影片
以上资料只供参考，请与餐厅确认详情
招牌菜
同朋友随意去咗依间餐厅，估唔到系大伏！首先，叫嘢食已经等咗好耐都未有人嚟，之后叫咗个红烧排骨饭，上完个排骨仲要我举咗好耐手先叫到佢俾到个饭我，味道又未去到难食，但绝对唔系好食，非常普通，咁都算啦。点知食到最后先发现有只死乌蝇，不过我都无谓讲，因为都食完，唔通叫佢换过碟俾我咩？食完同朋友倾下计，点知个店员叫我哋细声啲，又唔系法国菜，普通饺子店叫人唔好讲嘢倾计？嬲到我即走，价钱仲要唔系特别平，食到一肚火😡🤬😡🤬
继续阅读
食左婆婆家十几年 由金禧商场旧舖食到而家街舖都系咁好食每次都一定食酸辣粉不过呢一年好似无左薯粉得返酸辣面 系白色果种粗少少既面都一样好食汤底超正 唔算辣 但够酸 味道层次好丰富配料香料落得好足好多肉碎 生蒜粒 辣椒碎 芽菜 芫茜就算唔食面 净饮汤都觉得系享受重口味人士一定好中意佢d饺都系必食 话晒佢叫饺子馆 饺子先系招牌菜我食过几款最正都系韮菜饺 白菜都唔错 有排食厌左韮菜就食白菜皮少少厚 但口感几好佢d饺d形状包得好工整系偏三角形果种 唔系长型果种料好新鲜 菜同肉好嫩 个馅好好食所以基本上饺子系每枱必点另外要赞既系老板好nice 人又易话为同熟客有讲有笑系有人情味既舖头!P.S. 虽然我系熟客 但我净识试过佢一两款面同几款饺子其他食物唔知点解我无乜兴趣试可能我唔系特别好呢个菜系
继续阅读
星期六去咗大围完全唔知道食乜嘢好，之前有冇点样去揾吓好唔好食？求其见到门口有好多人排队决定去试吓排队嘅人多数都系大陆人，所以会估计都应该比较浓味叫得饺子店就梗系叫饺子，饺子上到枱个口完全系开咗！咁入面啲汤汁咪冇晒！不过事实证明我系错！就算冇开口都唔代表入面有汤汁！个皮厚，肉又冇味，都唔知点食问佢可唔可以沟埋12只咁计，又话要六只六只，因为烚嘅时间会唔同， 价钱又要分开计，明明已经叫咗系同一个价钱嘅嘢两个人食到一肚气， 价钱又唔平嬲到已经饱晒
继续阅读
好少行入嚟呢条街见都几多人食就同同事试下炒毛豆年糕……比较dry无肉但份量都几多麻油豆腐丝拼手拍青瓜呢个系最令我惊喜，首先好香麻油味，豆腐丝系好有咬好，减肥当佢系主食都应该饱同事叫左个韮菜炒蛋～好家常菜既感觉第一次食汤既红油抄手……怪怪的冻豆浆正常下次会想试下酸菜鱼同埋饺子见大多数人入嚟都系食下午茶或饺子蕃蛋汤年糕都会想试～睇下会唔会好似蕃茄炒蛋咁好味呢间做街坊生意价钱算系中价但系个人觉得可以整番少咸
继续阅读
婆婆家饺子馆 (大围)📇地址：大围积信街18-24号喜悦楼地下B号舖🕐营业时间：星期一至日11:00-22:00💸人均消费：～$100/人👏🏻抵赞位：野食份量好足够，两个人叫左4野食，要打包拎走🤣 啲姐姐好nice，问咩都答得好详细😙🍴Food QC：「麻油豆腐丝 $35」即系凉拌豆干丝，老实讲，食左两口就已经有啲口感唔太好，但充满蛋白质。同埋佢呢个价钱有呢个份量，已经系好抵食。「红烧猪手面 $45」猪手有4-5旧，件件都大大旧，但个汤底就无味，所以啲面系俾我夹左出黎捞辣椒酱食🤣🤣 「尖椒炒腩肉 $6-70」唔记得exact价钱，但又系大大兜，好足料，尖椒多嘅同时，腩肉都好多。炒得好惹味，超好送饭😆「家乡韭菜盒 4件 $50」食左一件先记得影相，每件都好大件，新鲜炸起，脆卜卜，劲多韭菜馅，但咸左啲。😯有待改善位：铺头入面有种油油地嘅感觉，如果个清洁可以加强番少少应该会坐得再舒服啲。😼私心回应区：住左咁耐，都系第一次知道大围开左间湘菜小店，都系啲姐姐主理，所以啲野食都系惹味。如果想食重口味嘅家常小菜，但都谂唔到食咩，呢间都可以系一个选择🤣
继续阅读