寿々乃

呢間絕對係氣氛超好 的高級Omakase 🍣師傅會為每位客人逐一介紹菜式！！！而且專業講解得非常好！😎每樣選用食材都會介紹來源地及口感味道等！客人在過程當中會了解到當造的時令海產非常喜歡拖羅跟成粒紫海膽！🫶🏻🫶🏻🥰 超好味！！有預算嘅朋友可以食吓！🤩前菜：·宮崎縣沼蟹 （有啲蟹膏鮮甜好味香脆）+昆布卷 · 腐皮卷·長野縣露筍 + 鹽醃魷魚 （超級有鮮味！）·鰻魚牛蒡卷主菜：·鱧魚清湯 帶點青檸香氣、上面梅醬 （呈啫喱狀）一粒粒啫喱狀透明綠色是蓴菜本身是植物離開水面之後就會變成啫喱狀！🙆🏻‍♀️口感非常特別！好像吃蒟蒻般🤣🤣🤣鱧魚配梅醬同樣很開胃！·山口縣鱸魚 （配酸汁、蔥、蘿蔔蓉）超開胃、配紫蘇葉食就好清香！·富山縣白海老刺身 （每一條都係細細隻蝦仔）（第一啖建議不沾醬油跟山葵食！感受鮮味！）·炸白海老 （帶咸香！）·關鯖 ·水八爪魚 配醬油漬山葵·岩手縣紫海膽 （口感清甜！） （體驗感滿滿！）·白燒鰻魚 （我最愛！）·白粟米天婦羅 （爽脆非常）·四國愛媛縣鮎魚·金目鯛 (師傅用滾水淥過魚皮）·兵庫縣甘海老 （鮮甜！）·北海道北寄貝 （超級爽口！） （顏色比較不同沒有雪藏過！😍😍）·北海道秋刀魚 肉質柔軟（加入了埼玉縣淺蔥在裏面！蔥香四溢！）·和歌山吞拿魚腩 （中拖羅）·和歌山大拖羅 （師傅有用鹽降低油香！）·和歌山赤身吞拿魚醬油漬 （頭3甲受歡迎壽司🍣❤️❤️）·北海道馬糞海膽手卷 （帶點淡淡海水味）· 季節性魚湯·自家製紅豆糕 （表面有啲金箔！唔會好甜、入口即化！）·北海道富良野哈密瓜 （多汁清甜）…查看更多

宜家好食嘅Omakase真係買少見少，今次黎到跑馬地嘅 寿々乃 食左一餐令人滿足嘅Omakase。餐廳嘅位置得10個，所以建議必須預約。食材會跟據季節挑選最時令嘅食材，當晚就用左夏天當造嘅富山縣白蝦同岩手縣紫海膽。所有食材都係每日下午由日本空運到港，一食就會明白師傅對食材嘅要求同執著，令我係三個鐘裡面對每一道菜式都保持住極之期待嘅心同味蕾上嘅驚喜，$1800係物有所值。前菜🥢百花卷 - 以牛蒡同淮山製成，口感爽脆🥢昆布卷 - 食到淡淡嘅高湯味，口味清新🥢漬物 - 漬物用魷魚同長野縣嘅蘆筍製成，咸咸地適宜送酒🥢宮崎縣炸蟹仔 - 咁迷你嘅炸蟹仔咬開一半竟然係有羔季節清湯：京都名物 鱧魚清湯 真心第一次飲咁清爽嘅湯！蒓菜嘅口感好特別好得意 口感滑到好似食緊啫喱咁鱧魚師傅應該同左梅子醬刺身五味🥢愛媛縣盧魚 - 配上醋橘同特製嘅酸汁 非常清新🥢縿魚 - 肉質實淨 魚味濃郁 食到魚嘅油脂🥢赤貝 新鮮北寄貝 - 香港好少食到新鮮嘅北寄貝，超級鮮甜，記憶點好深嘅 🥢白蝦刺身 - 又係最時令嘅食材，富山縣白蝦嘅甜味真係其他蝦比唔上🥢岩手縣紫海膽 - 新鮮海膽，鮮甜到不得了，比起我係金澤魚市場食到即開嘅海膽更好味！季節料理🥢炸白蝦 – 原隻白蝦連殼生炸，酥脆到一個點，一上枱已經聞到好香，送酒一流🥢炸蝦丸 - 同樣以白蝦製成，貿地有少少似魚腐，但就多一份鮮甜🥢粟米天婦羅 – 用上長崎縣黃粟米以及北海道白粟米，甜度十分之高，口感軟糯鬆脆壽司十貫🥢和歌山鮎魚🥢靜崗縣金木鯛🥢大分關靖魚🥢兵庫縣甘蝦 🥢石垣貝🥢池魚 🥢長崎 中拖羅🥢大拖羅🥢赤身-🥢北海道馬糞海膽每一件壽司都係非常鮮甜，各具特式，例如和歌山鮎魚好清甜；金木鯛魚肉軟綿，魚皮用熱水灼過，保留左皮下脂肪；關鯖魚魚味濃郁；甘蝦好甜好厚肉；石垣貝又係鮮味到爆登；赤身中拖同大拖羅都一樣好味，大拖羅用鹽代替醬油，更加吊起個甜味，真係肥美到黐線，入口即溶！而我最最最鐘意當然係北海道馬糞海膽手卷！係不計成本滿滿嘅馬糞海膽呀！每一啖都令味蕾好感動就連麵豉湯同甜品(熱情果芝士餅配富良野蜜瓜)都一樣係好出色，真係好有記憶點嘅一餐omakase，完全明白點解坐無虛席…查看更多

之前路過一直知哩度有間omakase，見評價好似唔錯，今次專登同朋友嚟試下每晚只做一輪，確保質素頭盤擺盤好靚，總共有5款，最吸引我目光係隻蟹仔，嚟自宮崎，可以全隻連殻食，咬落爆汁超juicy之後係嚟自京都嘅鱧魚湯，清甜開胃，飲完準備開始食刺身首先有石斑，十分鮮甜，然後就到我最驚喜嘅一款魚，鰤魚，望落似油甘魚，但食落係完全唔同，口感軟滑，極重油香，師傅話我地好彩，啱啱開始當造肥美，得冬天有得食下道刺身係八爪魚，唔好睇佢好普通，其實極大條，聽聞最大隻可以有10米長觸鬚，但食落一啲都唔韌，最出色係配搭左個特製嘅Wasabi，同磨嘅wasabi唔同，哩款係切到細細粒，咬嘅時候辣味慢慢係口腔散開，配搭八爪魚勁出色之後係赤貝同北寄貝刺身，前者新鮮爽脆，後者相當鮮甜，真係勁好食，然後仲有一個新鮮嘅三文魚子，底下配有新鮮蘿蔔蓉，一啲都唔腥，絕配！刺身之間仲上左幾道炸物，每一款都好特別，一啲都唔馬虎，有九洲鹿兒島目光魚、富山白蝦丸、魚仔脆片，每樣都好好食食左咁多嘢其實先係一半，之前嘅壽司每一款都相當有水準，熱海金目鯛、關鯖、大中拖、帶子、蝦蝦蝦等，數唔曬，每一件都有佢嘅記憶點，問我最鍾意邊款真係答唔出，全部都好食仲有一件大癲海膽手卷，真係多到瀉最後仲有湯同甜品，真係大滿足除左食物質素滿分，真係要讚下師傅全場冇悶場，每首菜都一一介紹，又好傾，又細心哩間真係大推…查看更多

有個傻嘅老Best話相識十週年，要襯放假前一日賀一賀佢，我地就專燈去咗跑馬地嘅 寿々乃 (Suzuno) 食Omakase 。 餐廳著重師父同客人嘅交流，所以坐位唔會太多，而且係counter-style，所以客人可以好清楚睇到師父握手法，師父亦可以了解到客人而作出彈性安排，食第一味菜時師父已經留意左我係左拗，所以上菜同食物擺位專燈就返我嘅方向，真係超級細心同誠意爆棚! 😍❇ 前菜拼盤賣相超吸引分別有腐皮卷、鹽身魷魚伴蘆筍、牛蒡太刀魚同澤蟹蟹仔超新鮮多汁，師父仲專燈拎咗盤蟹仔比我地睇，隻隻都好生猛，蟹仔到店鋪時仲係生嘅狀態，當然我地係食烹煮後魷醃過熟嘅蟹仔 🤤❇ 鱧魚。蒪菜高湯鱧魚做成卷狀，加上仲本鱧魚厚肉嘅口感，所以食落好滿足。第一次食蒪菜，外面好似有陣啫喱咁滑潺潺好得意好過癮 😍❇ 海老真丈呢個係富山白蝦做既炸蝦丸，同以往食過嘅口感好唔同。海老真丈口感好綿滑軟熟，每啖咬落會感受到鮮甜肉汁，加上出面炸皮好薄，相當出色!👍🏻吸盤好脆、有咬勁，八爪魚肉好彈牙❇ 刺身五點北海道水八爪魚吸盤好脆好爽口，加上師父自製嘅醬油漬Wasabi真係好出色，Wasabi整成醬油漬嘅食法真係第一次食，味道更辛辣之餘帶有口感，配上水八爪魚真係一流 ☺️👍🏻。北寄貝 &赤貝好新鮮，師父整嘅時候仲識郁，而且平時食開紅白色熟嘅北寄貝，難得食到刺身，真係鮮甜好多。三文魚籽配蘿蔔蓉好夾，三文魚籽甜味十足。❇ 壽司十貫壽司分別有金目鯛、縞鰺、魷魚、帆立貝、關鯖、秋刀魚、甘海老、中吞拿魚腩、大拖羅、醬油漬赤身。每一款壽司都好好食，個人最鍾意係關鯖，原本對鯖魚嘅印象係會帶有腥味，但關鯖食唔到腥味，而且肉質有彈性之餘仲食到魚嘅油脂味!🤤🤤❇ 海膽手卷☺️🌝👍🏻🤤😋👍🏻👍🏻超級滿足!!!海膽仲多過飯，而且紫菜包完後再係面頭鋪上海膽，簡單講就係手卷係滿滿嘅海膽，每一啖都食到好鮮甜 😍😍😍最後甜品有十勝紅豆糕配方和戈山嘅柿，紅豆糕甜味十足，而柿就香甜又多汁，可以解返紅豆糕嘅膩感。整體而言，呢餐性價比高好高，因為食材真係好新鮮、師父細心幽默、上菜速度唔會太快，體驗感相當高，而且估唔到連熟食嘅炸目光魚同埋連小食炸食甸魚苗都好出色，甚至漬物都真係醃得好好食，係暫時食過最好嘅Omakase，屬於天花板級數。👍🏻👍🏻👍🏻👍🏻👍🏻…查看更多

高級享受Omakase服務非常好店員幫手擺盤 各方面都好體諒細心師傅非常專業每道菜式都會介紹來源產地、口感味道同點樣搭配師傅話佢已經有三十幾年經驗同為左呢行識日文、非常之敬業前菜擺盤非常之精緻明太子好味跟住係京都名物既一個湯魚鮮味又暖胃刺身五食：令我印象最深刻係三文魚子師傅話每年只有兩個月會入貨因為係新鮮逐粒拆 不是醃的食得出非常鮮味 三文魚子粒粒脆口鮮味食得出既新鮮 配埋底下既京都大根 大根清甜帶好微辛辣非常之夾赤貝北寄貝都好鮮甜爽口八爪魚大隻得黎係脆口不會硬所有刺身既芥辣會因應刺身既特色配不產地的芥辣呢個都係加分位 食得出搭配後的不同🫶壽司十食最出色一定係金槍魚三個不同既部位 不同的切法 同煮法三個部位的鮮味同油分位各有特色諗返起都好回味😋😋😋其次係蝦，海膽，墨魚🦑三隻蝦放落一件壽司，味道非常濃整體樣樣都好好食❣️非常滿意…查看更多

終於嚟到收藏咗好耐嘅「寿々乃」啦！📍跑馬地呢間隱世小店，門面低調，入到去係簡潔現代嘅裝修，柔和燈光+舒適木系桌椅，成個人即刻放鬆晒～全場得10個座位，可以超近距離睇鄧師傅施展魔法，簡直係視覺同味覺雙重享受！✨🔺今晚食咗：Dinner Menu 雅 みやび✰ 先付 ✰
▪️宮崎縣雜蟹：細細隻但爆膏！連殼食超酥脆，蟹味濃郁帶回甘
▪️秋刀魚昆布片 + 腐皮：口感層次爆燈！昆布脆片夾住軟糯腐皮，鹹香開胃
▪️明太子配長野蘆筍：透明明太子咬落卜脆，蘆筍清甜解膩
▪️太刀魚百花卷：外層魚肉滑嫩，裏面牛蒡爽脆，楓葉造型靚到唔捨得食！🥣 鱧魚清湯：京都名物！信菜同蓮葉嫩芽被晶瑩啫喱包裹，湯頭清澈鮮甜，飲完成個胃暖笠笠～✰ 刺身 ✰
▪️長崎縣真羽太石斑：肉質彈牙帶透明感，點酸汁+紫蘇葉食層次即刻昇華！
▪️北海道鰤魚：睇似油甘魚但食落更爽甜，凍食版本嘅寒鰤魚味更濃
▪️炸沙甸魚疫苗：外脆內嫩爆魚油香，佐酒一流！
▪️愛知縣赤貝+北寄貝：赤貝爽脆鮮甜，北寄貝柔嫩帶海水味
▪️水八爪魷魚腳：吸盤脆卜卜，wasabi醬油漬過超惹味
▪️三文魚籽：鹹鮮爆漿！海洋氣息瞬間爆發
▪️炸目光魚：目光魚香脆到連骨都食得▪️富山縣白蝦丸：白蝦丸外酥內綿蝦味濃到化唔開！✰ 壽司 ✰
🍣 靜岡縣金目鯛：魚皮輕輕灼過，油脂香氣撲鼻，肉質細膩帶焦香
🍣 縞參：銀身魚獨特光澤，酸味平衡得剛剛好
🍣 清心縣帆立貝：昆布漬過更顯鮮甜，大粒厚肉飽滿多汁
🍣 九洲關鯖：難得冇醃製過！新鮮鯖魚原來可以咁清甜
🍣 北海道障泥魷魚：松果切法口感超特別！黏糯中帶爽脆
🍣 兵庫縣甘海老：蝦肉黏嘴又清甜，師傅手握溫度完美
🍣 北海道秋刀魚：秋季限定！肥美油潤中帶絲絲甘香
🍣 吞拿魚三部曲：中腹柔潤→大腹入口即化→醬油漬鹹香提鮮，魚鮫邊落鹽燒烤香到犯規！
🍣 馬糞海膽：奶油般質感！甘甜海味衝擊味蕾，完美收官！🍵 麵豉湯
🍮 和歌山柿+十勝紅豆：清甜多汁嘅柿肉包裹綿密紅豆，日式完美結尾～💡整體體驗：由前菜到甜品都充滿驚喜，鄧師傅對食材理解深厚，每道菜都係藝術品！雖然價位中上，但質素絕對對得住價錢，想試記得早一個月預約啊～…查看更多

十月朋友生日，今晚一於去跑馬地日本餐廳「寿々乃 」食廚師發辦 「タの御品書 $1,880」包括：《前菜》🥢 宮崎縣蟹仔，小巧可愛，內含豐富蟹膏，搭配外殼一同享用，口感絕佳。🥢 蟹仔下方的昆布片，增添了海味的層次。🥢 後面的腐皮，為前菜增添了不同的口感🥢 明太子配長野蘆筍：透明杯中的明太子鹹香十足，適合搭配酒品。🥢 百花魚太刀魚：內有牛蒡，口感相得益彰。五款前菜十分有特色，美味相當不錯《時令湯品》🥣 鱧魚清湯清湯中搭配京都名物信菜與蓮葉嫩芽，還有可愛的啫喱，讓人耳目一新。《刺身五點》🥢 真羽太：來自長崎縣的石斑，配返個酸汁去食，鮮美可口，仲可以包埋下面嘅紫蘇葉一齊食🥢 鰤魚到身，日本北海道，睇落去好似油甘魚，食落去完全兩回事，再凍啲嘅時候叫做寒鰤，最出名嘅寒鰤係富山嘅冰見市🥢 小食：炸沙甸魚疫苗，口感新鮮，令人驚喜。🥢 兩款貝殼，愛知縣赤貝及北寄貝，爽口且鮮甜。🥢 水八爪魚，有八爪魚腳嘅肉及八爪魚吸盤，配上山磨芥末和醬油漬芥末，風味絕佳。🥢 三文魚籽：兩種食法，原味與蘿蔔蓉搭配，口感彈牙。《熱食二品》🥢 炸目光魚：小巧可口，肉質細嫩，入口即化。🥢 炸白蝦丸 ：來自富山縣，蝦味濃郁，讓人回味無窮。《壽司十貫》🥢 金目雕壽司，來自靜岡縣，魚皮經熱水處理，鮮甜可口🥢 縞鰺壽司，脂肪結實、肉質肥嫩，質地纖細柔軟，口感順滑鮮甜🥢 帆立貝壽司，來自清森縣，配昆布漬，食落口可感受昆布嘅味道🥢 關鯖壽司，來自九洲大份，新鮮無醃製，肉質鮮美🥢 障泥魷魚壽司，來自北海道，松果切法，十分獨特，口感十足🥢 甘海老，來自兵庫縣，蝦身比較細少，肉質甜味，口感軟嫩🥢 秋刀魚壽司，來自北海道，脂愈豐富，肉質肥美富彈性，仲帶有甘香濃郁嘅魚鮮🥢 中吞拿魚壽司，來自和歌山，色澤粉嫩，脂肪比例高。🥢 吞拿魚 (腹部) 壽司 ，肉質柔滑，濃郁美味。🥢 吞拿魚 (魚鮫魚腩) 壽司，落咗鹽，美味十分🥢 吞拿魚醬油漬壽司🥢 馬糞海膽手卷，甜美的味道令人陶醉。《麵豉湯》《甜品》和歌山柿，十勝紅豆：清新甜美的結尾，令人心情愉悅。整體來說，「寿々乃」的廚師發辦無論從食材新鮮度、菜品設計到味道搭配都表現出色，值得再次光臨。…查看更多

上openrice見到幾高評分，所以來試試午餐omakase你expect乜嘢？服務和食物質素 係有所期待的適逢秋刀魚季節，真的很想很想吃肥美的秋刀魚 ！個師傅仲自誇話喺佢度食秋刀魚唔好食，喺第二度都唔使食果然，我從來未食過苦嘅秋刀魚！ 我就算去超級市場買魚生壽司，都未食過苦嘅喺omakase食到咁嘅質素，我真係大吃一驚食物質素咁樣都算，其實講真，服務都唔係特別友善， 尤其係個師傅試過，可以唔使再去唯一讚嘅係硬件上， 環境ok ， 尤其是戶外，大門同埋廁所…查看更多

今年吃幾間omakase都覺得質素下降唯獨這一間挺有驚喜看得出師傅很重視食材和很熟悉食材他會知道那一個季節當做什麼海鮮，那個部位最好吃而且師傅跟我們有互動交流每一道菜都給我們詳細講解喜歡這間，下次會再去♥️✅…查看更多

一年一度食好西日子又開始～多謝朋友帶我食好西！知我中意海膽所以帶我去食💯📌四道前菜🔹腐皮卷🔹鹽身魷魚鹽身·長野懸蘆筍🔹太刀魚·牛蒡🔹宮崎懸·澤蟹📌鱧魚鱧魚口感結實厚肉！連我平時唔喜歡食魚嘅人都愛上了😍加入蒪菜有滑潺潺的口感😀配上梅子醬食酸酸地很開胃！最後可以唧青柚子汁令湯更鮮味💯📌山口懸·鱸魚 肉質很鮮甜，可配上酸汁食用📌九洲大分·關鯖魚肉質紮實獨有鯖魚味濃郁，怕魚味可伴紫蘇花食📌富山懸·白海老 每條都係小蝦仔，非常鮮甜📌中場小食白海老素揚（乜都冇直接炸），用剛剛的小白蝦炸來食👍🏻📌北海道水八爪魚·醬油漬Wasabi八爪魚吸盤好脆、有咬勁，八爪魚肉好彈牙🌟🌟岩手懸·紫海膽第一次食原個海膽😃每個海膽都有唔同味道👅咁啱我同朋友果隻都係鮮甜的味道😻很幸運是我喜歡的味道😋（因為師傅話近岩石邊會帶有礦物的味道）📌白燒鰻魚能品嚐到鰻魚本身的甜味與炭火的香氣。此做法不加醬汁，僅用鹽調味並以炭火慢烤，能最大程度地保留魚肉的原始風味。📌北海道·白粟米天婦羅📌四國·鮎魚口感細緻、脂肪少、肉質清甜📌金目鯛用滾水淥過魚皮，呈現半生熟的口感；肉質細緻，但魚肉風味濃郁，帶有淡淡的甘甜味📌兵庫縣·甘海老師傅選用三隻肥美的蝦🦐一口咬下去口感豐富又鮮甜👍🏻📌北海道·活北寄貝口感爽口彈牙📌北海道·秋刀魚入秋後，秋刀魚很肥美😍師傅加咗埼玉縣的淺蔥增加香味👍🏻📌和歌山·中拖羅魚油甘香與濃郁魚味並存😋📌和歌山·大拖羅大拖羅魚腩加咗鹽可降低魚油香及可提升魚味📌 醬油漬赤身肉質充滿彈性，魚味濃郁鮮甜👍🏻醬油的鹹香令赤身的鮮甜更加突出🤤📌北海道·馬糞海膽師傅完全毫不吝嗇，擺上勁多海膽，味道都係更鮮甜，近乎入口即溶。非常幸福☺️（原諒我今找不到其他形容詞🌝）📌麵豉湯第一次見到咁有誠意嘅麵豉湯🤓有季節菜及瘦肉最後甜點係選用北海道富良野的赤蜜瓜🍈超甜！仲配上自家製紅豆糕🫘好味😋…查看更多

食評 — 🔥🔥跑馬地 SUZUNO（Omakase）🔥今日同老公仔去咗跑馬地一間高質 Omakase（SUZUNO）。餐廳係 counter-style，座位近廚師，但保有私隱，氛圍靜中帶暖黃燈光，好適合慢慢享受一套完整的握壽司流程。師傅係一位本地老師傅，有超過30年經驗，對傳統手法執着，但同時會因應客人口味作彈性安排，呢點好討好，尤其鍾意即場互動嘅食客會覺得好有誠意。🔥師傅與服務- 師傅風格親切健談，幽默有禮，會先問你有冇食物過敏、偏好（如要唔要多 Wasabi）或想試咩特別食材，整個流程好像同朋友一齊食飯咁舒服。- 佢唔鼓勵用熟成刺身，偏好用最新鮮食材直接呈現，會講解不同魚種產地、口感與吃法，解說專業但易明。- 服務細緻：每三輪會主動添漬物，壽司上枱前亦會提醒你要唔要多 Wasabi，出菜節奏控制好，唔會太趕。🔥價位- $1,880/位，加一後兩位合計約 HK$4,136。以食材質素、師傅手藝同整體體驗嚟講，性價比高，屬天花板級別但仍合理（特別係海膽、和魚腩等份量同誠意都夠）。🔥上菜重點與味道感想1) 先付小菜拼盤- 盤子擺設美觀，有四款小吃：小蟹（宮崎縣沢蟹）、明太子蘆筍、牛蒡、腐皮等。每款小吃份量細巧但開胃，最特別係成隻細蟹可以整隻食到鮮味，非常有趣又有蟹味。2) 鱧魚清湯（季節湯）- 湯清而有層次，鱧魚處理得好，配上少許菇同柚子或枸杞點綴，暖胃又舒服，係一個好清爽嘅過渡位。3) 刺身拼（數款）- 師傅上嘅刺身可以先清吃，再配 Wasabi 或豉油試唔同層次。魚肉新鮮、切法講究，口感既嫩又彈，清甜感強烈，尤其某款白身魚好適合先清味再配 Wasabi。4) 八目魚（炙或柚子調味）- 師傅用柚子汁做配搭，清新而唔厚重，令八目魚嘅鮮味更突出。呢種小改良好令口腔重啟，準備迎接下一輪壽司。5) 貝類（赤貝、北寄貝）- 赤貝、北寄貝十分新鮮，師傅有拍打（或輕拍）處理令質感更爽口，貝類天然甜味強，無多餘調味已經非常好食。6) 原隻紫海膽（今晚重點）- 今餐其中最令我著迷嘅係紫海膽。師傅逐隻上（好似全店分配都有誠意），海膽清甜、層次感好，師傅仲講解唔同來源會有唔同礦物味或清甜感。我鍾意清甜型，食落去口腔留香，海膽鮮美完整，份量亦夠慷慨（仲有海膽手卷做收尾）。7) 椒鹽炸白蝦殼 + 白蝦丸- 用炸蝦殼做小食好惹味，脆口好過癮。之後上原隻白蝦或蝦丸，配檸檬一齊食，酸味令蝦肉更清爽。8) 長崎粟米天婦羅- 粟米甜味突出，粉漿薄薄一層，炸得不油膩，保持住粟米嘅清甜。9) 壽司（約 10 貫）- 師傅按次序逐貫上，有：平目魚、金目鯛、關清魚、帆立貝昆布漬、障泥魷、北海道新秋刀魚、中金䱽魚腩、大金䱽魚腩等。- 每款壽司同飯的比例掌握得好（所謂黃金比例），飯溫、醋飯酸度、魚肉厚薄都合拍。特別一提： - 大金䱽魚腩：師傅用鹽而非豉油去調味，突出魚腩油香，甘甜油潤感濃烈，十分有誠意。 - 帆立貝昆布漬：有昆布香提升甘味，口感滑潤。- 師傅會問你要唔要多 Wasabi — 佢哋用新鮮磨 Wasabi，唔會好嗆辣，反而香氣突出，我叫多咗，真係加分。10) 海膽手卷（整店分享）- 全店 10 人份一分為幾，海膽份量大方，海苔新脆，手卷食落去既豐富又過癮，係整餐嘅高潮之一。11) 味噌湯 / 麵豉湯（收尾）- 用好多魚、昆布熬嘅湯底，清甜而有溫度，係好好的結束。12) 甜品（富良野哈密瓜 + 紅豆糕）- 甜品簡潔但有誠意，哈密瓜甜而多汁，紅豆糕口感扎實，幫整餐畫上滿意句號。🔥整體味道總結- 整體以「新鮮」「原味突出」「細節處理用心」為主軸。師傅重視傳統刀工與米飯溫度，但亦敢作小小創新（如柚子汁、鹽處理魚腩、昆布漬帆立），令每一貫都有小驚喜。- 味道偏向保留食材本身鮮味而非重口改造；但師傅亦懂得用少許調味（鹽、昆布、柚子）去提升層次，而唔係蓋過食材。🔥環境與氛圍- 店內燈光柔和、枱面乾淨，吧台木枱質感佳，坐在吧台可以近距離見識師傅手法，氣氛既專業又放鬆。店內裝潢簡潔而有日本風格的雅致。🔥建議與小提醒- 建議事先訂位並講明有冇食物敏感或偏好（例如唔吃某些魚或太多 Wasabi），師傅會相應安排。- 若想更享受互動，可以叫酒（但我哋今次因為翌日要返朝早班就冇飲），跟其他客人一齊飲酒同師傅吹水應該很開心。- 價位屬高端（$1,880/位），但以食材新鮮度、海膽份量、師傅經驗與手藝嚟講，值得一試，特別係想體驗地道師傅水準嘅食客。🔥總結（主觀評價）- 師傅手藝：9/10（30年功力顯現）- 食材新鮮度：9/10（海膽、貝、魚肉都很出色）- 味道與創意：8.5/10（以原味為主，小巧思提升層次）- 環境與服務：8.5/10（親切、專業）- 性價比：8/10（高價但配料與手藝匹配）🔥最後一句今次 SUZUNO 嘅 Omakase 體驗令我哋好滿意：師傅用心、食材新鮮、每貫都有細心考量。大金䱽魚腩用鹽處理同原隻紫海膽都令我印象深刻。下次會想試下同師傅傾多啲魚貨來源，或者帶多啲朋友一齊慢慢嘆酒吹水。…查看更多

# 【食評】跑馬地天花板級 Omakase —— 寿々乃 Suzuno 今日同老婆仔嚟咗跑馬地呢間 **寿々乃 Suzuno**，真心覺得係一間非常高質、極有誠意嘅 Omakase 餐廳。師傅係有三十幾年經驗嘅本地壽司師傅，對料理有執着但同時亦細心照顧客人口味，開餐前會主動了解有冇食材敏感、喜好，甚至即日想試嘅特別食材。相比起好多日本師傅，佢更加健談幽默，邊食邊講解唔同魚嘅產地同食法，好似上咗堂鮮味藝術課，非常親切。 ---## 🥢 前菜小食盛合 第一道係一個極精緻嘅小盤： - **宮崎沢蟹**：細細隻原隻炸脆，可以整隻食，好濃蟹香； - **明太子伴長野蘆筍**：鹹香開胃； - **牛蒡卷**、**腐皮卷**：清新、口感多層次。 作為開始，清爽又別致。 ---## 🍲 季節魚湯 用鱧魚（鱧魚肉紋切得靚仔成白菊花狀），加咗菇類同柚子皮，湯底清甜帶微酸，好醒神。 ---## 🐟 刺身 - **白蝦**：極鮮甜，師傅建議先原味食，再點少少芥末豉油，兩種層次完全唔同。 - **間八魚配柚子汁**：入口清新，酸香同魚油脂平衡得靚。 - **赤貝、北寄貝**：赤貝爽甜帶嚼勁，北寄貝經過師傅拍打先切，零舍鮮美。 - **原隻紫海膽**：至愛之一，清甜細膩，帶點海洋氣息，成個口腔都係鮮味。 ---## 🍤 炸物 & 熱食 - **椒鹽炸白蝦殼**：之前食嘅白蝦殼，即刻回收再炸，香脆惹味，超過癮。 - **白蝦蝦丸配檸檬**：口感紮實，味道清新特別。 - **長崎粟米天婦羅**：炸粉超薄，粟米粒清甜爆汁，好驚喜。 ---## 🍣 壽司盛宴 師傅上壽司之前，會奉上一盤自家漬物（蘿蔔、牛蒡、青瓜、子薑），可任添，用嚟清口超貼心。 壽司共有十款，逐件都做到黃金比例： - 平目魚壽司 - 金目鯛壽司 - 關鯖魚壽司 - 帆立貝昆布漬 - 障泥魷魚壽司 - 北海道新秋刀魚壽司 - 中金槍魚腩壽司 - 大金槍魚腩壽司（特別只用鹽調味，更能凸顯肥美油香） 每件都係細膩嘅味覺享受，尤其是 **Wasabi**，係新鮮磨出，辣度溫和但香氣濃厚。 ---## 🌊 海膽手卷 巨量海膽鋪滿紫菜，成店十個客，平分成版海膽，份量震撼，入口極致甘美。 ---## 🍲 魚湯 & 甜品 食到尾聲再奉上魚湯，滿滿鮮味，完美收尾； 最後嘅甜品係 **富良野哈密瓜 + 紅豆糕**，香甜清爽，加咗金箔點綴，貴氣十足。 ---## 💰 價錢 Dinner Omakase 每位 $1,880，兩位連加一埋單 **$4,136**。以食材質素、新鮮程度同師傅嘅功架計，完全值回票價。 ---## ⭐ 總結 **寿々乃 Suzuno** 絕對係跑馬地天花板級 Omakase： - 師傅專業又健談，料理精緻用心； - 食材極新鮮，尤其海膽、鮪魚腩同赤貝令人難忘； - 好多常客食完再回頭，絕對係氣氛同味道俱佳嘅高質選擇。 👉 **推介指數：★★★★★（5/5）** 📌 必試：大金槍魚腩壽司、原隻紫海膽、海膽手卷、長崎粟米天婦羅 ---…查看更多

寿々乃真是一個慶祝生日的好地方，師傅超健談，很多的分享，感覺像是朋友一樣，氣氛輕鬆愉快。小店座位不多，需要預先訂座，晚餐omakase dinner set價錢$1880有前菜、清湯、刺身五點、季節料理二品、握壽司十貫、麵豉湯及甜品，師傅選擇當天新鮮當造的食材在客人面前即席製作！前菜:宮崎縣蟹仔-咬下去有蟹油蟹膏 可連殼食昆布卷腐皮魷魚芫荽半長野蘆筍-少少鹹可以送酒 也可以留下來慢慢吃太刀魚卷 包着牛蒡清湯:鱧禮魚，配上青柚子及小點點梅子，湯內有些蒓菜，是京都特色菜式。湯味道帶有柑橘的酸，很開胃。山口縣鱸魚刺身 配酸汁青柚子 魚香突出帶有少少魚油小食：炸沙甸魚魚苗刺身:富山縣白海老-由好多隻小白蝦組成，現時是當造期，配少少醬油更能帶出鮮味。九州櫻島（鹿兒島）間八 可以配紫蘇花食愛知縣赤貝 北海道北寄貝-兩個貝之間，我較喜歡北寄貝，有它獨特的新鮮貝味，平常吃紅色的是煮熟了急凍的，淺啡色才是新鮮。岩手縣紫海膽-嘩，想不到omakase紫海膽吃，太幸福了吧，每一個海膽都不同味道，有些有礦物味，有些較清甜，剛好我的是清甜的，我較喜歡這純粹的味道。季節料理二品：白海老真丈-即是將白蝦製作成炸蝦丸，蝦丸口感柔軟，不會像一般現成的丸子硬梆梆，啖啖鮮味。北海道白粟米 粟米天婦羅 壽司：四國愛媛縣鮎魚壽司金目鯛壽司青森帆立貝昆布漬壽司大分關鯖魚壽司福岡槍魷魚壽司-味道新鮮，口感有少少脆。甘蝦壽司-三隻肥美的甘蝦，咬下去口感十足，非常鮮嫩。秋刀魚-秋刀魚很有魚香，配少少蔥能帶起它的鮮味。中吞拿魚腩大吞拿魚腩-非常肥美，師傅配搭了一些鹽，提升油香。吞拿魚醬油漬海膽手卷-這次用盒裝的海膽，比較純粹的鮮甜味，算是友誼小姐，人人都喜愛。甜品:富野赤肉瓜 紅豆羊羹麵豉湯:味道較濃，內裡有些魚塊及蘿蔔。這個omakase非常豐富，我們吃了三個多小時，盡興而返。…查看更多

頂級Omakase好難得一遇，今次來到跑馬地的「寿久乃」，享用了一頓令人心滿意足的Omakase盛宴。餐廳僅有十個座位，強烈建議提前預約。食材嚴選當季最新鮮的珍饈，那晚特別以夏季盛產的富山縣白蝦與岩手縣紫海膽為主角。所有食材每日從日本空運直送，吃過一輪後便能深刻感受到師傅對食材的嚴格挑剔與執著。三個小時裡，每一道菜都帶來驚喜與期待。前菜- 以牛蒡與淮山製成嘅卷物- 昆布卷- 漬魷魚配長野蘆筍，佐酒最佳- 宮崎炸蟹仔李節清湯，京都名物鱧魚清湯刺身五款：- 愛媛盧魚，佐醋橘與特調酸汁- 縿魚肉質結實，油脂甘美。- 赤貝與新鮮北寄貝，好鮮甜！- 富山白蝦刺身，季節限定的珍品。- 北海道紫海膽，香港少有原隻海膽!炸物：- 白蝦連殼酥炸- 白蝦丸，好彈牙！- 長崎黃粟米與北海道白粟米製成粟米天婦羅，清甜好食！壽司十貫：- 和歌山鮎魚- 靜岡金木鯛- 關鯖魚- 甘蝦- 石垣貝- 池魚- 長崎中拖羅，大拖羅-天身- 北海道馬糞海膽壽司最後，連麵豉湯與甜品——十勝紅豆水羊羹配蜜瓜，水羊羹口感特別而且唔會太甜！完美地畫下這場有記憶點的Omakase盛宴句點。完美的2.5小時omakase體驗🥰…查看更多

壽々乃跑馬地黃泥涌道163號地下，銅鑼灣地鐵站A出口行幾分鐘就到餐廳主打新鮮嘅日式刺身又有廚師發辦刺身，每日新鮮送到，空運直送當造嘅食材，令到食物帶來鮮味同新鮮感菜式豐富，每一道菜都原汁原味一踏入餐廳就見到以木係裝修為主，配埋柔和燈光，感覺舒服，師傅用心製作有31年嘅經驗，非常多熟客仔幫襯，師傅邊製造食材，又會同食客交流，令我增添不少知識，真係難忘嘅一晚Dinner menu 先付沢蟹牛蒡，迷你蟹仔，魷魚長野蘆筍，昆布卷，前菜非常開胃，又精緻，口感又豐富鱧魚清湯，京都名物，湯底精緻鮮甜，魚嘅肉質細嫩，入口即化，配埋柚子汁，酸酸的非常開胃，順菜外面有啫喱包住，屬於水草嘅一種，入口特別真鯛，天然鯛魚，肉質爽口鮮甜，配酸汁加蔥花，可以包住紫蘇葉一齊食，味道清新，青檸加柚子香味鹿兒島平政刺身，係獅魚一種，魚嘅肉質鮮美，油脂適中，帶有淡淡的甜香，可以配埋紫蘇花，有獨特嘅味道水八爪魚腳切片，醬油Wasabi，可以放入八爪魚吸盤一齊食，味道非常鮮甜，爽口彈牙愛知縣赤貝，北海道北寄貝刺身爽口又厚身，又鮮甜配埋海鹽味道更加出小食素揚炸蝦，素揚方式烹調，沒有沾炸粉，原隻炸蝦淡淡香脆紫海膽廚師解釋得非常詳細，原來唔同水域嘅海膽味道都會唔同，有啲係清甜有啲係礦物味，顏色金黃光澤，入口鮮甜美味壽司10款大拖羅壽司，味道豐腴，脂肪分佈均勻，入口即化，帶有淡淡的海洋鮮味，口感滑嫩，讓人回味無窮中拖羅壽司，脂肪稍少，肉質緊實但仍然保有鮮美的風味赤身壽司，肉質鮮紅，口感彈牙，味道清新海膽手卷，海膽的濃郁香氣與絲滑的口感，鮮甜的味道池魚壽司，味道鮮美而清淡，魚肉質地細膩，帶有淡淡的甘甜金木鯛壽司肉質細膩，口感柔和石垣貝壽司，貝肉鮮嫩，口感爽脆，味道濃烈而不膩味噌湯味噌湯充滿層次感的湯，味道濃厚，湯底以味噌為主，散發著醇厚的香氣，帶有微微的鹹味和淡淡的甜味，入口時，魚肉滑嫩、海帶的鮮美豐富的口感甜品日本赤肉蜜瓜的味道甘甜醇厚，果肉鮮嫩多汁，散發出濃郁的芳香，入口即化，如蜜般的甜美，口感清爽，帶有微妙的清香熱情果獨特的酸甜，口感滑順，散發著熱帶水果的香氣，給人一種清新的感覺，讓人忍不住想再來一口。…查看更多