安南 (利園) (已搬遷)

相約好友新春飯聚🍹🥢隨機選擇一間餐廳安南越南🇻🇳菜絕對有驚喜😍🤩頭盤串燒惹味😋炸魚柳🐟和軟殻蟹🦀脆漿出色又薄又脆唔淋油非常香口咖喱奶味太重略為失色但跟餐麵包🥯鬆軟可以互補不足挽回咖喱軟殻蟹🦀分數😅😄生牛肉湯河🥩🍲湯頭充滿濃濃🐂🦴🥩味香濃順喉不會嗆喉招牌之作甜品🍮普通整體來說都係高水準出品下次一定要品嚐其他菜式😋😋😋最新資訊🤩🤩🤩安南新店現已搬到利園二期…查看更多

🥢浮萍餅 $108呢個小食係其他餐廳好少見，一於叫黎試下💁🏼‍♀️有d似砵仔糕，但糕體比砵仔糕軟熟煙韌，帶有淡淡米香😋上面有麵包糠同蝦肉，再淋上少少魚露，味道非常match❗️🥣蒸粉卷 $138粉卷皮晶瑩剔透，唔會好硬😌餡料係肉碎同蔬菜，配埋炸蔥頭好香口🥰旁邊既扎肉就不過不失，唔會過鹹😗🐟炸筍殼魚 $328魚肉鮮嫩，炸完都唔會乾爭爭🤩味道本身唔重，可以點魚露食～🐮蜜椒牛仔骨 $168醬汁酸酸甜甜，但係點得多就略嫌有d膩🥹牛仔骨quality唔錯，肉質幾嫩，無咩筋位🌟楊桃沙律 $178調味方面雖然甜味比酸味突出，但都幾開胃🤗入面有帶子、蝦、楊桃、紅蘿蔔同青瓜絲🥒解膩一流🐤檸檬葉雞串 $128雞肉嫩滑多汁，吸曬檸檬葉既香味🍋而且份量都好足夠，舊舊都好大塊🍛咖哩鴨 $178呢個麻麻地，咖哩幾香口，但係鴨肉比較柴😰🐷椰青扣肉 $148五花腩燜得好諗，肥肉既部分入口即化🥰湯底有淡淡既椰青味，但係個人覺得個配搭唔算好特別🤔👨🏻‍🍳美拖炒河 $148偏油膩，但調味唔錯，配料都好豐富，有好多蝦粒添🦐🍚雞絲鍋飯 $128炒飯上檯熱辣辣，呢個反而好乾身，一d油膩感都無😛味道偏淡，重口味人士未必鍾意🥥拉椰糕 $88我既最愛💙🤍椰汁味濃郁，口感都好煙韌😘😘餐廳黎緊會搬去新地址，大家要留意🙋🏻‍♀️整體黎講，今次既用餐體驗十分愉快😊店員態度親切有禮，食物既質素都無令人失望🙈而且裝修有格調，坐得好舒服🫶🏻…查看更多

安南最近推出左了滋味的「越式節日二人晚宴 (HKD1,288/兩位)」，頭盤以春卷、甘露大頭蝦及蕉花雞絲青木瓜沙津三款料理作為拼盤來打開食欲，甘露大頭蝦非常新鮮又爽彈！接下來有原個椰皇海鮮湯，裡面有紅蘿白、帶子及蝦肉等材料，喝下去有陣陣椰香及鮮味。酥炸軟殼蟹配原個南瓜咖喱這道主食真是讓人停不了口，炸至金黃色又脆身的軟殼蟹，沾上一層濃味咖喱就更為惹味，旁邊還有外脆內軟的蒜蓉包，配咖喱吃也一流。 這道炭燒牛小排配黑醋蜜椒汁是必點之選，牛小排帶有細緻油脂，吃得到肉質的軟嫩多汁與鮮甜，黑醋蜜椒汁是靈魂所在，沾著吃變得獨特香甜。最後兩款主食有蒜子炒椰菜苗及日本和牛湯河粉，最後以自家製斑蘭拉椰糕及芒果椰汁奶凍兩款甜品作結，滿足。整體來說，每一道菜都好出色，一晚享受到多種口感和味道的變化，份量足夠讓你捧腹而回，推薦！…查看更多

冬至當日在銅鑼灣行街，知道中菜一定冇位，所以食其他菜式，豬、牛、雞各兩串。味道一般，沙爹醬唔濃、唔香。除咗雞肉質較淋外，其他都係嚡！炸軟殼蟹太厚粉吸晒油，食落好漏。其實黃咖喱係配蒜蓉包😂，可惜咖喱汁太稀！乳豬有五大件，上菜時仲係熱熱哋；皮脆肉厚，有少少肥膏。用檬粉墊底，加酸甜汁可自製撈檬:)，加埋沙律菜，既解膩又開胃。不過不失，燒得唔夠香，亦冇炭燒味，都係要靠醬汁提升味道。正正常常，馬拉盞唔夠，比其他餐廳較淡味。餐廳裝修、氣氛唔錯。當晚不滿坐，但都係得個半鐘用餐時間，我和朋友要另找地方傾偈！…查看更多

喺香港想搵間坐得舒服少少嘅越南菜，都唔容易架，原來1957集團有做埋越南菜，裝修同環境都好舒適。即刻book位試吓先服務員相當有禮貌，因為唔係成日食越南菜，服務員不厭其煩咁介紹咗Menu上面好多唔同嘅菜式，以廣東話嘅咬字亦都十分清楚，溝通好愉快我哋亦都聽咗佢介紹嘅熱門菜式即刻落order等咗一陣就上菜，擺盤同埋小食都好有心。越南炸春卷好香口，一啲都唔油膩，仲可以配埋青檸汁另外一個炭燒豬肉亦都好特別，配菜有啲生菜，包埋一齊食一啲肥膩嘅感覺都冇然後主食梗係越南生牛河啦，冇得輸呀！服務員果然好介紹下次肯定會encore…查看更多

對不起，我很少會這樣說一間餐廳，但這次真的忍唔住。 😢話說有朋友想吃越南菜，我只知芽x唔錯，就訂了。之後有兩個朋友分別都介紹利園的安南，就改了去安南。第一次去，叫了推介的福袋，五個每個都炸得唔同顏色，太油唔熱。黃咖喱軟殼蟹，咖喱汁完全用生粉開，無乜咖喱味，軟殼蟹也炸得唔脆。牛肉卷粉，一點牛肉味也沒有。炒菠菜，好腍，白灼得太多時間啦。蟹肉炒粉完全冇味道。我真的崩潰😡。最后同一個疑似經理嘅人反映，我問他這四，五年你們是否轉了廚師。他說沒有，咁得啦即係佢哋個水平就在此。我真心奇怪為什麼那麼多好評，在哪裏來？之後我們叫這個疑似經理的人叫甜品，就好些少。我真的不知道他們的價格不低，為什麼可以出這些連小店都不如的越南餐。我只可以說，「真的冇下次！」太唔抵！😡…查看更多

朋友想食越南菜，初初我想起是時代廣場那間（不提名），但後來分別有兩位朋友同時介紹呢間利園的安南，就改了過來。六點20分左右到的時候，等了幾分鐘前台都沒有人，之後有人帶前面的人進去，又等幾分鐘才出來，真不知為什麼帶位那麼久。裝修還可以，但菜式完全唔掂！首先，我叫了福袋，來的時候嚇親我，炸的顏色有淺有深，裏面是凍的，之後黃咖喱軟殼蟹的咖喱汁生粉很重，就算街邊的小洞也比這裏好食。當中有個朋友曾經吃過這裏的牛肉卷所以叫了，點知佢都話今次唔好食。之後來的菠菜又煮得太林，蟹肉炒粉絲完全冇味道。我真的忍唔住問個waitress佢哋係唔係轉左廚師，之後話唔係，我說真係好難食。之後見到疑似經理嘅男士，我就問佢同一問題，佢話沒有轉變廚師。咁得啦，即係佢哋個水平就係咁樣，及後我們通過這位疑似經理叫的甜品，芒果黑羅米和班蘭千層糕都唔錯。我哋都唔係搞事嘅人，但係原來真係要同經理講先可以得到正常嘅味道，這樣也令我決定以後都不來啦。我們買單的時候給了幾張coupons，我一概不要，因為已經沒有下次。聽說以前是很難訂到位，但我可以負責任的說真的很難吃。我在街邊小檔也沒有吃過咁難食的越南菜。…查看更多

我唔知道越南菜有啲乜嘢咁吸引或者好食，我係唔識欣賞或者佢整得幾好啊點樣啊我都唔知道究竟點為之好食，因為我覺得越南嘢啲味道好淡唔突出，要點魚露先有味，我真係唔識。見佢有位洗等，就去食午市套餐，匯豐卡有優惠，頭盤，前菜，湯粉同甜品，嘢食賣相好靚，分量都好夠，隻烤雞都好味嘅，啲肉唔乾同柴，但係就無惹味嗰種感覺，嘅個蝦沙律啲菜好唔新鮮，好殘舊，變晒色，蝦肉好乾，應該擺咗好耐，抽乾晒水，另外香茅豬肉檬粉，豬肉好食，但檬粉好乾又係擺咗好耐咁，真唔知，另外兩碗湯粉係好味，啲湯好香，原來最有驚喜就係個甜品，斑蘭糕好好食，微微清香清甜，煙煙韌靭，仲暖笠笠，咖啡奶凍又係好正，唔會好甜，淡淡清香咖啡味，清甜口味，佢啲甜品個甜度控制得好好。…查看更多

銅鑼灣呢間安南環境好舒服，下午茶又好抵食，所以約朋友再黎。下午茶三層架冇變，仲多左個大蝦炒金邊粉，兩個人食勁飽。下午茶三層有兩層係咸點，啱晒我唔鍾意甜點嘅我。荔枝特飲好好味！…查看更多

之前母親節食咗呢間晏晝佢有個Mother's Day Special Set 都幾抵食，仲要勁多嘢食有前菜、沙律、主菜、甜品同埋飲品軟殼蟹米紙卷好清新，有啲牛油果豬頸肉沙律好惹味，唔會好肥主菜有大頭蝦、乳鴿、豬扒、炒墨魚同埋荷葉飯個乳鴿有啲失望，用咗甜醬同埋肉質比較鞋豬扒反而幾好食，佢香茅味好重煎得啱啱好，食落好淋荷葉飯就不過不失，個人覺得味道唔夠另外再單點春卷，炸得好香脆點埋個醬汁好食最有驚喜係佢嗰甜品係法國蛋餅配芒果加埋椰子雪糕蛋餅好軟熟，唔會好厚加埋芒果同埋有椰絲嘅椰子雪糕好好食…查看更多

利園一期樓上，好多1957集團餐廳進駐，無論裝修或食物質素都各有千秋，上星期好滿足咁試完「權八」下午茶後，馬上到隔離「安南」預訂咗今日午餐試佢嘅Signature Menu，原因除咗對1957集團餐廳有信心外，只要係會員及用HSBC咭，就可以喺安南享受「二人同行一人免費」優惠，非常超值😍室內環境設計非常優雅舒服，非常有格調，單看環境都充滿期待，大部分客人到黎都係食佢嘅Signature Menu，$388兩位用，有齊前菜、主菜、甜品及飲品😍🔻前菜拼盤拼盤包括雙式扎肉粉卷、鮮蝦柚子沙律及安南炭燒豬肉，每人一set，三款各具特色，個人最愛扎肉粉卷，粉皮薄薄裡面肉碎好香，上面件扎肉又好扎實鮮味，坦白講對於我呢啲中年人黎講，食完呢份前菜都有四五成飽😅🔻安南香草燒雞配甜薯呢個屬於主菜一部份兩人share，燒雞半隻好有香草味，雞脾肉還可以，但胸肉就比較「鞋」口，唔知係咪越南燒雞係咁樣，但係個甜薯就非常非常有驚喜，炸出黎好乾身唔會油膩，外表好鬆脆，蕃薯肉味好香濃，我同老婆係咁搶住食，風頭完全蓋個隻雞😋👍🔻安南牛肉湯河粉主菜第二部份係河粉或檬粉三選一，我揀牛肉湯河，而老婆就揀香茅雞肉撈檬粉，每碗湯河都跟一碟九層塔、辣椒🌶️及青檸，牛肉有四五大片份量算多，而最緊要係非常鮮嫩，湯底飲完都唔會口喝，老婆個檬粉就忘記影相，試食過都可以，不過都係prefer食湯河，熱騰騰好滿足😄🔻甜品及滴漏咖啡甜品都係每人一set有兩件，包括安南咖啡奶凍及班蘭拉椰糕，兩件甜品都合格，唔會太甜，配埋杯滴漏咖啡成個Signature Menu就食完了👍呢個Signature Menu成個體驗非常唔錯，環境、食物質素、份量及價錢都證明係高CP值，唔知係咪之前禁晚市堂食，所以1957集團餐廳都做咗唔同優惠，都係果句，早鳥早享受👌…查看更多

都有一排無去過安南，1957達人又係時候出發，介紹下新嘅三層架下午茶。每天下午三時至五時三十分提供，係我食過最平嘅下午茶，多個不同的鹹點如安南春卷、嫩豬肉木瓜沙律、越式蔗蝦 、炭燒豬肉棒濱海、鮮蝦豬肉米紙卷，樣樣都做得唔錯，個人特別愛豬肉棒濱海。不過最好食係越式大頭蝦扎肉炒粉絲，平時通常都係食越式牛河，呢個炒粉好有火喉，最重要個汁好正，大頭蝦又勁新鮮，淡淡係新鮮嘅蝦肉。甜點係椰汁糕、斑蘭拉椰糕、越南咖啡奶凍，仲有椰汁粟米糯米，樣樣都非常好食，加上可以係荔枝特飲、熱情果梳打 、越式清補涼同越南咖啡選兩杯指定飲品，每人都係百幾，仲要有非常舒適嘅利園入面有舒服嘅環境，點可以唔去。…查看更多

早排疫情大爆發，自己出入已經好小心，但依然中招，最慘係連累家人，一家四口先後染病，好想順便講下，政府電話真係打極都難以接通，想申報，足足要8，9日後先有檢測結果，係未知情的情況下出街買餸或返工，的確係好易傳染比其他人，另外，隔離期間，好彩有家人送上糧食接濟，否則期間真係只可以食白粥，菜都無條，死未！言歸正傳，既然好返，困係屋企十幾日，真係悶出個鳥來，一於搵位「生死之交」食飯呻下。近日1957集團旗下銅鑼灣「安南」餐廳推出「安南三層架下午茶」，陣容同又一城安南有些少出入。其實大家食過都知又一城安南下午茶好抵食，自己同朋友同太太都去過好幾次。在疫情下，所謂有危就有機，早前試過附近「十里洋場」下午茶，CP值真係好高，而安南銅鑼灣店下午茶每日下午3時至5時30分供應，兩位用都不過$368（當然加一另計）。鹹點安南春卷一放入口已知是即炸，脆卜卜的口感，三兩下便消滅了。嫩豬肉木瓜沙律用上了豬頸肉，很柔韌的質感，木瓜刨成幼絲，酸酸地帶來清爽的感覺。越式蔗蝦搭上竹蔗上的蝦膠炸得色澤金黃，食落亦覺彈牙。炭燒豬肉棒濱海豬肉條望起來毫不顯眼，食落卻是好香口，用濱海卷起，再蘸點一下魚露，真是人間美味。鮮蝦豬肉米紙卷很傳統的風味，薄薄的米紙，透出誘人的蝦肉色，內裡仲有豬肉、青瓜絲、甘筍絲同米粉，當然有埋魚露的加持，味道會更上一層樓。越式大頭蝦扎肉炒粉絲整個下午茶的亮點，當然是「越式大頭蝦扎肉炒粉絲」，原隻新鮮大頭蝦開兩半上，雪白的蝦肉，爽彈的口感，找不到挑剔的地方，置底的粉絲，夾雜了雜菌，令口感更佳，蘸上了蝦汁，惹味到一個點，好味。甜點椰汁糕賣相晶瑩剔透，內裡更有絲絲椰子肉，甜度不過火，我鍾意。班蘭拉椰糕咬落是一種睽違了的Q彈口感，陣陣班蘭獨有的香氣在舌尖上縈繞，不錯。越南咖啡奶凍綿滑的質感，表層灑上了可可粉，令香氣更盛。椰汁粟米糯米小巧的一杯，充滿了熱帶風情，黏稠的糯米，加上椰汁，份量啱啱好，多了便會覺得膩。下午茶另包兩杯指定飲品，大家可以在荔枝特飲、熱情果梳打、越式清補涼或越南咖啡中挑選。荔枝特飲帶來清香的味覺，甜度是預期的適中，享用完下午茶，正好同朋友慢慢消磨時間。越南滴漏咖啡賣相一流，濃郁的香氣，以鍊奶代糖，是別有一番風味，喝得太多連鎖店的，不妨試試。當然，仲有熱情果梳打及越式清補涼供大家選擇。意猶未盡，再追加店方名物蒜蓉牛油雞翼（$138），即叫即炸果然是最好食，外層脆漿夠薄同脆，油份又輕盈，就算蓋上炸過的金蒜，都毫無油膩感，陣陣牛油香味飄送，若然加埋杯啤酒真係無得輸。朋友打算來個early dinner，澱粉質的越南牛肉炒河粉 （$148）確實有點驚喜，睽違的鑊氣，牛肉鬆軟可口，加入蔥段、甘筍絲、芽菜、紫洋蔥及灑上芝麻，令色澤及口感豐富，而且好香口，河粉切得夠幼，掛醬油亦好平均，若要挑剔，可以的話，油份再輕一點更好。…查看更多

好耐冇寫食評, 呢間係我近期至愛. 食物有水準, 坐得舒服, 服務又不錯. 疫情關係, 餐廳都有提供優惠. 每 $300 減 $ 100. 幾抵食. 今次食咗燒雞沙律, 咖哩牛筋腩及蓮子荷葉飯. 味道不錯. 唯獨燒香葉牛肉卷比較普通, 下次應該試其他. 四個人食, 用咗兩張coupon後, 埋單大約五百蚊. 之前去時代另一間越南餐廳, 價錢跟這個差不多, 但質素差好遠. 呢間極力推介. 希望佢哋能夠捱得過疫程…查看更多

安南的越南菜一向都很高質 充滿法式氣派無論係又一城定係利園 都經常同屋企人去食.《豐盛八周年晚宴》$888/位成為1957&Co.會員 更可享二人同行一人免費.𖣰會安青檸雞𖣰安南春卷𖣰安南炭燒牛肉串話就話前菜拼盤 但三款的份量一啲都唔少青檸雞入面有好多粗雞絲 啖啖肉咖味道酸酸甜甜 好開胃再落去春卷係非常脆 餡料勁豐富牛肉串燒我當然留返最後 因為個沙嗲醬真係一流炭燒出黎外皮特別香口 中心又唔會乾唔會韌.𖣰安南椰青燉翅出色既湯品 清潤香甜椰青味好突出 入口舒服.𖣰安南咖喱蟹配法包整整一隻大肉蟹 可以每人食到半隻蟹鉗蟹腳全部都有肉食咖不得不提係個法包 佢唔係乾憎憎個d硬脆 佢係鬆身輕盈既脆點咖喱食一流 惹味得黎唔辣 岩哂我口味.𖣰法越燒乳鴿乳鴿又係好大隻 一人食半隻 勁豐盛外皮脆皮香口 肉厚而鮮嫩.𖣰藕籐韭菜花炒墨魚條條韭菜花都炒得好乾身 又爽又脆墨魚厚身但唔韌 味鮮惹味.𖣰香芒法式薄餅配椰子雪糕甜品係即製的 上碟時薄餅先可以保持溫度熱辣辣鬆軟的法式薄餅入面 包住香甜奶油同大大粒微酸的芒果薄餅入面仲有椰絲同杏片 同椰子雪糕的獨特清甜互相應.𖣰越式清補涼估唔到越車都有涼茶 甜甜地幾好飲除左呢個特式佐餐飲 仲可以揀法國紅白酒/熱情果mojito…查看更多