寶城美食店

紅磡廣場成個商場本身都好有歷史感，而呢間舊式快餐店就位處商場地面落一層，一個好靜焗既位。朝早嚟到，成間鋪好似處於半睡半醒狀態，安靜，休閒。 早餐主要都係正常大路選擇，比較少見係麥皮餐。 麥皮質感同味道都頗濃，腸、蛋、多士、奶茶等就正常水準。晏晝時間突然變得非常多人，直接放棄，擇日重賽。下午茶時間又回復返寧靜，終於可以試佢既招牌炸雞髀。 雞髀外皮炸得非常香脆，十分香口。 肉質尚算嫩，但又未至於有肉汁流出嚟。 調味亦適中，唔會太鹹。可能而家物資太豐富，要叫得做巨型雞髀同皮脆肉嫩既門檻都越嚟越高。 呢度既炸雞髀，以往日既標準嚟講，應該都算幾大隻同嫩口。 咁而家呢講，總之食得開心就好啦。…查看更多

紅磡呢間有好多人氣既寶城美食店，午餐時段都頗多食客，大部份都係食炸體飯，有些要蒜蓉汁，有些要茄汁，而我個人喜愛黑椒汁，就到櫃枱點了一份黑椒汁炸雞髀飯，交飛取號就揾個位坐低。碟飯跟住就嚟到，炸雞髀一隻，飯量足，一大勺黑椒汁，係我喜愛的味道，雞髀炸得好熟，有少少乾，但好香口，d黑椒汁好味到我用嚟撈哂成碟白飯食。整體滿意。[米饭]口味：🥚🥚🥚[薄荷]环境：🥚🥚🥚🥚[服务铃]服务：🥚🥚🥚[糖果]性价比：🥚🥚🥚…查看更多

手位於紅磡廣場地庫的寶城美食店，雖然店面不算大，但卻吸引了無數食客的光顧。這裡以其獨特的港式快餐而聞名，特別是炸雞髀。今次我簡左炸雞髀搭配鮮茄汁飯，炸雞髀是這裡的主打，無論是外觀還是口感都非常吸引人。炸雞髀的份量相當可觀，經過精心調製的麵粉裹粉，炸至金黃酥脆，讓人一眼就能感受到它的魅力。咬上一口，外皮的酥脆感瞬間爆發，裡面的雞肉卻保持著鮮嫩多汁，讓人回味無窮。這種外脆內嫩的口感，實在是讓人無法抗拒。寶城美食店的茄汁飯，淋上酸甜適中的茄汁，讓整碗飯充滿了色彩和滋味。飯粒吸收了茄汁的鮮香，口感更加豐富。將炸雞髀放在茄汁飯上，外皮的油脂與茄汁的酸甜交融，讓人每一口都充滿驚喜。這種經典的搭配，簡直是港式快餐的代表。…查看更多

本人是寶城的死忠喺裝修前好幸運地可以食多一次好好食嘅雞髀薯條得知要裝修都有啲失落要等一排先可以有得食返裝修後食埋加價好正常，呢啲無可厚非點完餐拎完號碼牌仔等緊嘅時間，都一直好期待，因為太耐冇食等下等下，黃昏都等到都客氣咁問下職員係咪漏單無奈職員（新面孔-戴眼鏡, 紮低馬尾嘅女士）嘅態度差到一個點，連基本既禮貌都冇唔怪得啲人北上都唔留港消費！重點，食物嚟到啦！雞髀炸嘅方式好明顯唔同咗，嗰雞皮炸到乾硬, 肉質都唔夠以前咁juicy, 仲要無乜味連薯條都炸得好差（似未炸夠時間就上餐）總括嚟講唔建議食加咗價，味道仲差左好多…查看更多

好少可去紅磡，呢日難得去紅磡上堂，梗係把握機會試吓紅磡名物啦😎睇youtube見到不少人曾推介位於街坊商場紅磡廣場地庫嘅港式快餐店－寶城美食店，必試嘅有招牌巨型生炸雞髀🍗可配黑椒汁、咖喱汁、番茄汁、洋蔥汁等，仲可以配飯、意粉或沙律。店內氛圍好有懷舊感，落單時會俾個橙色number牌等上菜🟠🍗黑椒汁炸雞肶飯 $49果然名不虛傳！炸雞髀size極級大，差啲大過我個頭。切落去已經feel到雞皮炸得好脆😋食落好似薯片咁薄脆不油膩，出色👍🏻👍🏻裡面嘅雞肉啖啖肉，唔算十分juicy不過夠滑唔會嚡，調味亦剛好。黑椒汁好杰身，黑椒味好香，偏鹹少少，撈多啲飯同雞肉一齊食就啱啱好😽🧋凍奶茶 +$2凍奶茶就普通，茶味有少少澀，唔夠滑。推介指數（10分為滿分）：8分…查看更多

#香港美食 #紅磡 今日專登來試紅磡炸雞髀名物，加杯熱奶茶，$50大元，奶茶有茶味是可以的，食物炸雞髀炸得甘脆，裏面亦有肉汁算是滿意，正常茶餐廳曲面薯條也非常香口，唯獨是這茶餐廳是需要先購票，就是這收銀員，充滿香港特色，超級冇禮貌，剛到餐牌附近望一望，就吹你叫嘢，表現出很不耐煩的樣子，這樣的服務態度，香港點會唔死？#Hong Kongfood #hung hom Today I came here specifically to try Hung Hom's famous fried chicken thighs. Add a cup of hot milk tea for $50. The milk tea has a tea flavor. The fried chicken thighs are crispy and there is gravy inside. This tea restaurant requires you to buy a ticket first, but this cashier is full of Hong Kong characteristics and super rude. As soon as he got to the menu and took a look, he yelled at you and showed a very impatient look. With such a service attitude, how can a Hong Kong restaurant not survive?…查看更多

繼續跟「夜粥組」《FING!》MV尋幽探秘！依站嚟到紅磡廣場，預先搵定間快餐店食下午茶，再跟MV場景逐一打打卡 😎🍗 下午茶餐 - 馳名炸大雞肶 😋😋😋😋😋炸雞髀要等大約10分鐘，嚟到當然啱啱炸起熱辣辣 ♨️ 有小編一隻手掌✋🏻大嘅炸雞髀，外面炸得乾身脆口，切開雞肉仍然鎖住肉汁。本身已有醃過，有胡椒粉同鹹味，最簡單直接嘅味道，亦係香港🇭🇰風味～☕ 下午茶 - 熱奶茶 😋😋😋😋餐飲隨炸雞髀一齊上，用咗仿琉璃膠杯，保留舊式快餐店特色 😉 夠熱之餘，奶茶滑身，奶同茶融合得宜～下午茶 💵 約港幣$40/人 💁🏻‍♀️ 好少見到寫食個「肶」字，上網查一查，原來係俗寫字 ✍🏻 雖然快餐店喺舊商場，但一啲都唔陳舊，而且好光猛，枱與枱之間都唔會好逼。舊式商場樓底較矮，由於用上暗紅啡磚，即使有充足燈光💡都好似暗暗地咁。不過裡面比想像中多店舖營業，並唔係冇人流，周不時有街坊、學生逗留，算係區內其中一個消遣嘅地方。由黃埔或紅磡兩個地鐵站步行10-12分鐘可到達，MV場景嘅打卡位置主要喺地下同地庫。想去打卡嘅留意，唔好阻到人做生意呀～ 🤓🙆🏻‍♀️ 最後，喜歡嘅話，歡迎follow！…查看更多

位於一個差唔多沒落嘅商場入面，你完全唔會諗到有一間非常低調的茶餐廳，裏面幾乎所有人都係食緊一隻炸雞髀，明明餐牌上面有好多唔同嘅食物，但係大家都係淨係嗌「炸雞髀」！因為真係好好食！我去到嘅時候，都已經3:30！估唔到全場爆滿，差唔多要開張枱俾我食，裏面嗌嘢食要先付款，保留住7、80年代嘅茶餐廳風格，完全冇靚嘅裝修，實而不劃！你好似返咗去30年前，坐低之後，好快會有專人送上你的雞髀！雞髀熱辣辣，好明顯係即叫即炸，我今次要咗黑椒汁，呢個汁有啲辣，但係好惹味，配埋白飯一流！另外嗌咗個雞髀沙律，沙律正常，但係兩隻雞髀都係一絕！外面脆卜卜，裏面仲好濕潤，好明顯係散炸雞髀！而家真係買少見少！價錢亦都合理！難怪咁多人幫襯！…查看更多

之前係影片分享平台見到紅磡廣場有間知名炸脾小店。撞正今日開會途經,見倒仲有少少時間。所以專登開會之前去叫個炸雞脾外賣，雞脾鮮嫩多汁，調味得宜。係夏天食完炸脾緊係要加杯凍奶茶，一杯奶茶化消炸脾油膩嘅感覺剛剛好，不會太甜又解渴，簡簡單單但幸福感滿滿。老板同員工都好好人，有禮貌又好親切。因為知道我時間比較趕急所以專登幫忙到廚房跟進，服務和人情味滿分，加油，支持你PS: 因為太急冇時間影低隻雞脾已經消化左LOL。…查看更多

大碟好食既快餐店選擇又多，質素好過出面大街啲茶餐廳，價錢都唔係特別貴所以深受附近打工仔同學生歡迎，一到中午食飯時間就會爆滿，服務比澳牛更澳牛去收銀俾錢落order 慢啲你都會😂😂不過慣左都幾過癮，唔使諗坐耐啲，因為佢lunch 真係多人食同等位！焗鮮茄珍寶腸雞排飯 $52雞髀炸同滷水都好食同多人叫，今次食焗飯無剩係食雞髀咁dry ，個焗飯係炒飯底加埋鮮茄個汁香噴噴，而且雞排都大大件包你飽同埋醃得唔錯 ！👍🏻推薦！…查看更多

成日想試吓呢間紅磡名物炸雞脾, 因為間餐廳平日5：00pm就收工,紅日又唔開. 成日就唔啱時間. 今日終於有機會試一試呢隻聞名已久嘅炸脾其實因為唔太肚餓,所以只係叫咗炸雞脾,無叫其他食物.炸雞脾單叫$34, 下午茶嘅話加多杯熱飲就$42. 價錢嚟講呢個區都算合理雞脾上枱, 見到隻脾嘅size有少少失望, 無想像中咁大隻. 生炸雞脾, 入口非常熱, 皮脆肉嫩, 每一口都充滿肉汁, 孜然味亦唔算重, 更重要是隻炸脾拎上手唔係太油,食落口亦唔覺得太油.因為 我食過好多其他炸雞脾, 第一口食落去已經成口油. 呢到隻炸脾就真係非常ok, 名不虛傳. 唯一問題就係我個人嚟講隻雞脾嘅Size唔夠大隻,唔夠食…查看更多

老牌懷舊茶餐廳 一直都想試一到食飯鐘數就好多人🍗炸大雞髀 配意粉名不虛傳🔥一定要連皮食好大隻 多肉 咸味岩岩好 好多肉汁鎖住脆皮下💦平時食炸髀都盡量唔食皮 今次忍唔到🤤可以配飯🍚同意粉🍝同埋沙律🥗我配咗意粉用黑椒汁 超級多汁 唔會食到一半就乾晒我d同事有嗌其他汁都覺得好味😋呢間出名炸雞髀 但我都試左另一款豬扒結論都係炸雞髀滿足感大d😂…查看更多

每次入寶誠都係一個挑戰, 原因在於你需要係個腦run一次個落order的步驟, 同埋好清楚自己要食咩, 否則就會有後果, 食過的人就會明!寶誠最出名係炸脾飯, 但因為我唔太好食炸野, 所以叫左個豉油王雞脾飯配是日靚湯, 凍熱野飲要另外加錢。交完飛就自己搵個位坐, 同埋要專心留意聽待應送餐時叫你的號碼, 否則就有可能會miss左!茶記都係好快, 所以等左一陣個豉油王雞脾飯同例湯(好似係花生眉豆紅蘿蔔煲排骨)就送到, 一如既往, 雞脾size都係幾大, 食落雞脾肉嫩滑, 豉油滷得非常入味, 似係有加D八角落去一齊滷。例湯就正正常常, 有D味精個D囉…查看更多

呢間懷舊茶餐廳 而家真係好小地方有叫咗茄汁雞髀飯外賣 唔使8分鐘已經拎得我記得之前食過雞髀咬落去好去juicy今次食落去有少少乾 可能放得耐既關係但加埋茄汁飯 係好食同絕配完全係以前懷舊嘅味道 下次要試下焗飯先…查看更多

紅磡仲食左好多間餐廳好似紅磡廣場間寶城又係雞睥關注組名物黎但佢又係同好多紅磡餐廳一樣就係星期日唔開既咁焗住又係星期六過黎啦寶城個位係紅磡廣場地庫其中一條電梯落到底就係快餐店格局係紅磡區已經算係比較大間了飯意粉之類都係五十蚊以內下午茶都有焗飯雞脾餐係偏貴既42蚊乜都無淨係包熱飲咁單點淨雞睥就34蚊即係個下午茶就只係比8蚊要杯熱飲一d都唔抵玩而焗飯平時正價一樣都係49蚊差別就係下午茶免左4蚊加熱飲快餐店就要先買飛再交飛比水吧位會有個牌仔佢會送過黎檯面唔洗自己拎香港好似已經無乜呢類型既港式快餐店下午茶無焗豬扒飯所以同雞脾兩樣都要左正價餐要左一杯凍飲加五蚊杯凍檸茶都正常既吹到話全港頭幾位既炸雞脾真係岩岩炸好上檯熱到辣手無可能用手拎黎食雖然唔似其他餐廳咁大到好誇張不過皮薄炸得好靚仔食落孜然粉味都幾重同埋啖啖肉每一啖都有肉汁滴出黎成件事都幾顛另一個係焗芝士豬扒飯同平時蕃茄唔同呢個重芝士好鬼漏豬扒就薄切唔差不過始終無蕃茄咁夾我自己就覺得一般兩樣野加埋88蚊唔會話係勁抵食但五十蚊個焗飯都叫比起好多連鎖茶記平同埋個雞脾真係正雖然無第一次食三多咁有驚喜但都好滿足可惜都係假期唔開啦…查看更多