宇治初時@自家創作料理

老年咁遠嚟到，加上個胃又唔係大，所以要精選好味嘅嘢，呢一間朋友極力推介， 12點左右已經嚟到，都要12:30先有得食。佢店舖細細，目測都有6個staff。食咗「櫻花蝦。蝦濃湯粉絲」，我選擇咗油麵，個湯好濃郁，好多櫻花蝦，🦐記得有三至四隻，除咗蝦頭，下身已經剝咗殼，新鮮嘅，有蝦膏。朋友就食咗「鯛魚濃湯粉絲」，唔好睇佢細細碗，其實份量都大，啲麵都食唔晒。唯一個要處理嘅就係冇得坐，好彩嘅就可以放喺張high table 度食，如果唔係就要手拎住食，碗嘢都幾辣手，因為新鮮滾熱辣。…查看更多

唔講笑，呢碗鯛魚湯粉絲絕對係「米粉界天花板」！一上枱已經聞到個湯香到爆炸💥，飲一啖湯，濃郁到好似成個海洋嘅精華都喺晒口裡面，鮮甜到癲，完全係「湯控」必試神作！粉絲索晒啲湯汁，每啖都掛湯到不得了，口感滑溜又唔會爛，仲keep到微微咬口，正到喊！鯛魚片更加係重點，煎得外皮香脆，內裡肉質彈牙到好似識跳舞咁💃，魚味超出，一啲都唔腥，生熟程度完美，唔會過老又唔會生，廚師功力絕對係「神級」！成碗食完真係有種「升仙」感覺，幸福感爆棚❤️‍🔥。如果世上有粉絲湯天堂，呢碗絕對係入場券！仲未食過？你out喇！快啲去試吓，保證你一試變fans，回頭率100%！…查看更多

其實一開始來葵廣就直奔宇治初時，接近開店時間來到，見到冇人超開心，叫完話25分鐘後先拎得O<--<弱雞嘅我選擇咗小辣🌶️ 。濃湯粉絲好頂飽，帶少少豆腐和娃娃菜，娃娃菜配湯特別👍，下次一定會直接加配！本身食得有D慢，同桌基本都係2人SHARE，結果過左就嚟有3波人先食完。中間聽到話小辣冇味，我響旁邊默默索鼻水😭飲果汁，另外，順便 👂偷聽到有個人話間野嘅湯之所以唔腬係因為加左酸菜，そっか！佢好似係搵到證據，但我耳仔睇唔到，偷感十足響度低頭飲埋最後一啖湯就走開左。…查看更多

一直耐唔耐都會去葵廣食野，但次次都miss咗哩間，因為次次都食到飽晒，今日老公專登要留肚食哩個櫻花蝦·蝦濃湯粉絲，唔洗排隊，冇咩客，等一陣就拎到。到手成碗野係香&好熱，影完相就即刻諗住食啦，點知一撩起d粉絲就出事，全部粉絲結晒一餅野⋯我成個人呆咗，我一出餐就即刻拎嫁喎⋯我同老公都o晒嘴。·成碗野勁熱，今日周圍鋪嘅食客都算多，成條巷仔都係人，冇枱，要成碗拎係手到，本身諗住即刻食，快d食完唔洗拎咁耐，點知要拎住碗野係到等，等d粉絲慢慢散開先食到（仲要根本散唔到）我想用筷子整散都整唔到，勁實一餅野咁。超級失望，湯嘅味道係唔差呀，但你出餐出成咁，再好食都冇下次，最後仲要係要食「粉絲餅」咁食，因為根整唔散d粉絲！！！·老公本身係chef黎，佢話應該係一早煮定晒一堆粉絲/麵係到，Order個時淨係整個湯淋上去所以先會出到黎咁樣，我見d staff都算比較得閒，係到傾計吹水🤦🏻‍♀️·唔知係不嬲出餐都係咁，定係個別事件，但對於客黎講，第一次食就係咁真係唔洗預我會再去食，味道又唔係驚為天人，出餐quality又唔好,我個人會留肚食第2d野算數，真心好失望。（老公就話下次食多次喎🙄俾多次機會喎🙄）…查看更多

的確係濃湯嘅，但係好鹹，整體味道麻麻哋啦，不過份量好大，好多粉絲同埋魚，但係真係一般般，冇網上講得咁好食，想話俾大家知天使辣係唔辣㗎，如果鍾意食辣嘅記得唔好嗌呢個辣度…查看更多

宇治初時想試好耐 我諗我起碼摸左門釘10次以上一係冇開門 一係未開門 一係售罄🤣🤣🤣食呢間嘢真係要講緣份同埋要早啲去如果見到有開 一定一定一定一定要食😀🗯櫻花蝦濃湯粉絲 $60超正！個湯底有少少似冬陰功 好惹味我揀咗小辣 我覺得係啱啱好嘅辣度🌶粉絲唔係平時一般嗰啲粉絲係比較粗身少少如果細食嘅朋友可以兩個人share一碗🤣佢嗰刻已經剝咗蝦殼，所以好方便喺條街都食到🦐🗯鯛魚龍湯粉絲 $55呢個魚湯同櫻花蝦大致相同差唔多嘅味 不過變咗魚味感覺上清少少不過都係超級好食呢間小店絕對encore 不過食佢要講緣份😂…查看更多

宇治初時@自家創作料理的櫻花蝦蝦濃湯粉絲宇治初時這間店很有名, 所以在葵廣掃街時便光顧了。結果這間打著自家創作料理的小店並沒有令人失望。首先他們相當受歡迎, 點了櫻花蝦蝦濃湯粉絲後要大約半小時後才能取到食物, 其實算是合理的, 因為買的人很多, 人流安排算是做得不錯, 起碼不用在店門口呆等, 我是欣賞這種有心思的店家的。而半小時後果然取到食物, 是熱騰騰的, 溫度相當滿意, 最怕取到不溫不火的食物, 這裡則不會, 是新鮮製作的。湯底看來很濃郁兼用料很多, 結果也沒有失望, 的確非常濃味, 吃得出是真材實料, 而且喝完沒有覺得口渴, 不是用味精去調味, 一切等待都很值得。而粉絲亦軟硬度適中, 吸收湯底的濃味, 相當好吃, 熱呼呼的, 還有鮮味的櫻花蝦, 真是一口接一口吃不停。…查看更多

## 食評：買給爸爸的外賣今次喺葵涌廣場買咗一份熱門小店嘅外賣，特意買俾爸爸，感覺幾滿意！### 食物評價1. **濃湯蝦粉絲**： - 濃湯真係好好味，味道濃郁，令人一試成主顧。裡面嘅粉絲係粗嗰隻，咬口好好，食落去口感特別好。2. **份量和熱度**： - 外賣攞返屋企都好夠熱，真係可以感受到廚房嘅用心。份量方面亦都唔錯，足夠滿足爸爸嘅胃口。### 價錢評價- 唯一要提一提嘅係，價錢偏貴，但因為味道好，真係值得嘗試。### 總體評價整體來講，呢份外賣非常成功，爸爸食得開心，我都覺得好滿足！下次再來試其他嘢！…查看更多

🍜 葵芳篇 · 必食濃湯粉絲 宇治初時📌 諗住簡單食碗粉，點知遇著驚喜！葵芳廣場呢間「宇治初時」主打創意粉麵，試咗佢哋推介嘅「宇治鯛魚濃湯粉絲」，意外地非常出色。湯底夠濃夠滑，唔係平時嗰種齋鹹嘅味，反而有層次、有口感，魚味清香又唔腥。鯛魚片好爽口，入口「shotshot聲」充滿彈性，唔會散晒或者淋晒，口感層次超加分！配上鰹魚片、蛋花、蔬菜等，整體用料認真唔hea。店鋪喺葵芳廣場二樓，近地鐵站 D 出口，等位時間唔算長，想試特別又有誠意嘅粉麵，可以一試！⸻📍 餐廳資料：宇治初時 @ 自家創作料理葵芳葵富路 7–11 號葵涌廣場 2 樓 2020 號舖🚇 港鐵葵芳站 D 出口📞 6778 1669🍜 港式 / 粉麵 / 米線 / 外賣店 / 小食店📅 用餐日期：2025年7月2日💰 總消費：$55（1人）🧾 人均消費：約 $55⸻🍽 餐點內容：　•　宇治鯛魚濃湯粉絲 $55⸻💑 情侶位推薦指數：⭐️⭐️⭐️⭐️（4/5）👉 位置方便，創意十足，鯛魚好爽口，湯底夠濃夠滑，值得專登嚟試！⸻#葵芳 #葵芳廣場 #宇治初時 #粉絲 #鯛魚湯底 #小店推介 #濃湯粉絲 #返尋味系列 #打卡美食 #一齊試新嘢 #情侶日常 #香港情侶 #eatingwithcowcow…查看更多

好耐冇喺葵廣掃街，成日喺IG見到有唔少新品都好想試～ 依日下晝喺附近做完嘢，終於輪到小編啦 😎🍜 櫻花蝦蝦濃湯粉絲 (天使辣) 😋😋😋😋😋成碗熱辣辣 ♨️ 首先試啖湯，又creamy又濃，有啲番茄🍅同忌廉味；有大量櫻花蝦同紫菜碎，令成個湯好有鹹香味 😚 叫天使辣啱啱好，係日式香辣口味，唔會搶走個湯嘅精髓，粉絲煙韌而且順滑，微微掛湯；另外三隻蝦🦐肉質彈牙，仲剝咗蝦身嘅殼，方便進食 👍🏻下午茶 💵💵 約港幣$60/人💁🏻‍♀️ 嗌完嘢食要等大約15分鐘，小店外附有一張細餐枱立食。依日冇位，小編企埋一角單手捧住食都👌🏻，不過就要小心啲！外賣自取返屋企食嘅話，佢哋仲會分湯，唔錯㗎！😉 都幾飽肚，女生可以當正餐食tim～🙆🏻‍♀️ 最後，喜歡嘅話，歡迎follow @foodirectory.hk！…查看更多

食咗最呢間小店差不多兩年，由一開始冇咁多人認識同宜家日日排長龍，真心覺得水準一直keep得好好!!菜單增加咗蝦湯揀之後真係大愛呢個味，每一啖食粉絲都要連湯一齊食😂店員個個都好好禮貌真心值得支野…查看更多

前排睇咗衛詩雅條片， 一直好想 嚟試下 今日終於可以試到呢一個粉絲！果然真係好好味！試咗蝦粉絲， 個湯好濃好惹味 好開胃， 蝦剝曬殼，又鮮又彈牙！！ 好味到飲曬個湯咁濟 下次去會試下魚…查看更多

蝦濃湯粉絲好好食宇治個醬真係好好好好好味！好獨特嘅味道！酸酸辣辣又Creamy啲蝦又係一如以往咁剝晒殼係新鮮有鮮味嘅蝦，啖啖肉呢個蝦濃湯粉絲真係我嘅Comfort food…查看更多

這間店舖無論什麼時候都是人頭湧湧，其實我已經來過很多次，但係每一次下午的時候都已經全部粉絲賣完了。今日特意在開店前就已經來排隊，等了30分鐘終於買到這個魚片粉絲。粉絲的軟硬適中， 10分吸就湯。魚片的質感很好，食得出是新鮮的來貨。果然已經明白到點解每一次來到都賣完唯一覺得可以改善嘅地方就係等待時間實在太長了，今次已經係開店嘅第一個顧客，但係要等30分鐘先至可以食粉絲，有啲長時間。店舖外有一張小小的桌子可以比客人堂食，但是位置有點狹窄，所以大家要有心理準備…查看更多

等咗20分鐘，充滿期待去食呢碗粉絲，心諗蝦湯同粉絲應該好夾，點知十分失望，有一浸酸酸地嘅味道，以為係蕃茄，但又唔係蕃茄嘅鮮味，後尾睇返食評見到有人形容係千島醬，形容得好好，就係呢隻味搞到個蝦湯完全唔好食，最慘仲要熱辣辣企喺度食。朋友就買咗隔離劉乜也嗰間蝦湯去試，嗰間就真係好食，有鮮味…查看更多