富都茶餐廳

剛剛食完。嬲嬲地想分享經歷。餐牌見有我平時中意嘅黑椒汁雞扒飯，就叫左蝶。問佢可否多黑椒汁撈飯，對方晦氣地話：當然可以，但來到根本冇多汁到，黑椒汁根本唔夠撈飯，只夠撈三分一飯。雞扒分量都系細，食完覺得都冇野落肚。埋單比左57元。經過隔離兩送飯今日週六買二送一，三送飯只收38元。下次一定唔會來食囉。其實N年前行開哩頭都幫襯過富都，都系好細蝶，但以為已經轉手，點知都系一樣。…查看更多

入座15分鍾食完個早餐野都未飲完就成日吹人走，5分鐘都無吹我3次，又無人排隊係咪真係甘趕？已經唔係第一次，唔會選擇再幫襯！唔知重以為葵芳得你一間茶餐廳！唔知個老細落比order 比啲員工，員工服務態度極度惡劣！特別有個扎辮嘅阿姐，把聲又尖，又大聲，驚死人唔知佢趕你走！你估人地唔趕時間，大部分人都係想安安樂樂食個早餐/飯之後番工姐！甘想人走唔好開門做生意呀嘛！食物本身唔錯，甘趕住番枱轉左做快餐啦，一係轉做外賣檔呀嘛，枱都唔洗汁！…查看更多

體驗極差，信我奉勸各位唔好去，嚟得荃灣又唔知食咩好，見呢到好多位就入去試吓，食物難食之餘，員工唔手寫單之餘冇記性落錯單，想食B餐焗飯，幫我落錯沙薑雞飯，Ok唔緊要，仲要講到好似客人講錯哂咁…查看更多

31-12-2023 (Sun)朝,同亞姨會合去完教會嘅老公買嘢前食個早餐,原本想去飲茶,但多人等位,去太興冇人,但我又唔想食呢間,去富華,又有人等位,咁我哋橫豎都要去楊屋道街市嗰頭,就繼續順住行啦,見到呢間冇人等位嘅,於是入嚟食.睇吓menu,佢嘅早,特,常餐都比其他茶餐廳嘅貴,唔怪得冇人排隊,咁老公之前已食咗少少嘢,所以佢就叫$40.00嘅葡式餐肉粒通粉(羅宋湯底)配煎蛋多士,飲熱檸水.由於都差唔多午飯時間,我同亞姨決定叫抵啲嘅午餐,店員都話可以落單,亞姨同我要同樣$59.00嘅飯餐,佢要炸雞髀飯,羅宋湯同熱檸水.我要沙薑雞飯,飲中茶同熱奶茶.嘢食陸續到齊,唯獨中湯,老公就問店員,店員語氣一般咁話轉𡁵午市,冇咁快.令原本我覺得冇乜問題嘅服務打咗個折.好,開餐喇,沙薑雞本身冇乜味,根本就係白切雞,然後自己蘸沙薑醬,咁我都識整.不過雞嘅份量都唔算少,亦有好多脆花生;白飯就正常冇問題.2分中湯唔知咩湯,味道清淡舒服.4分炸雞髀呢?亞姨俾啲我試,皮脆肉嫩但都幾鹹.2分最後杯熱奶茶味道都係淡淡地.2分抵食係2.8分…查看更多

一間老區裏面茶餐廳已經無咩要求，但求乾淨企理份量足就算，呢個早餐餐肉羅宋湯上枱已經無黎生氣，匙羹攪兩攪得個幾粒丁餐肉已經嬲嬲地，問左侍應呀姐係咪得四粒餐肉，佢實牙實齒答係！好啦祝貴鋪生意興隆🤯…查看更多

完全唔理會客人！叫極都唔理！扮睇唔到？！要講10萬次服務態度超差！服務態度超差！第一次令我感覺超差嘅餐廳！其他枱都上晒，漏咗單都唔跟！好似個個都想避開過漏嘅單！唔應就當冇錯發生過咁！…查看更多

幫襯咗呢間茶餐廳大大話話都差唔多有廿年， 貪佢返工同收工都就腳，味道就一般茶餐廳水準囉， 但見佢做到由大舖變細舖，有轉變都係好嘅環境光猛咗裝修靚咗，起碼舖面冇以前咁大，啲樓面態度都好返啲啦😅 起碼早餐時段唔會見到事頭婆做到發脾氣囉😂🤣 但前幾日颱風馬鞍打到嚟個晚，負責幫我哋嗌餐嗰位同事就有啲唔係幾好嘅經歷，通常有同事想食蒸餸時出發前都會打電話去嗌定， 咁去到就可以慳返啲時間唔使等咁耐， 嗰晚如常打通咗電話之後但又冇人應機，3,4秒過後擬似係老闆娘個仔即係太子 就一句則過嚟~講啦，當時我同事都愕一愕然， 但都先叫咗碟蒸排骨先，點知太子回咗我哋一句無之後就cut咗我哋線，我哋果晚粗粗哋去銀龍食咗一餐，自此全公司都決定以後都唔再幫襯富都，喺度恭喜事頭婆妳有個咁出色嘅仔仔幫妳做少好多生意🤣🤣…查看更多

星期日晚經過荃灣眾安街…….見到一間裝修不錯望落幾乾淨嘅茶餐廳， 當時食晚市食客差不多爆滿，見到門口大大個水牌展示一幅海南雞飯嘅圖片被吸引進店幫襯。最後當然叫左個海南雞飯……點知中伏…..垃圾中嘅垃圾，唔知以為自己食緊糟糕灣飯餐。啲飯好似食緊BB加固嘅飯仔，啲雞好似蒸左幾日鞋口無零雞雞，啲黑鼓油改左用蠔油，我只想講餓死都唔會再入哩間店。其實食客嗰啲都係辛苦錢。我真心想XxxX,不過我係斯文人，用文字解決就得。希望大家唔好入哩啲伏店，一肚氣！…查看更多

其實, 好少會去write comment , special for茶記, 講真, 一百幾十, 想要求甚麼, 唔好講質素, 食物, 其實, 簡簡單正正已ok, // 但, 今次真係著左, 年廿九, 拎住條魚, 都已經起孖用左兩袋, 想放地下, 又好似爭d, 算, 諗住拎張廢紙zip 住好, 無為弄濕張枱, 第一次俾小, ok, sorry, // 茶記齋啡, 預左多數有點濃, 送餐黎時, 順便requet 埋要杯水, 戴住口罩, 無應機, 以為佢聽唔到, 講多次, 又俾人小, 真心勁 👍🏿 祝生意興隆, 客似雲來!…查看更多

外卖基本六十几，不说运费，外卖小哥还是腰赚钱的，但一个平均比茶餐厅高一点的人均消费，食物都比不上平均三十几那种茶餐厅，现在疫情问题，我都明白餐厅的难处，但是没必要无底线吧？我点了一个黑椒鸡排意粉，黑椒没有黑椒味，全是咸味，鸡排不是鸡排是肥扒，几块肉全是肥肉，恶心得要死，意粉就更无语了，软啪啪，给九十岁的老奶奶老爷爷吃吗？…查看更多

今日下午經過見無乜人就入左去試下，成個場約1/5人，坐低睇咗餐牌諗住穩陣D就叫左個港式豬扒包，等咗大約10分鐘有得食，一揭開個麵包就有驚喜，塊豬扒又薄又細，目測平均大約3-4mm厚，其實都幾考師父刀工。咁都算啦，就連味道都有”縮”味，一定唔係沙律醬嗰陣味，奶茶非常之一般，冇乜茶味，呢個豬扒包係暫時食過最難食嘅豬扒包，食完有中伏嘅感覺。食食下仲要有啲烏蠅仔飛來飛去，連環境衛生都唔得，唔會再黎，依家終於明白點解冇乜客人。…查看更多

因為哩間餐廳系通宵營業。。好常會食到 夜晚肚餓起上黎一定黎買但我真心未試過咩廚師可以煮到黑椒汁帶甜味蝦仁炒旦吾知點解稀到出晒水:(:(:(感覺非常失望 ＃真心希望可以改善下 😢以前食過都吾會系咁既 …查看更多

今日在荃灣富都茶餐廳食晚飯，兩個人套餐，內有燉湯，任選兩款小菜，油菜一碟，飲品兩柸，凍飲加三元，合共一百二十四元，每款小菜超過六十二元需要補差額，最後叫了，海鮮粉絲雜菜煲~海鮮非常唔新鲜，不重要都預計是雪藏的，但海鮮似死咗幾千年，雪咗幾千萬年，非常難食，只可以食咗粉絲和菜，南乳排骨~比較正常但有啲輕微變壞了，生菜~是最好味的，最離譜係白飯~硬過我條命，啲飯擺明係半生熟，同佢講換來的也是一樣半生熟，所以我都冇食過飯，唔通荃灣區啲人鍾意食半生熟的飯…查看更多

星期日荃灣人山人海， 尤其是兆和街嘅小巴站，小巴站都排曬長龍去郊外遠足。 附近嘅茶餐廳都非常旺場， 呢間都係是但揀， 但結果又唔錯喎早餐32蚊， 一般茶記嘢， 但係上枱非常之快手。 米粉唔會擺一陣就索水， 厚多士焗到脆卜卜， 枱面 調味料竟然有美極鮮醬油， 用嚟點太陽蛋啱曬。是日飲嘅熱咖啡都沖得唔錯最值得讚嘅反而無影相， 而係麥皮餐配搭嘅蛋治。 並非簡單用方包夾住蛋就算數， 而係整得厚設豐富， 切開兩件， 可以見到雞蛋唔會煎熟曬， 留返大量蛋汁， 夾喺中間朗下朗下想滴出嚟咁。出色…查看更多

因為口痕但又唔想食太飽所以走入茶仔食個下午茶、就點咗個特製火腿奄列下午茶餐、火腿奄列份量算大、還有半件牛油多士同茄汁豆（可惜豆是沒有加熱的），加埋杯大大杯既凍飮都係$33。…查看更多