安南越式牛肉粉

有时帮埋同事买外卖，最怕就系拎到好重，呢个时候叫檬粉就最好，因为只系得一盒面再加一小盒汁。外卖包得几好，从未试过有汁倒泻，虽然个盒好似细细地，但叫猪扒或者猪颈肉份量都好多！最欣赏佢地会斩埋块猪扒，食嘅时候就唔会好麻烦。我食黎食去都系檬粉，不过其实可以转面底。外卖檬粉仲有一样野好，就系返到公司有时唔方便即刻食都可以放一阵先。食物整体而言新鲜、份量刚刚好。服务方面，每次去到拎外卖时外卖都放在门口附近的椅子上，拎都好方便，啲呀姐员工又几有礼貌。…查看更多

10月1日晚7点半去到湾仔，仲要赶住8点半嘅约会，又想食埋嘢先去，于是就决定行去大有商场食越南嘢，等咗一阵至有位，坐低后我哋好快就决定咗叫两个优惠一人套餐。有越式粉卷2件+柚子沙律小食+鸡丝拼扎肉汤粉+热柠水=$88，另外个餐就拣咗香茅猪排1件+木瓜沙律小食+安南海鲜炒金边粉+热柠水=$108，加一后总共$216。份量够哂大份，两个套餐都食唔哂，最后都要打包攞走。总结：食物嘅质素、味道及卖相都做得唔错，价钱亦好合理，餐厅环境都算干净，服务亦做得唔错，其中一位较成熟嘅女职员，服务态度真系好好，又够细心，动作又够快，令到我哋都食得好开心。…查看更多

阿仔放半日同老公接左佢去上兴趣班后，先去食晏去到餐厅岩岩转下午茶餐牌非常好，叫多啲都唔太贵！🔆鸡丝扎肉汤粉有2片扎肉，一堆鸡丝，转金边粉底，汤底够浓郁，阿仔好钟意食🔆咖哩牛腩饭咖哩入面有薯仔同牛腩，份量不小，满满一碗，配上白饭，真系至夹🔆安南海鲜炒金边粉啲个比较一般，虽然配料不少，有虾、青口、菜等等，不过炒得唔够干身，啲面大部份都痴埋一堆同埋调味好淡，啲个比较失色。🔆加配小食 - 香茅猪扒（1件）一份都好多，淋滑既猪扒，真系不错！ 🔆加配小食 - 香茅鸡中翼（2只）鸡中翼，外皮小小脆、都不错既、起码够入味！🔆饮品 ： 冻柠茶、冻华田、滴漏咖啡…查看更多

揾食时偶然发现呢家越南河店，一眼望去已经流晒口水🤤。对面一枱啲人正食紧个超大碟澎湃嘅「火车头」河粉，同桌嘅伙伴一拍即合咁决定挑战！菜上嚟时眼光一亮，鲜嫩牛肉、弹牙牛丸，再撒上少少香草，简直系视觉大餐。汤底清澈得嚟味美鲜甜，啲河粉呢，滑溜溜嘅又够幼，与生牛肉一捞即食，简直系上心头！🍜 口感上嚟讲，啲牛肉野真系唔渣，透住柔软见到新鲜。话晒，食物嘅魅力就系于新鲜度喺度，越简单越讲究。呢家店唔止食物吸引，连个气氛都轻松得嚟，即使周围坐满咗人，都唔会觉得嘈杂。店员服务好，唔会令人感到急躁，感觉得到佢哋嘅几份热情。虽然「火车头」可能会劲饱肚，但系你一试，定必回味无穷。😌💕 下次，唔该记得叫埋个咸柠七或红豆冰嚟开开胃啦！…查看更多

啱啱食完台湾嘢唔饱，等老婆同个女去配眼镜，即刻单拖嚟食个捞檬。呢间嘅香茅牛肉捞檬系我次次嚟都必食。其他舖头嘅香茅牛肉，有啲就好un, 有啲就腌得唔好食。呢间舖头就将啲牛肉切牛柳丝，味道好味，又唔会un，所以好得我欢心。…查看更多