小桃園餐廳小廚

​位於屯門碼頭啟豐商場的小桃園餐廳，是不少街坊的日常飯堂。這次趁下午茶時段來訪，簡單地點了份炒貴刁和燒鴨瀨粉試試水準。整體而言，雖然環境不算豪華，但食物的出品卻是踏實而有驚喜。​先說說炒貴刁。這份炒粉麵的表現確實不錯，鑊氣處理得相當到位。貴刁條條分明，沒有結成一團，證明火候掌握得宜。醬汁的鹹甜度恰到好處，均勻地裹在每一條粉上，色澤油亮，但吃起來卻不會過分油膩，碟底很「乾淨」。配料如蝦仁和叉燒雖然不是主角，但也新鮮入味。它沒有特別花巧之處，但能將一份經典的炒粉做到這種乾身而有味的程度，已是高分。​接著是燒鴨瀨粉。燒鴨件雖然不是「斬大舊水」，但皮下的脂肪層薄而帶油香，肉質亦保持嫩滑。最值得稱讚的是湯底，清而不濁，帶有淡淡的鴨肉鮮甜，不會有味精的重口味。瀨粉本身夠滑，吸入湯汁後口感更佳。在下午茶時段，來這樣一碗暖胃的瀨粉，是實而不華的滿足。​總括來說，小桃園的下午茶以港式茶記標準而言，是物有所值的。特別是那份乾炒貴刁，足以見到廚房的基本功。如果想在屯門碼頭附近找個地方，吃份有鑊氣的炒粉麵或實在的燒味，這裡是一個穩陣的選擇。…查看更多

今日喺屯門食咗呢一間茶餐廳，茶餐廳落單都非常快手，而且落咗單大概3分鐘就到，非常有速度，今日叫咗個燒味飯，兩個餸，就揀咗燒肉同埋油雞燒肉嘅味道正常，而且我覺得份量都幾多，咬落去再加埋芥辣嘅味道非常好食，送飯一流，而且我覺得佢嘅份量都幾多，整體嚟講我覺得呢一個價錢都幾算幾抵食，油雞嘅味道就冇乜特別，普通燒味嘅水準，整體嚟講都覺得呢一間餐廳中規中矩，最後加多杯凍檸茶，凍檸茶味道正常，都係冇乜太大驚喜！…查看更多

去開嗰邊商場睇醫生，就隨意入左尼間餐廳食埋晚飯內文想澄清返，唔係全部員工態度都唔得，有兩個姐姐係nice的，仲有同我地傾兩句～又會同小朋友傾下計但大部分都係西口西面咁🥲🥲總之唔多舒服，但反正唔係黎食服務，所以都唔怕啦-我地叫左套餐，都算抵食，$3xx有1個自選湯羹、1個燒味拼盤、兩個自選小菜同埋白飯4個燒味拼盤唔差～ 份量亦可以d叉燒叫做肥瘦相隔，我覺得比讚👍🏻👍🏻食落岩岩好，完全唔會柴！-豉汁帶子豆腐就太鹹🙈唔送飯完全食唔到，希望之後可輕手d…查看更多

今晚同朋友來食小菜，叫左個$88蚊魚肚粟米羹，一啲羮結既感覺都沒有，稀到一個點，又無粟米味，勁淡，簡直不知所謂，勉強飲左兩碗仔，好似飲水咁，叫左個小菜鼓汁帶子蒸豆腐，豆腐又「鞋」，又硬，又淡，食到口淡淡。超級唔掂☹️，店員仲好笑，我同佢講廣東話，佢同我講勁快國語咩料，依度係香港唔係大陸，大佬，你講國語返大陸啦，成間野用四個字來形容，不知所謂，一定唔會有一次，錢又識收人，但咁既底質素，食到我成肚火！比錢唔緊要，唔該比返啲質素人呀！…查看更多

茄汁豬扒意粉一般港式汁飯/意粉係feel到用鬆肉粉整到非常之鬆軟嘅豬扒傳統港式茄汁汁意粉係會考慮肥胖問題之外，因為油膩感都重價錢及昩道都無太大問題不過環境來說對住過海食飯的確係幾清新不錯環境上的唯一的缺點是好大風😂😂😂😂…查看更多

有人幫襯，都唔一定代表出品有保證！老婆好想食飯焦，所以叫了一個鍋蛋牛肉煲仔飯，落單聲明要有飯焦，點知食到煲底，一粒飯焦都搵唔到！大佬呀，黐底同飯焦係兩回事啊！飯身唔夠乾，完全冇煲仔飯的風味！另外，叫了一個上海粗炒，一嚟到見到個様，唔講都唔知呢個係上海粗炒，老抽都慳返，食落去完全唔係嗰回事，嬲到我罷死！冇下次！…查看更多

琴晚諗住凍凍地又行得累，見到外邊好多人食就走入去試吓，點知。。。。。。。。。。。入去先點左個臘味煲仔飯，點知冇味嘅，又唔乾身第二道係梅菜扣肉煲，鹹到黐肺，飲水都唔掂第三個椒鹽鮮魷，出邊塊炸皮厚過我塊腳皮最後一碗例湯，完全係溝水溝出嚟，真係唔會有下次，最後埋單二百幾眼見衛生情況，十分惡劣，用完枱布抹枱冇消毒，枱上邊仲有食物殘渣…查看更多

傳聞中都出色的茶餐廳，又要試吓，不用等位，服務員有禮，門外看到粥餐，想也不想就決定坐下。 講真茶餐廳的粥品不能太高要求，所以正常已叫性價比高。一轉眼已上了鹹肉粽，外型十分討好，綠豆又多，😍已期待，開始由角食起（習慣嚟），綠豆軟綿綿，勁開心，肥都唔怕，唔理卡路里，決定就地正法，一口起吃掉它……食到半路，怪怪地中間部份明顯冰涼硬硬的……心就一沉，左右思緒出來《叫換過》《轉嘢食》……想一想，肚皮不一定再食到，算啦，食邊就算，嗰天都唔想我肥。 再來就是超熱的菜乾排骨粥，已沒有期望，心想熱就算啦……嘩！唔係平日的肥排骨，而係咸豬骨，好好好，馬上下火。不氣了。 早上食就ok，會俾多次機會佢，唔食粥，試其他再點評。…查看更多

過咗11點諗住去搵早餐啱啱過鐘截左單飯類多選擇！ 另外炒粉炒麵都唔錯仲有燒味飯不過太早就唔想食咁濃同咁多想食湯麵！ 得百搭常餐但係冇麵包有包嘅餐就無麵食冇出面平時一般嘅常餐最後叫咗個牛腩粗面牛腩同個湯腩汁冇乜特別牛腩有一兩舊有啲”鞋”反而粗麵幾好食！麵唔太淋太硬辣椒油都算香辣唔係剩係得死辣個住凍鴛加三蚊都係正常發揮埋單一個人$46正常價錢 無乜期望咁啱經過可以食一次可以八達通俾錢比較方便抵讚因為無手攞銀包 微小加分位…查看更多

昨日屯門碼頭落船，去左小桃園餐廳食煲仔飯。即叫即煲，等左20分鐘有得食，都值得既。68蚊唔貴，好抵食!當打開煲蓋，煲仔飯香氣撲鼻!第一淡食落口，又香又甜既豉油味，加埋小小飯焦，一流!呢間餐廳既煲仔飯，唔知點解比坊間既更香，更好味?D雞肉亦好新鮮有雞味，口感亦佳，似用新鮮雞煲出黎。另外杯凍檸茶亦係味道非常好，應該用左好靚既茶葉!呢杯茶亦係我有生之年飲過，最好味既凍檸茶!!!好味，好味，好好味!埋單78蚊，以呢個價錢有呢個質素既煲仔飯+凍檸茶，應該就快絕跡香港!坐我對面有對情侶，嗌左碟星洲炒米，亦都好香，幾有擭氣，下次搭船會過黎試下。…查看更多

叫左味菜牛柳絲炆米，俾佢賣相嚇親，炆米過份乾身，似炒米多啲，唔知落左啲咩調味料，炒出黎一邊紅色，一邊豉油色，好似鴛鴦炒飯咁，唔知想點。 牛柳一塊塊，唔係絲，味菜少。 食落先驚，米粉硬身，完全唔係炆米做法，勁，勁，勁難食。照計呢樣野唔難做，點解會炒成咁，除左冇心機同求其之外，就係好冇心機同好鬼求其，咁既質素，唔會再幫襯。 56蚊唔算平，要一個平平常常既炆米都咁難。真係搵食咁艱難。 呢間野生存到咁耐，係令人有啲意外。…查看更多

小桃園已屹立屯門碼頭起碼二十年，細個有同屋企人食，普通茶餐廳有時諗唔到食咩都會食下，近五，六年愈做愈差，炒飯有汁飯望落色水夠但無味，今次嗌個小炒王，成碟野完全分開整再罷埋同一個盒就算，真心應該改善下囉，貴左都算，比d水準都甘難…查看更多

叫左碗水餃炸醬麵，從來未食過咁難食。首先落單時，態度非常差。碗世紀麵終於掉左上檯。自稱水餃但其實係雲吞，而且咬落去有好多碎骨。炸醬唔講我以為係俾狗食。一碗咁嘅麵加凍檸茶，收我50蚊，中環羅漢記好味你10倍都收平過你，你呢間小桃園憑咩？…查看更多

前排放自己一日假，諗住休息下，出去休休閒閒食下野。叫左碗皮蛋瘦肉粥+炸兩，點知就出事。個阿姐落單勁冇禮貌黑口黑面都算（都預左d人冇文化），拎碗粥埋黎掉係我面前，係"掉"，因為係o拍一聲！我都忍！！然後！最嘔心係我食到一半碗粥有塊痴埋左嘅膠布！係已經痴埋一個圈咁嘅膠布！即係咩？即係應該係用過！懷疑係曾經痴係手指嘅膠布！dklmh!!!!!胃已反，我沉住氣推開成碗粥，我冇投訴，因為我知同佢地理論係廢嘅。但當下真係作嘔左出黎。個碟炸兩隨後送埋黎，膽粗粗諗住食埋就走，因為真係好餓。點知！！一拎起d調味樽，成大隻小強超快爬出黎！！！！！！！大佬，呢野真係哽唔落。秒埋單。…查看更多

今日來到屯門碼頭找早餐食，小桃園好耐冇去過見不用等就入去食，我地三個一人一早餐，都差不多33-38元偏貴少少，食物都好快來到，午餐肉蛋三文治配咖啡，午餐肉有點乾身，蛋好薄身，麵包正常有少許牛油都可以，而咖啡味幾濃郁味又吾太苦。叫了另一個早餐 : 炸菜肉絲麵配檸檬茶，來到竟然麵如一個麵餅咁，好硬身而且冇味，勁難食，熱檸檬茶檸檬味都濃同茶味都可以。最後我叫的皮蛋瘦肉粥配腸粉就幾滿意，皮蛋都多而且瘦肉有味咸咸地，份量都大碗，腸粉皮少厚但可接受，份量多有驚喜，豉油多少少更好。…查看更多