客滿庭

上星期六(11月15日)早上約10點半到酒樓飲茶，取等位票，約10分鐘後，接待員表示有位，在我等位票上寫上檯號"88"，惟無人帶位或表示有意協助，行了半個場都未找到，後來出去接待處再問職員，怎料未及帶位，已聽到有職員表示“已經俾人坐咗”，並指示‘’可先坐另一張檯、那茶客快走‘’之類，但我因唔想搭檯，所以無坐下。怎料當那茶客走後，給後來等位的茶客見有位坐下，唔知佢有無攞等位票？我只好仍在門口繼續乾等，但愈唸愈氣憤，繼而離去。試問：這個不公平嘅等位制度，簡直係唔鼓勵茶客再光顧，差勁；職員嘅敷衍態度，差勁，簡直令人失望。…查看更多

剛完成先人後事，安排到此食纓紅宴，八個餸菜加炒飯及紅荳沙。紅皮赤壯：即係燒腩仔，肉質鮮嫩，肥瘦分明，皮夠脆，很好食。粟米魚肚羮：味道一般，但夠料及夠熱。清蒸海虎杉：肉骨分離，熟度剛好，不過火。塘拌鮮蝦仁：蓮耦片及蝦仁夠爽脆。菠蘿咕嚕肉：肉質夠腍，甜酸度都適中，但係就冇拉絲。姬松茸野菌豆腐:質素麻麻，唔夠熱，冇鑊氣。羅漢上素：味道唔夠，唔夠熱。白切貴妃雞：雞肉都夠嫩滑。瑤柱蛋白炒飯：呢個比較差，料頭唔夠足，飯又炒得唔夠熱唔夠透。最後係個蓮子紅豆沙，超級甜，難食。…查看更多

星期日中午12:30來到飲茶，有大把位，已經知道唔妥。自己搵位，坐低叫極都冇人招呼，叫咗幾次侍應，待應至到嚟開位，待應開位講嘢又晦晦氣氣，我要自己攞點心紙去會計部入。等咗好耐都唔見點心，問侍應跟進，又係得到晦氣嘅對待。等咗好耐，終於燒乳鴿嚟到，當燒乳鴿來到，阿姐只俾淮鹽，欠了喼汁，問阿姐攞，阿姐竟然鬧我，真係要好好EQ至好嚟食，點心普普通通，但招呼就超級差。乳鴿溫溫吞吞，尚算OK，其他點心都算即叫即蒸，但水準中下。…查看更多

今天不吐不快，今天11：30兩個人去到，叫我們自己搵位，入了房坐了在一張仍未執的4人檯，出去3次叫人執檯及開茶，10分鐘也沒人理，D經理唔夠人自己唔會做，剩係行行企企，跟住入來,點知問我們幾人,我們說2人她就說張檯太大，叫我們出去坐張細D，但又冇細檯，於是問一檯坐了一個人的幾人，那人說兩人，經理貌似想我們搭檯，跟住一路跟了她出到門口，我已沒心情食，有位又唔俾人坐，又冇人做嘢，我擺底張點心紙話唔食就去咗第二間，以後都唔再去…查看更多

父親節去左黃大仙飲茶，除左北館、南館，黃大仙另一個飲食中心地應該算系現崇山今日去左現崇山試新茶樓，7個人埋單都只係五百幾蚊，係幾抵食流心奶皇球賣相好似個金桔，咁幾得意味道就正正常常，橙色嘅外層少少金橘香，奶黃餡可以再甜啲咸水角嘅內涵唔係好多料，偏向空心豚肉炒河好有鑊氣都幾好食，份量都幾大兜而且豚肉都幾厚肉，唔會成陣雪味叉燒酥係長條型，唔係平時成日見到嘅三角形外層唔夠金黃色冇咁香，不過裏面嘅叉燒餡都OK嘅綿花雞正正常常，冇咩特別…查看更多

小時候常聽長輩們教導便宜莫貪，今次終於體現到這個道理。居於黃大仙的朋友相約到此飲茶。食物之前先一定要說杯茶，奇苦無比，茶樓無理由落那麼多茶葉吧，總之苦過飲涼茶！點心都是一些大路貨色，但問題是總不夠熱，吃貨所謂的一熱遮三醜！燒賣不夠結實，欠肉味。翡翠餃跟蝦餃的皮是一樣的，黏性極高，一扯即爛，沒可能完整地夾起來！食味蝦餃略勝一籌，至少食到有蝦。棉花雞的魚肚是吸汁吸油神器，可是因為極其油膩，肥膩度爆燈！鳳爪太腍，蒸過了頭；牛肉腸亦然。炸點蝦角同樣不夠熱不夠脆，唯一較可接受的是炸魷魚鬚，起碼是不靭的！價錢屬便宜，惟食物則不敢恭維。…查看更多

今日飲早茶（1.3.25）,眼見無爆場，但有超過4枱客追野食（其中一枱話落單超過30分鐘）， 最後都係無黎，客人唔等走人！我點了春卷， 黎到係凍， 又好似比油浸過黎，全深黃色……真係狗都唔食……下次真係唔再黎……大家睇路………查看更多

客滿庭黃大仙睦鄰街8號現崇山商場1樓16號舖天氣凍凍地，最好就係約同好友去飲早茶，每人一盅二件，我地食左早晨孖寶每份$37：牛肉腸配蒸釀茄子，鮮竹卷配鯪魚球，茗茶每位$11。每款點心都好味又好食。…查看更多

中秋節正日，約咗親戚共 12 人，喺黃大仙現崇山商場「客滿庭」預先訂咗「貴賓廳全包宴 ~ 月下花前宴 $6988」。仲包左一支紅酒，啤酒、汽水各 6 罐。有間獨立嘅貴賓廳，可以提早來打麻雀，仲有得唱卡拉 OK乳豬皮非常脆，味道非常香。芝士味夠濃郁，澳洲龍蝦非常新鮮，份量非常充足。珊瑚蚌同墨魚片都非常爽口，西蘭花好新鮮。鳳尾蝦非常新鮮，而且炸得非常香脆。份量十足，而且淡淡都有花膠同埋蟹肉，Very Good！條魚非常新鮮，完全無腥味。獻汁調教得好適中，鮑魚同玉掌口感雞皮香脆，雞味濃。成碟飯冇咩味道，連咸味都冇份量不算太多，而且 D 麵好碎紅豆沙煲到起晒沙湯圓好滑，入面係芝麻餡。壽包入邊係蓮蓉餡，味道好香…查看更多

見人多就諗住嚟試下，入到嚟枱又冇鋪，難以置信既係自己鋪枱，茶水又冇跟，筆又冇枱號又冇點餐紙又冇，乜都係要問佢先攞嚟，唔知係本人要求太高定點，個人覺得連最基本既野都做唔到屬實有少少過分。講食既野，啲嘢食唔係特別好食，好多都唔夠熱，啲豉油喼汁全部都冇跟，又係要問到先有，仲要係好多嘢都要追佢先攞到嚟。有啲甚至你嗌佢佢係充耳不聞，直接掉頭就走左去。講服務態度，加單嘅時候就勁冇禮貌咁話做乜咁遲先落單，但係入嚟到坐低佢都冇講LastOrder幾時，真係過咗LastOrder咪同人講聲，又唔會夾硬要嗌。好好地氣咁講，人哋都會體諒架，勁冇禮貌咁樣講咁遲先落單係唔知想點，由頭到尾態度同服務都勁差，個樣又勁西，有種佢根本唔想serve人嘅感覺，唔會再嚟第二次。…查看更多

其實我好想食佢食評，但係我跟本食唔到。佢地既服務真係好嬲。我8月23日打電話去訂枱， 19人，訂中秋節正日夜晚食飯，打電話時候，對方淨係留咗姓名電話，我已經問佢中秋正日使唔使要落訂，係咪就咁落電話姓名就得，對方答我係，仲同我講，19人係一圍半， 我話你方便就得啦。我以為我自己已經成功左。點知我今日9月6號，打電話上去再confirm餸菜嘅問題，對方竟然話冇我資料，我19人比唔返兩張枱我，對方仲問返我當時訂枱有冇問對方貴姓？🤔平時大家訂位食飯係咪都會問對方貴姓？🤬🤬🤬🤬離中秋仲有10日，我19人去邊搵到咁大張枱？ 本來開心團圓日子，而家我地係冇地方團聚一齊食飯，都唔知點算好😢😢😢…查看更多

野食上的好慢，等到天荒地老，結果唔好食，d點心整得差，杯茶仲苦過我條命，waiter態度又差到不得了。終於知道點解唔洗等位，唔推薦黎哩度飲茶，真係想讚都讚唔落。。…查看更多

前幾日（15/4/2024），一班好友又嚟開飯，比起附近酒樓，這間都算多人幫襯。幾位服務員態度都好好。點了一個“我話事自選套餐”選了三選一，B化皮燒腩仔，唔肥，皮脆五選一，選了果皮蒸大連鮑魚，無咩果皮味，蒸得時間剛好再加咗3個餸黑醋金薯咕嚕肉，已食過多次，仍覺得好味鮮竹肉丸浸菜苗啫啫通菜煲，好多大蝦米，好夠味再點咗冬瓜盅，夠火喉，冬瓜又淋又入味，好足料金花大龍躉二食~碧綠炒斑球，塊塊都好大片，好滑干迫野菌頭腩，夠惹味食埋甜品，好滿足啦…查看更多

呢間酒樓係有啲問題唔係其他人都唔會畀負皮原本11點40分落單等咗20分鐘問原來冇人落單12點10分再落個單經理話唔好意思飲茶咁耐第一次遇見呢件事情如果趕時間千祈要揀其他酒樓…查看更多

我今日行程有些緊湊，早茶就去在位於現崇山商場的客滿庭，環境舒適 ，早到就茶客不多。我點左3個孖寶：鹹魚肉餅飯配香茜牛肉腸，鳳爪排骨飯配蟹籽燒賣皇，薑汁鷄包仔配濃湯鮮竹卷。茗茶每位$9。點心好味又好食。…查看更多