威尼斯餐廳

lunch hour 嚟 等咗25分鐘有凍奶茶 等咗40分鐘先有個飯 凍奶茶，比想像中好飲 都有茶味 偏甜 個飯係雞扒芝士燴黑松露飯 $58+3 因為等太耐我被迫要10分鐘內食晒個飯 但真係好好食 個飯夠Creamy夠味夠黑松露香 雞扒甜甜地好好食 總之嘢食真係高質 呢個價錢應該好食出面所有豉油西餐 好抵食 所以晏晝真係坐滿晒人 有時間會再嚟 其實入嚟之前都預咗要等得耐 因為我知呢間嘢好似係兩公婆一腳踢 不過真係等得比想像中要再耐啲 下次會試墨魚汁飯…查看更多

在大角咀富多來新村地舖的小店, 真是喜出望外, 一行四人叫了兩份燒羊架、一份肉眼扒及一份豬柳扒餐, 全部肉質都十分juicy, 燒得恰到好處, 調味美味可口, 沙律菜十分新鮮, 蜆肉湯濃而creamy, 每份跟餐的意大利粉都是即炒, 熱騰騰！好味還跟一杯熱飲, 每個餐竟只收百多元, 性價比超高第二天中午,我們2人再到此店品嚐午餐, 吃了豚肉漢堡意大利飯及香草帆立貝長通粉, 真係驚喜一浪接一浪, 午餐連飲品只是50~60多元, 同樣是真心製作, 尤其豚肉漢堡, 肉汁鮮美, 加上意大利飯大口大口吃, 簡直絕配！而帆立貝長通粉不油不膩, 令人回味無窮一定會再來試試其他菜式…查看更多

經過幾次，但只幫襯周邊幾間食肆。昨日第一次光顧，可能是舖面及內𥚃裝修不太吸引，所以都沒有抱太高期望。12點都已經陸續有客，選擇都唔多，午餐有9種，大部份都係意大利飯，價錢都不太貴。閒著無聊周圍打量，每份午餐都是即做的，都要等至少25分鐘才送到，唔趕時間的你至好光顧（食好嘢係要等㗎，呢個係常識）。有得食啦，唔，好食。咸牛脷鵝肝醬燴飯，輕煎過的咸牛脷，厚薄適中，保持肉汁及軟腍。燴飯比正中意大利飯腍少少，相信係配合香港人口味，忌廉味份量剛好，不會過多，唯獨鵝肝醬少了一點。真的好有heart，食得出廚師的執著，對出品對客人都有一個交代。樓面只有一個侍應，不停出入，但仍然熱心地幫我處理帶來的行李。真心對食物、廚師、侍應，講聲多謝。所以我決定今日再幫襯，希望略出綿力，支持支持一下。…查看更多

個飯煮得恰到好處,不會太軟爛也不會太乾身。牛舌薄切入味,質感軟嫩,外層更有微微焦香,絕對稱得上是一絕。牛舌配搭上意大利飯,烹調手法融合得天衣無縫,充分吸收了飯粒的鹹香,整個口感層次豐富,每一口都能讓你回味無窮。份量十足,性價比極高,實在是一道非常值得一試的美味佳餚!…查看更多

首先,鹹牛舌意大利飯好惹味,飯底軟滑,牛舌肉質鮮嫩,淋滿鹹香牛肉汁,每一口都好舒服。 再加埋個蘑菇湯,濃郁幽香,配埋飯一齊食真係冧爆。總之呢個組合真係超級滿足,吃落好讚好飽肚,好適合舒服咁放鬆享受一餐。性價比超高,絕對值得一試!…查看更多

威尼斯餐廳⭐️⭐️⭐️🐾 黑松露炭雞芝士燴飯 $56黑松露味好出。雞肉好腍，口感同味道都好似包裝嘅雞肉串燒。芝士味唔係好食得出，但係有creamy嘅感覺。食到後期難免會有啲膩。🐾 胡椒鴨墨汁意大利飯 $56鴨似平時嘅鴨胸。墨汁幾香濃。🐾 跟餐忌廉蜆肉湯走清新鮮甜路線。比想像中冇咁濃稠，但明顯唔係罐頭湯，有好幾粒蜆肉。🐈‍⬛ Overall 用心小店。如果鐘意食risotto嘅話，cp值幾高。等候時間比較耐。📍 威尼斯餐廳 (大角咀)大角咀櫸樹街50號地舖#香港美食 #大角咀美食 #neko_nibbles_tkt #唔好伏自己…查看更多

威尼斯餐廳向來門庭若市，我亦難忍好奇去試一試，今次叫了炭燒雞扒意大利飯。一上來炭燒和醬汁混合而成的香氣便令人食指大動，雞扒十分柔軟，儘管用匙羹照輕輕一切便可切開，切開肉汁便爆出來，放入口之後雞肉就像瀡滑梯般瀡入去胃內。但飯方面我卻覺稍為不足，確實飯嘅軟硬程度適中，醬汁亦令飯更加易入口，但飯中的洋蔥和節瓜粒，令多咗奇怪嘅口感啊，就好似一首歌突然走調一樣，令人感到突兀。但總括而言係一個不錯的意大利飯。…查看更多

呢間威尼斯餐廳平時經過都成日見到晏晝好多人食，今日放lunch就諗住去試吓佢啦，但係見到入邊都坐滿晒就即刻決定轉外賣自取，老細話平時係可以打電話落去提早嗌定先。今日就試咗個H餐胡椒鴨墨汁意大利飯。加埋杯凍檸茶都只不過係$60咁上下。 拎到返屋企都仲係熱嘅，因為係即刻整，一打開見到個賣相都已經覺得少少吸引。第一啖就試咗個鴨胸先，胡椒味都幾足，肥瘦都好均衡，絕對係水準之上。至於個意大利飯佢唔算係太硬嗰隻，比較啱我自己個人口味。份量就絕對夠一個成年男人食㗎啦。 呢條街幾間餐廳都係唔錯，不過呢間威尼斯餐廳絕對係top 3入邊！…查看更多

每日夜晚都好多人排隊佢店鋪唔大 座位唔多 所以下次去就要預早啲時間價錢非常親民 質素又好，超級貼地上菜時間比較耐，因為佢逐個煮🥢🥢務求保持水準黑松露炭雞芝士意大飯跟香草蜆肉忌廉湯🥣🥣意大利飯好重芝士味，好好食D汁岩岩好，唔會太稀，配埋D飯唔會太軟又唔會太硬，岩岩好雞肉鮮嫩多汁 😍😍😍😍係照燒雞雞扒唔會柴，用匙已經可以切開佢，好入味，一定要加埋個飯一齊食，味道岩岩好，好夾雖然佢好多人，但一定要再黎食唔好睇佢細細一碟，一個正常女仔食量係唔會食得曬🙈🙈…查看更多

侍應端上菜時，香氣四溢！豬柳表面灑上香料，先來嗅覺的滿足！豬柳的表面烤得如牛扒般美麗，再來視覺的享受！豬柳如豆腐般軟稔，一刀便分開，這回是觸覺的漣漪！豬柳既有肉香，還非常軟稔。輕嚼數下，便已融化，美味回盪，味覺沒有不滿！身後的客人家沒有輕聲說話，破壞了店內的音樂。…查看更多

今日係星期六嘅中午時間過黎食佢地開12:00 但係過左15分鐘唔夠就已經好多人排隊🥵🥵店鋪唔大 座位唔多 所以下次去就要預早啲時間🥶同埋上菜時間比較耐😓😥等左差唔多30分鐘先上到菜午市套餐🍛黑松露炭雞芝士燴飯$55跟香草蜆肉忌廉湯🥣🥣香草蜆肉忌廉湯有3-4顆的蜆肉湯好濃郁 一啲都唔孤寒 好多料🐔燴飯好濃郁嘅白汁味每一啖都好掛汁😃雞肉鮮嫩多汁😚係照燒雞份量可能男仔都夠飽 因為食曬都有啲膩評分：🤎🤎🤎🤎🤎New york cheese cake +$22芝士蛋糕細細份一件自己一個食就剛剛好芝士味都出 食完唔會好膩評分：💛💛💛💛整體食物質素無錯但是上菜時間有待改善環境 🍃🍃🍃食物🍡🍡🍡🍡🍡 性價比💰💰💰💰💰 推薦🌈🌈🌈🌈🌈 回頭🙋🏽‍♀️…查看更多

啱啱去咗「威尼斯」搵食，食完之後，真係要同大家share一share呢個發現！😋龍蝦汁煙三文魚risotto鮮味得嚟又唔會太濕爛，口感啱啱好，煙三文魚嘅味覺得正！👌🏻Set D嘅帆立貝野菌意粉雖然睇落似乎濕咗些少，但其實凍湯湯嘅口感幾相配，野菌提香，帆立貝QQ嘅口感唔錯！啖啖肉嘅紐西蘭西冷牛扒花咁多錢都值得，肉質結實但又唔會太tooth啲，拜拜塊西冷，點上嗰啲芥末醬，啱啱哋！😍 香草蜆肉忌廉湯就真係出乎意料嘅好味，creaminess啱哋，蜆肉亦有彈牙嘅快感。成份搭配得宜，整體嚟講係一個幾balance嘅選擇。呢度環境輕鬆，服務都不錯，感覺好温馨，店家明顯用心煮食，回頭客當然不少。尤其係午餐時間，真係搵到呢啲價格合理又質素唔錯嘅食物，實在係happy到唔行！攞杯凍檸茶，重好過某啲cafe嘅飲品，餐後加餐個甜品就perfect ending！下次一定要同朋友再嚟轉轉！🍰🍝🥰…查看更多

Xmas Day 去威尼斯一家四口食埋扒都係日常價三百幾蚊，絕無話聖誕節🎄而加價羊扒同肉眼都肉質唔錯，性價比高$118 連高質周打忌廉湯+飯/意粉+餐飲仲要唔駛加一，真心茶記都唔會有呢個價帆立貝雜菌意粉同忌廉煙三魚闊條麵個汁($62/$64)又香又creamy雖然小店只有兩小口子打理，但上菜快手仲要熱辣辣。雖然人手唔多，但所有服務都恰到好處，令您可輕輕鬆鬆一家四口舒服地食餐飯😍佢嘅客路都係斯文客，靜靜焗嘅兩小口或獨行俠，好適合鍾意靜靜chill嘅客群。…查看更多

呢間餐廳午餐以西式飯粉作主調 而且價錢勁親民 質素都好好我就點左黑松露炭雞芝士燴飯 56$這道料理以黑松露為主要材料，黑松露被稱為「菌中之鑽石」，為世界上最昂貴的食材之一。它有著濃郁的香氣和獨特的味道，被譽為美食界的珍品。雞肉，其肉質細嫩多汁另外，這道料理還加入了芝士，增加了濃郁的奶香味道。芝士與黑松露、炭雞的組合非常完美，每一口都能品嚐到濃郁的香氣和獨特的味道。整道菜的製作過程相對來說比較複雜，需要經過多個步驟才能完成。首先將黑松露切成絲，然後將炭雞切成小塊，與黑松露一起煮熟。接著，將芝士切成小塊，加入煮熟的黑松露炭雞中，攪拌均勻至芝士融化。最後，將煮好的黑松露炭雞芝士混合物倒在熟飯上，充分拌勻。這道黑松露炭雞芝士燴飯結合了多種不同風味的食材，每一口都能品味到不同的美味。而且，這道料理的營養價值也非常高，黑松露含有豐富的維生素和礦物質，炭雞肉則富含蛋白質和微量元素，而芝士則提供豐富的鈣質和脂肪。…查看更多

星期五同同事出去食飯，同事帶左我去食一間好好味嘅餐廳，餐廳雖然細細地但好多人排隊等，我地去得早就等左一陣就可以入。我叫左個牛舌鵝肝醬飯。牛舌夠厚，咬落唔柴，飯軟硬啱啱好。…查看更多