家後2.0

营业中

休息中

**家後2.0 食評：輪候時間長，服務態度一般** 今次試咗深水埗「家後2.0」嘅外賣自取，整體體驗令人失望。首先，輪候時間極長，明明預早落單，但足足等咗一個鐘，去足足一個鐘外賣自取，堂食排10幾個飛都入咗去都未到外賣，要等好耐先先有得拎，期間完全無人主動通知進度，外賣單號次序倒轉，催單時店員態度冷淡，只係敷衍回應「整緊」。 食物方面，招牌手工餃子質素尚可，煎餃皮脆餡多汁，但可能因為外賣關係，放耐咗之後皮變淋，失去堂食嘅香脆口感。另外，芝士蛋糕係佢哋嘅賣點，而佢哋外賣不提供蛋糕，非常令人失望。服務態度亦係扣分位，店員忙到冇表情，問多兩句就顯得不耐煩，完全冇家庭式小店應有嘅親切感。如果唔係為咗試吓佢哋嘅餃子同蛋糕，咁嘅等候時間同服務質素，真係未必會再幫襯。希望餐廳改善出餐效率同員工培訓，否則好難留住客人。

餃子的質量還算不錯，但很多店都有這樣的標準。我必須提醒大家，前往這些店用餐時，預留足夠的等待時間是非常必要的。你可能會發現，自己需要耐心地等上很久，甚至比想像中還要久。每次去的時候，都會感受到那種漫長的等待，讓人不禁想要抱怨。尤其是看到餐廳的工作人員時，他們的態度似乎有點冷漠，讓我覺得像是我欠了他們什麼似的。總之，雖然餃子味道不錯，但等候的過程卻讓人感到有些不愉快。希望未來能改善這個問題，讓顧客的用餐體驗更佳。

今日比較早到所以有多種味道嘅芝士蛋糕可以揀😃✡️冧酒提子芝士蛋糕表皮烤到焦香，而內裏口感柔軟感, 半熟帶有滑嫩感, 呢個就係迷人之處. 入口冧酒味 都幾濃味, 同芝士味好 balance, 蛋糕底有 一粒粒嘅提子乾, 整體無論味道同口感都正！cp值高！✡️手工餃子套餐（灼）揀咗雙拼：韭菜豬肉 + 芫茜豬肉包 是日例湯 西洋菜, 是日住家鹹飯同冷盤小食兩款都都係屬於獨特濃烈嘅菜味. 下次會試芹菜味🙃餃子隻隻脹卜卜, 大大隻, 爆餡, 真材實料, 咬落之後, 真係見到比較大條芫茜同韭菜👍🏻, 而個皮唔厚, 薄得嚟啱啱好, 餃子唔會爛曬！而個西洋菜湯底, 好有家嘅味道, 入口已經好有西洋菜味, 仲可以食到西洋菜, 真係好有家嘅味道！而住家鹹飯 睇落去好普通, 但係食落去啲飯係 少少咸咸地, 配有咸肉片, 唔錯, 而薯仔 口感係軟淋嘅, 整體配搭唔錯！輕鬆愉快英文歌曲牆上掛上 駐店畫家增添一份文青感覺職員態度好友善

今次食呢間餐廳叫「家後2.0」，主打手工餃子嘅小店。上網睇先知2.0應該係指佢哋嘅第二間鋪，我哋就未食過食過主店。食完終於知點解開到第二間店喇！因為佢哋嘅手工餃子套餐真係幾出色🥟 。最近香港專門食手工餃子舖頭越開越多，我覺得呢間嘅食物水準係比較幾高嘅，而且性價比都高。我哋叫咗雙拼芹菜豬肉餃同埋菠菜豬肉水餃套餐：水餃大大隻不在話下，餡料十分新鮮，皮唔會太腍，而且冇諗過個湯底幾好飲🤓，仲要跟埋生菜。佢配咗一個上海麵，個湯底又係不得了，可能加咗昆布，超級鮮甜！由於太肚餓，我哋有叫咗個日式住家飯團，佢蒸到熱辣辣上枱，噴晒煙咁好正，佢入面係有啲日式漬物，估唔到個名，但係幾好食🤣最後仲點咗雙冬羊腩飯 🍚🐑。羊腩煮得幾腍，超入味，冬菇同冬筍嘅味道好香濃，同羊腩好夾，撈埋啲汁落白飯度超正👍🏻。

噚日（15-3-2025 Sat）晏晝，同老公食完黑布小巷後，就搭車過嚟呢間食芝士蛋糕，我哋嚟到時都多人等位，見到老闆娘一人忙帶位，樓面同收錢，到佢行出嚟，我就話兩位，佢話自己填表，咁我就填啦。由嚟到到有位，等咗6分鐘左右，坐低後掃QR code，menu冇芝士蛋糕，只係牆上掛咗木牌寫住有咩口味，於是就問店員，店員答係要人手落，我哋就除咗原味外，要晒其他嗰三隻特別味：紅桑子，抹茶同開心果。我哋落咗單就等，係咁等，等咗14分鐘，見佢哋將芝士蛋糕俾遲過我哋落單，又即叫即有嘅客人，於是我開口問。佢答等我哋食完餃子先，我hold咗。我答我哋冇叫餃子。佢答sorry，誤會咗。咁佢即刻拎嚟喇，嚟到係唔大件，size似西餅，我先食開心果味，一食就只有鹹味，唔覺係開心果味，不過佢有烘焦咗嘅香味，口感就係我愛上嘅軟心芝士，流心效果都有，不過冇荃灣嗰間YUMO（https://www.openrice.com/zh/hongkong/r-yumo%E8%8A%9D%E5%A3%AB%E8%9B%8B%E7%B3%95%E5%B0%88%E9%96%80%E5%BA%97-%E8%8D%83%E7%81%A

家後2.0店舖裝修簡單，感覺就好似一間家庭式小店，所有餃子每日都係人手新鮮包製。煎餃即叫即煎，香脆味濃。小籠包豬肉餃（煎餃限定）：餃子煎得香脆，餡量適中。外皮煎到略帶焦脆，內餡仲保留住肉汁，味道鮮甜。芫茜豬肉餃：餃子餡料加入大量芫荽，味道清香，每一口都可以食到芫荽葉！味道清香，富濃郁芫荽味！芹菜豬肉餃：芹菜的獨特香味能有效地提升整體風味，味道清爽不油膩。紅燒豬手：豬手色澤鮮明，肉質又腍又入味。豬骨湯上海麵：豬骨濃湯能令淡味的上海麵更鮮甜入味。極-牛奶咖啡有濃郁的咖啡香氣和綿密的牛奶質感。

餐廳空間寬敞，坐得舒服，燈光柔和，感覺好放鬆，啱啱收工過嚟，舒服。叫左兩個手工餃子套餐一灼一煎，各有特色。菠菜豬肉餃同雲耳椰菜豬肉餃都係灼嘅，餃子皮薄餡多，咬落去好有口感。菠菜豬肉餃嘅菠菜味清新，豬肉鮮嫩，配搭得恰到好處。雲耳椰菜豬肉餃嘅雲耳爽脆，椰菜清甜，整體味道好平衡。雲耳嘅口感帶嚟少少爽脆，椰菜嘅甜味同豬肉嘅鮮味融合得好好，食落好滿足。仲有個湯應該係西洋菜湯底，好正，飲晒！至於煎嘅芫茜豬肉餃同洋蔥豬肉餃，外皮煎得金黃香脆，內餡多汁，不錯。芫茜嘅香氣同洋蔥嘅甜味都幾突出，味道濃郁；洋蔥豬肉餃嘅洋蔥甜味同豬肉嘅鮮味完美結合，充滿層次感。另外，沙薑雞中翼都唔錯，沙薑味濃郁，雞翼煮得入味，肉質嫩滑。

今次去深水埗，一間家庭式經營嘅餃子名店， 總店6年前開業，一直都好好生意，依家去呢間分店都超多人食，等位都要時間，入到去都好多人。除左出名餃子之外，老闆娘自製嘅巴斯克芝士蛋糕，都好出名，但傾得太開心，想叫嘅時候人地已經賣曬，叫唔切。順帶一提，#家後 閩南話嘅意思係賢內助、老婆嘅意思。睇完食咩就可以用QR CODE落單，不過芝士蛋糕，就要人手落。手工餃子套餐 （煎）（$44，雙併+$2）×2=92各種餃子皮薄餡靚，大小一樣，但收口有少少分別，係手包嘅感覺。雲耳椰菜豬肉餃 除左豬肉，因為椰菜佔多，所以主要係椰菜嘅爽脆配雲耳嘅爽口。芹菜豬肉餃 本身鍾意西芹，但唔太鍾意味道太濃烈嘅唐芹。呢度芹菜變成餃子餡，只有淡淡清香，加埋煎香嘅餃子皮，所以好易入口。 小籠包豬肉餃呢款餃子必須叫煎餃，有啲好奇餃子同小籠包有咩相同。原來咬落去好多汁，煎餃有小籠包爆汁嘅感覺，同埋調味有薑汁，所以味道都同小籠包一樣，形狀唔同，但口感層次更多，唔怪得係舖頭推介。菠菜豬肉餃 菠菜平時煮得腍，所以變成餡料，好容易融入餃子裡面，同埋可以減少豬肉油膩感，原來又唔錯。（日式） 是日住家麵類 + 冷盤小食 + 烏龍茶 +$30冷

深水埗这家手工饺子店就算不是饭点都坐满食客！终于来尝尝味道😋芹菜猪肉饺子🥟 40hkd/8只原味芝士蛋糕 30hkd被饺子耽误的巴斯克！！！感觉去迟一些芝士蛋糕都会卖完吃不上了！！除了原味的还有草莓/抹茶/青柠等，要看店家当天出的口味有啥，其他口味的是35hkd

暫停咗一段時間嘅餃子約會又嚟啦，今次揀咗深水埗餃子名店「家後」嘅分店Cafe「家後2.0」，原本係去「家後」嘅點知7點半去到都仲大排長龍，老闆建議我哋去佢分店可以快啲有位，而且座位都舒適好多。「家後2.0」同本店style完全唔同，行cafe文青路線，餐牌同價錢基本上都係同本店一樣，但開心嘅係唔使大排長龍，我哋等咗5分鐘就有得入座。上菜都好快，好快就放到一枱都係食物，我哋點咗湯餃（麻辣白菜/韮菜）、煎餃（芫茜/洋蔥）、麻辣雞翼、生菜同豆漿。煎到金黃色嘅餃子睇到都流口水餃子皮煎完都唔會硬掘掘，顏色均勻，係屋企完全做唔到嘅效果。有滿滿芫茜嘅餃子，皮薄餡靚，皮脆肉餡多汁，芫茜味好香濃，芫茜控一定要試。而洋蔥就好香甜，又爽又多汁，一樣都好好食。湯餃一樣好出色，一樣係皮薄餡靚，韮菜餃肉餡多汁有濃厚韮菜味，好食。粉紅色嘅係麻辣香菜，白菜好爽脆，麻與辣比例適中，係開胃之選。麻辣雞翼好大隻，食落啖啖肉，相比麻辣白菜餃，麻辣雞翼嘅麻辣相比淡一啲。開心果巴斯克芝士蛋糕煎餃湯餃好食不在話下，芝士蛋糕更加係出色，開心果味好濃，每一啖蛋糕都似食緊開心果，開心果味濃得嚟又食到厚厚嘅芝士味，除咗開心果味仲有原味藍莓

呢間餐廳除咗有多款皮薄足料嘅湯餃同煎餃外🥟竟然憑著一塊巴斯克蛋糕成為招牌推薦🍰💗手工餃子套餐($46)菠菜豬肉餃同小籠包豬肉餃煎得金黃香脆，每隻都皮薄餡靚，食起嘅嚟充滿肉汁🥟💗蝦醬蒸腩片飯($48)蝦醬蒸豬腩片鹹香入味，送飯食一流🐷套餐仲附送例湯同熱茶🍲💗豬骨湯上海麵($16)豬骨湯素麵味道清淡樸素，搭配辣菜脯就更滿足🍜💗原味巴斯克芝士蛋糕（$30）日式手作巴斯克芝士蛋糕表面烤至微焦，中間保持軟心香滑，整體芝士味濃郁🧀

誤打誤撞去咗一間 - 深水埗人氣餃子店，估唔到過咗lunch time都不斷有客人👍🏻舖頭細細，都坐得幾舒服☺️👍🏻而且佢哋仲有芝士蛋糕，每款都限量發售，賣晒就冇，我見隔籬枱有開心果味，不過我order 嗰陣時只係剩返原味同埋咖啡，原味芝士蛋糕原來都好好食，勁重芝士味，唔會好甜又唔膩😋👧🏻仲搶住嚟食🤣手工餃子套餐(灼) $62芫荽豬肉餃是日新款餃子住家鹹飯冷盤小食烏龍茶手工餃子套餐(煎) $76小籠包豬肉餃洋蔥豬肉餃日式住家麵冷盤小食烏龍茶紅燒豬手 $38原味芝士蛋糕 $30所有餃子真係好出色，餃子皮厚度適中👍🏻芫荽超香🤤小籠包豬肉餃入邊真係有湯汁👍🏻洋蔥豬肉餃係紫色洋蔥，👧🏻超鍾意食是日新款餃子真係好有驚喜，係麻辣白菜餃，雖然係麻辣，但一啲都唔辣，勁重麻辣香味，我從來都未食過唔辣嘅麻辣，真係超得🤤🤤👍🏻除咗套餐，佢哋都有散叫餃子👍🏻搵日再去食過先😋

以前都有食過家後，今日黎試下佢既新店答到家後緊係要食水餃，叫左個雙拼水餃，分別叫左雲耳椰菜灼餃同埋菠菜豬肉灼餃，另外跟左套餐，有前菜，上海面同埋烏龍茶跟雲耳椰菜灼餃，餃皮好薄，包住嘅餡料新鮮，咬下去可以感受到椰菜的清香，雲耳嘅口感又脆，整體味道非常好，感覺好健康！菠菜豬肉灼餃，都算係水餃入面既經典組合，餃子裡面嘅豬肉餡料鮮嫩多汁，菠菜嘅香味恰到好處，味道好夠，食落去一啖啖都有滿足感另外仲叫左個雙拼煎餃，首先就係小籠包豬肉煎餃，煎餃底部金黃香脆，上面包住嘅小籠包餡料鮮汁四溢，咬一啖就有肉汁流出，味道濃郁，真加埋醋一齊食好正另一個我地叫左是日精選既煎餃，今日就係麻辣白菜煎餃，呢個好特別！餃子裡面嘅白菜同麻辣醬嘅結合，味道香辣又開胃，對於喜歡辣味的人來講，真係一個好選擇，唔會太過火，辣得啱啱好。最後，我地仲試咗出曬名既巴斯克芝士蛋糕！表面焦香，內裡滑順，芝士味濃郁但唔會太膩，裡面係淋既，個邊位就係硬既，兩種口感都有，好滿足我地仲買左盒生餃返屋企食，正宗又食又拎呀總括來講，呢到同舊店既水準都好好，值得一試

相信大家對家後一啲都唔陌生，而佢既signature 除咗係餃子，當然唔少得有佢既芝士蛋糕！菠菜餃子配五指毛桃湯今次我叫咗佢地既菠菜餃子配五指毛桃湯，餃子今次好似有啲煮得耐咗少少，個皮好易爛，不過佢既內涵係好食既。至於佢個湯都不錯，無味精同飲落去都清甜既。原味芝士蛋糕到咗今日既重頭戲，就係佢既芝士蛋糕，第一次黎緊係要試咗佢最原本既味道，原味芝士蛋糕先。食落去，真係出乎我想像，好好味，有入口即融既感覺。雖然佢只係賣$35，但出黎個水準超越咗佢依個價錢既質素。

巴斯克出名嘅餃子店大概3pm去到 好好彩唔洗排隊巴斯克本身個日有原味 開心果味同咖啡味但咖啡味已經賣晒!叫咗雙拼水餃 ($4X)同開心果cheescake水餃感覺唔算好食到要大排長龍🤔但個湯係真老火湯嘅感覺冇味精唔會油 不過唔算大碗 飲幾啖就冇晒餡都算飽滿的重頭戲就係件cheesecake差唔多枱枱都起碼叫一件一件只係$3XSize會比出面細但性價比其實都好高 食完8隻餃食呢個size嘅cake啱啱好開心果味好濃亦都做到軟心嘅texture 好好食!環境方面 裝修係幾靚 但都唔太闊落 同埋都唔算多位 遲我少少嚟已經要等位