小城年代

黃埔越開越多餐廳，想要試曬所有都應該要花好一段時間🤤因為聽過好多人講小城年代，今次決定黎試試佢既Set Lunch先😅👁‍🗨 深海虎蝦蒜片橄欖油炒天使麵 (Set Lunch) 💲69呢個係炒天使麵，但係炒出黎原來都幾乾，仲要蒜片橄欖油味都頗淡🙄係無咩味之下我地唯有自行加黑椒做調味料🤦🏻‍♀️成兜野最好味會係嗰幾隻蝦，食得出有椒鹽味，但係呢啲細蝦係咪真係虎蝦就有待相確😖整體黎講食物質素係令我失望既😞🔛 整體評分（6/10）…查看更多

好久没吃过脆猪手了，又懒得走太远，于是决定再回一年前经常吃的小城吃饭～当年是因为店内装修很漂亮就不自觉走进去了，味道很好然后就成了熟客（两周左右去一次），exchange一年也没机会去，终于就决定就是今天回去啦。现在换了新菜单，很有趣漂亮，店家很用心，两人套餐感觉是很划算的，下次再来试过。套餐是＋25多餐汤或者沙拉&多一杯餐饮，个人感觉一般般主菜猪手超级赞，外壳脆卜卜，里面则非常嫩，私以为120左右是一个值得一试的选择，配的腌菜吃很爽。薯角炸的很香，有点小遗憾是黑椒酱有点辣（不是店家的问题，我自己不太能吃辣），不过姐姐立刻帮忙多拿了番茄酱佐吃味道也很好另外有点可惜咯，以前旧菜单里的套餐可以加点甜品，以前这里的心太软很靓，相信现在味道也很好不过这次不算特别饿所以就没加啦下次返食想试一下二人餐，选择很丰富，相信会很棒。…查看更多

8點幾才食過早餐，中午落到紅磡做少少嘢，又要捱兩粒鐘才再開工，隻腳很自然地又行咗過嚟小城年代，因未肚餓的關係，與工作拍檔都是叫了班尼迪蛋配煙三文魚做午餐，坦白說，班尼迪蛋不是每個人都一定喜歡的，我個人口味就只是接受，但不是很喜歡。而煙肉也是我很怕吃的食物，唯有切走有肥的兩邊，只吃中間，又怕痕又怕痛，便是我這種人是吧？😂下次再嚟，都係叫番A4雞扒與碎蛋沙律餐好了!這與食物水準無關，食物水準一直都唔差的，純粹是個人口味。至於杯凍咖啡，一樣咁好飲。…查看更多

小城班尼迪蛋 Classic Egg Benedict份量有點少，沙律只有一塊生菜和一片蕃茄；鬆餅和蘑菇煙肉味道正常，其實也大可以加些煎蘑菇作為配菜，手工薯絲餅煎得不錯，挽回一些分數；說好的黑松露荷蘭汁沒有黑松露。整體稍為有點太乾，建議可多加荷蘭汁。香濃朱古力盆栽  Oreo chocolate朱古力確實是帶濃濃的Oreo曲奇味，熱烘烘的，欣賞用上的杯具和朱古力泡泡上的一片小葉點綴，這小盆栽價錢也不算太貴。餐牌上的食物種類選擇多：All day breakfast﹑沙律﹑小食﹑pizza﹑焗飯﹑意粉﹑waffles。整體算合格，唯出品可能不太穩定。能保持食物水準的話，定必更受小區人士歡迎。…查看更多

因工作關係，很多時候都需要來到紅磡，紅磡區的食肆雖然很多，好吃的也不少，但我就鍾情於這間1884 Cafe New Town, 喜歡這兒舒適的環境，侍應生的禮貌招待，最重要的食物水準較穩定，即使來過無數次，但到目前為止，仍未有一次令我失望。尤其是這兒的凍咖啡，平時的我在茶餐廳，早午晚餐，三餐都要飲一杯才夠，而我來到這兒，飲一杯已足夠我頂一日。當然，每個人對食物，飲品都有自己不同的要求，我喜歡的，不等於他人也喜歡。但這餐廳卻留得住我的胃。…查看更多

今日同老公，bb仲有工人落街食飯，因為bb鐘意食意粉，所以又係食西餐。今次選擇了小城年代，因為之前見open rice 有好多好評，而且價錢合理。原本以為好易搵，但都要係奇妙坊轉左2個圈先搵到。今日係平日星期三，唔算多人，但比起係黃埔外圍行過黎，部分似死城的食肆明顯好多了。店內走美國家庭風格，不會太華麗，用的裝飾亦很隨意，有吉他，有齒輪，用紅磚作主色但配白色sofa, 不太搭配但又有一種和諧。安排坐sofa位后點了個2人餐，想等野食到再另加一時side dish ,但由於bb有點扭所以食到好趕冇再叫野食。2人餐3個大人食真係有d唔好意思，但其實又夠飽wow,估佢唔到。是日餐係蕃茄忌廉湯，唔水，唔酸，呀女都飲左幾啖，工人姐姐都話好飲。前菜叫左瘋薯配黑松露蛋醬同薯蓉焗田螺。個黑松露source好味，薯條炸到啱啱好，又大條，唔會碎濕濕，方便食。田螺焗得有點軟身，但薯蓉好好味，好重牛油香氣，兩個都正沙律可以選擇主要食材同醬料，我叫左煙三文魚沙律，千島醬。個醬有d漏，但菜都ok新鮮，下次黎會試日式麻醬，應該會好d.另選了卡邦尼意粉，bb好鍾意食，分量唔多但v 漏。值得一讚的係用的煙肉唔肥，因為之前見識過全肥肉煙肉，感覺有d不安，建議將煙肉再煎耐d,煎到脆卜卜會再吸引d.主菜叫了牛扒同燒春雞，但份量原來好細，細到係將兩樣放係一個長碟上。牛扒有根，但雞肉燒得幾好，唔鞋。杯凍ot 都幾大杯，唔孤寒。老公加14蚊的fruit prunch都好飲。滿足的一餐…查看更多

每當我要出紅磡，午餐都總會想起呢間食肆，因食物水準穩定，咖啡又好飲，坐得又舒服，侍應又有禮貌。最愛吃這兒的碎蛋，味道很好。南瓜意大利飯都做得很用心。這兒適合喜歡休閒聊天及傾生意的朋友。…查看更多

又一個返工ge星期六～～～約咗未來老公仔睇戲。。。當然拿拿收工就撘車到黃埔啦😎睇19:25,,,18:30到。。。都唔知食咩好😩😩😩咁地鐵站一出就見到le間小城年代🤔🤔🤔難得老公仔話想食牛扒，見到佢又好似幾ok咁，就入咗去試啦😙😙😙可能時間尚早，所以都好多位。。。好開心有窗口位坐😍😍😍由於我哋2個都係牛魔王🤤🤤🤤所以1人1個 5成肉眼扒⋯⋯我要紅酒蘑菇汁。。。佢個就唔記得咩汁了。。。但就好重酒味🙄🙄唔鍾意😕$100頭ge價錢，質素都算唔錯👍🏻👍🏻👍🏻有肉汁又真係5成熟🤤🤤🤤侍應們都好好，好快就會處理要求👍🏻👍🏻👍🏻餐飲方面，咖啡好濃ge烘焙味，唔會好酸🤤🤤但我杯奶茶點解會係珍珠奶茶嗰隻奶茶🙄🙄🙄唔好味😚😚…查看更多

呢日係好重要的一日，因為係我同我的最愛紀念日，日子實在過得太快啦，回想過去一年，原來我倆未試過夜晚食西餐，適逢男朋友係網上團購見到呢間有團購，所以買左呢一日團購黎食好西，我地星期六黎要加錢，凍飲亦有加錢，總數大約$200中後。呢間野，其實一早有雜誌、blogger介紹過，主要介紹佢抵食、性價比高，究竟係唔係真呢?今日就等我地試下啦!首先附上餐單一張由於係團購關係，有張獨有的餐牌，不過仔細睇，其實都唔差，同埋亦都係餐廳本身有的出名菜式。我地2個人可以一共叫4個main dish。餐廳環境唔記得影Lu~~~呢一日我地訂左6點鐘，可能因為早黎到，餐廳人少少，都ok好feel嫁前菜:西斑牙風乾火腿配哈蜜瓜，味道:8/10新鮮的哈蜜瓜配上西斑牙風乾火腿，加上淡淡的朱古力醬，為之後的主菜打開左序幕，亦都打開埋我的胃口。羅宋湯， 味道:8/10湯沒有白湯同紅湯選擇，一律都係紅湯，咪道濃郁，酸酸甜甜，同樣係開胃之選。左手邊: 法式走地春雞(半隻) ，味道:8/10雞肉好嫩口，同埋隻春雞個皮烤到脆脆地，好好食，唔會烤到乾身，咬入口有d雞油滲出，配埋個燒汁定蒜蓉汁（唔記得左咩汁，不過都係大路汁），成件事係幾好食。唔好的地方係太細隻，可能係春雞的關係，仲要得半隻，我最愛切完個脾位比我，佢得番2啖仔😢😢😢上圖右手邊：香煎半邊青花龍蝦，味道：8/10同隻雞一樣，好好食，我張相影得唔靚，睇落好似超細隻，實際唔係超細，係幾細隻，我同男朋友令人一半，每人都食到大約長中指少少的長度的龍蝦，當然隻龍蝦比中指粗好多啦！肉質爽口，唔錯！烤澳洲鮮草飼肉眼扒，味道：10呢個肉眼扒高質，而且亦唔算好細塊，本身我地叫十成熟，不過上碟都發覺大約係8成，雖則如此但肉質嫩 ，唔會好硬，好易就切得開，燒汁亦好食好香，扒的厚度都唔會因為我們團購而變得好薄，當然佢亦都唔係話好厚，屬正常size,我同我男朋友都好驚喜，始終一分錢 一分貨，我地買團購咁平，都唔太高期望，但塊扒已經係超值左個套票。終於打到最尾，上圖右邊係法式煎鵝肝配紅酒梨，味道：5/10呢個鵝肝唔好食，好羶，我係食左一半食唔落，我男朋友都唔鐘意。紅酒醬個紅酒味好出，鐘意紅酒就鐘意，唔鐘意就唔鐘意。最後，點左杯凍檸茶同凍檸水，好大杯值得讚，不過唔夠甜，連我食野偏淡口味都覺得冇甜味總結，值得推介，而且我們買團購都真心好抵，大家可以留意一下團購仲有無優惠，雖然係平，可能份量唔多唔少有減少，但質素係值。最後，多謝我男朋友請我食咁美味的一餐…查看更多

同朋友放工行開呢頭，呢區不泛食肆，被呢間裝修簡潔同夠年輕化嘅餐廳所吸引。今次我同朋友嘅叫咗個all day breakfast同埋一個黑松露pizza。個all day breakfast內容都好豐富，有炒蛋香腸，煙肉，多士脆口同菜好新鮮，價錢都好合理。個黑松露磨菇Pizza都皮薄多料，好香口，好脆，推介。另外叫咗兩杯野飲，個杯啲表情好生動，令人見到都好開心，再加埋飲品上面啲棉花糖，甜入心，令一整天都心情好好。…查看更多

媽咪屋企附近呢間餐廳，一直都好鍾意因為餐牌選擇種類多，食物有質素同服務好好。餐湯係鮮南瓜忌廉湯，湯底好濃好有質感，味道濃郁，好鮮甜，好新鮮嘅味道，欣賞佢地咁細微嘅湯都用心製作，推介！！牛扒餐相當不錯，豐富肉汁，肉質柔嫩得黎肉味特濃，塊牛肉真係超級厚；仲有埋芝士帶子，令人好滿足！！飲咖啡最緊要有拉花嘅我，問咗佢地有無拉花，佢地都做到，咖啡拉花拉都拉得幾好，咖啡味香濃，味道啱啱好。總括：食物有水準，用心製作，服務好，值得推介！！…查看更多

得2個人食野但樣樣都想食，眼闊肚窄情況經常出現，咁點算，依家小城年代有辦法！如果每次去到間餐廳望住個餐牌都樣樣想食的話，位於黃埔這間西餐廳就可以幫您解決這個問題，一個二人餐可以選擇兩道前菜，四道主菜，而目仲包餐湯餐飲。選擇之多，適合多心的你！西班牙風乾火腿配無花果黑醋汁蒜香煎深海花虎蝦 及 露絲瑪利香煎紐西蘭羊扒法式煎鵝肝配紅酒梨 及 烤澳洲鮮草飼肉眼扒 5oz紫薯栗子薯餅南瓜薯餅Green Tea Latte…查看更多

小城年代，一個溫馨的名字。皆因老闆2015年開設此咖啡廳時的理念，是希望把不同年代的美食放進餐牌，帶給客人回憶。開業兩年，菜牌的內容改變不少，畢竟要作商業的考慮。現時更貼切的簡介應是一家溫馨陳設的輕食咖啡館。座位舒適也安靜，最適合輕鬆閑聊。菜牌的食物顯得十分精緻，有提供約$350的二人套餐選擇，但我認為單點更划算，所有單點食物加$25已有餐湯和飲品，選擇更自由。是日餐湯～南瓜忌廉湯味道還可以，但欠缺香味，如果有幾顆脆麵包粒就更滿足。黃金英倫麵包蟹蟹黃意粉$108比較重的芝士味，感覺較近似濃郁的忌廉意粉。味道不錯意粉有咬口，但蟹黃就很小粒的，吃不出什麼味道。千島海鮮手工酥皮薄餅$96海鮮、菠蘿餡料配千島醬是一貫廣受歡迎的口味。特別之處在於薄餅底是層層的酥皮製成，帶來另一番酥脆的口感！滿意的晚飯，有湯、飲料、主食，儘管食物未是盡善盡美，舒適環境也補上不少分數。…查看更多

相約朋友於黃埔吃生日飯，好久沒有入黃埔了，以前去開黃埔都係去隻船到，今次黎到發現開了很多不同類型餐廳。今次就試下呢間餐廳，店內裝修設計特別，就算沒有卡位也坐得很舒服，價錢親民，豬手價錢真係好抵食！去開一定要試啊！味道亦不錯！用的熱飲杯亦好可愛，小朋友一定好喜歡！餐湯不過不失，煎三文魚時間控制得剛剛好！肉質都幾滑。其實餐廳伴菜都好有心思，有別於其他餐廳放d菜就搞掂店員亦很有禮貌，經常為客人加水。最後點了一個甜品試試，賣相不錯，但味道偏淡整體評不錯，有機會再來吧…查看更多

幾個朋友來到黃埔，當然要找點好的東西。就在奇妙坊附近，找到了這間挺特別的餐廳。想不到食物不論是賣相或是味道，都是很好的，不得不讚。朋友帶我食好西，今次找來住黃埔的朋友來介紹美食。點了個二人晚餐 ($349)前菜：法式焗田螺配牛油薯蓉田螺肥美厚肉，薯蓉香口充滿牛油香。刁草醃三文魚配蜜糖芥末汁三文魚咸咸香香，蔬菜清新又爽脆。是日餐湯—蘑菇湯法國煎鵝肝配紅酒梨露絲瑪利香煎紐西蘭羊扒烤澳洲鮮草飼肉眼扒 5oz香煎免翁牛柳 5oz另外還點了幾個特別的主菜！脆焗農夫配龍蝦汁燴海鮮 ($93)原隻烤德國咸豬手配酸椰菜 ($118)西班牙杜洛克黑豚豬肋骨 ($128)加 $25可跟餐（可選：湯或沙律同餐飲）整體來說，環境和食物很不錯，服務又好，下次一定會再來！…查看更多