安金稻拌飯

营业中

休息中

近期大熱韓國菜，這間餐廳已經進駐很多商場內，價廉物美！這間店購買任何食品加$9 白飯任裝 和 免費海帶湯和泡菜。燒汁牛肉鍋 $47.9牛肉份量足醬汁惹味，牛肉薄薄的吸滿醬汁撈飯一流。牛肉醬拌飯 $46.9熱辣辣材料豐富，顏色很好七彩繽紛拌勻一起吃特別滋味。大醬排骨鍋 $49.9排骨燉得很腍身，一咬輕鬆可以離骨，肉質嫩肉不柴口，大醬湯很濃郁。還有必食韓國炸雞🍗凡惠顧以上任何食品即享蜜糖芥末炸雞（3件）$18炸得夠乾身外脆內軟，雞肉嫩滑多汁。

一向都知呢間多人等位，平價都唔預食物會好好食，但某男服務真係極極極差今晚1830去排隊，等咗20分鐘左右入得，算快，坐低後就知道點解咁快等食物時，見隔離1張2人枱有1位小姐食緊嘢，但就不停有服務員（主要是男服務員）走到枱邊，近距離望住佢食嘢，雖然我不知她已經坐咗幾耐，但服務員近距離望住客人食嘢，真係好無禮貌，當佢食最後一啖，那男服務員巳伸手攞走枱上所有野，小姐唯有起身走人，但佢張2人枱一路都無放人入坐到我哋啲食物到齊，那位男服務員又係一樣嘅態度，不停走到我哋枱邊，係我哋4人枱同隔離2人枱中間嘅枱邊，近距離望住我哋食嘢，見碗仲有少少，咁啱我放低筷子，佢就話我幫你收咗佢，初頭見得少少就算，之後佢再過嚟好快手所有野掉晒落其中一隻碗執走哂，完全唔理你食完未，當時我真係呆左，食得咁唔舒服，唯有走人其實我由入坐到離開全程只係20分鐘，你覺得我計埋叫嘢食／等食物到／再食埋用20分鐘係霸住你張枱，不如你改寫用餐時間只係15分啦（其實menu有寫用餐時間係60分鐘)，而唔係咁樣趕客走囉😡

馬鞍山呢間韓式餐廳，已經開咗一排，都一直冇去試，一開張無耐，好鬼多人排隊，都唔想排，不過見到佢個餐牌又好似幾平咁，所有韓式嘢都係幾十蚊。而家已經唔使再排隊啦，就算假期晚餐都冇人排隊，就去試吓。其實都類似快餐店，入面啲枱都幾迫，有啲窄，自己手機落單，基本嘅韓式嘢都有，牛肉湯飯、泡菜、拌飯、炒粉絲之類，而且全部價錢都唔貴，不過就乜都冇包，剩係得個飯。不過原來出面有個自助吧，可以自助任添昆布豆腐湯同泡菜。呢個係牛骨湯，沒有飯的，如果要白飯需要再加錢點餐嘅時候唔知道原來出面有湯任飲，早知係咁就叫個其他味道嘅飯，飲出面嘅湯算啦。呢個牛骨湯偏鹹，要食到係咁飲水，啲牛肉都好鹹。拌飯個樣比較正常，都係偏濃味。

行過見到呢間好多人都話好食平價嘅韓國菜就諗住試吓下～叫咗個$55嘅鐵板泡菜牛肉飯送上嚟溫度仲係熱辣辣.飯嘅份量都好多，我一個女仔都食唔晒仲有免費嘅泡菜同海帶湯任食，海帶超級多～

行過見到好少人排隊的韓式料理。地方其實不大，主打價錢平，白飯泡菜海帶湯任裝今天一試性價比都高， 有石頭飯，窩類，拌反類及小食等選擇。價錢全部幾十元。 有時想快食懶煮都唔錯嘅選擇。

叫了一份牛肉鐵鍋拌飯、大醬湯飯和牛油芝士粟米，食物的價錢夠便宜，份量亦十分不錯食唔夠白飯仲可以無限添飯及泡菜，非常滿意呢個setting然後小食牛油芝士粟米的芝士份量十分足夠，芝士🧀亦夠熱可以拉絲

2024年12月29號嘅晚飯時段，我嚟到餐廳門口先發現人潮湧湧，超級多人！！！唔想等嘅我於是決定買外賣自取，拎返屋企慢慢食。用手機外賣掃code自取落單先發現原來安金稻係太興集團，然後都留意到外賣自取係唔可以買有煎蛋嘅石鍋飯，有啲可惜。外賣都唔使等好耐，我好快就買咗一個牛肉醬拌飯同埋一個金䱽魚拌飯，拎返屋企食之後驚喜地發現金䱽魚拌飯係比較好食！味道不錯！希望下次可以排到隊堂食，因為除咗可以試石鍋飯之外，仲可以免費任加湯同埋泡菜，非常抵食！如果加$8仲可以任添飯添！

係新年期間嘗試新產品泡菜芝士年糕，嘢食上得好快但係嘢食唔熱鐵板上嘅年糕好硬有啲似放涼很久， 而且芝士未融 食完當晚先後發燒嘔吐到第二日竟然持續食店建議加熱耐啲餸菜避免下次同樣問題發生

40有找，可以堂食一個飯，仲有泡菜，海帶湯(淡口)任添，真係性價比之選。而且呢類拌飯同湯款，菜肉飯均衡，營養其實都幾足。XD今次叫多左個小食-秘醬茄子，幾惹味！

放假同屋企人行街，見到平時大排長龍既佢竟然唔洗排，即刻同屋企人入去試下，一坐底同事好貼心咁帶我地就坐，仲教我地自助落單，非常體貼:落單叫左一個石頭鍋飯，燒汁牛肉同芝士粟米石頭鍋飯先46蚊雞 好惹味，加左d豬肉醬正到不得了，辣辣地yummy 燒汁牛肉好食個吉xx芝士粟米我屋企個百厭星食到停唔到邪惡既食物總括黎講，環境地方尚算舒服，呢個價錢已經冇得輸，食物質數都唔錯，性價比一流，如果有埋冷面同炸雞就掂晒下次放假會再幫襯

開心既一晚今晚排隊都等左一陣，好快安排到坐位叫左石鍋牛肉伴飯，拌飯時吱吱聲，辣味十足，份量十足辣炒魷魚香氣十足，大醬排骨鍋（呢個忘記影相😅要顧住湊小朋友），排骨超淋，小朋友還要添飯！ 😂😂加左$8無限添加白飯⋯⋯連汁都吾放過😆 今日第一次用電子落單同即時付款，所以叫左個姐姐幫忙，其實眼見餐廳非常繁忙都有d吾好意思，不過姐姐非常有耐性指導下成功叫到野食！🥳野食到時，侍應都提醒石鍋拌飯好熱，大醬排骨鍋有火，叫小朋友千奇吾好摸！ 非常窩心👍🏻👍🏻現場有自肋吧，任添泡菜，海帶湯！ 加左$8飯重可以無限添加😋😋非常開心一晚，會再次幫襯試吓其他野食

呢排看到馬鞍山新開左間餐廳，都見到好多人排隊，就諗住同friend試下，點知食完之後令我哋好失望，我哋兩個落咗石頭飯和拌飯，我哋兩個食咗一半都冇，根本不值咁多人排隊的原因。首先，石頭飯的口感好普通，完全唔係我expect嘅嗰樣嘢。個拌飯到我哋好失望，肉類的部分竟然只係肉醬，根本不正宗，都唔明點解咁多人咁期待，同埋咁多人排隊總之就係麻麻哋，由一開始嘅期待變咗失，真係唔會再幫襯了。希望餐廳可以改善下啲菜品質素

新開張已幾星期， 仍然多人排隊， 唔堂食排隊， 便考慮外賣。天氣突然轉冷， 想食熱飯， 點知外賣d飯凍既。好冇feel, 餸又凍，。味道又唔香， 菠菜， 紅蘿蔔， 香菇， 粟米冇味道， 只靠泡菜， 沙律醬味。＜＜＜可能堂食叫石鍋飯會好d, 會有熱飯食＞＞1）。牛肉醬拌飯 $42飯餸凍， 沒有韓國風味。2。 金槍魚拌飯 $39飯餸凍， 味道只靠金槍魚罐頭，沙律醬， 紫菜。其他配菜冇味， 非常清淡。（好像鹽， 麻油都冇）總評。外賣。 自己嘟code, 全自助。等5分鐘就有得取， 應該全部整定。食物。 外賣飯凍， 唔多喜愛。味道又非常淡， 一d韓國醬及風味都沒有。

話說呢間野開左成個星期，但日日無論咩時段都排長龍，唯有買外賣返屋企食門口外賣QR Code點餐，網上比錢非常方便，比錢後唔洗5分鐘就有得囉＄25砌得好靚，好味好特別，呢個價格真心有驚喜！

今天經過這個商場, 看到很多人在排隊, 是一家新店, 這個品牌也是新的, 所以便去試了店內裝修都有韓風味道, 座位闊落舒適, 可以自己掃 code 下單, 慢慢選自己喜歡的, 這店雖然裝修比較精美, 但價錢一點都不貴, 40多元左右已經有一個石鍋伴飯, 加一個飲品也只是50元, 而且份量配料都很足, 味道亦不錯, 絕對是高勝價比!我們點了石鍋伴飯, 牛肉鍋, 秘醬茄子及鐡板雞蛋等, 每一樣都賣相精美, 味道亦不錯, 就連筷子及匙都有印刷精美的紙套套上, 整個用餐體驗是有驚喜的, 絕對是值得推介及再訪的!