好爸爸車仔麵 (已結業)

支持香港小店，近荔枝角，足料，湯底亦都很濃郁！糖醋豬軟骨 + 炭燒豬頸肉 河粉 腩汁肉係好入味的~ 甜甜地，亦都好軟身，唔錯~炭燒豬頸肉分開上，又調味，有D鹽粉係面，浸落去D湯度又熱返，好好味！腩汁係堅腩汁，好濃，唔係溝水感~本身想食油麵，但賣晒，改河粉都幾索味！招牌手絲雞飯賣相唔錯，條條絲咁，雞都嫩口，有得揀辣定唔辣，醬料都多，所以啖啖食都唔會好「掛」~牛腩+牛柏葉 米粉 沙爹汁沙爹汁辣辣地，入味！肉感亦係軟身~份量就岩女仔食多D~…查看更多

路過見到呢間新開小店又想食車仔麵就試下嗌左 兩餸油麵 辣醬(小辣)湯底 免費加炸醬 豬頸肉同生菜外賣等左4分鐘已經有得拎打開發現係有分隔唔怕啲湯浸淋啲麵同餸食咗幾啖先記得影相 實際擺盤靚啲 隔住個蓋都見到滿滿嘅餸～麵質啱啱好 小辣湯配唔同餸都應該幾適合！鍾意食辣嘅可以試埋中辣/大辣炸醬啖啖肉豬頸肉係黑椒醃製嘅 味道唔錯 糧都多生菜數量唔敷衍 有4-5大條左右 抵讚另外有加+5支裝特飲 當日係紅棗桃膠杞子 健康清甜又抵會有下次…查看更多

呢排天氣轉涼放飯見到呢間新開既車仔麵檔就想叫一碗試下想食多啲菜就叫左菜底😆餸又有好多可以揀真係選擇困難症發作除左中式牛腩 仲有西式牛肋條😍牛肋條本身有醬汁，佢地好貼心會另上比左好多肉，牛勒條好淋易入口好好食聽老闆娘介紹佢地咖喱魷魚好香就叫左佢黎試，浸到成完都好濃郁咖哩味🤤份量又好足返到上公司打開黎食個湯都仲係滾熱辣, 冬天食暖胃一流🍲🍜仲有得免費加辣菜脯😍見佢menu 仲有喇沙湯麵，搵一日試埋佢先…查看更多

Lunch都不知吃什麼，呢排幫襯公司附近這間「好爸爸」外賣小店，但我少吃車仔麵，發現佢哋有兩餸飯於是間中就會食，早餐仲又有西式牛角包、香草包，不像一般車仔麵檔獨沽一味! 這次吃是日自家特製叉燒和花菇，叉燒好味有家中自製feel有豬味沒有雪味, 蠔油花菇醃得入味, 最喜歡加送半隻流心蛋、肉碎夠健康又豐富😋! 最鍾意飲品可以揀自製特飲如柚子檸蜜或羅漢果茶，老闆娘會問我食後評語檢討改善，有heart值得推介!今日見到有同事買佢地新出嘅喇沙好鬼正咁，我都要試！…查看更多

開心發現荔枝角外賣小店便當，見到今日餐牌星期五有自家製叉燒，冇諗就立即揀咗，唔肥又好味夠晒鬆軟😋，仲有好多青菜足夠纖維，香滑奶茶又唔甜👍，都算係一個健康餐☺️…查看更多

平日等巴士見到有間新開無耐嘅小店今日中午落車見到無人等就試下幫襯1）要體諒姨姨入機唔快 未必操作得咁流暢 但她好有禮貌 會講不好意思 😅或者趕時間嘅朋仔可以下次再試2）幾特別係佢嘅雙併飯的菜式不是咁中式嘅佢每日會有廚師推介 我就揀左 香烤豬頸肉 紅酒繪牛尾香烤豬頸肉係爽脆嘅，焦脆嘅感受又唔算明顯，而且主要調味是淮鹽，味道可以嘅；紅酒儈牛尾的份量都足夠嘅，但由於本身好少食呢道菜，個人感覺就一般，覺得咸味重；整個飯嘅味道都可以嘅，肉醬都偏咸，適合重口味人士。…查看更多

見呢間新開諗住試下，平時有時食車仔麵都會叫下清湯，又或者試下唔同湯底。但呢度嘅清湯冇味到好似水咁😑好難食，我叫咗咖哩魚蛋呢個餸，出到嚟個味就好似水+少少咖哩味咁😅想像唔到齋清湯會點😂…查看更多