富豪酒家

一行七人團購左這𥚃的八道菜晚餐。紅燒官燕，高湯香濃，燕窩不少，加了少少腿蓉，不錯。吉品鮑鵝掌，鮑魚黏刀有咬口，個汁調得濃度剛好，但鵝掌炆的時間不夠。百花遼參，蘭度爽口，蝦膠彈牙，個汁比較清。脆皮乳鴿半隻，炸得好香口，但冇乜肉。蒜子上湯莧菜，莧菜嫩口，個湯好清好好味。瑤柱炒飯，份量大，瑤柱也不少，炒得好乾身，好惹味。旦白杏仁茶，吾太甜，淡淡杏仁香。脆皮龜苓膏馬蹄條，細細條，一口一條，普普通通。整體來說是不錯，待應服務也不賴，但男仕可能不夠飽。…查看更多

本来年三十晚订位此小馆吃年夜饭，(3星期前已经订位）但三十中午午得到酒家凶祌恶煞的口气电话通知：今晚只可以六点钟开枱吃饭七点钟交枱，并且加收20%服务费！问我们还去不去，此店家如此对待人客，你说我会去吗？比小店虽小有名气，鲍参翅肚小弟也略有研究，手艺自觉不差过城中酒楼，此小店以前也帮趁过，没想到此店竞如此没有道德赶客，试问你就算年三十晚做十转，又可以赚多少钱？莫非过了今年，明年就关门大吉！如果如此原因本人也就不追究了！祝此🐔年关门大吉！…查看更多

今日一個大客戶約我出去食午餐，話想多謝我之前嘅幫忙，幫佢解決左一D技術上嘅問題。我哋呢D做細嘅，當然留比D老闆話事啦。老闆即係老闆，一句就話"去銅鑼灣富豪啦"...今日1點嚟到，坐底等。呢度嘅裝修都好OLD SCHOOL，幾切合富豪呢個名。老闆嚟到點菜，即點咗佢哋一D必食菜式。阿翁鮑魚咁出名，又點可以冇呢。正宗日本吉品鮑魚，我估應該廿頭，真係做到糖心黏刀。一流！紅燒翅，湯頭濃郁，啖啖都有金華火腿同雞嘅香+鮮，翅亦都係一梳梳，非常飽滿。炆燒班骨腩，啖啖肉，乾身味濃，合格！最喜歡係佢D生蒜粒，極品！半隻鹽焗雞，用上新鮮雞，皮脆肉嫩，表皮下嘅薄薄黃油，真係非常甘香，令人回味無窮。富豪荷葉飯，用上鮑汁，蝦米，瑤柱，呢個組合邊有得輸。係好似鹹咗少少。椰汁燉燕窩，雖然只係用碎燕，但係品質都唔差，啖啖都滿口燕窩。呢度叫得富豪酒家，真正係品質優越，難怪咁多年都係富豪飯堂！希望有朝一日呢度都可以係我嘅飯堂！…查看更多

食到一半, 個場已經冇左一半人, 原來入面咁細架呢,海參, 鮑魚, 好好味呀!!好滑個鮑魚切既時候係痴住把刀XD但鮑魚好細, 唔夠喉XDD其實每碟我都覺得好好味,但有選擇下個雞係會食剩的, 而且覺得佢有D鞋鞋地. 最後甜品燕窩好好味…查看更多

公司有同事識飲識食，有日吹雞一齊試富豪酒家的團購午餐，見酒家打正阿翁鮑魚旗號，團購午餐以高湯紅燒燕窩做招徠，故召集了8個餓底響應加入，浩浩蕩蕩上酒家拆返餐。 酒家餐橫典雅高尚，檯亦不會排得太密。食客都是“斯文人“, 談話聲浪不大，故在酒家吃飯感覺寧靜不吵耳。是次團購味道不算出色，比預期的還差啲啲。但餐廳環境舒適和優良服務加返點分。畢竟以$220的午餐可以有很多更好的選擇。…查看更多

店內裝潢瑰麗, 食物質素極佳。主角,阿翁鮑魚。鮑魚不算大, 但憫得非常腍,伴以濃郁的鮑魚汁及清甜生菜,吃完已經飽了七成,整體一流。次角,魚翅, 有新鮮剛的芽菜作伴菜。翅份量十足, 湯不會稀少, 果真一分錢一分貨。荷葉飯, 味道不俗。小吃, 金蠔, 店員介紹是以先煮熟後曬乾形式去製作。但,個人認為與平日街上買的蠔鼓相若。…查看更多

老板阿翁真係坐正係餐廳，今次見到佢同家人食晚飯，不過唔見佢食鮑魚XD餐飯整體幾好，不過粒鮑魚真係好細，隻雞比如期好食，仲有碟味道唔錯嘅生菜，服務員態度都好好，可能因為老板係度XD…查看更多

說富豪酒家這名字可能大家有點混亂,但說到"阿翁鮑魚"這個朶便無人不知。這間走高檔路線的中式餐館, 用料好, 份量也足, 平均菜式質素中上。服務不錯, 不是那種只照顧熟客的老名店。說事實, 用刀叉切原隻鮑魚(只計乾鮑)的經驗並不多, 只有數次, 但每次也沒有令我驚艶的感覺(可能每次也只吃25頭或以上), 這次也一樣, 味道跟質感均在預計之內, 好吃是好吃, 但並不特別。如果把阿一,阿翁或陶源的同等級鮑魚放在我面前要分別出來, 我應該辦不到。今次吃的是套餐, 現在去片吧!…查看更多

第一次到富豪酒家，是8個月前，全因它的電視廣告：十年前價錢 $680 超底食金融海嘯套餐。傳統高級中式餐廳室內裝修，原本被安排坐下層(滿座)，因較近大門位置，便要求坐上層。那時7點，上層只有我們一枱，30分鐘後多4枱，不滿座。見到老闆阿翁，坐落個熟客張檯傾咗一餐。餐聽職員有禮，大多是中年以上，說話比較大聲。因上層人少，比較静，你會聽到職員、阿翁和其他客人的說話。有機會再來的話，我會坐房，more privacy and quiet.食物方面，4個字：全部都好！紅燒砂窩包翅魚翅一排排份量夠，紅燒湯底夠香夠入味，砂窩吃到尾也熱"辣辣"！ 好好味，5星！30頭皇冠吉品鮑30頭當然不是很大隻啦！精髓在於它是糖心鮑魚，拎起刀叉切落去，有少少黐住刀背的感覺，切開後是深啡色，中間深啡中帶一點點紅色的糖心。咬下去有一點點特別的鮑魚香味，是普通鮑魚沒有的。鮑汁, 當然好啦！好好味，5星！鮑汁唐生菜膽用鮑汁送唐生菜膽，no problem！4星！原條關東遼參鵝掌好味冇得彈！5星！脆皮炸子雞皮脆肉滑，好味！4星！瑤柱鮮蝦荷葉飯好味！4星！原燉杏汁燕窩燕窩份量很足夠，杏仁味好香，好味！5星！如果富豪酒家繼續推出這 $680 經濟復蘇套餐，我一定會再去！…查看更多

食了$780的套餐。主打的翅及鮑魚，令人非常失望。(1) 首先是翅，望落杰撻撻，食完肯定是汁而不是湯或羹，而且非常咸。最離譜的是，D 魚翅肯定不是和湯底一起煲，是蒸/煮/浸好魚翅後，放在雪櫃，有ORDER時，將魚翅加湯放在小煲再煲，完全食得出D 翅 好淡，D 湯又勁咸，收這麼貴卻這樣做，東園金閣收得平都不會這樣。(2) 鮑魚， 同魚翅一樣 --- 咸。(3) 蝦 ----勁腥荷葉飯好食，送的雞都亦OK.燕窩送埋比友人食(因我不吃杏汁)，他說不過不失。每人茶介加一，差不多800 per person。不是特平，但比呢d水準，完全不想有回頭客，或者是覺得客人是沒味蕾…查看更多

唔好誤會，我唔係咩食家，因為見好少呢間餐館的食評，我諗其他會員都會好似我咁，希望去之前了解多 D 所以寫咗少少嘢上嚟同大家分享一下：對呢度硬件嘅感想係，所有餐聽職員都面帶笑容同好客氣咁款待我地坐低，同一般餐廳的禮貌差不多，唔使驚有人會白你眼，放心！ 現場分兩層，見大部份 WALKIN 嘅香港客人都係被分配到地下果層，我估，樓上應該係招待 VIP 或者國內豪客喇地下一層大概有10-15張檯，但只有我地一檯加另一檯客，靜過鬼！ 前菜有一碟仔脆扑扑嘅花生，餐具，檯布，檯凳，室內裝飾全部同一般有咗十幾年歷史的酒樓完全無乜分別，真係唔講無人知入嚟食親都最少幾錢蚊落樓呀。 講吓佢哋餐牌，其實檯面已經插住個乜乜餐嘅牌，上面有三個餐，分別八百幾，千頭，同千尾嘅價錢，而家先知原來一錢蚊以下都有交易嘅！ 另外，果一本正式餐牌裏面當然有更多高價菜式同餐啦，我蠟下眼見都個每人6000蚊嘅，好似係13頭鮑魚，真係流哂口水！ 值得一提的，係現場真係見到老闆阿翁，佢重坐落個熟客張檯傾咗好耐，見佢好 NICE 呀！我一心想同家人嚟食魚翅燕窩鮑魚嘅，BUDGET 都係每人二千蚊，個保長見我下不定主意食 18頭 定 22頭 果個餐，於是就好好人咁，從廚房拎哂兩隻已經發起咗嘅出嚟我地面前比我地比較啦，唔。。 我見兩隻其實大小唔係差好遠，而果個＄1480 嘅餐已經有齊哂我地想食嘅嘢，於是乎我就決定咗要呢個餐每人一個喇。首先出場嘅，係蟹肉金山勾翅，個個湯盅都係滿滿的，而裏面的翅係條條，唔係，應該係一排排，足足有半碗咁多，小弟墨水有限，唔識用文字形容，總知無論去飲宴或者澳門又或者曼谷的咩咩靚翅，呢一盅真係贏一條彌敦道，無嘢好挑剔！緊隨其後嘅，就係主角 "18頭吉品鮑" 喇，而用嚟食鮑魚嘅刀叉係用法國銀器名牌 Christofle，盛載鮑魚過隻碟當然就係大家平時在電視廣告上見到果隻印住 "阿翁鮑魚" 的碟啦。 18 頭有幾大？ 唔好以為好大呀，都係同隻平時酒樓果隻茶杯咁上下大架咋，拎起刀差切落去，一拖，刀背係黐住咗另一半嘅鮑魚，糖心鮑魚，未食都已經享受緊啦，緊住再設細件鮑魚，HI 吓D呀翁秘制嘅鮑汁，嘩，一入口即刻食到果種濃郁嘅鮑魚香味，再合埋雙眼細意品賞，同一時間，部長將另一碟菜送上檯上，原來係好靚嘅鮑汁唐生菜，用來伴隨隻鮑魚一妻食，將所以碟上嘅鮑汁一滴不留咁送到我的肚子裏去。 這刻，真係覺得無嚟錯，辛苦搵來自在食，真係無錯嘅！西蘭花炒蝦球，我覺得都係水準之作，不過相比起佢，我較為欣賞用嚟點佢嘅蝦醬，簡直係令D蝦球嘅味道帶哂出嚟，劃龍點精之作！ 同場加影，如果叫我地個餐，兩人以上，佢地會送一客脆皮燒雞，呢碟因為係送嘅，我哋都無咩 EXPECTATION，點知唔係不特止，我地每人都一致賺好，真正做到皮脆肉嫩，我老婆唔食雞皮嘅佢話淨食雞肉都無諗過可以做到D肉咁滑，正！ 再來就係一個好細個嘅荷葉飯，當然係一人一個啦，SIZE 就好似兩隻珍珠雞點心咁上下大，不過其實當時我地都差唔多包哂啦，呢個荷葉飯絕對唔會構成 乜咁少架 嘅問題，相反我地覺得係岩岩好，講返個荷葉飯，中規中舉啦，D 飯有好豐富嘅鮑汁同荷葉香，食埋佢就飽哂， yummy！個個都差唔多啦，噢，差D唔記得，重有另一個主角，杏汁燉官燕，我自己唔食燕窩所以唔可浪費，比埋我老婆食，佢食開燕窩就即時食得出，佢嘅評語係 嘅飽都要食埋佢，佢話D杏仁味好清香，官燕嘅味道係比起一般我地自己燉果D燕窩為有口感同，其實唔使佢講我都睇到，成碗燕窩好明顯係燕窩多果杏汁，咁口感當然比起佢自己燉嘅為豐富啦！ 同時，部長亦送上椰汁糕同合桃酥，都不錯的耶！一路進餐我地都只係將注意力集中在我地自己嘅菜上面，點知當我地食完甜品，抬頭一望四周，嘩，其他檯都已經坐得七七八八了，不其然心想，香港真的是個好地方，有能力吃千多圓一個餐的人都那麼多！ 其實點解我選擇來呀翁食鮑魚呢，都只係想試吓豪一次，不過，當我地賞試過呢D矜貴菜式，千多圓一位的收費其實真係覺得一D都唔貴，去歐洲旅行好多時食餐好D嘅都要二百幾歐羅啦，只不過在本港消費好多人只不過係唔捨得或者會話使唔使呀之類諗法，總之我覺得不枉此行啦，呀翁我會再來的！(順便提提大家，加一服務費，我三個餐加埋四千幾蚊，加一都比咗四百幾蚊，等如好多人食一餐晚飯價錢，所以大家要有心理準備，比得起幾千蚊食飯就唔可吝嗇果四百嘅啦。)…查看更多

為左慶祝老豆出b仔, 一家人去左呢間酒家食飽魚~ 叫左個唔記得每位千二定千六的套餐~翅: 唔錯鮑魚: 十九頭日本吉品鮑~ 或者我未食過日本鮑, 味幾濃~ 其實我唔知點叫整得好 XD魚肚+鵝掌: 好食, 個魚肚lum度/彈牙度剛剛好~炒飯/ 面: 要左富豪炒飯~ 落左好多瑤柱, 未食己經聞到好香~ 炒得好乾身, 一d都唔油! 好食!雞: 餐牌寫炸子雞, 我亞媽問可唔可以蒸instead, 部長話得~ 一上菜原來佢用荷葉墊底, 將隻雞斬件, 夾埋d金華火腿同冬菇片一齊蒸 真係估唔到套餐改餸都整得咁有心思, 真係好貼心~ 不過隻雞一碟都係油/水 XD 雞d味我諗係雪雞杏汁燕窩: 好食~ overall 很滿意, 但係真係唔知價, 唔知值唔值lor~ …查看更多

This place is famous for abalone but I also love the dimsum here. 金銭肚很好吃呢。芋角又鬆化又有芋香。老火湯真材實料、真的很很很好喝！甜品如蛋白杏仁茶、合桃露、煎堆仔也不錯的。…查看更多

上次同朋友共3人去富豪酒家食lunch, 富豪係阿翁主理既, 而阿翁係阿一既徒弟, 佢地2間酒家只係相隔半條街. 係富豪我地叫左3個點心,1碟炒飯, 因為朋友係熟客仔, 免費每人加送一盅燉湯及甜品杏仁茶一客, 埋單每位都係$100 >.< 真係講都無人信. 我朋友係熟客仔黎, 當日全由佢發板. 先黎個西洋菜燉湯, 好香濃, 一d油都無, 火喉十足. 跟住鮑汁扣鵝掌, 個鵝掌炆得好入味, 軟淋淋, 好滑, 我覺得係我食過咁多間最好味既一間.綿花雞唔肥膩, 好滑, 唔單止d雞入味, 連碟底蒸出黎d水都好味過人 <~~~好似好誇張咁, 嘿嘿.馬拉糕好香, 不過我鍾意食有流沙果種, 所以我都係鍾意潮州世家既馬拉千層糕多d. 朋友話佢既生炒糯米飯, 富豪炒飯同荷葉飯都同樣出色, 找來部長問問, 於是部長好有耐性解釋各款好味之處, 佢仲叫我地揀糯米飯添, 佢話糯米飯只係冬天先有, summer你想食都無. 所以我地聽佢講揀左個生炒糯米飯. 哩個糯米飯好味之處在於全個飯由頭到尾都係生炒, 但係又一d都唔覺肥膩同硬, 而且臘味切得好精緻, 份量唔會太多, 唔會搶走糯米飯本身既香味, 臘味同飯各有出色, 炒功一流, 食晒成碗都唔覺膩. 完全感覺到廚師用心炮製好餸既心意, 比起出面食市半炒或蒸既真係無與倫比. 甜品杏仁茶, 濃濃的杏仁味好香, 少少甜味, 飲完後杏仁既芳香久久不散^^…查看更多

公司春茗o黎呢度食, 六個人每人一套餐另外有個別同事upgrade翅加花膠同埋最尾個甜品杏汁蛋百再加官燕, 個人意見如下:翅- 普通金華火腿湯底, 翅針幾粗, 算ok鮑魚- 唔知幾刀頭, 套餐都唔慌大得去邊, 不過抆得過淋, 冇乜咬口, 冇阿一果度咁好食鵝掌扣遼參- 鵝掌真係幾淋幾入味, 好! 不過最衰個遼參完全唔入味, 非常之麻麻~!其他o野略過, 最尾upgrade杏汁燉蛋白, 加官燕係幾好味! 不過甜D.總括o黎講OK...最重要係唔駛錢. 哈哈~!…查看更多