家後2.0

营业中

休息中

之前食過一次家後已經覺得好高質 今次嚟咗佢地嘅新分店家後2.0度食都仲keep到水準!手工餃子套餐 (煎)韭菜豬肉餃韭菜味夠香 豬肉餡唔會太肥 比例啱啱好 食落去juicy得嚟又唔油膩 雲耳椰菜豬肉餃 雲耳好爽脆 清甜嘅椰菜再加埋豬肉餡 口感好豐富手工餃子套餐 (灼)麻辣白菜餃 (是日新款餃子)麻辣味好過癮 唔係死辣而係慢慢滲出嚟嘅辣 食完成個口微微麻 好上癮韭菜豬肉餃同煎嘅版本比 灼嘅更加突顯出韭菜嘅鮮味 豬肉餡都keep到嫩滑+$30套餐仲包是日住家麵類+冷盤小食+烏龍茶 烏冬好彈牙 冷盤小食係芝麻菠菜沙薑雞中翼雞翼內裡嫩滑而且每隻都大大隻 沙薑味超入味 如果鍾意沙薑嘅朋友一定要試下!開心果芝士蛋糕開心果味好濃 creamy得嚟亦唔會膩 甜度啱啱好

自從佢開咗新鋪之後，都冇去過，今日早咗放工就要小朋友過嚟。Menu其實都係咁上下都係揀餃子之後睇吓煎定係灼，有幾樣小食，同埋當然會叫佢哋出名嘅巴斯克蛋糕。手工餃子套餐(菠菜豬肉餃，韭菜豬肉餃)(雙拼加$2) $48: 先教就相對等得耐，因為都係即叫即蒸嘅大概等咗25分鐘左右。但係當然上菜嘅時候都冇令我哋失望，真係皮薄餡靚，自己就覺得韭菜香過菠菜嘅，不過都同樣好味，一咬落去肉汁就標出嚟。手工餃子套餐(雲耳椰菜豬肉餃，麻辣白菜餃) (雙拼加$2) $44: 因為其實佢個餐單上面都係乜嘢菜加豬肉嘅combination，但係見到今日嘅新款餃子有麻辣白菜，所以就試吓，反而覺得麻辣白菜幾有驚喜，佢唔算太辣，但係都有麻辣嘅香味，食落去幾過癮。湯底就係菜湯，清清甜甜，食得出係自家製嘅。沙薑雞中翼($30):本身以為會係凍上，點知係熱辣辣嘅，沙薑汁味道還可以，雞翼都幾大隻，自己覺得我想試吓嘅可以一試，但係自己比較懷念舊舖嘅南乳雞翼。是日油菜($20): 豉油生菜，分量都還可以，味道就正常。凍豆漿($12@): 唔係自家製嘅豆漿，未道稍甜。抹茶味巴斯克蛋糕($35): 自己本身試過原味同埋佢嘅開心果味，

從來都是 總店 1.0 的捧場客 fans， 知道這一家 『家後 2.0』， 當然也捧著 好奇兼新嘗試 拜道一下。地點同 1.0 真係好近 ，感覺上 有集合了 café 的風格 ，見飲品 list 亦多咗 多類咖啡的選擇, flat white 都有。 叫咗一個 煎餃餐， 鴛鴦雙拼 有 小籠包 餃子和芫茜餃子； 感覺上煎功真的不及 1.0， 沒有了 那種 脆脆地 的咬口， 真的有個兒可惜因為好多人朝聖而來也是為了這種味道；我們食完 贰點零 再去 1.0 同朋友叫多一客 煎餃子(今次 叫咗 芫茜餃同埋洋蔥餃子)， 的確呀，證實咗我哋嘅睇法， 2.0的烹調手法的確冇得同 1.0 相比。這間分店有一個特色叫蝦醬蒸腩肉飯，跟湯，白飯，烏龍茶。 白飯嘅質素普通超級普通，湯唔算好有味， 蝦醬惹味呀 ，好可惜烏龍茶真係好淡。 下次一定唔會再叫( 除非嗰啲白飯改有質素嘅日本米啦)招呼就一個個啦，有個男仔高高地 有不純正香港粵語但係都客客氣氣， 另外見到有個大媽就霸咗成張枱喺度包餃子( 其實係中午旺區時間)， 見佢對客都指指知點點 好有權力慾咁( 好似史丹福大學做好個實驗 人類 受到權力 之後 嘅氣驗.

同屋企去深水埗搵食 星期六比平時人多好多 去主店見到十幾二十人等緊 就轉去2.0 去到就岩店可以入去坐 環境一般 比較窄和迫 人多不斷搭枱黑啡- 味道同出面飲既差唔多白咖啡-個拉花比較特別 成隻鹹蛋超人咁😂 家人話味道都唔錯上海麵- 竟然係藥材湯底 上海麵有咬口同埋湯底都幾好飲 不過如果藥材味可以再濃啲就好咸飯-家人話都好食煎餃-韭菜和雲耳 煎得好香脆 味道都唔錯 值得試湯餃-芫荽和菠菜 芫荽比較好食，同埋如果係煎芫荽餃應該會更加好會更加香另外佢個辣菜譜好好食 夠香夠辣榛子芝士蛋糕-呢間店另一個重點係食芝士蛋糕，但係冇晒開心果味，咁就叫榛子味，佢流心做得幾好，可惜嘅係件蛋糕太細🤣🤣🤣總括嚟講，如果想食蛋糕加餃子我會平日嚟，值得大家試！

性價比好高嘅本地手工餃子店，佢嘅餃子包得好靚之餘，仲大大粒皮薄肉厚👀👍🏻幾有驚喜嘅係佢嘅自家製巴斯克蛋糕🫶🏻✨煎手工餃子（雙拼）$46揀咗芫荽豬肉餃＋韭菜豬肉餃，皮薄餡足，煎得金黃脆底🔥韭菜餃果然要煎先至夠香，咬落「咔嚓」聲，芫荽控必試🤘🏻餡料調味剛好，蘸少少辣油更惹味🌶️✨ 灼手工餃子（日式套餐）$70跟住家麵＋冷盤小食＋烏龍茶 試咗芹菜豬肉餃，湯底清甜似日式出汁，餃子皮滑溜，芹菜爽口！套餐抵食之選，烏龍茶解膩一流🍵✨麻辣雞翼 $30 | 沙薑雞翼 $30🐔 麻辣款香麻唔死辣，醃得入味；沙薑味濃郁，皮脆肉嫩😋兩款都抵食 ✨原味巴斯克蛋糕 $30意外地出色！流心芝士濃郁，面層焦香，$30食到咁高質真心驚喜🍰

🥟 小籠包豬肉煎餃 呢款係店內招牌，必叫煎餃！外皮煎到金黃脆底，一咬開竟然有小籠包嘅爆汁效果，肉餡混合雞湯同洋蔥蓉，薑汁調味好惹味，形狀似餃子但口感似小籠包，超驚喜！🍗 三杯雞飯 雞肉煮得入味，醬汁甜中帶九層塔香，撈飯一流。雖然唔係傳統港式口味，但醬汁濃稠，雞肉嫩滑，配埋熱辣辣白飯，好滿足。 🥟 雲耳椰菜豬肉水餃餃皮薄身，餡料以椰菜同雲耳為主，咬落爽脆，豬肉比例剛好，唔會太油膩。湯底用西洋菜熬製，清甜無味精，飲完唔口渴。 🥬 芹菜豬肉水餃呢款用西芹而不是唐芹，只有淡淡清香，唔會搶味，配埋豬肉餡同薄皮，好易入口。煎餃版更香口，點埋自家辣菜脯更惹味。 🍲 菜乾湯湯底真材實料，菜乾甘香，仲有紅蘿蔔同瘦肉，飲落暖胃又滋潤，好夠味咸得黎完全冇味精感，係住家湯水既味道🩷🍙 日式住家飯團飯團係老闆日籍太太嘅手作，用自家製醬油醃過，配簡單醃菜，入口米飯煙韌又鬆軟，帶微微甜香，食落有種溫暖嘅家庭感。飯團外層微焦，內裡軟熟，仲有少少飯焦香，簡單但好有心思。最好味就係佢哋嘅自家製菜譜！無論係加落個飯團或者啲飯度 或者餃子度都非常好食！夜晚七點已經全場坐滿，好彩我哋早去🥹

早幾年食過家後，依家先知原來仲有家後2.0！先6點，就已經好多人幫襯，果然係人氣餃子店！手工雙拼煎餃 $46煎餃金黃香脆，大隻又飽滿，成個金元寶咁！我揀左菠菜豬肉餃同雲耳椰菜豬肉餃，配料非常新鮮，蔬菜爽脆，豬肉juicy！手工雙拼湯餃 $42湯餃配上冬瓜燉湯，清熱消暑！男友揀韮菜豬肉餃同芹菜豬肉餃，係佢鍾意嘅香菜味道。日式套餐 +$30烏冬+芝麻菠菜+烏龍茶，呢個套餐夠哂抵！烏冬好食，好Q彈，配煎餃最夾！巴斯克芝士蛋糕 $30上次去家後，啲芝士蛋糕賣哂，今次終於有機會食到傳聞中嘅蛋糕！知道仲有開心果味，但本人not a big fan！原味仲好，外層焦糖味，內層蛋奶味濃，唔會太甜，值得一試！

平日我去咗深水埗一間復古風格嘅Fusion咖啡加餃子店，聽講呢度嘅食品好有創意，於是決定去試下。今次我叫咗菠菜豬肉餃，配蘿蔔西洋菜湯，加$30轉套餐配上海麵，仲有小食。另外，我亦嗌咗個雙拼，包括麻辣白菜豬肉餃同椰菜豬肉餃，加$20轉套餐配特色飯。最後，我仲試咗佢哋最出名嘅原味芝士蛋糕同最近好Hit嘅開心果芝士蛋糕，真係食得好滿足！首先講講環境，呢間店嘅裝修風格復古，牆上掛住舊時嘅照片同埋一些懷舊嘅裝飾，令我感覺到一種親切感。店內燈光柔和，氣氛幾好，坐喺度可以享受一個輕鬆嘅下午。服務員對客人都好有禮貌，落單時好有耐心，等待食物嘅時間都唔算太長。### 菠菜豬肉餃講返我叫嘅菠菜豬肉餃，餃子皮薄餡靚，食落去真係好滑。菠菜同豬肉嘅搭配非常好，味道鮮美，唔會過於油膩。配上蘿蔔西洋菜湯，湯底清新，帶有一點點甜味，真係好開胃。再加上$30轉套餐配上海麵，呢個麵條煮得剛好，唔黏，吸收咗湯底嘅味道，食起來非常滿足。### 雙拼再講講我嘅雙拼，包括麻辣白菜豬肉餃同椰菜豬肉餃。麻辣白菜豬肉餃味道相當出色，麻辣嘅味道唔會過於辛辣，反而有一種香辣嘅感覺，真係好開胃。椰菜豬肉餃同樣唔錯，椰菜嘅清香同豬肉餡搭配得好

今日過去深水埗買電話咭，之後搵餐廳食嘢，記得附近有間超人氣餃子店叫家後2.0 ，主打多款皮薄足料的湯餃與煎餃，餐廳裝潢簡潔。餃子係每日人手自家包製，保證新鮮。芫荽豬肉餃拼小籠包豬肉餃（煎餃限定）：餃子煎到金黃色，外層香脆可口，小籠包餡料內都灌有滿滿湯汁，入口啖啖爆汁，豬肉餡十分鮮甜。芫荽餃入口清香，芫茜剁碎拌入肉餡令香味更突出。芹菜豬肉餃（煎）：芹菜爽口清香，伴入肉餡做成餃子，煎香後無論口感同味道都一流！韭菜豬肉餃（灼）：韭菜鮮香加上豬肉鮮味，這個配搭永遠都係餃子餡料嘅最佳拍檔，湯底係冬瓜湯，不加味精，是家的老火湯味道。紅燒豬手炆得又林又入味，滿口骨膠原口感。極微糖咖啡味道濃郁又不會太甜。凍豆漿口感順滑，有豆香味。

今次試咗深水埗汝州街家后2.0，真係有驚喜！店仔細細但食物水準高，老闆娘仲好熱情，超有人情味～ **手工水餃**必試！西洋菜豬肉餃清新、菜味濃，咬落還有肉汁爆出；椰菜雲耳豬肉餃就爽脆有層次，皮薄得嚟不易穿，湯底還可以飲完，抵讚！ 煎餃更是邪惡之選🔥芫茜豬肉餃很香，芫茜控必點。韭菜豬肉煎到金黃脆底，油香夾住韭菜衝擊味蕾，點埋自家辣菜脯更惹味！ **沙薑雞翼**絕對係黑馬！肉質超嫩滑，沙薑香氣由頭帶到尾。**紅燒豬手**炆到淋而不爛，膠質黏嘴但不膩，滷水甜中帶酒香。最後甜品**焙茶巴斯克**好有心思，茶味甘香不假甜，中間流心質感Creamy，下次要試下大熱的開心果芝士蛋糕，而蛋糕是老闆娘每日新鮮焗，誠意滿分！ 總結：人均$100左右，餃子同小食水準拍得住大舖，溫馨街坊小店格局，值得專登過來呢！

今日去深水埗買電話卡，順手搵好野食。中午經過住家feel小店見到差不多滿座，入面職員仲即場包緊餃子，岩岩好有一台位，儘管試下。鋪頭雖小，但卻有鋪頭主打餃子，小食，豆漿，估唔到驚喜位係有咖啡同巴斯克芝士蛋糕！❤️每枱客人人都係點餃子，所以我都揀左個煎餃套餐，有8隻2款口味煎餃，加日式小食，加一碗台飯，同一杯烏龍茶。煎餃今日係芫茜豬肉餃，一咬真係噴汁，真係要好小心食！搭埋自家製辣菜圃，係屋企既味道❤️❤️見到開始有人等位，叫外賣既人強調要多啲菜圃😂咸飯係入面有豬肉，類似海南雞飯咁，就咁食唔洗餸都好夠味！重點係每枱都話要巴斯克蛋糕，今日開心果味賣晒呀🥲淨返原味同焙茶味！真係唔好執輸即刻叫隻焙茶味，先$35 一件！今餐驚喜萬分💕

未到11am營業時間已經有三組客人在等候，我也是其中一組。留意到餐牌除了有中式餃子，還有咖啡和甜品可供選擇。有一個小黑板寫了當天的例湯和特色餃，令我有少許期待菜乾湯。❤️各點了煎餃和灼餃一份，分別是韭菜豬肉餃（灼），芹菜豬肉餃（灼），芫茜豬肉餃（煎），菠菜豬肉餃（煎）。灼餃的湯底是菜乾，咬開充滿韭菜，豬肉湯汁小心口入面爆開。 煎餃外皮煎至金黃脆口，咬開入面好多肉汁，滴出來都怕浪費了。除了餃子還有特色甜品，今天除了原味的芝士蛋糕，另外還有咖啡味和開心果味。❤️兩款都各有特色，不過我更偏向於開心果。💚

家後2.0對比普通家後更靚仔裝修新穎 好似一間Cafe咁 加墳我試咗佢哋洋蔥豬肉餃子。餃子嘅皮適中，咬落去即刻可以感受到裡面鮮美嘅餡料，幾乎冇咩負擔。入面嘅餡料用料新鮮，口感滑嫩佢哋嘅湯底食落健康，清爽又有滋味湯頭用天然材料慢煮，飲落去唔會覺得油膩，反而有種心曠神怡嘅感覺，非常適合想飲健康湯嘅朋友。配上餃子，簡直係絕配！最後，飯後甜品方面，我特別推薦佢哋嘅開心果巴斯克蛋糕。呢款蛋糕外脆內滑，開心果嘅香氣撲鼻而來，搭配濃郁嘅奶香，好幸福啊。每一口都令人感到滿足，特別適合用嚟結束一頓美味嘅餐點。

這家餃子店在深水埗有兩家店舖，由於主店長期都有很多人排隊，所以這次我們光顧的是分店，分店距離港鐵深水埗站大約6分鐘步程，分店供應的食物與主店差不多。餐廳主打以老火湯烹調的手工餃子，所以湯底會不定時變更，每天更有一款特色餃子提供！我們光顧當天餐廳提供的是西洋菜湯，我當天選擇了洋蔥豬肉灼餃（$40），男朋友則選擇了雙拼的煎餃（韭菜豬肉餃＋小籠包豬肉餃）（$46）。湯底帶很香的西洋菜味，而且沒有味精味，是真材實料的老火湯。餃子的菜肉比例平衡，洋蔥豬肉餃有洋蔥和蔥頭的香味，與新鮮豬肉配在一起吃十分美味！煎餃皮薄香脆，韭菜豬肉餃的韭菜同樣很香，小籠包豬肉餃則帶薑蔥味，餃子裡面更成功保留湯汁，不管灼餃或煎餃都很美味！餐廳也有飯餐、小吃、甚至是咖啡等飲料提供。這家餐廳除了餃子，甜品更加大受歡迎！芝士蛋糕有多種口味，口味更會不定時變更，不過要注意！餃子是可以用QR code下單，但是蛋糕則需要職員人手下單，想吃甜點的人記得要預早通知職員了！這次我們點了原味芝士蛋糕（$30），芝士味道香濃，味道不會過甜，口感滑嫩，表面有烤過的香味，而且這家餐廳的芝士蛋糕即使吃多了也不會覺得膩，連沒有特別喜歡甜點的男朋友

呢間餐廳我一直都bookmark咗好耐，因為成日見社交平台有人話佢個芝士蛋糕好正，但每次OpenRice見到都話佢係餃子店，所以都用咗我少少時間去做research到底佢係甜品店定餃子店原來一直都係餃子店，不過因為個甜品做得好出色，討論度仲高過餃子，可能係一間比餃子耽誤咗嘅芝士蛋糕店呀一場去到，從來都係小朋友才做選擇，身為大人嘅我當然餃子同芝士蛋糕都要試吓啦~ 嚟之前都睇過有人話佢芝士蛋糕係限量發售嘅，好彩今日係閑日嘅夜晚六點幾，暫時仲有得賣，我哋就二話不說咁叫晒湯餃，煎餃，芝士蛋糕，一次過試晒所有嘢餃子好足料，食落熱辣辣仲要爆汁，味道唔錯! 而期待已久嘅芝士蛋糕都冇令我失望，芝士味濃郁，香軟幼滑，嚟到真係一定要試