妹記大排檔

朋友5年冇返香港 約食飯第一時間就諗到要食大排檔平日夜晚去都full house 好彩比我地入到最後一張大枱 但都要搭枱今次5個人食左6個餸 1個炒飯👀黑椒薯仔牛柳粒 👀椒鹽鮮魷 👀豉椒炒聖子（例） 👀蠔仔煎餅 👀瑤柱蛋白炒飯👀西蘭花（帶子炒）👀鬼馬油炸鬼👌🏻樣樣都覺得味道不錯，份量正常👍🏻瑤柱蛋白炒飯都炒得幾乾身有食開嘅frd話一定要叫鬼馬油炸鬼應該係油炸鬼釀左啲魚滑係入面試下都幾有趣👍🏻蠔餅幾得我歡心！夠脆同埋入面好多蠔其他就正常發揮～比埋個價錢大家參考…查看更多

🧭妹記大排檔 • 旺角🍴旺角通菜街1A-1L威達商業大廈Deli2 2樓B號舖一大班fd食乜好，首選一定係大排檔。因為可以坐得哂咁多人，又可以叫多啲唔同款式野食。尖沙咀分店就食過幾次，第一次試旺角分店。飲品🍺藍妹啤酒 🍻🍻🍻呢度特色就係用戰鬥碗去飲，用碗飲就另一種風味。即刻將個啤酒昇華左。小菜🥗🧆鹹蛋魚皮⭐️⭐️⭐️⭐️普通魚皮就成日打邊爐都食。今次食既加埋鹹蛋醬，越食越入味。油炸鬼⭐️⭐️⭐️⭐️⭐️望落去好平平無奇，但佢包住左個魚漿定魷魚🤭食落好有口感，加埋個甜酸醬又唔同味。薯仔牛柳粒⭐️⭐️⭐️⭐️本人係一個好鐘意食傻仔，牛柳粒都好易咬 唔係好靭果啲。但係個薯仔如果煮耐啲淋啲，會再好食啲🤭椒鹽八爪魚咀⭐️⭐️⭐️⭐️⭐️食落好脆口，細細舊 好岩一路同fd吹水 一路口痕想食咁。份量都算多，多人一齊必食小食。😛蠔餅⭐️⭐️⭐️⭐️成個賣相都唔錯👍🏻但係啲蠔仔比較小 同埋無睇得咁脆，係有小小失望。如果多啲蠔感覺會好啲 豐富啲…查看更多

一入去就係典型大排檔，摺枱膠凳夠地道，適合一班friend嘈喧巴閉～ 🔊 現場勁嘈🍽️ 食物評分🥬 通菜（7/10）夠鑊氣！蒜蓉爆得香，又冇渣，簡單但出色 👌 🦪 炸蠔餅（5/10）蠔仔爆多好足料，可惜油冧冧，4個人都食唔晒🥵 🍖 京都骨（8/10）今晚MVP！酸甜辣平衡，🤤 **🍝 乾炒牛河（7.5/10）河粉夠乾身，牛肉嫩滑，未到好有鑊氣，但都不錯👍🏻⚠️ ⚠️ 四個人share一支啤酒，個啤酒阿姐即刻黑面，不停叫開多枝，話一枝啤酒只配3隻碗🙄諗住飲少少過下口隱啫~~…查看更多

✨大人青少年都多既大排檔帶屋企人黎食 份量都算多 尤其蠔好大隻～有戰鬥碗 比你飲酒～記得電話預約呀 夜晚好旺架～豆苗好入味～ 好大碟蠔 手掌咁大隻 勁有蠔味蝦 彈牙 同埋蠔餅都好食 …查看更多

價錢唔係平😭野食都可以🥲今次有啲失望🥺冇左之前既味道蠔餅係我每次嚟到必叫‼️😹🦪每次新鮮上到都係熱辣辣因為都係即叫即做😍不過呢幾次叫 略嫌太多麵粉食咗好多都係炸粉同埋油另外就叫咗個金銀菜時蔬🥗🥗不過不失 蔬菜嘅選擇都好多如果食大排檔 建議要多啲人嚟🥹🥹🥹因為兩個人叫嘅餸唔多食嘅嘢就會少咗上次嚟叫咗蟶子 都係我大推之一🙌🏻🙌🏻🙌🏻海鮮都係做得非常出色建議大家可以一試👍🏻‼️…查看更多

又係真實食評既時間之前係尖沙咀食過，真係唔差，今次食有小小失望，味道同之前都有點出入。環境：正常大排檔格局衛生程度：算乾淨食物質素：正常大排檔水準，但鑊氣又唔夠出面勁推薦菜式：豬手。碌鵝，尖椒極不推薦菜式：荔枝烏龍茶，黃金蝦，生炒骨總結：應該唔會再食多次，有大把更好選擇，價錢睇落唔貴，但啲野食係勁細碟。…查看更多

朋友約食大排檔風味，就試試叫左幾樣野試1.豉椒炒蟶子首先個試鄭菜速度快到我唔信，落完單5-10分鍾就上左菜，唔知係唔係其他人叫完退單😓btw , 上黎既時候唔係熱辣辣、係暖暖地，算。跟住試食，發覺啲汁唔夠杰身、掛唔到汁而且比較淡，有啲失望2.炸豬手以為普普通通，點知有驚喜個皮脆卜卜、唔會硬，而且個豬手調味幾好，配埋泰式辣醬，飲埋啤酒一流3.蠔仔粥味道係唔錯、蠔仔都夠多同大粒，但啲飯米比較爛，個人喜歡類似泡飯咁粒粒分明…查看更多

今日同太太同埋另外一位朋友行完旺角，想食d小炒，咁就第一時間想起妹記。可能6點零鐘去關係，都重係有枱嘅，咁職員就同我地講限時1個半小時。咁坐低就點左3個餸一個炒麵再加2支啤酒咁啦！戰鬥碗就必須啦！首先黎係生炒骨，真心講味道係可以嘅，但係就骨多肉好少，本身係想叫咕嚕肉但係佢地無。跟住就到飛天通菜煲，估唔到d通菜超老，味道都可以嘅，係覺得味道可以再濃少少。香鍋辣雞煲同埋炒麵我覺得都可以，但係整體我覺得食材方面係可以控制得好d的。…查看更多

妹記伴我成長，食開尖沙咀嗰間雖然味道同質素而家都有所下降，但係仍然都係叫做好味。今次帶同事一共12個人過嚟食收爐飯，真係大跌眼鏡！12個人嗌咗15個餸都唔夠食，碟碟都係得幾舊，但你唔係幾舊嘢嘅價錢喎。成舊水一碟，攝牙罅都唔夠。啲員工又粗魯，上菜拍一聲擺喺枱面，唔幫我哋擺上轉盤，仲要白色嗰啲廚房單紙黐住晒啲食物，見佢哋即刻搵手指拎返出嚟。重點係味道方面，同一個啱啱學煮嘢食嘅人冇乜分別。旺角呢間分店，妹記嘅架都比你丢晒！你哋冇睇錯，佢一上嚟就係得咁多。碟炒豆苗，嗌咗冇5分鐘就上，啲菜都未收水就出鑊，我唔係叫上湯豆苗喎。薯仔一啲都唔脆，啲牛肉好韌，個汁仲要好鬼鹹，食完係咁飲嘢呢個都好離譜啊，完全咬唔開㗎！其實仲有好多其他嘢食，不過費事影晒。…查看更多

有朋友外國翻黎，當然要食大排檔，食翻啲佢係外國食唔到嘅味道，所以帶咗佢食妹記。自己以前久唔久一大班人都會去食。有大排檔風味之餘，環境又闊落舒服。今次3個人，冇訂到枱，18:15左右入座，咁啱有最後一張細枱(如果唔係就要搭枱)。真係太旺場關係所以8點要交枱。戰鬥碗啤酒先黎枝啤酒，一人一碗啤啤佢先。原隻脆皮炸豬手每次黎妹記都必叫炸豬手，份量十足，起晒肉切晒片。唯一佢個皮比較厚，所以炸完會有小小硬，但對我黎講依然係食唔停口。椒鹽豆腐炸野黎講，佢比較遜色，因為佢個外皮有啲厚，而且啲炸蒜同椒鹽味都唔夠出，下次未必會叫呢樣。咸魚茸飛天通菜煲正正常常嘅炒飛天通菜，好食，份量都多，但略嫌少少油。沙嗲金菇粉絲牛肉煲味道好濃，撈食飯一流，牛肉份量算多亦好淋。到8點埋單嘅時候已經全場爆滿，出面仲坐滿晒等入座嘅人。如果黎食，除非6點黎到，唔係嘅話就一定要訂位。另外值得讚嘅位係上菜速度好快，環境闊落，熱鬧起上黎好有氣氛，好適合一大班人聚餐。…查看更多

已有一段時間未與舊朋友相聚，這次大家選擇位於旺角、交通方便的「妹記大排檔」作為聚餐地點。由於事先訂座，我們在晚上七點準時坐下，餐廳服務員提醒用餐時間為兩小時，時間上算挺充裕 🤭✨餐牌基本上囊括了各種經典大排檔菜式。每道小菜定價在$90左右。上菜方面，服務員的效率值得稱讚，每道菜在點餐後不久便陸續上桌，以下是幾道值得細評的小菜 😋：1. 京都骨 🔥作為大排檔的經典菜式之一，京都骨的表現算是中規中矩。份量不算多，大約只有七八塊，味道方面酸甜適中。作為配飯小菜，算是穩妥之選 🌟2. 鬼馬油炸鬼🔥這道菜挺有特色，酥脆金黃的油炸鬼內釀滿墨魚滑，口感外脆內嫩，搭配泰式酸辣醬更添風味。菜式有創意且在口感上沒違和感，在其他同大排檔較為少見，值得一試 👍🏻3. 黑椒薯仔牛柳粒 🔥作為另一經典之選，這道菜的表現符合期待。牛柳粒煎得剛剛好，外層微焦，與黑椒醬的香濃味道十分搭配。薯仔的加入亦為整道菜增添了甜蜜糖甜味，無論搭配白飯或單吃都非常合適 🐮4. 炸蠔餅 🔥這道菜的表現讓人滿意。蠔餅煎得酥脆，蠔肉新鮮，份量也算充足。魚露的點綴提升了整道菜的鹹香層次，但並不會搶去蠔的主角地位，整體表現相當出色 🦪整體而言，妹記大排檔的性價比相當不錯，無論是菜式的水準還是服務的效率都符合期待。😋 我們後加的煲和飯都是熱騰騰。雖然處於室內，但環境延續了傳統大排檔的熱鬧氛圍，尤其適合朋友聚會。如你想品嚐經典的港式味道，這裏絕對是值得重訪的地方之一 …查看更多

在香港的街頭大排檔中，總能找到令味蕾驚喜的美食。但是最近我在一個熱鬧的夜晚，同友人來到了著名的某個新式大排檔，妹記大排檔 ，品嚐了幾道令人垂涎的佳餚。非常幸運的是我們這次不用排隊 非常順利的就進入 一行入妹記大排檔 舊式的香港裝修風格 以及顧客們喧嘩的聲音 都足以證明接下來的美食會令人期待 我與友人點咗幾道特色菜式 都是大家想嘗試的美食首先映入眼簾的是**椒鹽九肚魚**，這道菜以其鮮嫩的魚肉和香脆的外皮著稱。九肚魚經過精心處理，肉質鮮美，口感滑嫩。當我將一口魚肉放入嘴中，伴隨著香料的香氣和微微的辣味，瞬間感受到海鮮的鮮香與椒鹽的完美融合，讓人忍不住一口接著一口。接下來是**德國鹹豬手**，這道菜在香港的大排檔中相對少見，但其獨特的魅力讓我驚喜不已。豬手外皮酥脆，肉質卻相當柔軟，搭配淡淡的香料味，吃上一口，豬肉的油脂與香料的味道交織，讓人感受到濃郁的滿足感。這道菜不僅分量十足，還與啤酒相得益彰，成為聚會中的熱門選擇。緊接著是**椒鹽墨魚頭**，這道菜色澤誘人，香氣四溢。墨魚頭經過椒鹽的調味後，外皮微微焦脆，內裡卻保持了墨魚的鮮嫩。每一口都能感受到其獨特的海洋風味，椒鹽的香料增添了層次感，讓人欲罷不能。這道菜特別適合與朋友們分享，大家圍坐在一起，邊吃邊聊，氣氛格外融洽。最後，我點了**清炒豆苗**，這道清新的素菜為整個餐點帶來了一絲平衡。豆苗鮮嫩爽口，炒至剛剛熟透，保留了青菜的原汁原味。而最尾壓軸登場炸蠔餅則是一絕，外酥內嫩，搭配上微微的海鮮風味，讓這道菜成為完美的主角 ，為整餐增色不少。總的來說，這次在妹記大排檔的美食之旅，讓我體驗到了多元的風味和豐富的口感。每一道菜都展現了廚師的巧思與熱情，無論是海鮮的鮮美，還是肉類的香醇，都讓人回味無窮。如果你也想感受這份美味，不妨親自來一趟，探索這片繁華中的美食天堂。…查看更多

第一次去，叫咗四個餸，已經係揀瞓身推介個list上面嘅菜式，但只有一個叫做可以，其他都好醎蒸扇貝: 蒸太耐，冇乜鮮味，唔知係咪唔新鮮，啲豉油好鹹南乳香酥骨: 肉好柴，冇乜肉味，冇乜南乳味但好醎，有碟南乳醬，但點咗更加鹹，唔點又冇南乳味炸大腸：唔夠脆，仲有啲韌，味道都係偏鹹，但點完個酸甜汁都算可以環境同服務都可以嘅，食物份量偏少，食物味道更加失望。食完幾個鐘個口仲係覺得好口渴，唔知係咪落咗好多味精。平均每人約二百，我覺得唔值…查看更多

黑椒薯仔牛柳粒真係好好食！薯仔炸得香脆，牛柳粒又嫩滑，黑椒味道適中，整體口感令我好滿意。不過，豉椒炒蟶子就有啲失望，蟶子唔係好新鮮，口感有啲韌，味道都冇咩特別。至於金沙炸豆腐，雖然滑溜，但就冇乜特別驚喜，味道普通。豆腐本身吸收唔到太多調味。炸魷魚嘅脆皮係分開嘅，炸得幾脆，但魷魚本身味道就有啲淡，整體搭配上就比較一般。…查看更多

妹記大排檔📍：旺角通菜街1A-1L威達商業大廈Deli2 2樓B號舖🚗：油麻地地鐵A2出口 步行7分鐘📞：+852 2833-6228💲：~HKD130/head for dinnerFood quality👌🏼：咸魚茸飛天通菜煲、西蘭花(帶子炒)、鵝例、金莎卜卜脆❌：蠔仔煎餅、果茶總結：🤔一間中規中矩嘅大排檔 好大間晚市排長籠 等咗20分鐘就有位 但食完覺得正常 唔排可以一試嘅 但唔值得排隊🫨🤔價錢算幾合理 份量都幾多 所以都算抵食之選👍🏼🤔通菜煲 西蘭花 鵝例同金莎卜卜脆都係中規中矩 足料飽肚 尤其係西蘭花🥦啲帶子出乎預料嘅大粒同份量多😨作為潮洲人對蠔餅🦪要求比較高 煎得唔夠脆而且蠔選得唔太好 個人偏好細啲嘅蠔拎嚟炸蠔餅😨服務同衛生就有改善空間 不過佢定價唔太貴 所以唔會太不滿😖…查看更多