小火焰韓式咖啡廳 (樂富廣場A區)

营业中

休息中

小火焰啲嘢食真係超高質素 完全估唔到 非常之有驚喜 好似真係去咗韓國旅行咁 食咗韓國當地菜大醬海鮮鍋呢個就係今日嘅超級主角 大醬海鮮鍋 呢個 大醬嘅醬汁真係非常之類似喺韓國食嘅當地菜嗰種味道 再配合埋佢哋嘅海鮮 都係非常之新鮮嘅海鮮 所以煮落去嘅時候會見到個湯底會有海鮮嘅鮮甜味道芝味炸雞真係新鮮滾熱辣 啱啱出爐咁樣香芒炸雞沙律 配搭都好特別用咗芒果同埋炸雞 然之後配搭沙律 食落去嘅時候玩味好重當然唔少得呢個用泡菜整成嘅泡菜牛肉炒粉絲 真係超級鍾意食佢呢度嘅粉絲 可能因為有泡菜嘅味道喺入面 所以就好開胃

今日就等我介紹下小火焰嘅嘢食 首先過到嚟嘅時候環境我覺得好靚 好有去咗韓國嘅感覺 所以感覺好耐冇去旅行呢度都可以舒緩一下🤪🤩沙律: 脆米豬手沙律🥗呢個脆米豬手沙律真係好特別 因為佢係用個豬手同埋沙律係配合 豬手仲要係啖啖肉嘅 真係非常之正 配合埋沙律個種清新嘅感覺 冇得頂炸雞 : 芝味炸雞🍗呢個芝士做出嚟嘅炸雞 炸雞好好味道 熱辣辣 再加上啲芝士有拉絲嘅效果真係非常之有趣主食: 泡菜牛肉炒粉絲🐄泡菜牛肉炒粉絲 泡菜嘅味道真係好啱香港人口味 再加上好多牛肉 都係份量好多嘅

喺香港要搵到一間有質素嘅韓國餐廳其實真係唔係咁容易 今日畀我發現咗一間都算係連鎖式嘅 相信佢一定係有一定質素 所以今日就過咗嚟呢度食飯過到嚟嘅時候見到裝修都係好有規模好舒服嘅拉絲芝士香燒雞翼伴泡菜炒飯 $78首先要講下呢個拉絲芝士香燒雞翼伴泡菜炒飯 芝士真係做到拉絲嘅效果 非常之野味 然之後泡菜炒飯亦都令到啲飯生色不少大醬海鮮粉絲鍋 $78然之後就係呢個熱辣辣嘅大醬海鮮粉絲鍋 大醬嘅味道真係好開胃 令到個飯好食咗好多

今日過咗嚟樂富，同一個朋友傾計，無啦啦傾下傾下就傾咗韓國明星😂😂😂越傾越開心，之後突然間就好想食韓國菜啦 所以就即刻喺屋度搵下附近有啲乜嘢韓國菜餐廳！點知畀我哋搵到一間好近我哋嘅，所以就立即過咗嚟呢度食嘢啦❤️😎過到嚟之後我哋就嗌咗個二人餐，二人餐嘅份量都幾多，一個人都差唔多係唔使300蚊 其實都好抵食！弘大二人餐 $488前菜，沙律，炸雞，鍋物，煮食，甜品，飲品呢個價錢已經有齊曬咁多樣嘢呀 同埋啲嘢食都係超級正超級有水準 頭先食咗個沙律已經係非常之新鮮嘅蔬菜 然之後當然唔少得食炸雞 真係好有韓國風味嘅炸雞 最後天氣凍食埋個大鍋 熱辣辣上嚟 正到爆

樂富廣場最近進駐左唔少新食肆，呢間「小火焰韓式咖啡廳」就係其中一間。餐廳嘅裝修好型格，摩登時尚，加上開放式門面，感覺開揚舒適。場內置有多部電視不停地播放著 K-Pop MV，令人充滿活力。點左兩個午餐同一客小食：酥脆芝士蘑菇雞翼。午市免收加一服務費，另外每個套餐都會奉送咖啡或茶。酥脆芝士蘑菇雞翼 ($68)  雞翼炸得好香口，外皮酥脆不油，雞肉釀入了芝士同蘑菇粒，入口滑嫩鮮甜，啖啖「芝」味又充滿菇香。接著送上嘅汁燒牛肉溫泉蛋拌飯 ($58)  賣相亦很吸引，飯面鋪滿了牛肉，中間放左隻溫泉蛋並灑上了大量芝麻作裝飾，而圍邊則放了不少什菌、椰菜、紅蘿蔔和紫菜絲等，用料十足。牛肉嫩滑富肉香，米飯粒粒分明，再戳破溫泉蛋拌勻吃，蛋汁滑溜香甜，美味。另外呢客吉列豬扒蕃茄湯烏冬 ($68) 亦做得幾有水準，豬扒嘅炸漿非常薄身，咬下香脆鬆化，有嚼勁得嚟又富肉香，絕非一般貨色。蕃茄濃湯味道酸甜有致，帶蔬果嘅天然甜香，配以滑嘟嘟的烏冬，口感極佳。跟餐飲品點左蜂蜜生薑茶同即磨咖啡，兩杯飲品都熱辣辣，生薑茶薑味唔會好重，帶蜂蜜嘅清甜，飲完成身暖笠笠；隨咖啡更會附上一塊曲奇餅，誠意十足。

呢間餐廳既主題公仔係一隻紅色既小火焰, 見到周圍都係放左好得意既火焰公仔, 而且又有一些雞公既可愛漫畫, 有趣!我地兩個人可以坐到一個4人坐位, 舒服!MENU 都幾多野食, 我地叫左兩個LUNCH SET:泡菜烤雞腿肉拌飯$58+一杯熱蜂蜜生薑茶，加咗個小食卡邦尼小杯年糕$10明蝦水冷麵$80+藍柑白桃梳打$28+小食芝士夾餅$15泡菜烤雞腿肉拌飯雞腿飯整體外形幾豐富, 而且好食! 飯夠熱，加埋紫菜、泡菜好香，椰菜唔會好油，雞腿肉肥瘦適中, 同埋都幾大碗!明蝦水冷麵外形十分討好, 有半隻糖心蛋放左係上面, 而且有一些碎蔥花, 芝麻, 蕃茄, 幾隻蝦好整齊咁放係上面, 成個畫面都好舒服又靚!個蘿蔔凍湯幾清甜芝士薄餅幾好食，個面脆，晤會膩，要趁熱食，以防芝士會乾身呢卡邦尼小杯年糕呢個size當前菜 / 配菜啱啱好幾濃芝士味，年糕唔會太大條，汁夠多，有煙肉、雜菇芝士味好濃，喜歡芝士既人要試下啦!藍柑白桃梳打顏色好夢幻既一杯飲品, 酸酸甜甜既口味, 底部有D好碎嘅椰果粒, 增加咬口熱蜂蜜生薑茶，有幾片薑，跟餐唔使加錢，又大杯，抵，解下膩唔錯整體坐得幾舒服, 性價比不錯, 有d小食加下幾開心,

近排天氣凍當然想食啲熱嘢 除咗打邊爐之外都會想睇下有咩其他嘅選擇 然後就俾我發現到呢個 食韓式料理嘅餐廳 然後就過咗嚟呢度食嘢 過嚟見到環境好靚 燈光光猛 舒服嘅柔和燈光畀人一種好韓國嘅感覺主食: 牛肉石鍋飯🐮🍚呢個煮食牛肉石鍋飯 真係熱辣辣嘅 超級好食 上面嘅牛肉質素好靚 有牛肉好濃烈嘅味道 配合埋下面好香嘅石鍋飯 配合埋一齊用匙羹放入口真係好正呀👍👍👍藍柑白桃梳打🧊🍹然之後再飲呢一杯降溫 味道都調教得啱啱好💕

泡菜鰻魚燒拌飯，呢個飯係用石鍋載住，所以啲飯攞到出來係熱辣辣，同埋唔怕食下食下會凍曬呀，因為佢個石鍋係燒熱咗嘅，呢個飯會畀一個辣醬我，啲飯撈埋這個白飯和泡菜食，辣辣地都幾開胃，條鰻魚都幾大塊，鰻魚上面會有好多燒鰻魚汁，甜甜地的另外呢間餐廳都會有其他選擇，嗰啲烏冬同埋飯有好多都係60蚊左右，都幾抵食凍比利時朱古力，朱古力味幾香濃嘅，咁上面會有啲cream嘅。呢間係屬於韓國嘅餐廳，裝修上面都幾時尚，同埋乾淨，坐喺度食飯都幾舒服嘅

今日同同事喺樂富附近做嘢 所以今日就嚟到呢間喺樂富嘅韓國嘢食餐廳 我見樂富好似都比較少韓國餐嘅出現 難得喺樂富見得到所以就過嚟呢間餐廳食嘢 過到嚟環境都幾舒服 我同同事一人叫咗一個午餐北寄貝水冷麵 呢一個我自己覺得好好食 北寄貝好新鮮嘅 所以食落去嘅時候係有少少爽口嘅感覺 再配合埋水冷麵 水冷麵嘅質地係真係好好味 一啖一啖食入口道 真係享受朋友就叫咗呢個大醬海鮮粉絲鍋 我試過佢個湯都好好味 同埋我見海鮮都幾大 下面嘅粉絲就分量都ok 最後我同同事異口同聲都認為呢間餐廳嘅質素好好

今日朋友介紹嘅關係所以過咗嚟呢一間喺樂富嘅 韓國餐廳食飯 我自己覺得呢度嘅環境好好 自己最鍾意呢度嘅燈光好柔和 畀人一種好放鬆好舒服嘅感覺 再加上呢度嘅位置都好舒服 坐落去嘅時候有軟淋淋嘅感覺 員工嘅服務態度我自己就認為非常之好吉士蛋糕拼3.6牛乳奶凍首先等我講下呢一個 非常之香牛奶味道嘅奶凍 係我自己超級鍾意食嘅脆米豬手沙律然後仲有呢一個脆米豬手沙律 豬手都幾大塊 同埋係冇骨嘅 食落去真係非常之爽 然後再食埋沙律感覺都健康好多牛肉石鍋飯最後食呢個咁 熱辣辣嘅牛肉石鍋飯 上面嘅牛肉係好好食 然後下面嘅石鍋飯亦都好多飯 食完之後真係好飽

之前都有試過其他分店，見到樂富又開咗間新嘅分店，距離屋企有幾近，所以就過嚟試一下。我哋嚟嘅時候，係中午嘅時段，人數唔算太多，而且中午會有午餐menu，所以都好抵食下午。🍜🍜我哋叫咗兩樣嘢，分別係凍嘅水冷麵，同埋熱辣辣嘅拉絲芝士烤豬肉拌泡菜炒飯。 首先水冷面方面，味道就好正常，對得住個價錢，另外餐廳有落到冰去凍住啲麵，唔驚食得太耐會唔凍，呢樣嘢值得加分👍👍👍豬肉飯方面，賣相十足，上菜嗰時就同張相嘅一模一樣，都係滿滿嘅芝士，特別令我意想唔到嘅係，餐廳居然用咗肉餅嚟代替豬肉，肉餅包住啲餡料，有唔同嘅口感🥰🥰另外，本來我哋怕唔夠食，如有見到佢加小息有優惠，所以叫咗幾份嘅小食，分別係牛油雞翼，兩款嘅炸雞，佢嘅小食都幾有驚喜💕

新派韓式餐廳，品種多到選不過來，而且菜式都很特別，客户口味拿捏得死死的，基本韓國特色在這裡都能找到。口味很不錯，炸雞高水準，羽衣甘藍菜餅口味層次豐富，環境很漂亮，舒適！非常適合朋友聚餐。

今日過到嚟食一間非常之精彩午餐嘅韓式餐廳 呢間餐廳非常之有特色 首先講佢嘅環境真係好韓國嘅環境 再配合埋佢嘅燈飾 燈光 都係偏向右和嘅韓國風 再加上佢呢度嘅座位都好舒服 過到嚟食午餐完全係一種享受 然之後入到嚟嘅時候 餐牌都好多嘢食 最犀利嘅就係我竟然見到我最鍾意食嘅水冷麵北寄貝水冷麵 性價比真係非常之抵食 72蚊就可以有一個 呢個價錢真係非常之抵食 仲要食到非常之地道嘅韓國菜 再加上去北寄貝係用咗好新鮮嘅！另外泡菜鰻魚燒拌飯 泡菜嘅味道非常之勁 好有韓國風味 再加上去埋亦都好大塊 所以其實都係一樣好抵食

樂富係一個好耐都冇黎過嘅地方😳 過到嚟之後肚餓就搵下呢度附近嘅餐廳食飯 然後就搵到呢一間韓國餐廳😎 立即走入咗嚟坐低睇下有乜食😍坐低好快就決定要食啲乜嘢👍🏻👍🏻👍🏻講下呢個牛肉石鍋飯🙈🙈🙈 我自己好鍾意食呢一個石鍋飯 因為上面嘅牛肉質地好靚 石鍋飯下面嘅飯焦亦都係好好食嘅 自己就覺得佢哋處理得非常之合當👍🏻炸雞: 原味韓式炸雞❤️❤️❤️之後再食埋呢一個 原味嘅韓式炸雞 炸得呢非常之新鮮 擺入口食嘅時候果陣香味同肉汁即刻湧曬出黎❤️❤️

今日同朋友喺屋企睇咗好耐k-pop 之後突然間就好想食韓國嘢 然之後就順便上網睇下有啲乜嘢食 見到原來係佢屋企附近樓下有一間 所以就即快速沖咗過嚟 帶住非常之興奮嘅心情 過到嚟嘅時候見到裝修非常之滿意 心情真係進一步更加靚拉絲芝士香燒雞翼伴泡菜炒飯 $78過到嚟之後我自己首先就嗌咗呢個拉絲芝士香燒雞翼伴泡菜炒飯 有拉絲感覺嘅芝士真係超級正 然之後隻燒雞翼都好香 咬落去嘅時候入面仲有啲雞翼嘅雞油 最緊要個泡菜炒飯 呢個泡菜味道真係非常之適合我巨峰乳酸特飲之後再叫埋呢杯特飲 巨峰乳酸特飲 巨峰味道非常之出眾 乳酪亦都唔會話超級重嘅味道 食完之後今日真係好滿足 可以完全體驗到韓國 生活 同埋都好好食 我覺得係比較出眾嘅一家韓國餐廳。