家之味美食

OpenRice明明寫開10點，10:30左右去到見到廚房逐個逐個餸炒緊，但冇我最愛咕嚕肉，多口一問幾時有，遮遮話未咁快，下碟整椒鹽豬扒，老闆聽到叫我坐一陣等等，然後出到嚟見到幫我打咗尖🥰 重點$40淨餸，雙拼唔使加錢，良心價錢，全部靚料，調味唔會太重，真係有住家飯味道（店名家之味🤣）屋企人都好滿意🙏🏻 肉餅真係必點，兩大塊勁厚身平靚正真材實料仲要服務一流，如果住附近真係諗唔到有咩理由唔日日加餸😌炸雞翼，蟲草花蒸雞，肉餅，胡椒豬肚，蘿蔔牛腩，咕嚕肉…查看更多

而家兩餸飯大行其道，周圍都開兩餸飯店，有時唔想煮去呢啲舖頭買餸都幾好，慳火慳力，曾經食過啲仲好好食㗎～好多兩餸飯都好平，呢間嘅只需要$30 ，三餸都只係加多$6；不過我哋盡量食少啲飯，所以只要淨餸 $40！夜晚買好似仲抵啲，不過就變宵夜～🥢咕嚕肉酸酸甜甜開胃好食，份量都幾多，夠飽🥢泰式豬扒微辣，豬扒厚身啖啖肉，幾入味，其實同飯一齊食應該幾正🚩家之味美食 (紅磡)📍紅磡蕪湖街111號蕪湖居地下D號舖…查看更多

$29 兩餸飯超抵！呢間野食食落口冇咩味精，真係有屋企煮家飯既感覺，唔會好咸，味道岩岩好！今日同友人叫外賣番屋企食，2個人叫一盒2餸一盒淨餸，其實夠3個人食，佢份量都幾大份。雞翼個炸雞翼食落口唔會覺得熱氣，外面金黃酥脆，咬落去肉質又嫩滑，味道唔會太鹹，剛剛好。每一口都帶住香脆感。豆角豆角煮得剛好，保持住脆口感，味道亦都清新薯仔牛腩牛腩煮得軟腍，同薯仔一齊食，好岩送飯。薯仔吸咗牛腩嘅汁，食落去濃郁又滿足豆腐呢個豆腐則係另一種享受。滑滑嫩嫩，配上少少醬汁，味道清淡又唔膩，對於想食健康啲嘅朋友來講，絕對係個好選擇。…查看更多

曾經到這家店購買過幾次外賣三餸飯，每次給我的份量差不多，但肉都是特別少，例如點了南瓜蒸排骨做餸，內裡大部分都只是南瓜，但排骨只有一至兩粒，還要是骨大過肉，本身已經切到很細粒，還要骨多過肉，飲食體驗近乎沒吃過肉，其他有肉的餸也是如此，感覺偷工減料…查看更多

📍      家之味美食🌍      香港紅磡蕪湖街111號蕪湖居地下D號舖📝整體評分： ９／１０樓下新開左間雙餸飯，收工夜左買左2盒淨雙餸返去，方便又經濟，選擇勁多，份量慷慨，同男朋友2個食仲有剩，可以聽日帶飯✿ 咕嚕肉•  薄炸粉皮，外脆內嫩，肉質多汁不柴，醬汁紅亮偏，甜少少但不油膩～
✿ 水煮牛肉• 牛肉嫩滑，慘透幽幽花椒味， 麻辣鮮香，但最好食係D芽牙同木耳，浸哂入味。水煮系列會以熱油泡蒜頭同花椒粒點綴，令香味昇華，始終無專門店食咁香惹，但咁既質素係好OK。✿ 梅菜肉餅•  五花肉絞軟糯中帶嚼勁，肉質細膩帶油香，梅菜脆爽。兩大塊又厚又實，超足料✿ 椒鹽豬扒•  椒鹽豬扒厚實，最緊要無帶肥肉，鹹香微辣，終於唔係即炸即食，只係微脆。…查看更多

兩餸飯三餸飯已經係香港的日常😂黃埔呢間新開既兩餸飯 價錢親民 而且仲有堂食座位 就算上班族或者遊客想堂食都可以坐低慢慢嘆 呢個好值得讚👍🏻👍🏻兩餸飯$29 三餸飯$35 淨餸/兩餸$39我黎到既時候都已經有好多街坊幫襯緊😳見到佢地同啲店員都好熟絡🤣因為屋企已經有煮飯 所以今次淨係買淨餸番去就ok😋我揀左雞翼同雲耳蒸雞🐔雞翼好多隻而且全部都大大隻😍肉質嫩滑雲耳蒸雞既雞肉都好鮮嫩🤤啖啖肉唔算多骨整體非常抵食❗️…查看更多

中港兩地走的我，返香港時一定吃三餸飯，主因是香港肉質一流，吃牛就是牛，吃豬就是豬，不是吃什麼肉都是相同的肉質和味道。這晚我來到紅磡蕪湖街111號蕪湖居地下D號舖，家之味美食(外賣店），點兩個餸回家享用。選擇困難，從相片已看到，每項餸都新鮮美味，肉質優良，看了都流口水，全部我都想吃。最後，我選擇了蘿蔔牛腩和南瓜豆腐排骨。蘿蔔牛腩，長期在內地生活的朋友，會知道內地的牛腩，都是相同形狀，相同味道，較難像香港，可以吃到真正的牛腩，牛腩燉得軟爛入味，滿嘴都是肉香。蘿蔔吸飽了牛腩的湯汁，變得又軟又甜。這道菜在家送飯一流。南瓜豆腐排骨。父母喜歡吃南瓜，這道菜沒有令我失望。排骨燉得軟糯，南瓜的甜味和豆腐的嫩滑完美融合。豆腐吸滿了湯汁，滿嘴都是鮮美的味道。這道菜不僅好吃，還特別有營養。食店更送贈兩盒飲品，讓我回家就可以立即開飯啦。…查看更多

紅磡呢間外賣店絕對係平民恩物！$29就買到兩餸飯，價錢抵到難以置信，但質素完全超出預期。餸菜選擇多到眼花繚亂，目測超過20款，每日新鮮輪換，由經典家常菜到特色小炒應有盡有。今次試咗咕嚕肉同豬肚，兩款都極有驚喜！咕嚕肉外脆內軟，酸甜汁開胃醒神，絕對唔係求其翻炸貨色；豬肚清洗得乾淨，炆得入味又爽彈，醬汁濃郁送飯一流。$29有咁高質素，真心抵讚！性價比爆燈，絕對會encore。如果你追求平靚正，呢間絕對係隱世寶藏！…查看更多

紅磡街坊真係有福啦，最近發現蕪湖街又開多咗一間抵食之選，仲要好早就開門，今日大概10點經過嘅時候本身諗住食早餐，點知聞到真係勁香，望入去所有嘢都係新鮮即煮，就決定買兩餸飯返屋企食。朝早啲店員哥哥同姨姨都好有禮貌，超有人情味，而且見所有新鮮即炸嘅嘢都好酥脆，我自己就叫咗兩餸，兩個都係又有蔬菜又有肉類，直落唔會覺得太多味精，南瓜同埋蘿蔔都炆得好入味，肉類亦都唔會太嚡，而且有住家味，所以真係勁推介。 呢度嘅價錢亦都相當抵食，最正就係有得淨叫餸。…查看更多

小妹經過紅磡蕪湖街見到一間兩三餸飯店😆 兩餸飯都係$29，3餸就$35，仲有淨餸$39😍價錢親民，超抵🙂 唔掛得keep住好多人排隊買飯，人流超旺☺️ 南瓜排骨🎃🐖絕對營養及豐富，口感既餸菜，南瓜🎃非常鮮甜，排骨既新鮮味道👅相輔相成🤩加上南瓜有咬口，帶黎多重口感😊豬肉釀節瓜脯🐖🥒真係好少見呢款豬肉釀節瓜脯，節瓜切片燜，保存不少營養，加上食落口好腍不爛，非常多汁，面頭豬肉嫩口爽滑😀紙包：維他檸檬錫蘭紅茶🍋🧃素豆腐🫔平時既二三餸飯店好少見，一定要試吓，呢款色靚味道佳😍 不錯冬瓜火腩🥒🐖冬瓜配搭火腩滲出陣陣清新，減去肉的油膩，加上冬瓜釋放清新香甜味道，而火腩帶來鹹香既味道👅絕配～不愧男人的浪漫👯‍♂️紙包：道地綠茶🧃呢間兩三餸飯店絕對係人龍店，因為真係幾抵食，而且環境讓感到乾淨衛生，而且可以堂食或外賣🥡真心不錯😆👍🏻…查看更多

紅磡新開了一間兩餸飯，晚上都有唔少人排隊，店舖很乾淨企理，而且是開放式廚房，見到里面廚房也很乾淨！$29可以有兩餸飯，$35有三餸飯，都幾便宜，今晚一於偷懶不煮飯😜😜有好多唔同種類的餸，可以選擇，之前比較怕食兩餸飯是因為通常兩餸飯都很油膩，但這間一點也不油！很又在家裏煮的感覺👍👍👍叫了兩盒飯，一盒是酸菜魚和豆角，另一盒是西芹炒雞和豬肉釀節瓜。豬肉釀節瓜，真的超級大件，我也喜歡他的米飯🍚，硬度很適中！…查看更多

見新開張既兩餸飯 經過幾次都想試 今日到飯點又係附 終於可以試下淨兩餸39蚊 排隊有d亂，我到既時候篤左口水牛肉同咕嚕肉 諗住咁樣係$39跟住哥哥問我分唔分盒，原先以為佢驚口水牛肉有汁整辣個咕嚕肉，所以我不以為意，就同佢講話分盒。點知收錢嗰陣佢收我$78 ，直頭o左如果收我$78呢個價錢係完全唔值 兩盒又唔係裝滿晒，比呢個價錢不如食其他同區嘅兩餸飯同埋如果分盒就要收我Double錢嘅話 佢好應該問我嘅時候就已經同我講 而唔係收錢嗰陣先同我講收$78 搞到覺得好唔抵肯定唔會有下次…查看更多

依家兩餸飯真係開到總有一間在附近 勝在當然係平 但係質素會較為參差 朋友話佢屋企附近開咗間又平又好食的兩餸飯 去到見到舖頭光鮮明亮 最緊要係門口揀餸位置夠闊落 方便客人排隊等候 呢間兩餸飯只需要$29😱 如果淨餸無論單或雙拼都係$39 價錢真係完勝餸菜款式都不少 有驚喜嘅係除咗普通一定會出現嘅咕嚕肉、蒸肉餅、豬扒雞翼呢啲之外 竟然仲有䱽魚（姐姐力推 不過價錢有分別的）同埋有釀節瓜脯呢啲比較特別的菜式我們點了比較特別的蜜椒骨、釀節瓜脯同釀豆腐 另外仲有個炒西蘭花 幾款餸味道和份量都很好 特別係店員推薦嘅蜜椒骨 肉質唔差 味道甜甜地幾惹味 …查看更多

經過見到呢間兩餸飯幾抵食，兩餸$29，3餸$35，價錢親民，keep住都有生意，人流好旺我嗌返經常食的蕃茄炒蛋、紅燒豆腐和蒸肉餅，蕃茄酸酸甜甜，配飯一流，蛋炒得幾嫩滑，紅燒豆腐個芡汁煮得剛剛好，不太厚重，肉餅好考功夫心機，啖啖肉最正🤩整體而言是水準之上，價錢取勝，希望開多嘅呢類親民小店～我嗌返經常食的蕃茄炒蛋、紅燒豆腐和蒸肉餅，蕃茄酸酸甜甜，配飯一流，蛋炒得幾嫩滑，紅燒豆腐個芡汁煮得剛剛好，不太厚重，肉餅好考功夫心機，啖啖肉最正🤩…查看更多

紅磡係平民美食地區，真係一條街都有好多間小食店，而我最近愛上咗蕪湖街，蕪湖居地下嘅呢間家之味美食，佢同個名一樣，食完真係覺得有家嘅味道，同細個喺媽咪屋企食開嘅家庭飯餸味道好累近。加埋係外賣店，買完之後即刻返屋企食，返到去都可以保持到啲餸熱辣辣咁樣，感覺新鮮又健康，加埋呢度每一樣嘢嘅調味都恰到好處，唔會太鹹唔會太味精，大家都可以食得安心！最重要就係呢度啲店員個個都好親切，好有禮貌，嚟咗幾次其實大家已經認得我，每次一嚟到就已經會問係唔係係要平時嘅嘢，同埋都會介紹吓今日有咩特別新嘅菜式，感覺真係好溫馨。今日叫咗個四季豆，顏色清脆，口感都有少少脆，食得出好新鮮，另外苦瓜炒蛋都做得好出色，條味一流，苦瓜唔會太苦，蛋亦都唔會煮得過老，正。…查看更多