孖寶去骨海南雞 (嘉湖新北江商場)

近期發現元朗最喜愛嘅去骨海南雞專門店，原來係天水圍開咗分店，趁住今日晏收工冇時間煮飯，一於買返屋企慢慢嘆。叫咗個四人餐，有一隻雞、兩款餸、涼拌青瓜、四碗湯及四碗油飯或白飯，一家人食剛剛好。去骨海南雞 :見到一大盒滿滿嘅海南雞，真係好吸引。雞肉肉質嫩滑，油香味十足，無骨下啖啖肉，沾埋甜豉油及辣醬，味道更上一層樓。魚香煎肉餅 :外層煎得金黃鬆脆，一d都唔油膩，食落好多肉汁，有滿滿魚嘅鹹香味。糖醋排骨 :味道酸酸甜甜好開胃，用黎送飯一流。涼拌拍青瓜 :可以揀辣或唔辣，入口爽脆，辣辣地之中帶點清新。南瓜煲雞湯 :有雞腳、南瓜、粟米及紅蘿蔔，相當足料，火喉十足。炸蝦餅 :餐加30蚊有蝦餅，炸得金黃香脆，蝦肉好彈牙，一人一件就啱晒。去骨口水雞 :另外要多半隻口水雞，又係另一番風味，口水汁濃濃蒜香味，辣得黎又唔會蓋過雞嘅鮮味，值得一食。鴨屎香檸檬茶 :茶味香濃，味道唔會太甜，食飽飽飲返支有助消滯。…查看更多

天水圍新北江地下開左間孖寶去骨海南雞，鋪面唔算大，多數以外賣為主，堂食有兩張枱，而我就選擇左買外賣番屋企慢慢品嘗😆孖寶4人餐 $278～去骨海南雞（壹隻）呢到既招牌菜式，雞肉已經去哂骨，一啖咬落去雞肉口感嫩滑，雞皮薄，搭配三款醬（黑醬油、薑蓉、辣醬），風味正宗～椰菜回鍋肉以五花肉片與椰菜快炒，肉片焦香帶微脆，椰菜爽口清甜，帶有些少辣味，十分餸飯～柱候蘿蔔牛腩牛腩煮得軟腍入味，蘿蔔吸滿柱候醬香～無味精靚湯每一碗湯入面都有一隻雞腳，好足料，無味精得黎好有家既味道～涼拌拍青瓜作為開胃前菜，青瓜口感爽脆清新，蒜香與醋香突出，微辣跟餐優惠；～涼拌秋葵 +$20秋葵煮既時間剛好，不會太硬太軟腍，口感黏滑中帶爽脆，淋上醬油或酸汁，清淡解膩～蝦餅 +$30外層酥脆，內裡蝦肉彈牙，真材實料，蘸甜辣醬更添風味…查看更多

今天下午到訪朋友家中，友人強烈推介一間近日首次購買的去骨海南雞飯，覺得性價比甚高，問我有否興趣嚐試？啖啖肉，不用吐骨，當然沒有問題。查看外賣單，不用思考點了４位用的套餐，另加多款小食，埋單才４００元有找。朋友自取外賣回來，話份量超乎想像，一袋過盛載的外賣足有數公斤之重。無骨海南雞（一隻）：非常明顯是採用三黃雞的海南雞。烹調時間掌握得剛剛好，皮香肉嫩，雞肉肉質一點都不老（過熟）。翠肉瓜炒豬雙肉：豬雙肉究竟是什麼？個人口感只知道其中一款應該是豬頸肉，至於另一款就要再光顧時才向店家查問。坦白講，以套餐中其中一款小菜計，它的份量已屬不錯。魚香煎肉餅:應該稱作肉球／或大肉丸會更為恰當。味道和口感都不錯，而且份量還要有５粒，實屬罕見。涼拌拍青瓜：自己和朋友都不太吃得辣，因此在點餐時，已千叮萬囑要少辣。最終食物來到時，不用自已用飲用沖洗，確實做到少辣的效果，下單的店員應記一功，有留心客人的特別要求。無味精靚湯:是日例湯是南瓜湯，而南瓜幾乎已滾透至接近全溶化於湯中，所以湯的口感非常ＣＲＥＡＭＹ，正。（海南雞標配）油飯：和其它海南雞店不同，此店的雞油飯，油份較其它同行為為少，所以炆飯的顏色會比較淺黃，但仍能散發少許雞油香味。個人都挺喜歡，不用太擔心此飯隱含的飽和脂肪太高。總括而言，這次４００元有找的外賣，份量都算誇張，食到在坐４位都異常飽足。…查看更多

在元朗從小吃到大的去骨海南雞飯專門店，沒想到最近在天水圍也開了新店呢！除了有招牌的海南雞之外，還有不同的主食及小食，食物種類很多元化～✨去骨海南雞 (1隻) 一隻份量超多！雞肉肉質嫩滑不會柴！每一口都是肉肉，完全沒有骨的感覺真的是太讚了～✨狀元燻蹄 (例牌) 例牌的份量亦很多！狀元燻蹄軟腍入味，是滿滿的骨膠原啊～✨口水雞撈米線 口水雞也毫不遜色，酸辣惹味！米線亦十分入味，還有青瓜絲及芽菜去增添口感～✨瑞士雞翼 雞翼每一口都充滿瑞士汁的香甜味～✨粟米墨魚餅 墨魚餅口感Q彈，還能吃到粒粒粟米～✨涼拌拍青瓜 青瓜清新爽脆，酸辣可口～✨涼拌蓮藕片 蓮藕片同樣爽口，酸酸辣辣的味道令人很開胃～✨孖寶老火湯 南瓜的香甜味令到整個湯的味道再昇華～值得一提，店員態度親切很有人情味，下次會再來光顧～…查看更多

收工去左食飯記去左天水圍新北江食飯記，行行下見到呢間食海南雞飯咁記入去試下。見佢有個set幾抵就叫左set孖寶2人餐。去骨海南雞(半隻)海南雞份量唔細，2個人絕對夠食，雞皮唔算好肥，肉質好滑嫩，好好食而且油飯都好香。萵筍炒豬爽肉豬爽肉肉質爽脆，萵筍都係脆口，調味亦不錯，住家菜味道。涼拌秋葵(少辣)秋葵砌到個size剛剛好一口可吃，十分爽脆，十分新鮮，辣油好香口。老火湯南瓜雞肉老火湯，飲落去好濃郁，南瓜味好夠，無味精味。脆炸雞軟骨份量充足，粒粒都脆卜卜，味道方面唔會太咸剛剛好，上菜嘅時候熱辣辣很新鮮。清熱菊花茶羅漢果菊花茶十分濃味，飲落都好舒適，飲落都好自家制既感覺。紅豆薏米茶(無糖)味道清爽唔會甜，食完咁多野都唔會食濟。粟米墨魚餅粟米墨魚餅都好好食，十分彈牙，有墨魚味，整到好香口，份量都好多。…查看更多

平時係屯門返工都成日叫呢間「孖寶」海南雞，朋友話我知天水圍竟然開左店，今日收工第一時間買返屋企享受！🍗 去骨海南雞 招牌絕對有料到！雞肉全去骨滑到飛起，皮薄帶膠質，肉質嫩汁鎖得住，兩款醬（甜豉油、辣醬）各有千秋，蘸落去即刻提味，雞味超濃完全唔腥💥🌶️ 口水雞 + 巴辣雞 兩款辣雞一次過滿足！麻辣鮮香、辣油滲入雞肉，唔會太辣，唔係食開辣晚朋友都食到，撈埋飯食好過癮！🍚 海南雞油飯 每次黎都必食！粒粒分明又油香，雞油味道好突出，配雞肉食根本係絕配，飯香到食極都唔夠！🍲 無味精靚湯 清甜底下有木瓜，潤喉暖胃又健康，無味精都咁鮮甜真係功力！🥩 魚香煎肉餅 外層煎到金黃香脆，內裡肉餅多汁又鬆化，魚香味濃郁夠晒咸❤️🥢 手拍秋葵 手拍青瓜巴秋葵版，秋葵爽脆又入味，辣辣地做前菜一流！☕ 樽仔山楂洛神花茶 + 港式咖啡 山楂洛神花酸酸甜甜開胃又解膩，咖啡完全copy港式嘅味道，出色…查看更多