客家好棧 (快樂大廈)

真係幾啱hea住食個早茶。環境唔算豪華，但夠乾淨舒服，坐低嗌幾籠點心慢慢嘆。點心有水準，唔會粉多過餡。職員態度真係幾nice，有問必答，攞辣椒豉油都好爽快，講嘢有笑容，唔會黑面催人走，呢點真係加好多分。成個體驗係那種唔趕客，可以慢慢食慢慢傾嗰種舒服感。以價錢同質素嚟講，真係幾抵食，啱哂同屋企人，朋友hea住飲個早茶，唔使諗太多就會想再去。價錢$$亦都合理，一個人花唔到$100蚊就食得好飽好滿足。。。。…查看更多

這家中菜館展現了傳統與創新的完美融合。餐廳環境典雅，木質裝潢搭配柔和燈光，營造出溫馨氛圍。未裝修前食過二次，一次飲早茶，一次食晚飯，餐牌選擇種類豐富，食物質素好，火候掌握得恰到好處，保留了食物的原汁原味，展現廚師的細心，份量多，價錢亦唔貴，CP值高！佢哋嘅紅棗糕超級鍾意食，唔太甜又淡淡嘅紅棗味，座位環境寬敞，衛生亦乾淨。服務方面，員工態度親切，能主動推薦菜式，讓人感到貼心。唯一不足是高峰時段需稍等，但整體體驗仍屬上乘。而且店員服務超級好，冇黑面，我問咗好多問題仲好有耐性解答我，由其是收銀的肥姐姐，好好笑容，同啲客有傾有講，好Nice好親切！最近翻新咗之後再去食，水準依然保持一貫，這家中菜館不僅保留傳統風味，還在細節中展現現代感，是值得一再光顧的好選擇。…查看更多

第一次試吓這間客家好棧，環境坐得好舒服，輕鬆愉悅、高雅奢華、溫馨熱鬧 ，空間寬敞舒適，氣氛絕佳，非常適合約會，衛生方便好乾淨，食物質素非常好，食物份量很足夠（特別推介燒賣同蝦餃）擺盤賞心悅目，創意十足，完全顛覆了傳統，其他點心都好吸引仲要係熱辣辣，員工又非常友善，服務人員專業又親切，細心周到，讓用餐體驗加分不少。CP值超高！物超所值，絕對會推薦給所有朋友！整體而言，是一次非常完美的用餐經驗，期待下次再訪！…查看更多

已經第二次食晚飯，首先是環境，清潔乾淨，有自動refill 功能熱水壺，加水不求人, 服務到位, 以酒樓服務現時水平黎講，職員誠懇有禮，食物款式聚多，特別是招牌客家雞，有雞味嫩滑皮脆，每天都有$168 三款小菜套餐，平過茶記，酒席6 人餐$888份量足夠,竟然仲有翅食，唔怪得平日晚市都非常多熟客，強烈推薦一家大細人多嚟食，烹調水準普通，好在食材新鮮搭夠，特別是原條蒸魚非常新鮮，羊腩煲香濃嫩滑，整體來說值得推介…查看更多

Dinner @ 客家好棧 ~算是一間街坊酒樓！？但食客也不盡是街坊，「街坊」有樣你睇的嗎！？我不是街坊，也來吃哦！ 咬我食咩！？沙薑雞煲 : 鐵鑊上，熱辣辣香噴噴，半隻雞都幾多肉，肉質未算滑，但也不算鞋口 .... 雞唔滑㜜就唔好味！？這是什麼道理！？ 雞肉是否滑嫩，講的是肉質，並不是味道！做人開通點，其實食雞唔係下下話要滑嫩才是好，最重要係入味，夠味，啱我吃 ~紹酒煮蟶子 : 蟶子肥大又飽滿，吸收了紹酒，特別鮮味香口，我一個人都可以食一兜 ~清蒸老虎斑仔 : 魚夠厚肉，蒸得熟透，也算鮮㜜，魚有魚味 ~本篇完 ~…查看更多

對呢間茶樓十分失望，味道奇差。服務亦十分一般。香茜牛肉腸絕對不是即叫即蒸，腸粉已經黏晒一舊，食落去仲有浸牛肉腥味。叉燒包完全沒有叉燒味，味道只可以奇怪黎形容。脆皮大腸亦係完全係凍。金錢肚同馬拉糕一般。唯一比較好味係鳳爪，味道較為正宗。總括而言，唔會食第二次。…查看更多

媽媽生日選擇到呢度食見到有羊腩煲 今日就試試佢啦羊腩煲加菜 味道挺入味的我哋total四個人食都好夠而且羊的味道不是很So再叫咗條䱽魚食都幾好食最後叫咗個三餸餐168 非常抵食又唔覺得好似其他講都話唔好食…查看更多

想拎辣椒油都無人理要自己拎 0服務有個啊姐好躁底係咁喺call機同人嘈交 好嘈燒賣隻蝦跌咗落嚟 賣相好差蝦餃皮無包實 啲蝦仲有陣膠膠地嘅味薄撐啲餡勁少 啲蝦米都唔香 好似食緊麵粉咁之前喺佐敦分店食都無咁大獲 真係唔好嚟深水埗店…查看更多

-如果同屋企人飲茶，想搵個舒舒服服嘅地方，先至會嚟呢度。茶方面用嘅茶葉都還可以，起碼見到原粒茶葉，今次叫咗幾個點心。水準都還可以，比較好食嘅燒賣 蝦餃 蘿蔔糕千祈唔好食嘅櫻花蝦煎薄撐完全唔夠脆同薄--…查看更多

碟頭細，味道差，差評，個湯唔係湯， 椒絲腐乳通菜鮮魷完全無腐乳味無味咁濟，點咗個蝦仁炒蛋，有酸味，懷疑有蛋變壞，幾乎無樣餸菜好味，試完呢次後唔會再嚟，完全大失所望…查看更多

復活節假期，趁有時間又得閒和家人吃午餐。。分別普洱茶，香片茶。‘’瑤柱蛋白炒飯‘’ ，瑤柱（份量較多），蛋白，翠玉瓜。‘’魚茸炸茄子‘’，即叫即炸熱辣辣，一碟三件。…查看更多

客家好盞做1蚊蝦,所以就來試吃，我們一行3人，來到深水埗此店吃飯，吃了大班兩味加$20有多半隻雞，又叫了蟶子仔勝瓜。那份1蚊蝦份量真很夠，都新鮮，蒸班球腩及脆肉瓜班塊都好好味，唯獨那蟶子仔勝瓜就味道很淡無乜味。服務就因人手少所以差了點。…查看更多

香麻叉燒酥 $25見食評話好食，就點黎食下！味道還好，表皮塗滿蜜糖！食一件試味便夠，食多就會好滯😇唔似「甜品」嘅甜品芋茸煎堆仔 $25炸物~小食怡情 內在~略有芋味玫瑰棗茸糕 $25比叉燒酥好食嘅小糕點 清甜感🔝生滾香茜魚片粥 $28魚肉超有口感！食前記得叫店員➕胡椒粉(滿足感👍)➕香茜(再多d都唔怕)＝完美絕配😋醬皇金錢肚 $28「媽媽」輩喜愛嘅點心，但我食落就一般！功夫小籠包 $28味道還好，只可惜外皮好易爛，無左原本飲湯汁嘅滿足感(小扭計😭)龍蝦湯鮮竹卷 $28味道一般，腐皮有d厚👀*茶味：$11/位*另加一…查看更多

父親節出街食，老豆揀咗呢間見到地下爆哂塴，樓上無乜人，唔知點解唔理啦，無人咪仲好去到見到佢有個爐坐住啲壺，但係個杯豆腐潤咁大隻，飲兩啖就無咗，下下要斟好麻煩諗咗一陣食咩好，選擇唔係太多最終揀咗一個魚嘅孖寶，一碟咕嚕肉同炸大腸等咗四、五個字先上第一碟餸 - 魚孖寶嘅其中一款嘩，碟就大啦，但係魚先得幾舊（都由佢啦，可能其他拎哂去整另一味餸呢）荷蘭豆係得圖入面咁多，唔過廿條，乜而家啲荷蘭豆咁貴咩反而個咕嚕肉份量多，又好食，去到最後都食唔哂，呢個真係物超所值見佢上咗一半，就叫三個白飯食住等等咗兩、三分鐘就見到另一個員工走出黎嗌有無人要白飯經過呢大半個鐘嘅等待，我緊係同佢講多次要三個白飯啦唔係都唔知幾時先有員工再行過前後差唔多五分鐘先至送到過黎食咗一陣另一個魚孖寶都黎啦個味道同份量叫做正常啦等得最耐係個炸大腸大家睇圖見佢咁嘅色水都估到咩料啦勁un，好似食緊橡筋咁，仲要$100，真係唔得掂俾我揀一定唔會再黎…查看更多

真係價錢貴、份量少、上菜慢用餐全程時間2小時，等待時間1小時45分鐘，食用時間15分鐘100蚊一碟菜，上到黎份量等同50蚊一碟小食你話如果d菜好好食都算，但佢又唔係wo，就一般般，然之後你就俾錢入去坐2個鐘，等。我覺得唔值得，其他大把同價錢位好食又好服務既酒樓餐廳啦我對呢d住宅區酒樓其實要求唔高味道ok一般，都可以接受你價錢係度份量少，你份量少，上菜都咁慢又唔係咩高級餐廳，學人一樣一樣等你食完上？上面一層火鍋，小菜得下面一層總之如果你有要求，唔隨便既人，就唔建議黎了但係如果你冇咩所謂既，都得…查看更多