富臨皇宮

天時暑熱好想飲啖冬瓜湯 親戚第一時間話去酒樓叫冬瓜盅所以我地係為左個冬瓜盅而黎好足料又夠清甜 飲完唔會話好口渴 like!當晚仲叫左一碟正價龍蝦伊麵同埋半隻燒鵝都好有水準 以街坊酒樓黎講已經算係高質…查看更多

間中都會來天水圍富臨飲茶同食晚飯，不過自從開關之後，呢間茶樓都真係静咗好多，基本上假日係唔使等位就可以入坐😂是日又嚟到飲下午茶，叫咗壺鐵觀音濃啲，佢真係打兩個茶包，夠誠意！⭐巧手蔥油餅香口，但多啲蔥同加返少少鹽更好。⭐薑蔥牛栢葉一般，個人覺得有啲化學味。⭐鮮蝦炸雲吞香脆，點埋個甜酸汁正！⭐蜜汁叉燒腸多叉燒又多芫荽，腸粉嫩滑。⭐翡翠鮮蝦腸入面有大大隻蝦蝦翠玉瓜。⭐鵪鶉蛋燒賣好大粒，有蝦同豬肉，調味唔錯😋⭐酥炸鯪魚球唔掂，太淋啦。⭐黑椒牛仔骨好味，牛仔骨入晒味。⭐雞蛋豬腳薑好味又大碗，幾個人分啱啱好。⭐狀元及第粥足料兼粥底綿滑，唔似一般茶樓唔水溜溜喎。⭐韭黃肉絲炒麵炒得香脆，但偏淡，要點辣椒油😆⭐乾炒牛河香口，河粉煙韌，牛肉下得多。⭐蜜汁叉燒瀨叉燒幾好喎，半肥瘦。店幾大，次次都分到濶枱😆會再來飲茶的。…查看更多

今日一家大細去天水圍天盛富臨食晚飯，叫咗個錦繡燒味拼盤，諗住實有叉燒、海蜇、雞鴨鵝之類啦！ 咁應該大家都啱食！點知嚟到係煙鴨胸、海蜇、燒腩仔、雞。 大家見到點諗住「係咪叉燒賣晒，所以先用煙鴨胸代替？」 咪問個黑衫經理，「點解燒味拼盤冇叉燒但有煙鴨胸？」 個經理答我「煙鴨胸都係中式燒味嘅一種」 ，我哋全檯人都安靜咗幾秒。我喺香港生存咗30幾年，而家先發現原來煙鴨胸係中式燒味，而唔係西式嘢。 我真係孤陋寡聞…..…查看更多

叫左個特價冬瓜盅，冬瓜盅上既時候發現個冬瓜色勁深色（佢係已經深到有啲啡啡地），即時叫樓面幫手換啦，應該係經理職級既人走左過嚟，話之前俾客投訴冬瓜盅太生，所以廚房煲耐左本身都算啦，但後尾發現隔離果枱個冬瓜盅都唔係啡色，仲係白色既，都估到應該唔係真話啦，而且個冬瓜盅肉好柴⋯咁好啦，同執野個樓面講聲，話下次唔好再俾哩啲冬瓜盅啦，樓面話：「哦，係呀，加左醬油」我即時成頭問號⋯一嚟人地枱個冬瓜盅就白色既，二嚟邊個煮冬瓜盅會落醬油呢⋯雖然哩次唔會至於令到我唔再食，但多少有啲失望⋯…查看更多

叫咗一碟$298兩隻龍蝦伊麵，等咗一個鐘都未上菜，嗺左單好多次都話等等就到，頂唔順叫經理取消個龍蝦，佢哋求其攞一碟一隻龍蝦嘅伊麵過嚟，根本唔同價錢，而且碟嘢係凍嘅，無奈只有取消走人去第二度食。最乞人憎係成單嘢冇人講過sorry，茶位、花生、服務費就全部收到足，咁樣嘅態度點怪人地返大陸食嘢唔留港消費…查看更多

今日嚟到呢到食大閘蟹放題 大閘蟹放題真係好正～無論係清蒸、花雕定鹽焗，每種做法都將蟹嘅鮮甜發揮得淋漓盡致👥🪁清蒸保持咗蟹肉嘅原汁原味，花雕帶出陣陣酒香，而鹽焗則令蟹肉更添鹹香🦀片皮鴨 🦆鴨皮脆薄，咬落去有種即溶嘅口感，鴨肉多汁又鮮嫩，每一口都係唔一樣嘅享受，令人回味無窮。珍味四饌 🍢金湯小米燴燕窩 🍲金湯小米燴燕窩係滋補佳品，燕窩柔滑細膩，小米嘅香氣融入其中，金湯更係濃郁鮮甜，帶嚟無比嘅滿足感🏡蠔皇原隻鮑魚 🐚蠔皇原隻鮑魚係奢華嘅體驗，鮑魚肉質彈牙，蠔皇醬濃郁醇厚，味道豐富而不失細膩。蟹粉扒豆苗 🥬蟹粉扒豆苗融合咗蟹粉嘅鮮香同豆苗嘅爽脆，蟹粉嘅濃郁同豆苗嘅清新形成強烈對比，富嘅滋味。回味欖角骨 🍖回味欖角骨係鹹香嘅代表作，骨頭炆得入味，欖角嘅獨特香氣滲透每一絲肉～醃蘿蔔 🥢醃蘿蔔酸甜適中，清脆爽口，係解膩嘅最佳選擇🧑‍🧑‍🧒‍🧒手拍青瓜 🥒手拍青瓜清新爽口，蒜香濃郁，調味簡單但層次分明🙌🏼…查看更多

Nat媽生日月當然有搞作撞著大閘蟹季開鑼簡直可喜可賀今年揀富臨打響頭砲分店多又有大閘蟹放題都係嗰句fit哂珍味四饌一份金湯小米燴燕窩鹹鹹地嘅小米粥配燕窩食完好暖胃蟹粉扒豆苗豆苗爽脆 蟹粉足夠蠔皇原隻鮑魚刀叉食夠高級回味欖角骨香口回味無窮重頭戲當然係大閘蟹清蒸 油鹽 花雕三味未係爆膏月份默默食都好足夠另一重頭戲片皮鴨無錯 都係任食油脂分佈平均上枱仲要熱辣辣多款滋味小食無限追加我幾喜歡湛江沙薑豬手主食無能為力唯有下次努力人均消費💰 ： ＄ 500總結✍ ： 套餐豐富NatNat評分💎💎💎💎(5💎為最高)🏠 富臨皇宮🌐 天水圍天靖街3號天盛商場1樓L116號舖…查看更多

假日好多人等位啊。個場好大好多枱。但假日在門口等位的人依然好多。必試比較少見既點心：咖喱魷魚。香濃的咖哩味。 魷魚好爽好彈牙。鮮蝦炸雲吞。雲吞的一粉鮮蝦加肉比較細。但唔緊要。重點鐘意食炸皮。 配了錦露雲吞嘅酸甜汁。童年回憶。小朋友鐘意食。蜜汁叉燒腸，好多料。皮不會厚。富臨蝦餃。蝦好足。蜂巢炸芋角。芋頭泥勁香。鮮蝦菜苗餃。推介。水晶皮好煙韌。菜又多。內涵滿滿的。蟹籽燒賣皇。足料大粒。荷香珍珠雞。裡邊咸蛋黃夠香。脆皮炸奶卷。鮮奶涵較少。但好香濃。9個點心。4位茶。$354好抵食。…查看更多

再黎大閘蟹放題😍😍到左大閘蟹季節，食左一次就唔好俾佢停。最近試左呢間鄰近天水圍西鐵站天盛商場的富臨皇宮餐廳，呢間餐廳以粵菜和火鍋為主打，今次就試佢地既大閘蟹放題，放題仲包埋片皮鴨😆!!大閘蟹放題包括清蒸、花雕和鹽焗，每一種都能帶出大閘蟹的鮮甜美味👍🏻，其中特別推薦鹽焗，惹味到啲殼都舔埋😋，而且隻隻蟹膏金黃飽滿。除了大閘蟹，仲有片皮鴨。鴨皮脆口，配上京蔥和甜麵醬，味道一流。前菜方面，餐廳提供了多款選擇，除左鮑魚同燕窩，仲有醃蘿蔔、手拍青瓜、雲耳、豬手和欖角骨。每一道前菜都份量十足，絕對可以滿足！最值得一提既係呢到既服務態度。服務員個個都好nice，又會同你吹下水🤣總結來說，富臨皇宮的大閘蟹放題及片皮鴨不單止味道出色，服務態度都令人賓至如歸。如果你享受一頓任食大閘蟹，不妨一試呢間🤩…查看更多

管理差，服務差，食物差，價錢不公道，連一粒星都不值的酒樓。尤其是那位男營業經理服務態度惡劣，問他是否有圓枱和椅子，他竟然說：點解我要俾你？仲話：唔中意就唔好幫襯！我話你咁係咩態度，他就恐嚇我說：我仲識打人！嚇到我小朋友喊，我話：我有小朋友你都咁嘅態度有冇搞錯？佢大聲鬧：有細路大晒呀！我只好帶着小朋友離開，以免有生命危險。他作為一位營業經理都是如此態度，怪不得整間酒樓的員工都黑口黑面，服務冷淡，十問九唔應，有如此管理層得出如此員工。另外酒樓價錢標示不清晰，附加費的字眼十分細小，似有誤導之嫌，食品與價錢不成正比。大家想光顧要小心！…查看更多

屋企人攞枱先，我之後到埗，一坐低枱底頂腳，枱面撞手，原來剛才無位，攞張麻雀枱代替先，無辦法唯有食住先。呢頭叫左兩樣點心，嗰頭就有吉枱，諗住話換枱喇，嗰阿姐就話“你叫左野就唔換得架啦”，吓？問下個經理，佢問阿姐“你有無說聲“唔好叫住，等一陣再換張枱”呀？”，佢靜左，無就換枱啦。阿姐開始發茅話“有枱就用得架啦”，“叫左野又點轉呀”，我就反駁話“你是咪屋企都用麻雀枱食飯架？”，“點解轉唔到呀，用唔返張單咪開過張單囉”，佢又話“要轉枱唔一早說，張枱照用就得”，我答佢“是你無一早說定先，正常都唔用麻雀枱啦，四邊都突起，手都放唔到，你食比我睇啦”，又啞左。最後卒之經理換左枱比我，其間細枱放眼望去又多幾張，p.s.至於一開始麻雀枱後面有兩張大枱是比人夾枱用，屋企人唔想同陌生人坐就無揀到，結果到我食完前幾分鐘先有客用到，啋。…查看更多

第一次跟家人惠顧天水圍天盛商場的富臨皇宮吃晚飯，剛坐下連餐牌也未看清楚，職員就不斷問我們吃甚麼，又不斷推介一些不太抵食的套餐！我們說要再看看，職員依然不斷來來回回推介套餐，只是晚上六點幾而已！又不是收工截單！究竟他急什麼呢？好了，落單後，原本點了酥炸桶蠔的，竟然換成了薑蔥炒蠔！其中一位職員問是否需要更換，我說是！不夠一分鐘職員回來說酥炸桶蠔賣完了，6點多售賣完了，分明是個藉口！我們最後唯有吃薑蔥炒蠔，因有家人想吃蠔，但食物賣相真的不行。原本開心的晚餐卻令我們感到有些不快。…查看更多

嘩！今日食嘅大閘蟹簡直係香濃過癮到喊出嚟🦀！餐廳嘅兩款大閘蟹真係叫人食指大動，清蒸嗰款，肉質鮮嫩得滯，入口即溶，而花雕蒸嗰個呢，呢個絕對係蟹膏愛好者嘅極品，蟹黄豐腴滋味十足。正宗嘅京式片皮鴨亦唔係蓋嘅，酥脆嘅鴨皮加上甜面醬同黃瓜，滋味完美平衡，一啖鴨肉一啖面醬，脆嫩交織，真係太對味！珍味四寶更加係一絕，波羅生炒骨呀，酸香惹味，咬落去既爽口又解膩。而生拆蟹粉扒豆苗就係一個爽字形容，豆苗鮮脆，蟹粉嘅鮮味令人一吃難忘。就連飲品，薑茶都夠晒暖胃，冬日飲精過薑汁撞奶！落肚暖笠笠，舒服過抱暖爐。總之，今晚嘅食物喺口感同味道上真係做到出色，每道菜嘅質感同層次都好滿意👍！如果想品嚐地道滋味，記得要check埋呢間！🥢🍵🥟…查看更多

呢排天氣時凍時熱好難捉摸，但係驚凍嘅我真係要食返個羊腩煲保保暖，咁啱屋企人都好鍾意食，就係屋企附近食，當日酒家唔算好多人，去到已經有位唔駛等位古法羊腩煲超級大煲，屋企人見到話好啲羊啖啖肉好吸引，除咗羊腩之外仲有腐竹，冬菇同馬蹄羊味唔會好蘇，但又唔會無味，呢個價錢來講都幾合理，近近地食真係幾方便野生參青欖燉水鴨鴨又係暖身之寶，燉湯永遠都好滋潤，而且佢個價錢估唔到係咁大煲會見到好大隻水鴨喺湯裏面，唔係剩係得水👍👍化皮乳豬呢樣係我最期待嘅嘢食，一直以來我都好鍾意食乳豬，但好多時都要一隻隻叫，只有人哋開工或者生日切乳豬我先有機會食，估佢唔到而家竟然可以一細份咁樣叫，而且價錢絕對唔貴。外皮香脆，肉好嫩，識食一定點砂糖食，我忍唔住咁樣食咗幾件🤤…查看更多

這間富臨皇宮位於天盛商場、店面周邊圍繞玻璃配埋柔和色調、望著金光閃閃玻璃感覺好有氣派🤔、配埋紅紅地毯坐著感覺都唔錯!.化皮乳豬整碟化皮乳豬伴海蜇望見冇乜特 別🤔、食到入口乳豬皮口感鬆脆香口😚、乳豬皮帶點薄薄腍肉味道美味😋又有咬口、再食埋海哲又夠爽口好食!.古法羊腩煲係這個凍冰冰天氣食吓呢一煲羊腩煲相當之正☺️、整煲份量十足有羊腩、枝竹、馬蹄、冬菇、粉葛、蔥段、紅椒夠哂豐富😲、揭開散發香噴噴羊腩味😚、整件羊腩完全入哂味又夠腍軟味道十足😋、再沾吓腐乳味道更加正!.野山參青欖燉水鴨這個冬天飲吓呢一窩燉水鴨相當之唔錯🤔、有雞腳、瘦肉、野山參、青欖、水鴨等、整窩色澤比較清淡味道清甜😋又唔會好油、相當之養陰補中益氣、又有清熱生津解毒、又有抗潮濕驅寒之用又有益肺補腎、真係夠哂滋補養生嘅好湯!…查看更多