富臨漁港

其實我有啲失望，但基於人道立場以整體嚟評分俾個ok佢。食物：龍蝦伊麵（68）見最近優惠小菜有個龍蝦伊麵，諗住去試吓。去到一共有6款，不過只能6選1就照食龍蝦。麵低係上湯，唔係芝士，其實唔係好夾，唔知係咪蝦殼炒太燶，變咗有陣味，唔係話好好食。龍蝦本身係好食嘅，係個麵拉底咗分。黃金蝦（138）要嗌一個正價小菜，幾好食，新鮮煮出嚟仲好熱，啲蛋黃收埋係碟底，食第二間酒樓佢哋低包裹住成隻蝦，大家手法有啲唔同，各有各好食啦。花生（唔知幾錢）有啲香葉同八角，可能自己炒嘅，咁都有誠意嘅，但問題一陣先講。服務：得幾枱人，我哋都偏晏先去，一啲都唔繁忙，但寫完紙冇人想嚟落單，成日避開我哋啲視線真係好差。價錢：埋單兩個人共278，我都知酒樓收茶芥加一，但係點計到條數呢。因為我後來先知，都冇check單。2025年嘅8月嘞，不時睇新聞都見執咗好多老牌食肆，仲好似十幾年前咁狼死式收費，最後仲有幾多人會繼續去吖。題外話：某間出名做1蚊雞特價嘅酒樓，二人以上係可以嗌多啲款，呢度就冇得咁。某酒樓又唔會叫人一定要嗌正價嘢，本身啲人自己大多數都會嗌少少啦。可能係想杜絕呢啲問題啩，但吸引咗啲人流都係當宣傳費，而家咁得幾枱客會好啲咩？佢個定價企到咁硬，我諗都要等經濟好返啲先有機會翻試了。…查看更多

特價燒鵝$68半隻，完全冇品質，凍冰冰，皮又唔脆，肉質又鞋，非常靭！集團式都要有品質先可以留住客人㗎！還要叫一碟正價食物才可以叫特價菜，正價食物最平也要$88，清炒菜。我哋叫咗豉汁帶子蒸豆腐，帶子也是完全沒有誠意，急凍帶子肉4粒分開了切成一半，唔怪之香港美食天堂消失了！大多香港人北上消費做貴賓式招待，雖然大陸有食物安全問題，但服務及環境可以彌補！…查看更多

好耐都無黎過娛樂城食晚飯啦，今晚要係隔離診所睇醫生，睇醫生前醫左肚先，富臨呢排好似做緊優惠，燒鵝超抵食啊😋$68半隻，諗都吾諗即叫半隻啦！最鍾意現場食燒鵝，保證皮脆啊。最驚喜係碟蠔！大大隻！又鮮又甜😋😋粉絲再淋埋豉油一流👍👍仲有條新鮮魚！真心好驚食到死魚，我見佢地好多打麻雀嘅人都食魚，果然無失望仲叫左隻燒雞！個皮係脆卜卜架！仲要吾肥！吾食肉吾皮都好正😂😂超like ar!!!!呢餐飯真係超值…查看更多

短頭髮的女收銀員似乎不太喜歡說話以及不太喜歡與客人對視。本人在這一天光顧了愛國愛黨的富臨集團旗下的富臨皇宮，本著振興香港經濟振興香港食肆的心態，但原來香港飲食業生意比不上大陸是有原因的。那天離開那張高貴優雅的富臨酒家的餐桌，同桌的2人行去準備付款。在收銀檯前，有兩位看上去就很辛苦的收銀員女士，他們一個帶著耳機(就是那個短頭髮的女士)一個在服務客人。那麼我當然在尋求那個短頭髮女士的結帳服務。我把帳單遞給那位短頭髮的女人並說了謝謝已經說明使用Paywave，然後我便看到他們的八達通機的螢幕亮了，我以為那個短頭髮的女士沒有聽到我的要求，便再次陳述需要用Paywave付款的要求。那個短頭髮的女士可能坐在那狹小的收銀位置是在太辛苦及心情不佳了，她略帶煩躁及厭惡的聲線說：「都話等等，部機用緊」。我即時覺得不被尊重，「都話」呢個詞組的意思是「那個人已經重複第二次才會用到」。但我同時在想著「啊那個短頭髮女士真的很不喜歡她的工作環境吧，這麼大的一間酒家居然只有一部信用卡機，如此愛國愛黨的集團不會提供良好的工作環境給她嗎？不會提供兩部信用卡機給她嗎？真的辛苦了她啊，如此屈就！」她那時候什麼都不說，以為每個人都和她的一樣辛苦，以為每個人的時間都是廉價及不如她的。 啊！希望這位短頭髮女士早日得到良好的工作環境！啊！希望大家都不會遇到這個短頭髮女士！備註：這麼有禮貌的食評還會被通過嗎？…查看更多

一家大細黎飲茶漏左幾樣野食 問左幾次都未有等左接近1小時終於有一次有姐姐話佢而家即刻叫廚房整10分鐘有咁我地繼續等點知野食未到前後就有兩個姐姐埋黎催我地埋單我地想搵經理查詢個經理貴人事忙啦唔逼到我地發脾氣都唔肯出黎出到黎仲要話「我岩岩忙緊搬枱 唔得閒解決投訴住」仲問番我地「咁你地想點呀！」咁既服務態度 真係祝貴公司繼續生意興隆啦下…查看更多

其實我不是第一次，來這間酒樓飲茶食下午茶，今次嘅水準又感覺差左！那些碗碗杯杯，也要過水好多次才乾淨！無奈不知道我屋企人點解很喜歡這間酒樓！所以才一次又一次來這間酒樓飲茶！希望佢可以改善一下！…查看更多

見報紙的皇帝蟹餐12位$3688，价值合理，便與家人一起去。結果忍不住劣評！皇帝蟹：不新鮮，肉質已變軟。帶子荷蘭豆：帶子已變酸臭，咬一口即吐。上湯浸菜苗：吃到底有一張出菜紙。北京填鴨：份量不夠一只。炸鳳尾蝦 : 冷藏貨，沒味道，沙律菜不新鮮。乾燒伊麵 : 極多油。成份餐份量不足，要加五只乳鴿才勉強夠食，出餐次序錯哂，先出兩碟菜，然後4、5個餸一齊上，全枱滿瀉。乳鴿切一開二，叫侍應切一開四，她叫我哋用剪蟹的鉸剪自己剪！態度惡劣！厠所極汚糟！地下黏立立！以後永不再去的食肆！…查看更多

20230218--週末--富臨漁港地址: 沙田瀝源街7號沙田娛樂城4樓:)到石門睇完櫻花，沿城門河走到沙田，對岸就是沙田瀝源，遠遠就看到富臨漁港招牌，差不多到晩飯時間，也不想到新城市排隊等位，就到富臨開餐:)時間約六時，不用等位，順利入座:)酒樓很大，位置寬闊，裝修有點老舊:)點了龍井茶侍應送上花生，香脆不會太多鹽份:)點餐:蠔皇花膠扒獅子參($128)賣相討好，份量慷慨:)足足有四至五件花膠，不是薄薄的貨色，也算有點厚度，炆得軟腍帶點咬口，有驚喜原以為像其他食店，只會有數片手指甲大小的海參，獅子參份量不少，相中已吃了數條，應該有十幾條之多，海參質感不錯，生菜爽脆，獻汁不會太咸，喜出望外上湯龍蝦伊麵(約一斤四)($188)擺盤精美，有頭有尾，整整齊齊龍蝦啖啖肉身位置有五、六件，肉質不算緊實，有點鬆散，味道麻麻，不過例牌價錢質素，就不能跟原隻秤的爽口彈牙龍蝦肉質相提並論:)伊麵份量也可分到四、五碗。埋單:$387花膠海參有驚喜，但例牌龍蝦味道失分不少侍應服務有求必應，座位距離感足有機會也會再到富臨試試其他晩飯小菜…查看更多

見到廣告$498大閘蟹放題，見到價錢幾吸引，於是搵埋舊同事一齊去試試。當日5點幾去到（訂咗6點），掃咗安心出行，職員就安排入坐。大閘蟹講真幾爆膏，職員態度非常好，但講好的自取片皮鴨就變咗要搵職員落單，但片皮鴨由6點幾等到接近8點才上檯。最後一輪大閘蟹由油鹽變咗清蒸，職員唔係唔老實就係唔熟餐單！點解咁講？因為傳單寫住任飲汽水（自取），問職員職員就話唔包，拎張傳單問才話包。另一方面放題是2小時，但最後坐到9點幾職員都無趕，可能因為無咩客。…查看更多

比親戚捉咗過嚟 睇吓會唔會有驚喜 順便記錄下價錢方面睇餐牌 平均$15-$25 價錢唔算貴 有孖寶$28.8 2籠👌🏻粉果 得3粒 偏細 皮薄 冇咩咬口唔彈 粉果皮我個人鍾意有少少厚度👌🏻牛腸腸粉 腸粉皮厚 但煙韌度唔錯 甜豉油偏淡太水👌🏻牛肉球$14.8 正常 如果到走啲倒汗水再上碟 會好啲👍🏻燒賣$28.8 2籠 呢個唔錯 係抵食👎🏻蝦餃$22.8 最負皮嘅嘢食 雖然價錢唔貴👎🏻棉花雞$20.8 好鹹同太油但個皮唔掂 蒸到過晒火 未食 影相都穿皮地址：富臨漁港 (沙田)沙田瀝源街7號沙田娛樂城4樓⭐️評分：味道：2.5/5 食物水平真係一般環境：3/5 相比以前好咗 可能裝修咗 同人流少咗 服務：2.5/5 同樣因為人少左 服務員應你快咗 以前忙到 冇服務員 個個伯伯自己去開茶位抵食：2.5/5…查看更多

係報紙見到富臨做緊羊腩煲優惠價$28蚊一煲，憑印花更加可以以優惠價$1蚊煲享用，時間仲可以由18:00-23:00享用到，之前係另一酒樓都食過一蚊煲羊腩煲，足料兼大煲，真材實料，所以見到哩個優惠價錢一於叫個朋友去薈一薈佢睇下佢真實。黎到位於沙田娛樂城的富臨酒家，入座時間是20:05，坐低後睇左餐單上既晚飯小菜，朋友覺得打邊爐比較抵食，於是諗住先叫個羊腩煲食左先，侍應黎到落單，我將1蚊優惠券先比她看，她即刻醒目地幫我們落單，當然有問我地要唔要加點小菜食，因為第一次食，我地唔知有幾大煲，於是說: 都係食完先再睇情況，她說ok便走了，過了一陣，羊腩煲送到，但要四圍搵人黎開爐。侍應這時將一碟花生同單放到枱上，我即刻望一望張單，見個價目打羊腩煲$28，於是即刻問侍應唔係$1蚊煲嗎？她回答: 邊有咁平我說: 我有張優惠券比左你，寫明$1蚊煲的？她回答: 丫，好似係，我再去望下先，之後佢去左收銀度拎張單比我地睇，花生$10，茶每位$12，計埋加一合共$38即係$38蚊煲羊腩煲，問過花生有無得唔要就唔計錢？侍應回覆：唔計錢，如果唔係邊有$1蚊煲羊腩煲咁著數。我同朋友都諗住算，食下有幾多羊腩係當中先，汁好結身，用傳統瓦煲仔盛裝住，感覺應該味道唔錯，先數數有幾多嚿羊肉，1、2、3、4、5，無錯係5嚿，當中仲有三條炸支竹、三粒馬蹄、三片粉葛、東菇四片及兩條蔥。。。。份量是1人份量嗎？但佢寫住2人一煲？煲左一陣，羊腩咬落唔淋，要大火煲左15分鐘，當中加左一次水先開始淋。。。我同朋友當然未飽，感覺搵笨，加上枱下有隻蚊不停咬我，於是我地諗住埋單換過另一張枱再叫任食火鍋。去到收銀度埋單，個侍應竟然話唔比我地埋單，要我地叫個小菜食先準走，朋友同佢理論話我地一陣再換枱食火鍋，侍應即時話會計反我地正價時段價錢，朋友當然唔服氣，覺得被人強迫消費，優惠券當中又沒有白字黑字寫住要有最低消費額。侍應這樣手法令我地非常不齒，於是連留底食火鍋既意慾都打消，要求即刻埋單走，如果唔係報警或報海關。收銀聽到我地要報警知道自己理規，叫侍應算數，埋單計埋加一合共$38。…查看更多

叫個外賣問佢而家有咩小菜外賣，問咗幾個餸之前外賣紙有嘅餸都話冇，我話咁改咗外賣紙可唔可以報兩個小菜俾我聽，之後個職員極之唔耐煩，講幾句之後又話唔得閒答我太多餸之後就hold住咗條線！叫個外賣一肚火既然咁唔耐煩不如唔好做外賣啦！👎👎以後唔使旨意再幫襯佢吖！垃圾到不得了！…查看更多

下午茶。醒目仔孖寶 $27.8養顏紅棗糕即蒸 熱辣辣上枱微甜 入口後口腔內散發出淡淡紅棗味香菇蒸鴨掌以為好似咁鴨腳扎原來唔係 開頭都有啲失望香菇只得半嚿但又驚喜 因為好重藥材味鴨掌同香芋 就有少少藥材味隻味似當歸極品燒鵝瀨粉 $19.8個湯底好重胡椒味味道似胡椒豬肚湯燒鵝唔柴 呢個價錢都有肉食都唔錯㗎香煎釀茄子 $12.8每件嘅份量都唔細魚肉整得幾好食味道適中 加上少許甜豉油更能帶出釀茄子嘅味道富臨下午茶真係算抵食2人食以上嘅嘢 加埋茶錢都只需$86…查看更多

下午茶張點心紙真係要睇清楚黎點要睇咗《醒目仔孖寶》嘅點心有冇心水先 無先再睇其他因為嗰一列嘅點心 同其他有相同單點會貴啲。富臨飲茶 唔好預佢好好食正常味道 先合理因為價錢都成正比嘅。孖寶點心 $27.8叉燒腸粉有叉燒之餘仲有生菜😆唔係卷得好靚所以啲叉燒會執埋一邊另外一邊就變咗勁厚粉藥膳雞腳如果鍾意藥膳湯 大推個湯藥材味好重 香妃雞瀨粉 $16.8雞胸位置 唔柴口湯底胡椒味重 如果個湯再熱啲就好啦 夠暖胃牛肉球 $16.8冇咩特別 唔粉口富臨 我只會飲早/下午茶因為最抵食 其餘時間就不了…查看更多

難得週末和家人去吃飯，沒想到經歷了史上最差的服務。一進門沒人招呼我們，自己找座位坐下。然後半天也沒人問我們喝什麼茶！接著想找服務員問問題。舉手很久也沒人理，好不容易有個服務員來，說：我很忙的，你自己先看吧！點了個羊肉煲，結果拿了個煤氣爐，半天煤氣罐也沒拿過來。吃快完的時候點的燒鵝還沒來，問了個服務員能不能取消，答：你下了單怎麼可能給你取消？！然後頭也不回揚長而去了。好，再問一個：我們都快吃完了，燒鵝怎麼還沒到，能取消嗎？答：我們又不是只服務你一個人，要有時間斬啊！好吧，可能我無知吧，斬份燒鵝要一頓飯的時間。最後，買單，收銀員全程黑臉，最後給我單，我準備收起來，她說：你單還我啊，只給你看一下的。我說：那幫我再印一張吧。好，印是印了，結果往桌上一堆，我自己撿起來。我是來消費的，不是來受氣的，不會再光顧！…查看更多