安金稻拌飯

美食篇】｡𝕋𝔸𝕀 𝕂𝕆𝕆✨平。靚。正。安金稻拌飯🍚🌟黃金稻米🌾非遺朝鮮族拌飯🥢🌟石鍋豚肉醬拌飯豚肉醬味道好濃郁,份量都頗多鍋內有好多配料菠菜,蘿蔔絲,粟米,泡菜 ,冬菇,紫菜撈起撈起,都好好食😋燒汁牛肉鍋(單點)燒汁味好濃郁,肥牛一啲都唔韌,大大件撈起粉絲一齊食好惹味😋蜜糖芥末炸雞(8件)炸雞好脆又香口加埋蜜糖芥末好好食🤤魚糕 (2串)魚糕串好煙靭好好食🤤加配$𝟿有一小時無限♾️添白飯🍚店舖會煲定白飯🍚任由客人自行任添堂食仲可以免費添食泡菜及添飲海帶湯🥣泡菜唔會太辣,好易入口海帶湯亦都唔會好鹹味道剛剛好#如果想食韓國菜又唔想食太貴絕對可以嚟呢到食📌安金稻拌飯 (太古) @onkimpotrice 太古康山道1-2號康怡廣場北座地下G7-G8號舖🔖 𝔹𝕐: 小編𝕄🍄…查看更多

我經常食石碢牛肉或豚肉飯，但都覺得肉很咸，咸到食唔到落肚，可以的話請改善一下，另外我覺得侍應態度冇問題，其中較年輕的一兩位我覺得都好有禮貌，另外價錢亦十分相宜，雖然疫情已過，但這裡仍維持有間板分隔枱面，相對衞生，值得一讚👍🏻…查看更多

之前新開見到好多人排長龍，我估主打韓式同平掛。尋日路過又冇人排隊試下，待客服務一般，手機落單，要手機先落單再出order, 但可選擇payment好少，好彩有google pay解決到，但唔知係坐比較入定點，網絡好似收得麻麻。食物ok,但係係10分入面俾6分果種。合格以上但唔突出，但以太古地段呢個消費（飯50幾，可樂加7蚊），已經係非常合理，叫有性價比。走前先留意到有自助泡菜同湯，有機會再試，但吸引力唔大。…查看更多

姓吳的女帶位人員服務態度十分差，不積極安排座位，導致好多空位，但勁多人等緊3-4人枱。等我地坐低後，強硬要我的3歲小朋友（佢說是無論幾歲，公司規定都要）都一定要點多一份食物，食物種類好少，味道普通，唔會再來。…查看更多

一入門口冇人招呼，坐低先問你幾位。兩人唔可以打橫坐，明明成間舖都冇乜人，阻唔阻？嗰下已經覺得抵你間舖冇生意。想問侍應嘢，叫極都唔擰過嚟，明明喺正佢後面。我要行出座位。行去佢收銀處。問金槍食可可可以走醬，話唔得。明明張相啲醬只係最後擠上去，唔明點解唔走得醬。叫完之後。未上菜，但我先拎泡菜和湯。有個阿姐抱住質疑嘅態度，問我你叫咗幾多人嘢食呀？如果佢態度差啲我真係開你波。你自己唔識睇我有冇落單咩？仲要咁質疑嘅態度，驚我拎你免費嘢食？咁驚蝕比人，就唔好offer 任添啦。大方又大方唔起。成間舖啲員工啲態度勁差…查看更多

😐如果想食真韓國味道，呢間會令你失望😮雖然泡菜、湯、飯任食😑但味道係唔會想食完再食😬對於餐廳嚟講係成功的🫠對於客人嚟講試過便算餐具洗得唔乾淨🍴柸、碗都好油🤯整體來說 一試無妨😶…查看更多

只有手機掃碼電子餐牌，價錢平民化，先付款後送餐不過試過信用卡，阿里，八達通都失敗，每次要從新點菜，服務小姐話我得兩對手你等下拉，最後攞我張八達通用佢手機拍，要番張收據都好唔願意（我睇唔到佢手機拍幾多錢），呢的服務反映韓國人嘅禮貌觀念，同日本餐廳差好遠。食品沒有辣度選擇亦無得加辣不過自助湯泡菜任食，窮人恩物無話可說。食品感覺乾淨夠熱，用料新鮮，由於新開餐具新淨不過過一段時間破舊唔知會唔會換。平民美食多多選擇不過要習慣俾錢方法。…查看更多

太古城附近除咗名家之外就冇韓國餐廳。最近康怡廣場新開咗間韓國餐廳叫安金稻，一於試一試。餐廳喺康怡廣場地下，鋪面唔係好大， 7:30嚟到已經有人龍。望一望餐牌，驚見最貴嘅餸菜都唔過$50 ，唔怪之得咁多人。等咗大約半個鐘就可以入座，我哋叫咗一份石鍋牛肉醬拌飯，燒汁牛肉鍋同埋石鍋辣牛肉湯。最後發現只要加$8就可以有海帶湯白飯泡菜任食，簡直就係超值。等咗5分鐘之後就上菜啦，每道餸嘅擺盤都唔馬虎，確實增加唔少食慾。講吓食物嘅味道先：石鍋牛肉醬拌飯 $49所有要有嘅配菜都有，佢嘅醬汁係另上，多少自己決定。但欠缺牛肉嘅味道，不過呢個價錢份量嚟講係10分足夠。燒汁牛肉鍋 $46呢味餸係成個鍋上，仲用火慶住，湯汁係偏稠，份量足夠配晒成碗飯，容量都唔少，肉係一般打邊爐嘅肥牛片。石鍋辣牛肉湯呢個牛肉湯味似係五香肉丁濃湯溝水，小辣，牛肉係類似小件牛腩。另外加$8送嘅白飯係日本米，海帶湯係清淡嘅，但係$8係十分之抵加嘅。餐廳環境方面座位係比較逼夾，大家都係快食快走。…查看更多

份量少、但價錢已反映、可接受、但一上桌未有5分鐘下面那個火便熄了！問待應說可否加燃料、回答這個鍋不是給你用來打邊勞的、所以不會加燃料.......... 如只是有火數分鐘、那不如一開始直接上菜便算吧？有火跟沒有火有什麼分別？做個樣？還有環境本人入座的位置地下滿地是飯、而短短的用餐時間見到有員工之間不斷對罵，好像是高級的罵低級的、最後即時叫個伙記執包伏走！全部當住客人面前、要罵要炒起碼都拉入後面做吧？…查看更多

康怡新食店～安金稻朝鮮拌飯被佢招牌燈箱吸引我哋大約11:00左右到，可能剛開門冇耐唔洗等位，店員安排我哋入座，枱上面有二維碼，手機落單完成付款等食堂食～海帶湯同泡菜可以無限續加，泡菜幾好食豚肉醬拌飯～有甘筍絲、菇片、粟米、菜、豚肉醬同 紫菜，撈埋嚟食好夠味秘醬茄子🍆～被佢賣相吸引真係色彩繽紛，好好味朝鮮烹炒～辣炒魷魚🌶️🦑，真係估佢唔到，都幾辣吓，仲要全部都係魷魚鬚因為呢個係冇跟飯，又想試佢嘅東北珍珠大米，所以要加$8，堂食可以一小時無限續加，因為太辣，我都要裝多半碗飯嚟送…查看更多

行過康怡廣場見新店開張咪試吓囉。簡單叫個牛肉醬伴飯。賣相正正常常，但好咸，好鬼咸！！！😵‍💫旁邊一枱食客叫火鍋又係話好咸。可能鹽平⋯。除咗咸好味嗎？快餐咁囉。港式韓國快餐。太興集團出品。水、海帶湯和韓式泡菜係免費添加，工廠出品口味。唯一亮點食物價格唔貴嘅。不過腎病專科醫生好貴。唔會再食。😣環境：新開張明亮食物：普通味道，不算美味，咸！十分咸！！非常咸！！！衛生：店面算乾淨，厨房唔清楚暫時未肚痛。服務：港式囉。…查看更多

喜歡簡單韓飯，又唔想去茶記就啱啱好。性價比非常可以了。平是賣點。水和湯，kimchi 任取。50 元以下有交易。雖然餐牌款不多，一個快的午餐當然唔係比你hea,不過享用那天不論食物，衛生，流轉速度，我都沒有投訴。如果要挑剔，會話牛肉太少，不過我付的價錢不多，還是可以接受呢。多謝店家的構想，在經濟不景氣下可以有點新鮮感的食店，取價易上手，加上因為我鈡意bibibob, 所以喜歡。如果要進步，不妨培訓員工提醒店員，湯，水，kimchi 是自取的。:)…查看更多

其實這個價錢，食物算是這樣。但是衛生問題需要正視。男的服務員還好，女的年輕看來是兼職，十分懶散。掛住傾偈，枱唔執，椅子桌子都有醬油，匙羹湯碗都沒有洗乾淨。最慘是，吃完拉肚子😑…查看更多

價錢經濟實惠，份量足夠，可任添白飯、湯、泡菜。石鍋拌飯真係有石鍋，誠意十足。唯食物味道偏鹹大醬湯同海帶湯都好鹹，而且冇咩食物選擇，大多小食都辣。但一分錢一分貨，呢個價錢仲想點！…查看更多