富豪酒家

一行七人团购左这𥚃的八道菜晚餐。红烧官燕，高汤香浓，燕窝不少，加了少少腿蓉，不错。吉品鲍鹅掌，鲍鱼黏刀有咬口，个汁调得浓度刚好，但鹅掌炆的时间不够。百花辽参，兰度爽口，虾胶弹牙，个汁比较清。脆皮乳鸽半只，炸得好香口，但冇乜肉。蒜子上汤苋菜，苋菜嫩口，个汤好清好好味。瑶柱炒饭，份量大，瑶柱也不少，炒得好干身，好惹味。旦白杏仁茶，吾太甜，淡淡杏仁香。脆皮龟苓膏马蹄条，细细条，一口一条，普普通通。整体来说是不错，待应服务也不赖，但男仕可能不够饱。…查看更多

本来年三十晚订位此小馆吃年夜饭，(3星期前已经订位）但三十中午午得到酒家凶祌恶煞的口气电话通知：今晚只可以六点钟开枱吃饭七点钟交枱，并且加收20%服务费！问我们还去不去，此店家如此对待人客，你说我会去吗？比小店虽小有名气，鲍参翅肚小弟也略有研究，手艺自觉不差过城中酒楼，此小店以前也帮趁过，没想到此店竞如此没有道德赶客，试问你就算年三十晚做十转，又可以赚多少钱？莫非过了今年，明年就关门大吉！如果如此原因本人也就不追究了！祝此🐔年关门大吉！…查看更多

今日一个大客户约我出去食午餐，话想多谢我之前嘅帮忙，帮佢解决左一D技术上嘅问题。我哋呢D做细嘅，当然留比D老板话事啦。老板即系老板，一句就话"去铜锣湾富豪啦"...今日1点嚟到，坐底等。呢度嘅装修都好OLD SCHOOL，几切合富豪呢个名。老板嚟到点菜，即点咗佢哋一D必食菜式。阿翁鲍鱼咁出名，又点可以冇呢。正宗日本吉品鲍鱼，我估应该廿头，真系做到糖心黏刀。一流！红烧翅，汤头浓郁，啖啖都有金华火腿同鸡嘅香+鲜，翅亦都系一梳梳，非常饱满。炆烧班骨腩，啖啖肉，干身味浓，合格！最喜欢系佢D生蒜粒，极品！半只盐焗鸡，用上新鲜鸡，皮脆肉嫩，表皮下嘅薄薄黄油，真系非常甘香，令人回味无穷。富豪荷叶饭，用上鲍汁，虾米，瑶柱，呢个组合边有得输。系好似咸咗少少。椰汁炖燕窝，虽然只系用碎燕，但系品质都唔差，啖啖都满口燕窝。呢度叫得富豪酒家，真正系品质优越，难怪咁多年都系富豪饭堂！希望有朝一日呢度都可以系我嘅饭堂！…查看更多

食到一半, 个场已经冇左一半人, 原来入面咁细架呢,海参, 鲍鱼, 好好味呀!!好滑个鲍鱼切既时候系痴住把刀XD但鲍鱼好细, 唔够喉XDD其实每碟我都觉得好好味,但有选择下个鸡系会食剩的, 而且觉得佢有D鞋鞋地. 最后甜品燕窝好好味…查看更多

公司有同事识饮识食，有日吹鸡一齐试富豪酒家的团购午餐，见酒家打正阿翁鲍鱼旗号，团购午餐以高汤红烧燕窝做招徕，故召集了8个饿底响应加入，浩浩荡荡上酒家拆返餐。 酒家餐横典雅高尚，台亦不会排得太密。食客都是“斯文人“, 谈话声浪不大，故在酒家吃饭感觉宁静不吵耳。是次团购味道不算出色，比预期的还差啲啲。但餐厅环境舒适和优良服务加返点分。毕竟以$220的午餐可以有很多更好的选择。…查看更多