環境非常之好 感覺好舒服 我覺得啱曬兩個人過嚟食飯 坐低之後基本上就係叫番之前去韓國旅行可以食嘅嘢芝味炸雞首先一定要叫炸雞 炸雞係韓國一定食嘅嘢 呢度 炸出嚟嘅感覺真係好有韓國嘅味道 可能關於佢個裝修氣氛都好韓國 所以成件事真係非常之正 炸雞都非常新鮮 咬落去入面嘅熱度係會令到有少少煙飛出沙律: 脆米豬手沙律呢個 脆米豬手沙律就係我哋第二樣食嘅嘢 估唔到兩件事配搭埋一齊都幾好食 平時好少食到豬手 配搭埋沙律 豬手係啖啖肉 所以好正醬油鮑魚配手握紫菜飯呢一個充滿著醬油嘅味道 仲有鮑魚嘅味道 香濃嘅味道配合埋譚生嘅紫菜飯 兩件事完全中和番

估唔到樂富都有咁多咁特別又好食嘅嘢食 呢個真係有驚喜喜出望外 平時覺得樂富都係冇乜特別 不過可能因為我太耐冇嚟 所以係我自己見識少 今次就咁啱過到嚟呢度食咗一餐好好食嘅韓式餐 感覺置身於韓國咁今日過到嚟呢度 見到門口都有人等緊位 睇嚟都幾熱鬧 不過我見到員工其實都好快手 三兩下手勢就處理完一台 果然熟能生巧 我哋坐低咗之後亦都睇咗一陣餐牌 今次主要都係食下啲小食先醬油鮑魚配手握紫菜飯呢個油醬油整出嚟嘅鮑魚 再配合埋佢嘅紫菜飯 兩件是相輔相成 醬汁好香 再加上鮑魚亦都有鮑魚嘅鮮味道 然後配合埋飯 一齊放入口 感覺真係一個享受脆米豬手沙律呢一個脆米豬手沙律 都幾多豬手 同埋啲脆米真係好脆口 再加埋沙律 感覺好食得嚟又健康

今日過到嚟呢間樂富嘅韓式咖啡廳 呢度係主要食一啲韓國嘢或者係飲韓國嘢飲 作為一個對於韓國非常之有熱誠嘅人 一定要過嚟食下 因為呢度做真係做得非常之有味道 好有韓國人嘅風味 真係值得一試 過嚟呢度見到環境非常舒服 好有網紅店嘅裝修 畀人一種好新潮嘅感覺 人流嚟講都幾多 睇嚟呢間都係好出名嘅 上網睇一睇先知原來呢度好多分店大醬海鮮粉絲鍋 $78呢個就係今日特別想介紹嘅 大醬海鮮粉絲鍋 呢個嘅醬汁調教得非常之好食 真係有一種好韓國嘅感覺 再加上上面嘅海鮮都幾多 分量幾充足 然後下面嘅粉絲亦都係用咗韓國粉絲 所以食落去嘅時候好彈牙之餘都好吸味道 最緊要就係因為佢係用鍋上嘅 所以夠曬熱辣辣 冬天嚟食真係超級爽紅柚荔枝梳打之後有埋呢個荔枝梳打 呢個梳打非常之好味 係一種清清哋嘅感覺嚟嘅 再加上去荔枝味道非常出眾 飲落去舒服 而且可以降溫

今日因為放假所以喺屋企煲咗成日韓劇 睇完之後真係好似中咗毒 全部嘢都好想試下韓國嘢 然之後就上網睇下有啲乜嘢食 想食一餐好食嘅韓國餐 然後發現到呢一間 韓式咖啡廳 所以就即刻狗衝過嚟過到嚟果然係真係有韓國嘅味道嘅裝修 真係可以滿足到大家嘅韓劇癮坐低之後留意下個餐牌 我自覺得好多嘢食 同埋餐牌設計係另一種好容易睇好舒服嘅感覺 呢件事真係要讚一讚 尤其係要對我呢啲有選擇困難症嘅人主食: 牛肉石鍋飯頭先坐低之後就叫咗呢個 主食 牛肉石鍋飯 石鍋飯真係好熱 真係好好食 上面嘅牛肉嘅肉質都好靚 牛肉係仲有少少 牛肉汁 落去下面嘅石鍋飯入面 就更加香炸雞 : 芝味炸雞大雞就叫咗呢個芝味炸雞 炸雞肉質好好食 加上嘅芝士味道亦都好好食。

今日係朋友介紹之下 搵到一間開咗冇幾耐 坐得好舒服而且嘢食都好有特色嘅一間韓式咖啡廳 呢間地點喺位於樂富 旺中帶靜嘅地方 所以相對上亦都好舒服 過嚟嘅時候都算方便 地點唔算好難搵 然後嘢食亦都係好好食嘅前菜 : 醬油鮑魚配手握紫菜飯一個醬油鮑魚配合埋自己 手握紫菜飯 有得玩就有得食 真係好正 同埋鮑魚味亦都好好味道 紫菜飯都好好食沙律 : 香芒炸雞沙律呢個具有特色嘅香芒炸雞沙律 呢個配搭我覺得都好特別 但係亦都好好食嘅 有雞嘅香味亦都有芒果嘅酸甜味道 所以作為一個沙律前菜攞嚟開開個 胃口就啱曬鍋物: 大醬海鮮鍋呢個大家都最鍾意嘅圍爐取暖 好大個鍋 見到佢熱咁樣送到上嚟 真係好開心 真係好似正宗韓國人真係好鍾意食啲好啲嘅嘢主食: 泡菜牛肉炒粉絲呢個泡菜牛肉炒粉絲 我自己覺得呢個泡菜嘅口味好適合香港人食 牛肉炒粉絲亦都係好香口 滲透在牛肉嘅味道

黎到十二月緊係想去外國睇雪景，食熱辣辣嘅食物不過疫情關係大家只好係香港感受～但其實總會搵到唔同特色餐廳享受到位於樂富呢間韓國餐廳「小火焰」就係好例子店內已掛滿聖誕裝飾睇下餐牌有咩好選擇好想試下炸雞簡直係韓國菜必食之選如果驚唔夠飽，都可以選擇粉面類當然入面仲有二人套餐選擇都好多野食提供睇到都好想試！最後我地點左炸雞一隻，同埋蟹黃炒淮山麵...第一道黎嘅係蟹黃炒淮山麵在上碟時絕對比照片更有張力，因為熱騰騰嘅蒸氣，伴隨食物嘅濃香味撲鼻而來當捲起第一箸麵時，濃厚嘅醬汁同蟹子形成嘅質感好有份量食落去更將味道提昇！牌子嘅鮮味、淮山麵嘅質感絕對係其他餐廳好難搵得到另外，我地點嘅炸雞好快送上我哋期待好耐！兩種醬汁分別係芝士醬同辣醬，陣間一定要好好品嚐！佢仲送埋個筒同埋手套俾我哋，真係好細心。炸雞拎上手仲好熱證明新鮮熱辣出爐嘅感覺，先係旅行嘅特色點辣醬真係好夾！炸雞咬落去炸粉嘅感覺好少，肉質嘅感覺好多真係啖啖肉！另外炸雞咬落去，油份慢慢滲出來，越食越停唔到口！仲有香草喺上面真係啱啱好最後，希望可以快啲去旅行可以食到真正嘅韓國美食，但係如果大家又好想試嘅時候，不妨嚟到樂富呢間韓國餐廳絕對係大家嘅心中之選！

平視想食雪冰的話通常要出到去旺角銅鑼灣，冇諗過原來樂富的韓式餐廳都有得食雪冰。為了迎接新的一年，我們決定叫紅色的雪冰，這是士多啤梨果醬，芝士餅，曲奇雪糕，忌廉，士多啤梨果肉，脆脆造成的雪花冰。這個雪花冰需要至少兩個人才食得晒，最特別的是芝士粒直情是芝士蛋糕，很香濃的芝士味，入口即溶。士多啤梨本身亦都好甜，加不加果醬其實不會影響他的甜度。底下的雪花冰是用3.6牛奶來整的，所以就算用了，也不會像水一樣淡，溶咗都一樣咁好食。原來整到這個甜品咁滑是因為在雪糕和雪花冰之間有一層忌廉。由於淨係嗌雪花冰未夠飽，所以我們叫了一份原味炸雞，原味炸雞一份有大雞件兩塊，雞翼兩隻，大雞髀兩隻，小雞髀兩隻，不要看小這裏的份量，一定足夠二人食。雞髀外面雖然有炸粉，但是入面嫩滑，連雞軟骨都可以食。這裏值得再來，因為我有很多韓式甜品都想試，但是一次過真的食不了那麼多。

今日嚟到呢間喺 樂富嘅一間食韓國餐嘅餐廳 呢間餐廳嘅位置喺樂富嘅中心地帶 所以搵呢間餐廳都唔算困難✌🏼 過到嚟嘅時候見到個門面都非常之吸引 因為我覺得佢嘅裝修好靚 好有格調 同埋真係有 網紅店嘅感覺 😎入到嚟之後見到有個餐牌 餐牌其實都幾多嘢食 同埋佢餐牌設計睇得好舒服👍🏼醬油鮑魚配手握紫菜飯👏🏼👏🏼好有特色嘅醬油鮑魚配手握紫菜飯 鮑魚係非常之有醬汁味道嘅鮑魚 鮑魚嘅味道都出 所以飯加埋一齊食就一流芝味炸雞😋😋呢一個 芝味炸雞 芝士嘅味道 非常之開胃 有拉絲嘅感覺 同埋入面嘅炸雞都好熱 每一隻炸雞都好好食脆米豬手沙律😍😍呢一個豬手沙律 豬手都幾大隻 啖啖肉無骨嘅 所以食落去 爽嘅感覺有提升泡菜牛肉炒粉絲💕💕然後呢一個泡菜牛肉炒粉絲 味道亦都好適合香港人的口味 佢嘅泡菜我覺得都幾有特色 我幾鍾意呢度食嘅泡菜。

今日食咗一間感覺好新鮮而且好特別嘅韓式餐 呢間喺 樂富嘅一間韓式餐廳 韓式咖啡室 坐到呢其實見到環境都好靚 環境咁靚心情都開心好多 入嚟睇下餐牌有啲乜嘢食 發現其實餐牌都幾特別幾有特色 係平時比較少見嘅嘢食嚟嘅 今次我哋就叫咗拉絲芝士香燒雞翼伴泡菜炒飯 $78呢一個拉絲芝士香燒雞翼 真係燒得好香 再加上佢哋嘅泡菜炒飯 泡菜嘅味道啱啱好 食落去嘅時候小小嘅鹹味 真係好開胃泡菜鰻魚燒拌飯 $78呢一個亦都係泡菜 不過就係用咗鰻魚燒 再加埋飯 鰻魚燒出嚟令到個飯都會有鰻魚嘅魚香味道大醬海鮮粉絲鍋 $78呢一個 大醬海鮮粉絲鍋 真係有濃烈嘅醬汁味道 再配合埋海鮮嘅鮮味 非常之好味道 最後仲可以一啖一啖咁食埋啲粉絲

小火焰呢間餐廳之前已經食過幾次，食物質素同埋價錢都唔錯，所以都係我同朋友之間諗唔到食乜嘢就會食嘅其中一間餐廳。之前每一次食都係食晚市，好多時候都會散叫啲食物，但係我哋呢一次晏晝嚟食，遇上午市，無意之間發現午市嘅套餐係超級抵食！！我哋叫咗一個汁燒牛肉溫泉蛋拌飯套餐，套餐包一杯嘢飲我哋揀咗蜂蜜紅棗茶，雖然係跟餐嘅但都好好飲，揀午市套餐仲可以用$15附加一樣小食，我哋揀咗脆香牛油雞翼，呢兩隻雞翼超級香口且Juicy🤤🤤🤤另外我哋仲叫咗一份蛋卷同半份炸雞，當然唔少得就係甜品-士多啤梨雪花冰！蛋卷好香好滑，同埋上面佈滿沙律醬同蟹籽，每食一啖都覺得好滿足🥰仲有士多啤梨雪花冰啲冰都充滿牛奶味，唔會好淡口，每一啖都食到濃濃嘅士多啤梨&牛奶味🤩

喺樂富行完街，見到呢間之前喺觀塘食過都覺得幾好味，依家有新分店就係好富就直接入去坐，叫野食。菜式選擇好多，重要嘅係星期六有好抵食Lunch set，同埋好豐富嘅二人餐，三人餐。但好可惜2個女仔胃口都不太大，叫唔到二人餐，就叫左一個lunch set , 另外單點 同埋最後叫左個甜品。-燒汁牛肉溫泉蛋拌飯 飯量好多，2個女仔都食唔晒，牛肉都好夠，唔會太少。而且呢個lunch set 仲送埋熱飲，就叫左杯熱蜂蜜紅棗茶，滋潤補一補。另外加咗$15要多個脆香牛油雞翼，完全抵食。-韓式蟹子春卷 食韓國菜點可以唔叫蛋卷，呢個蛋捲雖然唔係芝士餡，但一樣好好味。仲配埋少少沙律，令人食完都唔會好膩。-韓式甜辣年糕炸雞（半份）半份雞大約有成4-5件大大件雞，炸粉唔會好多而且仲爆醬，只可惜太辣了，辣都冇甜味，性價比較貴。-草莓3.6牛乳雪花冰呢個牛奶味好重好正，d冰好綿滑，配埋啲脆脆，食落兩個口感，仲可以解辣😂。十分推介呢個甜品👍🏻👍🏻👍🏻

這間在觀塘吃過4-5次，當時只有觀塘店，今次終於在樂富開了新分店，店舖比觀塘的大兩倍🤩不需要等位直接入到座🤪🤪餐廳有很多韓文字，又播韓國mv, bar枱更是以貨櫃形式，十分正有創意😙💠炸紫菜卷 Deep Fried Seaweed Vermicelli Rolls $48口感脆卜卜，入面是包著粉絲，外層是紫菜，然後拿去油炸.自己再浸入麵包入面的奶油食，很夾☺️又脆又軟.💠溶岩芝士炸雞麵包 Fried Chicken Bread w/ lava cheese $188每次食也是必叫🤪🤪因為這個實在太好食😍有炸雞、農夫包、沙律菜和墨西哥片，脆身的墨西哥片配上芝士醬😍😍絕配！👍🏻沙律菜fresh又清新.炸雞外皮對肉多，外脆內軟，一定要沾奶油醬，大大力浸入，好邪惡又好味，超香濃的奶油香又不會膩👏🏻👏🏻最後連同麵包一起食，超滿足，麵包香脆夠軟熟.💠石鍋蟹籽彩雲拌飯 Stone Pot Bibimbap $88超多材料，有如彩雲五顏綠色，主要是不同種類的雜菜加在一起，倒上辣醬後連同石經鍋底的飯焦mix 在一起食，超香口.😽😽😽

今日因為同事喺樂富附近做完嘢 時間尚早所以就搵一間coffee shop打算坐低休息一下 然後畀我哋發現到一間裝修幾場都有特色 一睇落去就知入面坐得好舒服同埋好超嘅一間餐廳 一家專門做韓式嘅餐廳 過到嚟嘅時候其實 呢個時間 人又唔算好多 所以相對上坐得更加舒服藍柑白桃梳打頭先要個飯呢杯梳打 顏色方面真係超級靚 有啲陣陣嘅藍色嘅感覺 然後再配搭埋白桃嘅味道 呢個感覺好fresh紅柚荔枝梳打呢杯同樣都係 不過就變咗紅色 加上佢荔枝味都好 重 飲落去嘅時候又舒服大醬海鮮粉絲鍋 $78呢個就真係好似喺韓國食嘅一個粉絲鍋 因為熱辣辣咁上 所以見到好多水蒸氣 加上天氣開始凍 西式呢個真係有 溫暖身體嘅感覺 然後再講下去海鮮嘅味道亦都好重 非常之好味