威威美食

芝士牛肉漢堡🍔揀咗BBQ 醬汁食落好juicy ，記得要墊枱食漢堡包夾左手打牛肉漢堡扒漢堡扒因為係手打關係，除了厚身，食落亦充滿肉汁，最緊要唔韌😋脆炸鮮奶賣相討好，唔太燶食落外脆內軟亦都冇死甜味可以一試而家用户户送app 訂有半貨，絕對值得一試😙…查看更多

揸住個漢堡，真係熱辣辣，重量級手感滿分！個包外皮烘到金黃又脆口，軟綿綿嘅質感，吖嘛個滋味，啱晒我口味！咬落去，牛肉咁肥美，juicy得黎唔油膩，真係好入味添！BBQ醬汁香而不膩，淋上啲青菜，清新解膩，簡直係完美組合呀。餐廳內部唔算大，但嘅光線柔和，感覺親切。勁欣賞店家對漢堡嘅堅持，每樣嘢都係即刻準備，新鮮得嚟有心思。啲薯條新鮮炸到外脆內軟，咸香好味，吖，真心犀利！🔥 整體嚟講，食物質量高，味道好，幾滿足！朋友話下次帶我嚟試下其他款，我心諗，咁正既漢堡，其他嘢應該都唔會令到我失望吖。跟住腳步嚟一試，啱食既唔止漢堡！等我下次再同大家分享啲新發現啦！👍💥…查看更多

今日同朋友第一次試，剩係買咗個手打牛肉漢堡share話要等10分鐘，但因為同朋友傾住計等，都無為意係咪真係10分鐘。之後拎到就去咗附近公園坐底食一拎起個漢堡塊牛肉真係幾厚身因為同朋友share所以切開咗我叫咗BBQ汁幾好食，佢汁唔多但絕對夠亦唔會乾更加唔會滴到成手都係咁麻煩個包烘過先出，好脆身，同埋都好鬆軟朋友食咗之後勁鍾意，一直讚好食有驚喜因為要食正餐，所以呢個係share亦都無叫其他野，有機會會試埋其他小食…查看更多

响屋企附近揾野食，見到有間手打漢堡，試下伏啦。比完錢，話等十分鐘，前面有個熟客，同佢哋吹水，聽到話佢上次一次過訂左35隻炸脾😱 內心即刻想褲返隻炸脾試下。整體黎講，係好好味既！牛肉漢堡夠Juicy！（但我因為張poster有芝士，以為preset有芝士🥲，所以只係加左煙肉）佢可以自己加topping同選醬料，topping唔貴，$5就有一款，醬汁既選擇性亦多。手打漢堡黎講，呢個價位我收哂貨。如果你要炭香、Flame Grill咁就梗係唔响呢度啦。炸雞塊亦好有水準，爆汁👍🏻 而且細份炸雞$28已經好大盒，有成5、6件。性價比好高，可encore。 …查看更多

點解哩間威威美食咁威水？熟哩頭都知道哩間小店唔係成日開，但一開就總會有區內朋友影低，問大家食唔食，所以好多時想食佢都係要碰下運氣！今日有食神啦！鋪頭主打都係食漢堡包，佢重有其他飯餐同小食，但我冇叫過。今次就叫左個最standard 的牛肉漢堡+芝士 蜜糖芥茉醬。牛肉漢堡+芝士 蜜糖芥茉醬一如好多漢堡包店，係大到一啖咬唔哂既，包身鬆軟，上面鋪滿芝麻很香。餐廳主打手打牛肉，唔係機啤出黎，一如以往的juicy多汁，就算餐廳好貼心包埋防油紙俾我，每次食都滴到周圍都係，係時候要學下正確食漢堡包。重點係中間的芝士，另外加的，份量非常多，包裹整塊牛肉，唔係出面睇落一塊其實得半塊的那種。總結，每次食到威威都會好滿足。的確佢的質素唔可以同灣仔honbo去比較，但價錢咁抵（單包只係$35），小店食到咁既質素，重想點？要挑剔就係等待時間都有點長啦，始終人手有限！餐廳：威威美食地址：屯門青翠徑9號多寶商場地下9號舖 Address：Shop 9, G/F, Dorboa Building, 9 Tsing Chui Path, Tuen Mun #肥誠 #肥誠搵食 #fatshinghk #instagram #instagramhk #food #餐廳 #香港美食 #香港 #香港餐廳 #灣仔 #屯門 #旺角 #早餐 #午餐 #晚餐 #hongkong #hongkongfood #hongkongfoodie #foodblogger #food #hkfoodie #foodie #foodiehk #wine #steak #屯門lunch系列 #burger #漢堡包 #威威美食…查看更多

小弟未寫呢篇食評之前，其實已經食過幾次漢堡包！覺得係水準之作，所以會繼續幫襯！今日係2022年8月2號 下午5時30分小弟到收銀員位置叫左個最普通既漢堡，要蕃茄汁全店得一個女收銀員表示要等10至15分鐘！我表示當然冇問題啦 好味既食物等是常識吧！但當我拎起張單，當時時間係17時31分張單顯示時間為 17時48分，我當堂呆左...再詢問女店員，佢話跟返現實時間作準...咁我當然冇問題啦，大約等左4分鐘，有一名肥仔推左箱水返黎，再慢慢放入雪櫃然後先煎扒，呢一下我知道已經死得....期間已經見到佢不停出外賣單，但同我張單既號碼顯然有一段距離！到17分46分時，我再走去問女職員我既漢堡包得未男職員表示邊有咁快到你丫，未整丫！我即時表示 我唔要啦 麻煩退錢！男職員表示比d耐性啦，冇得退錢丫我即時擺底張單同女職員講，大話精，呢個漢堡包我送比你食！跟住女職員又改變口風，個包整梗喇我趕時間返工，心諗只係35蚊者！只能回應 錢是少丫，承諾最緊要丫最後擺底左張單，走人了，永不幫襯！當然啦，我冇影任何相，是真是假請讀者自己判斷，承諾都做唔到仲要玩假時間，麥當勞比你優質好多倍…查看更多

難得放假，出街行下。就到晚餐覺得餓，想食少少野，又唔想食m記既情況下就揀左威威美食。叫左牛肉漢堡加蜜糖芥末醬。等左10分鐘就有，見佢即煮我都唔怕等。塊牛係juicy，但個包又唔會沾到汁而淋晒。而且，塊牛唔係好咸仲有肉味 (唔係廢話嫁-_-有啲肉真係無肉味)同m記比較，價錢同m記特價包差唔多，但呢個包飽肚好多。而且，我本身對m記個薯條可樂無興趣，所以在於我威威美食優勝啲。食完個包，唔係飽一陣，覺得好扺食。…查看更多

戒了金x門很久了，平時想吃個又便宜又高質的漢堡包都不容易。媽咪去完紅橋做facial, 突然心血來潮買好西給我吃（平日媽咪都不太留意小店），是真心高質的「自家製手打牛肉漢堡」看外表以為是個平凡的屋邨漢堡（以為只夾了牛肉），本身打算求其拍照留個紀錄，但原來漢堡很有牛味，肉質很juicy，又厚身，入面夾了蕃茄、生菜、兩片很開胃的酸瓜，honey mustard 醬很配合！價錢只賣$3x覺得物有所值，推薦大家一試。…查看更多

下午茶突然想食burger ！虹橋出名多美食見到一間小小食店，即叫即做手打漢寶 ＄32，好抵！看似家庭式經營，好有heart 果然賣相靚，有埋底盒夠細心，牛漢寶juicy 有份量，真心好味支持小店…查看更多

已經食過威威嘅漢堡好多次，可以令大家不斷回頭食完再食，可想而知有幾好味😋🍔自家製牛肉漢堡加芝士配蜜糖芥末醬佢地嘅招牌牛肉漢堡，size大過拳頭！想大啖大啖咬都有難度😂依間小店每月唔同日子都會送唔同嘅食材，今次去個陣岩岩好係送芝士日🧀淨睇外觀，包比較厚身以為會好乾，但其實烤過嘅包十分香脆，即使買外賣都依然保持到脆口，包面芝麻烤過後更香。生菜爽脆，牛肉唔韌，而且即叫即煎👍🏻煎得又香又軟，再配合芝士同微甜蜜糖芥末醬一齊食，整體味道令人好滿足，好食過連鎖店嘅漢堡好多！係屯門有一間咁高水準又價錢貼地嘅小店，又點可以唔試下呢😋🍔…查看更多

自問係漢堡包迷，連續兩日午餐食漢堡包。食返屯門略有名氣嘅威威，第一次試就點咗手打牛肉漢堡，加芝士，配蜜糖芥末醬。加配菜價錢都唔貴，蘑菇都只係一律加$4。外賣真係要值得大讚，十分貼心！包裝紙已經貼咗呢個係咩包，就算好似我地幾個人食都唔會搞錯。漢堡包用個盒仔裝住，唔似連鎖店咁包到有倒汗水整到個包淋曬。味道方面，先小人一下，麵包類型唔係最岩我口味，感覺太厚身同有啲硬。其他方面都好好。麵包有落牛油烘過。老實講加咗蜜糖芥末醬食咩麵包都好味。牛肉厚得黎煎得剛剛好，咬落仲有肉汁。$32嘅漢堡包絕對唔馬虎，仲有蕃茄同埋生菜。下次再食豪啲，加埋蘑菇同埋蛋就錦上添花。…查看更多

朋友知道我愛吃漢堡，特意推薦我前來品評。車可泊於門前，非常方便。店舖取名「威威美食」，威武方剛，怎會令人聯想這兒是賣漢堡包小店呢。也既然只賣漢堡，不如改作「威威漢堡」走回現實主義道路更為清楚所賣何物。如店主要玩味一點，走後浪漫派，就叫「威包」吧。門前兩級階梯，每級空間有點淺窄。顧客點餐需要踏級而上，在梯級千萬不要胡亂扭動，以免跌倒。我這位顧客總愛偷師學習，多次踏上階梯，扮作催單，其實只為申頭入內取經。門面分為兩半，右邊是收銀及出餐處。天花只用普通白色長條燈管，讓人感覺像八九十年代公屋家庭格局，平平無奇。燈光選擇欠缺了焦點，建議配上兩三盞黃銅射燈釘在出餐及餐牌位置，突顯食物主題。左邊則是一大塊藍底綠字向右對齊純文字的餐牌，簡樸歸真，沒帶任何圖案。如果沒有友人推薦，我是絕對忽略「威威美食」的。餐牌後面是廚房，多次來回踏級窺探。內裡備有焗爐、扒爐、及雪櫃。檯上有不銹鋼盤放上一盤十來塊漢堡，以保鮮紙蓋著，常溫儲存，更具牛味。店員二人，都是年青男兒。即管與客人對望，也冷酷少言，只專注工作。一人負責收銀包裝出餐，另一人則負責烹調。落單後即時制作，大概要時十分鐘內。廚師先將麵包底面兩半放進焗爐，同時也將漢堡牛肉放在扒爐上兩面煎香，頓時陣陣牛肉香氣透出。麵包微焦後從焗爐取出，內層舖上一塊生菜，然後用鑊剷將正在扒爐上煎得沙沙作響的牛肉漢堡放到生菜之上，再淋點濃稠黃色蜜糖芥末汁醬即大功告成。回家車程廿分鐘左右，正好讓牛肉處於靜置狀態，讓肉汁沉澱，吃落時更為肉嫩多汁。外層包裝使用無任何圖案的簡約牛皮食物紙袋，開口處以「感謝」貼紙對摺封口。極顯細心，誠意十足。內層以防油包紙加小紙盒，以垂直方式盛戴漢堡。回家後嘗試將漢堡平放觀察，立即發生了小意外！內裡肉汁豐盛，流到手上、流到檯上、流落地上，立時扭回原先垂直擺法，要利用消毒濕紙巾清理，才能再次品嚐。外表評論，漢堡牛肉有厚度，賣相吸引。麵包外層香脆，內層吸掉牛肉油脂汁液閃爍金黃。按壓麵包，大口連同麵包餡料一同咬嚼，濃濃牛肉香味迴盪口內，與蜜糖芥末汁醬非常相襯，酸酸甜甜的。「威威」漢堡，無可挑剔!…查看更多

疫情關係冇堂食，去左虹橋附近睇下有冇小食買當晚餐。去到見到呢間威威美食都不少人排，所以去睇下有咩食。見到個手打牛肉漢堡好吸引，只係$3x, 就叫左一個， 可自己揀sauce, 天氣熱想食d 酸酸甜甜ge sauce, 所以叫左個蘋果sauce, 等左一陣見到burger 真身，未食都覺得好抵，塊牛肉勁厚，又勁多汁，又唔乾，仲好飽肚，下次一定再encore…查看更多

一直都好想試下威威美食嘅漢堡包，今日得閒就去左多寶商場試試佢！威威係良心黃店，有連豬坐鎮，大家可以放心幫襯！我叫左一個手打牛肉漢堡包，配蜜糖芥末汁($32)，再加左一份薯格($16)，即叫即整，不過都好快手，大約等左8-10分鐘就有得食了！！店舖專做外賣無堂食位，我攞到野食就即刻走去對面嘅公園仔揾位開餐了。一打開個袋就覺得大件事了，因為個包同份薯格都幾大份，一個人食晒真係有d難度。包表面好多芝麻，係高質嘅漢堡包。漢堡包入面有生菜，蕃茄，酸瓜同埋主角︰手打牛肉漢堡！！！有肉汁嘅漢堡，當然唔係瀨尿牛丸咁噴汁，係咬落去會有肉汁流出呢嘅感覺，食完成個包都唔覺得太滯；反美中不足嘅係我只見到個包有黃色嘅汁，但就唔太食得出蜜糖芥末嘅味道，可能下次配BBQ醬或者茄汁個味道會出d。另外我攞到包之後已經好快手就開始食，但漢堡包底比較濕，唔影響味道或質感，但如果你介意包會濕嘅話咁就要快手d坐低食喇！薯格方面係KFC會食到嘅薯格，但個份量真係唔係講笑，真係好大份。我食完個包出盡力都係食到一半，淨低一半攞返屋企繼續食，但食完都幾口渴。總括而言，非常高質嘅漢堡，唔食牛肉嘅朋友可以揀豬扒同雞扒；鍾意食辣嘅朋友可以加墨西哥辣椒($4)。大家一齊幫襯黃色良心小店，壯大黃色經濟圈啦！！！…查看更多

香港有幾間主打做港式漢堡嘅黃店，除咗時新、嘉寶同添福之外，屯門都有一間叫威威㗎！等小編帶大家試吓啦😝 😋 自家製牛肉漢堡包 $32 叫漢堡包可以自己揀醬汁，茄汁、蜜糖芥末同BBQ醬就唔使加錢，牛油果同黑松露就要加3蚊，小編揀咗蜜糖芥末。落完單先發現原來芝士係要另外加錢！所以我個包就無咗塊芝士喇🥺 包入面有蕃茄、生菜同酸瓜，如果唔想要酸瓜就記得出聲喇。呢個外賣漢堡包嘅擺法真係值得一讚，個包先擺喺個盒上面，再獨立用紙袋裝住，咁個包就唔會好似金記咁包到個包扁晒。但有個唔好處就係啲醬向下流，所以頭幾啖就覺得無乜醬同個包同塊肉都好乾，要食多兩啖先食到啲肉汁。個包面好多好多芝麻，咬落去都好脆😆 但食到尾，啲醬就浸到個包淋晒。整體嚟講個漢堡包都唔錯，但小編買外賣仲要買到好遠，所以買威威外賣嘅話買完就要盡快食喇😂 如果唔食牛嘅話，都可以轉雞扒或者豬扒～ 提提大家，每月逢1號、21號同31號都會買包都會送芝士，中意芝士漢堡嘅朋友唔好錯過～ 😋 自家製牛肉漢堡腸蛋飯 $35 漢堡包32蚊，都唔覺得好平，但飯嚟講35蚊就好似好平！自家製手打牛肉漢堡扒超級厚，食到啲牛筋，好有咬口，仲要唔係煎到乾晒，感覺比上次食漢堡包仲要好！個飯跟埋一條腸仔同一隻煎蛋，汁方面有咖喱、黑椒同豉油揀，真係日日食都唔怕悶！😋 炸薯格 $16 .炸薯格真係令到威威跌咗唔少分數，因為個薯格真係好鹹🤯 以前食金記都慣咗食完包先食薯條，今次我留返啲薯格最後食，其實食頭幾嚿都覺得幾入味，臨尾係鹹到飲完罐汽水都未食完啲薯格，希望會有改善啦～…查看更多