家嫂

星期六打算帶bff到家嫂吃火鍋，不過來到後，發現餐廳推出了午市料理及兩餸飯，價錢經濟實惠，決定試試。金銀蒜澳洲帶子蒸飯蒸飯附送青菜、燉湯及水果。推介！這個蒸飯真的超惹味，入口有滿滿蒜香，而且飯內還加了粉絲碎、蛋絲及葱花，口感巨豐富，加上廚師豪不吝嗇放了大量澳洲帶子，鮮甜美味，大愛。花膠炆三黃雞飯同樣地三黃雞蛋附送燉湯、灼菜及珍珠米飯。雞件及花膠份量足，花膠厚薄適中，滑溜帶黏性，雞肉多肉鮮嫩。味道不會過鹹，非常好吃。街邊醬炒蜆炒蜆夠味又惹味，辣中大甜，蜆肉肥美無沙。家鄉陳醋小籠包皮薄餡多，一口咬下有滿滿肉汁溢出，鮮味十足，充滿陳醋味及肉香。涼拌炸魚皮炸魚皮入口微脆，味道辛辣，搭配花生及青瓜絲，中和辣度同時增加口感。香辣魷魚魷魚爽脆，味道香辣，這款小食非常適合佐酒。鴨屎香單縱檸檬茶及鮮榨香芒菠蘿汁檸檬茶茶味濃郁，有獨特芳香的香水檸檬味；香芒菠蘿汁的菠蘿味較中，帶點點菠蘿肉，味道酸甜，幫助消化。…查看更多

出名食雞煲海鮮火鍋既家嫂，原來平時都有午市套餐，仲要有小菜、小食同米線㗎！我揀咗金銀蒜澳洲帶子蒸飯同酸菜魚米線套餐，份量都唔兒戲😱有被震撼到，餐牌仲話可以無限添加任飯同湯，但我成碟都食唔晒，食到好飽。金銀蒜澳洲帶子蒸飯呢個套餐好豐富，有燉湯、生果同青菜，金銀蒜澳洲帶子蒸飯好好味，入哂味，澳洲帶子份量多，飽滿又柔嫩～入面仲有啲粉絲，同飯一齊食，豐富咗口感，好煙靭彈牙🩷推介！酸菜魚米線起碼兩至三人份量，超大碗，都只係$55😱😱勁抵食！不過佢係用左龍脷柳魚肉，仲有幾塊鴨血，一人真係食唔哂。小食我地叫左松露蝦多士、家嫂陳醋小籠包、街邊醬炒蜆同紅糖糍粑，款款各有特色。松露蝦多士香脆鬆化，雖然係炸，但我食落又唔會覺得好油膩喎。家嫂陳醋小籠包呢個造型好可愛，唧完甜醋後自動流落小籠包內，味道ok，但如果有汁會更好味🤤街邊醬炒蜆呢個豉椒汁唔錯，炒蜆沾上濃郁既鹹香豉椒醬汁，令人食指大動。紅糖糍粑呢個係我最鍾意，係流心咖，紅糖唔會太甜，糍粑煙韌，外脆內軟，真心正！食咗咁多熱氣嘢，我點咗杯蘋果雪梨茶同話梅檸檬可樂，食飯前飲又開胃又解渴，食完飯飲又可消滯，兩杯都唔會太濃味，可樂味淡。…查看更多

今次我又過左旺角做野，一跨區做野我地都會去搵下好野食，呢間家嫂本身做開火鍋既，我同事話佢地午市係唔同餐牌，食過幾正帶我黎食😆家嫂養生雞湯米（$55）呢個雞湯米係將個雲耳蒸雞放落個湯度，但雞件唔係蒸，係炒出黎既，雞件勁香，而個湯又好味，米粉又唔會好索湯，似係台式新竹粉，唔怕食慢少少索曬個湯會乾曬🍜漁香茄子豬爽肉飯（$62）呢個魚香茄子雖然就唔及大排檔用瓦煲裝咁有鑊氣，佢個調味就做得幾好，肉碎粒轉成豬爽肉片我覺得幾好，而最重要佢個餐係包埋碟菜，燉湯同白飯係無限添加，性價比即刻爆曬燈🍆🍚街邊醬炒蜆（$38）呢個炒蜆又係性價比之選，$38食到一碟小炒真係抵，碟炒蜆好惹味，d蜆又冇沙，好高質👏🏻涼伴爽脆魚皮（凍）（$28）呢個魚皮就似平時川味店食到既魚皮，質感爽滑，小小脆口🌶️沙薑豬手（$25）呢個沙薑豬手同我地平時食開既唔同，佢類似係川味風，加左d醋去調味，沙薑味唔太食得出，佢同預期係有唔同，但佢又整得幾好食喎🐷紅糖糍粑（$18）紅糖糍粑係即叫即炸，上碟時都好熱，口感好煙韌，最鐘意新鮮即整既野食👍🏻跟餐果茶（跟餐+$10）佢地跟餐有好多款唔同既水果茶，養生茶，可以按自己喜好去選擇🥤呢間餐廳個午市都幾抵食，個雞湯米好正，小食類幾樣都好食，魚香茄子客飯就正常水平，計埋價錢佢就冇得輸，$62有碟菜仲要任添飯同湯，應該冇咩地方做到，有機會再黎打邊爐試埋佢😆…查看更多

之前食過兩次，隔咗幾個月冇食過，感覺差咗鰻魚同其他放題質素一樣，可接受蝦多士熱辣辣，係好食嘅，但我嫌佢太多沙律醬小籠包勁厚皮，一夾就爛:(啲白飯魚勁厚皮，啲魚同平時食嘅白飯魚唔同質感，總之係唔好食啦蜆味道係好嘅，但有好多蜆都唔開，有啲擔心個新鮮程車雞煲真係食過咁多間最差，啲色水都睇得出個味道唔掂，啲豬肉勁硬，雞腎過唒火超硬又靱揀咗B餐，蒸海鮮得嗰兩款，仲要啲魷魚勁辣真係唔係人人都食得辣架喎⋯⋯冇得揀直接上俾你個海鮮拼盤裏面，最伏係一舊冰狀態嘅蠔，勁腥呢啲蠔放去俾人任食就算啦⋯⋯呢個拼盤得一次性，係咪放好啲嘅食材呀？呢個四人份嘅海鮮拼盤真係好鬼鼠囉牛肉質素都可接受嘅，但四人份嚟講都係少咗啲囉任食嘅嘢，牛肉雖然份量少，但都比較厚有牛味，算唔錯！估唔到最普通嘅貢丸同牛肉係用超難食嚟形容！唔爽，咬落去死實實鴨血就好食！有咬口唔係一咬就散冇雪糕，得雪條，其實都幾少家三四百蚊個人頭，咁都慳飲品款式都係少今次食，真係覺得差咗好多呢個價錢真係唔值…查看更多

旺角家嫂呢餐食得好滿足！食物種類好多選擇,職員態度都非常友善,嘢食上得都算快,環境唔會有好大壓迫感覺,枱與枱之間距離都足夠～肥牛油花分布均勻，肉質嫩滑，湯底清甜，海鮮拼盤超吸引，有大隻鮮蝦、肥美蠔、軟滑魷魚同爽口帶甜嘅扇貝，夾埋新鮮生菜襯底，賣相已經好吸引。蝦肉鮮甜有彈性，蠔肥厚多汁，魷魚爽脆唔嚡，扇貝嫩滑帶自然鮮味，食落非常鮮活。配埋醬汁一齊食更加突顯海鮮鮮味，整體清新又豐富，係海鮮控嘅必試之選！…查看更多

等我介紹吓有咩食先🤗小食前菜：有麻辣花生、辣田螺、炸三文魚、松露蝦多士等，每月款式會轉。刺身拼盤：有海膽、牡丹蝦、帆立貝等，部分食材來自北海道或塔斯曼尼亞，視覺效果一流！雞煲：有辣同唔辣選擇，配料包括花膠、鮑魚，湯底濃郁😋海鮮火鍋：有蟹、蝦、蠔、墨魚滑、牛肉、炸魚皮等，花膠香菌鍋養顏又滋味～甜品：芝士蛋糕質感幼滑，味道不錯👍🏻飲品：除咗罐裝飲品，仲有自家煲嘅龍眼紅棗水、薏米水，甚至紅白酒任飲。✅火鍋配料可以無限添加，份量按人頭調配，保證食到飽，超滿足😌✅環境寬敞舒適，裝潢典雅，服務有水準。…查看更多

係「家嫂」好壞參半嘅情況下決定一試，真心明白點解當晚只有半數客人。先講下有咩選擇，分享有A餐 同B餐)，A餐有多款海鮮（一次性）、刺身（一次性）、靚牛，任飲紅白酒啤酒🍻，紅白酒質素差都預左，啤酒得一款但係日本貨。未齊人可以食下小食頂肚，不得不讚小食質素都幾高質，蝦多士、麻辣螺、魚皮都唔錯，小籠包就一夾就穿，人齊上刺身船，係大隻用黎打卡夠壯觀，質素都算合格。雞煲味道都唔錯，仲有雞腎片。見到火鍋料真係令人非常失望，有啲特別嘅食物，例如蘋果粟米、牛肝菌，但選擇極少，最離譜係啲牛肉嘅質素，同佳x差唔多，叫生菜、油麥菜，漏單，無叫芥菜但就黎左，油麥菜無影:(。飲品方面比集團式嘅好同環保，有5-6款健康飲品，款款都唔錯（少甜的），仲有少量汽水、咖啡，甜品得番薯糖水同三款雪條，服務員有禮，換碟倒骨都快，不過有時叫落單就係咁叫你等等。咁嘅價錢有更多更好嘅選擇。唯一可取係「無限時」，係一個食住傾計嘅好地方。提一提呢間訂枱要俾訂金。食到一半已經忍唔住要公開呢次經歷 ，等想食嘅朋友認真考慮值唔值得。我諗食B餐還好的。…查看更多

之前去「家嫂」都係食打邊爐海鮮放題，原來佢哋有午市套餐咁抵食！套餐價錢$55-78，粉麵/中式小菜/日式丼飯都有，可以免費任添白飯同湯，+$10可配特飲，仲可以加購小食，真係好適合附近打工仔同學生哥，難怪平日晏晝都咁多人幫襯。主食｜🔶上湯蝦球燴伊麵（燉湯/青蔬/ 涼菜）估唔到有咁多隻蝦，幾爽口！伊麵煮得啱啱好，吸晒啲上湯汁好入味。🔶金銀蒜澳洲帶子蒸飯（燉湯/ 青蔬/水果）帶子份量都唔少，金銀蒜好香，撈飯食好正。小食｜🔶街邊醬炒蜆： 蜆肉份量多，個醬汁好惹味🔶松露醬蝦多士： 好脆口，松露醬幾香，好食🔶蜜汁雞中翼：正常發揮，蜜汁甜甜地🔶紅糖糍粑：外脆內軟，飯後甜品唔錯飲品｜🔷鴨屎香單縱檸檬茶 - 茶底幾香，夠晒解膩。🔷鮮果香橙特飲- 幾fresh，唔會太甜。…查看更多

平時食開家嫂都係一大班人食佢嘅放題，但係原來晏晝除咗可以食佢放題之外，仲有午市套餐，仲要係免+1，每一樣份量都比得好慷慨！仲要有埋燉湯，前菜同埋水果，冇可能唔飽同都幾好食🥹-御前三品丼飯🍱三文魚＋赤蝦粒＋海膽＋三文魚子堆成「海鮮山」，用料新鮮！海膽份量充足，而且甘甜無腥，三文魚子爆破感十足；丼飯底醋香平衡。-金銀蒜澳洲帶子蒸飯🍲我覺得係性價比之王！蒸飯鋪滿澳洲帶子，金銀蒜香滲透飯粒，底部仲有荷葉。而佢嘅飯都好特別，口感煙韌彈牙。-家鄉陳醋小籠包🥟心形醋泵插入小籠包頂，湯汁豐盈，陳醋解膩提鮮。-街邊醬炒蜆🐚豉椒醬鹹香惹味，蜆肉無沙且飽滿。份量足2人分享～-香辣魷魚🦑魷片刷滿甜辣醬，帶韌勁，幾好食！-涼拌炸魚皮🐟魚皮內裡爽滑。涼拌汁酸辣醒胃，仲有青瓜同花生增加口感！- 星加坡鹹檸七梳打🍋 鮮榨香芒菠蘿汁🥭特色飲品都只係加$10好抵！醃漬鹹檸檬搭配七喜氣泡感十足。而後者芒果甜＋菠蘿酸完美平衡，兩者都係解膩首選！…查看更多

家嫂打邊爐就去得多，食物質素高毋庸置疑，尤其海鮮好出色。今次lunch嚟發現午市套餐都好吸引，價錢唔貴。🍙吞拿魚蓉海膽丼飯$78(水果/燉湯/前菜)吞拿魚蓉味道鮮美，質地滑嫩，有一點油脂感，加埋海膽入口即溶，略帶甘甜又有海水咸味，每一啖都好滿足。🫕濃蝦湯海鮮煮水晶粉皮$75(青疏/水果/前菜)熱騰騰濃蝦湯底好鮮甜，海鮮份量十足，有蝦、蜆、帆立貝、鯇魚片、魚肚、豬頸肉、冬菇、芽菜，水晶粉皮滑溜吸收湯汁精華，好吃推介。🌶️街邊醬炒蜆$38炒蜆味道中辣，香氣撲鼻，甚有大排檔風味。🦐松露蝦多士$28蝦多士炸酥脆，沙律醬加少少松露，味道升級。🥟家嫂陳醋小籠包$28小籠包皮薄餡多，湯汁豐富，唧D陳醋入去，風味更突出。🍤經典沙律炸雲吞$28雲吞同樣炸得香脆，搭配新鮮沙律帶來清爽的口感。🍹鮮榨紅肉火龍果汁 +$10🍍鮮榨香芒菠蘿汁 +$10鮮榨果汁加入梳打，飲落夠晒清新解渴。…查看更多

發掘到一間好食而經濟又實惠既午餐🤫係旺角都易錯過既位置樓上店，有放題火鍋之外，午市套餐都好抵食！.🥣魚生海膽飯🥣：大大碗飯，仲包湯前菜生果，有希靈魚、三文魚等多款魚生切粒，口感同味道新鮮爽口，海膽又夠鮮甜，配埋紫菜，非常match🤩🥣滑蛋粟米脆魚柳飯🥣：套餐包湯蔬菜白飯，炸魚柳份量多，滑蛋粟米汁多拌飯食一流，炸魚外脆內軟，炸粉夠薄仲要啖啖魚肉。🥣陳醋小籠包🥣：有心心醋，可以唧入每粒小籠包入面，皮有咬口，肉汁多。🥣𠮩𠹌糖心皮蛋🥣：每粒配好晒薑蓉，每件都係流心，半隻皮蛋加一片酸甜薑，唔會辣口，易入口。🥣涼拌爽脆魚皮🥣：秘製調味，少少酸辣，青瓜爽口，有埋花生，魚皮都算爽口，夠入味。🥣紅糖糍粑🥣：即叫即炸熱辣辣先好食！外脆軟糯，入面係紅糖，最岩做飯後甜品！🥤鴨屎香單縱檸檬茶🥤：有成6粒青檸，勁足料！茶底幾濃郁帶有少少苦澀，夏天飲好解渴。🥤蘋果雪梨茶🥤有鮮蘋果同雪梨片，用原個茶包沖，味道香甜清新，健康之選。…查看更多

我約好友去位於旺角西洋菜南街74至84號旺角城市中心4樓的<家嫂>食午餐，環境舒適，裝修簡潔，富有中式風味。我哋點咗：🥢午市套餐📍上湯蝦球會伊麵配燉湯、青菜、涼菜 $78📍金銀蒜澳洲帶子蒸飯配燉湯、水果、青菜 $78🥢小食📍蜜汁雞中翼 $28📍松露蝦多士 $28📍家嫂陳醋小籠包$28📍經典沙律炸雲吞$28🍴飲品📍鮮果香橙特飲$10📍鮮榨香芒菠蘿汁$10wow！街坊價錢，食物質素高，材料新鮮又好味！…查看更多

我地食左：⬇️⬇️✨濃蝦湯海鮮煮水晶粉皮✨$75呢碗粉真係不得了💘‼️大大個煲入面竟然有哂蝦🦐、蜆、魚肚、魚片、豬頸肉同帶子…咁多款配料😍份量1 d都唔惹少，食落仲要好新鮮，呢個價位食到咁多海鮮，癲❗️❗️❗️水晶粉個嘅口感亦都不容忽視，煙煙韌韌咁好彈牙，吸滿晒咁鮮味嘅湯汁勁好食👍🏻👍🏻個餐仲要包埋清蔬（菜心）、水果（青提）、前菜（魚皮）；小妹食得勁滿足☺️✨炸雞翼、雪花牛肉、手打墨魚丸豬骨拉麵✨$48豬骨湯頭鮮甜濃郁，d餸款款高質，仲要食極都好似仲有，勁抵食👍🏻🔸另外仲加咗d小食：✨蜜汁雞中翼✨$28皮脆肉滑蜜味重，咬落去仲要好多汁😉✨松露蝦多士✨$28又酥又脆咁超香口🫶✨家嫂陳醋小籠包✨$28皮薄餡大脹卜卜，一啖一個超過癮💕✨街邊醬炒蜆✨$38個醬有少少辣度🔥，d蜆吸收晒之後鮮中帶辣勁惹味❣️✨鮮果香橙特飲✨跟餐+ $10✨鮮菠蘿香芒特飲✨跟餐+ $10沙冰質地冰冰涼涼勁透心涼💦呢個咁悶熱嘅天氣飲就最啱❗️🛑家嫂📍旺角西洋菜南街74-84號旺角城市中心4樓港鐵旺角站D3出口,步行約1分鐘 …查看更多

#mochicouple_hk旺角搵食團今次跟住momchi去到旺角家嫂😉係一間主打粵菜同海鮮火鍋放題的餐廳，裝潢中式，氣氛典雅又舒服，非常適合朋友或家庭聚餐😝午時主菜選擇多元，好似梅菜扣肉、蒸魚、滑蛋蝦仁、金銀蒜帶子蒸飯等，充滿「媽媽味道」⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•ʔ ‧˚ 1️⃣滑蛋粟米脆皮魚柳飯($62)呢個滑蛋粟米脆皮魚柳飯係家嫂人氣之選！脆皮魚柳炸得金黃酥脆，外脆內嫩，魚肉唔鬆散！配上滑到漏嘅滑蛋同粟米忌廉汁，口感豐富🤤 重點係珍珠米飯+燉湯無限refill，真係冇得輸～但粟米汁稍鹹，建議拌飯一齊食會更夾，啱晒打工仔填飽個肚！🍚2️⃣上湯蝦球燴伊麵($78)Wow～成碗超有份量！蝦球平均每粒都飽滿彈牙，輕咬即爆汁～上湯用蝦殼熬製成金黃色，懶人福音直接掛住啲伊麵，每條麵都吸哂湯精華！加埋爽口青蔬、涼拌前菜，真係Lunch時間enjoy個靚飯好選擇。鹹味偏重，但好重海鮮香～海鮮控必試！🐟🌊3️⃣蜜汁雞中翼($28)無得輸嘅小食之王～蜜汁雞翼燒到外皮帶焦香，一入口就feel到蜜味由皮滲到入肉！佢唔會過甜，帶少少鹹香～肉質嫩滑！4️⃣家嫂陳醋小籠包($28)小籠包皮薄似紙，入口即破，湯汁暖笠笠流晒出嚟～吱埋啲陳醋，酸酸地超開胃！每粒包都飽滿紮實，食完好滿足，無論做前菜定主角都掂！食落有啲似上海街頭風味嗰種，食完唔想停！5️⃣街邊醬炒蜆($38)街邊feel十足！蜆爆炒得香氣四溢！用上「街邊風味」特色醬汁，帶香辣＋鹹香味，非常惹味🔥！蜆肉飽滿，唔乾身!6️⃣香辣魷魚($28)辣辣地又唔過火嘅香辣魷魚，咬落煙韌有咬勁，配碗飯絕配🔥7️⃣清甜椰青水($20)+香橙檸檬特飲($20)食完咁多香濃小菜，一杯解膩特飲就啱晒。椰青水清甜天然，冇添加冇負擔；香橙檸檬飲酸中帶甜，超開胃！⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚🌟想知道更多美食🤪記得follow@mochicouple_hk啦😍🎉📸📍 旺角西洋菜南街74-84號旺角城市中心4樓🚇 港鐵旺角站D3站出口，步行約1分鐘🕒 Mon-Sun:11:00-22:00…查看更多

本身係做火鍋放題，而家仲有埋超抵食嘅飯麵餐。海鮮、刺身用料超靚！🔸御前三品丼飯（配燉湯/時蔬/水果）$78三文魚/赤蝦粒/海膽/三文魚子見到隔籬枱嘅刺身拼盤好正所以即刻嗌。刺身份量好多，唔係用邊角料。海膽同三文魚子都係用靚料。海膽好甜又冇明礬味。三文魚子鹹鮮得嚟完全唔腥。🔸金銀蒜澳洲帶子蒸飯（配燉湯/菜/水果） $78蒜味超濃郁。帶子又大粒又鮮甜，份量都遠超想像。蒸飯吸收晒啲精華，食落去都幾鮮甜喎。🔸蜜汁雞中翼（3隻）$28蜜味香濃，最誇張係個脆皮，有嗰種脆焦糖嘅感覺。🔸家鄉陳醋小籠包 $28勁多汁嘅小籠包！黑醋直接擠落小籠包好得意。🔸香辣魷魚 $28經典車仔麵餸。爽脆嘅水魷加埋甜辣醬汁超惹味。🔸松露醬蝦多士（3件）$28蝦多士勁多蝦膠，香口鮮甜。🔸鮮榨紅肉火龍果汁 $10🔸星加坡鹹檸七梳打 $10…查看更多