好運大牌檔

北角好運大排檔係25年老店，主打地道川菜，同時提供煲仔、小炒、鐵板、椒鹽、麻辣地鍋、沙鍋泡粥、湯品、五谷主食、素菜、小食及飲品，選擇非常多元化，適合一家大小或朋友聚餐。藤椒酸菜魚鱸魚：招牌菜之一，魚肉嫩滑，酸菜爽口，藤椒香麻不嗆喉，湯底酸辣開胃，每日新鮮熬製魚骨湯，絕無坊間預製醬料或湯包，可以放心喝湯。上湯小雲吞：皮薄餡靚，湯底清甜，暖胃又滋味，非常合適作為前菜。四川擔擔麵：麻醬濃郁，辣油香口，麵條彈牙，辣得過癮，令人一試難忘。金銀蛋白菜：咸蛋和面皮蛋既蛋香滲入白菜，口感層次豐富。熱柚子蜜：酸甜適中，暖胃又解膩，特別適合配辣菜。凍檸檬茶：茶味濃郁，檸檬清香，冰涼消暑，解辣一流。總結，餐廳無論是味道、價錢或選擇都令人滿意，是一間值得回訪的川菜好去處。…查看更多

早早地去完北角的factory outlet，揀左食酸菜魚，賣相正常但味道十分出色！埋單走的時候見到原來好多人book左枱。酸菜魚-揀左盧魚，超滑，魚肉大大舊一啲都唔碎-轉左薯粉，薯粉比一般的粗，勁掛湯-最歡喜係個湯，魚味濃，唔鹹，真係飲哂！酸辣balance得好好，真的飲到個種新鮮敖製的味道椒鹽桶蠔-$188有7大隻，厚肉，炸粉好薄，唔會太油膩👍🏻干扁四季豆-有鑊氣👍🏻，$68好大碟，3-4人食都夠…查看更多

今日突然好想食酸菜魚，發現一間大排檔有得食，所以去食小菜！📌藤椒酸菜魚 店家選用鱸魚🐟肉質軟嫩而且有好多魚肉！配料有木耳及陳村粉，亦可同店員講轉薯粉。但湯底唔酸😆但仍然係一個白飯小偷的菜式🍚📌咕嚕肉有大量的三色椒🫑而醬汁調味酸酸的很開胃👍🏻而咕嚕肉肉質很嫩，炸粉很薄，一口咬下去脆卜卜的外皮很好吃😻📌蒜泥白肉大愛這到開胃菜！呢排很鍾意食蒜蓉而白肉下還有陳村粉！撈埋一齊吃絕配！📍好運大牌檔 (北角)地址: 香港北角北角道33號和富豪庭地下B2號舖電話: +852 26822888…查看更多

食酸菜魚當然揀老店，呢間25年老店位於北角，感覺傳統，並非走新派路線。中午時間，除咗餐牌上既各式川菜，亦有客飯小菜套餐，而且價錢平易近人，所以都有不少客人幫襯。藤椒酸菜魚 (桂花魚) 魚同湯都同樣高質。湯底既高質在於每日新鮮熬製，而非預製醬料或湯包，配合川味經典藤椒風味，清香麻爽。而魚則用上桂花魚，肉質細嫩爽滑。生煎手工鍋貼即叫即煎，熱辣辣，飽滿又多汁。乾煸四季豆四季豆表面微焦、乾扁熟軟，肉碎加上微辣，豐富的口感又帶有獨特既鹹香味道。雞絲粉皮粉皮呈卷狀，在雞絲同青瓜配合下，口感滿滿，麻醬令人吃得開胃。…查看更多

藤椒酸菜魚-鱸魚 鱸魚切片厚薄適中，肉質嫩滑無骨，酸菜湯底每日用魚骨慢熬製作，唔係坊間用預製醬料或湯包，湯色金黃，飲落入口有層次酸菜爽脆，吸晒魚湯精華，配湯飲落有微微麻香和酸辣開胃，湯底可以飲，無油膩感，食落很舒服咕嚕肉 咕嚕肉外層炸到微脆，肉粒入面保持嫩滑，酸甜汁夠濃但不膩，每粒肉都掛滿汁，配飯一流上湯白菜仔 白菜仔清甜爽口，煮得啱啱好唔會過腍，上湯味道鮮美，菜味清爽，湯底都可以飲，一齊食更突出白菜鮮味…查看更多

好運大牌檔 (北角)地址: 香港北角北角道33號和富豪庭地下B2號舖電話: +852 呢間食波煮魚酸茶魚好有名，一大盤$188 up ,兩個人再點多1-2個小炒就岩岩好唔，人均先係$200 左右好抵食架點了盤藤椒酸菜魚$188 個湯好好食，入面仲有，易入口個湯，同唔會辣岩我一食辣油就拉肚子架人都品嚐到！鱸魚片滑如豆腐$88蝦米律白白肉煲，來返份清清地架菜啦，食完濃味酸菜魚，都要比自己條脷休息一下$98 椒鹽排骨，落重調味仲有炸蒜同少量辣椒，香口好食！埋單原來唔洗加一服務費添！…查看更多

•啫啫鸡煲：上桌还在“啫啫”响，砂锅边焦香的鸡皮超入味，鸡肉嫩到飙汁，配碗白饭能炫两大碗！•铁板鱿鱼：铁板端上来滋滋冒油，鱿鱼Q弹不柴，蒜香和酱香味裹满每一口，下酒绝了！•牛肉炒面：镬气就是灵魂！面条根根分明，牛肉滑嫩量还足，吃完嘴里还留着焦香～•手撕包菜：解腻神器！脆爽带点微辣，平衡了肉菜的厚重，空口吃都停不下来！店面就是老香港大排档的样子，烟火气超浓，街坊和打工人坐满整家店，人均几十吃到撑，性价比直接拉满！…查看更多

喺北角嘅「好運大牌檔」係區內口碑老字號，開業廿五年，火候與選料見功夫～今次重點食佢哋嘅水煮魚（桂花魚）、乾扁四季豆同蝦醬生菜煲，整體表現穩陣之餘，仲食得出店家對食材嘅尊重同講究。　先講水煮魚，用桂花魚起片，厚薄均勻，肉質緊緻唔散，入口滑而帶彈，清甜感明顯。湯底椒麻分明而不霸道，花椒清香、乾辣椒帶果香，油層控制得準，收起辛辣嘅戾氣，只留暖而不燥嘅辣度，令魚鮮更突出；豆芽墊底爽脆，吸香之餘唔會出水損味，細節位照顧得好。乾扁四季豆做到皮脆芯嫩，鑊氣足但唔燶，蒜末、肉碎炒至微焦，鹹香同豆角嘅清甜互相托起。用油克制，唔覺油膩，調味偏乾香路線，收口乾淨，幾啱下酒。蝦醬生菜煲則見真章。蝦醬選料正、發酵香純，唔腥唔尖，鹹香帶甘。生菜焯火準確，仍保翠綠同水份，放入煲後以陶煲微焗，令醬香慢慢滲入葉脈，口感保持爽脆；蒜蓉同小量指天椒絲提香提氣，層次分明。服務老到，出菜節奏恰當；價錢以北角區來講合理。整體係一間靠實力行先嘅老店：用料講究、火候準繩、味型克制而見功。…查看更多

環境充滿地道大牌檔的熱鬧氛圍，卻又帶點精緻感，適合朋友聚餐或家庭用膳。店內裝潢以復古港式風格為主，紅色燈籠與木製桌椅營造出懷舊情懷，令人倍感親切。服務員態度親切，服務效率高，讓人用餐體驗更加舒適。這次探店的重點是他們的招牌酸菜魚片套餐，據說是每日以新鮮魚骨熬製湯底，味道鮮甜濃郁，令人期待。套餐可選鱸魚或桂花魚，我選了鱸魚，魚片厚實鮮嫩，入口滑嫩且帶有咬感，令人驚艷。酸菜湯底酸辣適中，微辣的湯頭帶有濃郁的魚香。除了酸菜魚，店內午市套餐選擇豐富，炒豬雜、口水雞等川菜小食同樣出色，夠鑊氣，配飯一流。環境整潔，座位寬敞，適合慢享美食的同時聊天放鬆。整體而言，好運大牌檔的酸菜魚片套餐無論味道還是用料都令人滿意，川菜愛好者絕對不能錯過！下次還想試試他們的麻辣火鍋，期待更多驚喜！…查看更多

25年老字號雖然主打傳統靚料京川粵菜，但唔食辣嘅都有好多選擇。午市即炒客飯小菜套餐$56送白飯同熱飲，特價套餐更低至$53，仲可以優惠價加配小食宮保雞丁 $56 辣醬汁均勻沾滿嫩滑雞肉，用蔥段同辣椒炒香勁好送飯木須肉 $56 係唔辣之選，炸肉絲同木耳、筍絲、菇絲等等用醬汁炒，食材唔貴比足一大碟，細食的話兩個人都夠😂 超好味川式水煮魚飯 $53落單店員有溫馨提示係龍脷柳片，當然晚市一大窩水煮魚就用原條靚魚，午市$53用魚柳合格有餘，加上鮮甜水煮湯，又係白飯殺手跟餐小食生煎手工鍋貼四隻 $25 粒粒飽滿，外脆內軟雞絲粉皮 $25 開胃前菜麻醬好香，粉皮夠滑…查看更多

水煮魚：鎮店之火的驚艷滋味首推招牌「水煮魚」絕非虛名！湯底以大量花椒、辣椒熬煮，麻香撲鼻卻不過嗆，辣度層次分明。魚片選用肉質厚實的鱸魚，嫩滑無骨，吸飽湯汁後入口即化，舌尖先迎來麻辣浪潮，尾韻卻有淡淡鮮甜。底層墊滿芽菜、寬粉，吸盡精華又解膩，份量足夠三人分享。若嗜辣者要求加辣，師傅亦樂意調整，誠意十足。此道火候與調味平衡極佳，值得專程一試！孜然牛肉：相較之下，孜然牛肉牛肉片雖厚切醃製過度導致肉質偏硬，咀嚼時纖維感明顯。孜然香氣十足，與洋蔥、辣椒碰撞出預期的鑊氣羊肉本身羶味處理得宜，香料亦足。值得嘗試總結：味蕾天堂水煮魚的江湖地位無庸置疑，展現大牌檔火熱靈魂；專攻水煮魚。…查看更多

喺北角想搵間夠鑊氣又抵食嘅大牌檔，專做呢類風味嘅專門店絕對係選擇之一。試過幾款招牌同小菜，真心覺得佢哋嘅「藤椒酸菜魚」係最值得推介嘅主打！呢鍋酸菜魚，上枱已經香氣撲鼻，重點在於加入咗藤椒，麻香層次即刻豐富好多，唔會一味死辣，反而係麻中帶辣，非常醒胃。魚片份量算足，肉質都算滑溜，唔會煮到過老。酸菜夠酸爽，咬落爽口，湯底濃郁得嚟唔會太油膩，用嚟送飯一流。以呢個價位（大約$168左右一鍋），質素絕對「對得住」個價錢，係招牌當之無愧。不過，要提提大家，有啲小菜就要小心選擇。例如 「木須肉」，試過一次感覺比較失望。最大問題係油膩感偏重，肉絲同配料炒出嚟成碟油浸浸咁，食落負擔大咗少少，味道亦未見突出。另外，佢哋嘅餃子（試咗白菜豬肉餃）同樣未算出色，餃子皮偏厚，內餡調味普通，未夠香口，同坊間專門做餃子嘅店比有距離，唔算特別推介。總括嚟講，北角呢間大牌檔專門店，招牌酸菜魚（尤其藤椒味）係必試之選，質素穩陣有保證。但係點小菜時就要留意，部分如木須肉確實較為油膩，餃子亦屬普通貨色。如果主力想食酸菜魚同其他重口味小炒，呢度係個唔錯嘅選擇；但想試精緻啲嘅點心或小菜，就可能要調整期望。作為街坊小炒格局，酸菜魚嘅水準確實係亮點！#北角美食 #大牌檔專門店 #藤椒酸菜魚 #酸菜魚 #香港美食 #地道風味 #小炒 #食評 #美食推薦…查看更多

北角人應該都非常熟悉呢間川菜館「好運大排檔」，店家係25年嘅老店，主打抵食夾大件嘅鑊氣小炒、水煮系列、酸菜魚、雞煲、火鍋、川式涼菜等，鍾意食辣野嘅我經常都會同屋企人去食，而且店家仲開到凌晨時間，啱晒宵夜再啤一啤🍺藤椒酸菜魚招牌酸菜魚👍🏻我揀咗鱸魚轉番薯粉底，一大碗嘅份量足夠三四人分享，湯底每日以新鮮魚骨湯熬製，絕無味精就算飲埋啲湯都唔會覺得口渴，鱸魚肉質非常嫩滑鮮味，並且唔會有細骨，最適合用作酸菜魚，湯底加入大量酸菜、木耳、萵筍同番薯粉，「鮮、香、酸、麻」味道層次非常豐富，酸酸辣辣十分開胃回鍋肉呢度小炒嘅份量比起坊間多一倍，滿滿一大碟，回鍋肉脂肪比例均勻，外皮嘅部份食落去QQ彈彈，而且一啲都唔會覺得油膩，越嚼越香，再加入椰菜、豆腐乾、京蔥等，配以香甜濃郁嘅醬汁，真係會令你忍唔住食多碗飯魚香肉絲一樣係非常下飯嘅菜式😋肉絲、木耳絲、筍絲、香蔥同辣椒去翻炒，夠晒鑊氣，上枱時香氣撲鼻又熱辣辣，店家每一道菜都係即叫即炒，炒完即刻送上，確保客人可以食到最有鑊氣嘅小炒👍🏻魚香肉絲味道酸酸辣辣，一啖接一啖食唔停口鮮肉鍋貼鍋貼粒粒都好飽滿脹卜卜，用咗韭菜豬肉餡，皮夠薄又軟熟，底部煎到脆身，咬落去時仲充滿肉汁，韭菜獨特嘅香氣加上肉嘅鮮味，香口之餘實在令人無法抗拒😋📍好運大牌檔 (北角)北角北角道33號和富豪庭地下B2號舖人均消費：$200食物：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…查看更多

今日朋友帶咗我去位於北角嘅「好運大牌檔 」lunch….. 原來「好運大牌檔 」是一間川菜店…..招牌菜⋯⋯酸菜魚……湯底是每日用新鮮魚骨煮…. 所以湯底味道鮮甜！而魚片就可以揀鱸魚或桂花魚….魚片肉質香滑而且有厚度、所以好有咬感不錯！配料薯粉是粗薯粉，口感煙靭，而且好掛湯！午市套餐都種類繁多，而且份量不少！菜脯煎蛋….口感香脆，味道鹹香濃！炒豬雜！夠鑊氣配飯一流！小食皮蛋蒜泥白肉也不錯蒜泥白肉豬腩片夠厚，口感夠！…查看更多

今次嚟到北角依間好運大牌檔，店舖係25老店，充滿中式氣氛，上面掛住嘅中式燈籠特別有feel。招牌拆骨肉 $138將豬骨頭上的肉剔下來，通常係從大棒骨或豬脊骨上取下。連埋辣椒，豆乾一齊炒，食落拆骨肉口感結實😲，有少少膠質嘅感覺，加上辣椒帶出微微嘅辣味刺激味蕾🌶，係一碟好下飯嘅餸菜。椒鹽魷魚鬚 $118份量比想像中大碟，每條魷魚鬚都好長，炸到表皮金黃酥脆🦑，食落椒鹽味遍佈成條魷魚鬚，非常香口惹味，魷魚鬚都好嫩滑彈牙😋，令人食到停唔到口。涼拌土豆絲 $55作為小食俾得好足，土豆絲口感爽脆🥔，食落有少少醋酸同麻油味，有解膩嘅作用。酸辣粉 $38薯粉非常煙韌，辣度啱啱好，加上花生等配料，好香口，而且好大碗，食極都仲有🍜。鍋貼 $38/6隻叫咗6隻鍋貼，隻隻都好大隻，食落內部豬肉塞滿成隻餃子，口感結實🥟，加上外皮煎到香脆，食落索索聲，好滿足。…查看更多