富臨皇宮

天时暑热好想饮啖冬瓜汤 亲戚第一时间话去酒楼叫冬瓜盅所以我地系为左个冬瓜盅而黎好足料又够清甜 饮完唔会话好口渴 like!当晚仲叫左一碟正价龙虾伊面同埋半只烧鹅都好有水准 以街坊酒楼黎讲已经算系高质…さらに見る

间中都会来天水围富临饮茶同食晚饭，不过自从开关之后，呢间茶楼都真系静咗好多，基本上假日系唔使等位就可以入坐😂是日又嚟到饮下午茶，叫咗壶铁观音浓啲，佢真系打两个茶包，够诚意！⭐巧手葱油饼香口，但多啲葱同加返少少盐更好。⭐姜葱牛栢叶一般，个人觉得有啲化学味。⭐鲜虾炸云吞香脆，点埋个甜酸汁正！⭐蜜汁叉烧肠多叉烧又多芫荽，肠粉嫩滑。⭐翡翠鲜虾肠入面有大大只虾虾翠玉瓜。⭐鹌鹑蛋烧卖好大粒，有虾同猪肉，调味唔错😋⭐酥炸鲮鱼球唔掂，太淋啦。⭐黑椒牛仔骨好味，牛仔骨入晒味。⭐鸡蛋猪脚姜好味又大碗，几个人分啱啱好。⭐状元及第粥足料兼粥底绵滑，唔似一般茶楼唔水溜溜㖞。⭐韭黄肉丝炒面炒得香脆，但偏淡，要点辣椒油😆⭐干炒牛河香口，河粉烟韧，牛肉下得多。⭐蜜汁叉烧濑叉烧几好㖞，半肥瘦。店几大，次次都分到濶枱😆会再来饮茶的。…さらに見る

今日一家大细去天水围天盛富临食晚饭，叫咗个锦绣烧味拼盘，谂住实有叉烧、海蜇、鸡鸭鹅之类啦！ 咁应该大家都啱食！点知嚟到系烟鸭胸、海蜇、烧腩仔、鸡。 大家见到点谂住「系咪叉烧卖晒，所以先用烟鸭胸代替？」 咪问个黑衫经理，「点解烧味拼盘冇叉烧但有烟鸭胸？」 个经理答我「烟鸭胸都系中式烧味嘅一种」 ，我哋全台人都安静咗几秒。我喺香港生存咗30几年，而家先发现原来烟鸭胸系中式烧味，而唔系西式嘢。 我真系孤陋寡闻…..…さらに見る

叫左个特价冬瓜盅，冬瓜盅上既时候发现个冬瓜色劲深色（佢系已经深到有啲啡啡地），即时叫楼面帮手换啦，应该系经理职级既人走左过嚟，话之前俾客投诉冬瓜盅太生，所以厨房煲耐左本身都算啦，但后尾发现隔离果枱个冬瓜盅都唔系啡色，仲系白色既，都估到应该唔系真话啦，而且个冬瓜盅肉好柴⋯咁好啦，同执野个楼面讲声，话下次唔好再俾哩啲冬瓜盅啦，楼面话：「哦，系呀，加左酱油」我即时成头问号⋯一嚟人地枱个冬瓜盅就白色既，二嚟边个煮冬瓜盅会落酱油呢⋯虽然哩次唔会至于令到我唔再食，但多少有啲失望⋯…さらに見る

叫咗一碟$298两只龙虾伊面，等咗一个钟都未上菜，嗺左单好多次都话等等就到，顶唔顺叫经理取消个龙虾，佢哋求其攞一碟一只龙虾嘅伊面过嚟，根本唔同价钱，而且碟嘢系冻嘅，无奈只有取消走人去第二度食。最乞人憎系成单嘢冇人讲过sorry，茶位、花生、服务费就全部收到足，咁样嘅态度点怪人地返大陆食嘢唔留港消费…さらに見る