好煮意

難得去上水咁遠，想搵一間地道啲，市區無分店嘅餐廳，原本考慮食鳳嗚居，但係旺角都有分店，所以最後決定試下好煮意，一樣有藥膳醉雞湯食。我地今次叫左藥膳醉雞麵 同埋 新加坡喇沙湯米線。………………………………………………藥膳醉雞麵 ⭐️⭐️⭐️⭐️湯底有藥膳雞湯味，酒味濃度啱啱好，飲落順喉，聞落仲有淡淡嘅酒香。雞件味道唔錯，不過略為細件，如果可以大件啲、厚肉啲，就perfect 啦。新加坡喇沙湯米線 ⭐️⭐️⭐️⭐️⭐️可以自選3個餸或以上，特別推介牛肚，好入味。不過，喇沙湯底先係重點，味道濃郁，又有鮮味，辣度又剛剛好，係正宗新加坡喇沙嘅味道。凍奶茶⭐️茶味太重，而且極之甜，奶味又唔夠，飲左2啖已經要放棄。………………………………………………好煮意係一間好local 嘅餐廳，喇沙湯底真係值得推介。…查看更多

藥膳醉雞，香氣四溢的藥材和鮮嫩的雞肉為特色，每一口都散發著濃郁的中藥香味，讓人回味無窮。湯底清澈，滋味醇厚，搭配上新鮮的蔬菜，口感更加豐富。食客們特別讚賞其獨特的調味和營養價值，認為這是一道兼具美味與健康的絕佳選擇。無論是家庭聚餐還是朋友聚會，藥膳醉雞煲都是必點的美食！…查看更多

今日過來上水, 吃飯時間周圍都多人, 經過見到依度有位, 就入左去坐😅, 望下餐牌, 款式唔係好多, 一係要餃🥟一係要雞🐔, 叫左個藥膳雞🐔米粉加$要凍豆漿, 另外加左個瑞士雞翼🐔, 等左一陣凍豆漿先到, 豆漿加冰好似怪怪地, 而且飲到有陣防腐劑的味道, 之後送來米粉, 賣相唔差, d餸都好多😅, 飲啖湯先, 我覺得d酒味太濃太重, 反而飲唔到那種香甜味道😅, 米粉浸左湯食落OK, 唔會質地好碎濕濕, 食舊🐔先, 食到酒香味, d雞🐔肉質唔係好淋, 不過亦唔算係好滑個只, 但都好多舊係肉😄, 份量十足, 一定夠飽, 另外再來瑞士雞翼🐔, 佢依度d小食款式唔算好多, 雞翼🐔都叫大只, 味道唔算好好味, 不過都叫合格😅, 再之後飲埋個豆漿, 都係飲少少就算了, 那陣防腐劑味我真係受不了😅, 反而出面粉麵店, 一枝枝原裝更好喝, 豆漿唔建議叫了, 但依度環境位置都叫坐得舒服, 傾下計都唔錯😄…查看更多

上水好煮意的醉雞米線非常好食，d湯濃濃藥膳酒味！我次次都加錢轉脾肉食，d雞肉多嫩滑。我食左起碼不下20次了都仲未食厭🤣 加多d蔥d湯都飲曬佢！我覺得比附近店的雞米線更好食。下次都想發掘佢其他類的米線，呢間野我起碼一個月食兩次。…查看更多

環境好，乾淨大間，經常點嘅藥膳鷄湯米線，鷄湯唔添加味精，味道香濃，米線口感啱唔好，服務態度都好好，食過多次，凍檸茶要少甜，都支持多種支付方式，仲有火鍋小菜都好好食…查看更多

服務奇差，樓面女人態度惡劣又黑面食物等候時間超耐火鍋材料唔駛煮等45 分鐘 （例如水餃）價錢唔係特別平，唔係特別好食，份量少客人黎到似想趕你走多d湯底ok, 但好想貼錢買難受先去呢個價錢出面大把選擇…查看更多

中意養身ge你唔錯選擇。今日放假諗唔到食咩，男朋友話帶我食養身雞煲。以為有咩咁特別。帶到我e間 上水食養身雞煲。又幾好味 ！湯底濃郁，飲洛又唔會太苦 。2個人叫半隻雞已經夠 再加 萵笋 + 肥牛 + 竹筍 + 手工粟米冬菇豬肉水餃 再加一杯 大檸樂 2個人 share 飲 爽水滾後 先飲佢個養身湯 ，再洛半隻雞 。滾起食得 雞肉質正常 冇雪味 ，其他配料都ok 肥牛新鮮。不過就覺得 手工粟米冬菇豬肉麻麻地 ， 冇乜冬菇，內面涵料唔太新鮮。但講養身雞煲黎講 是價錢合理 下次可再食 …查看更多

上水有幾間都係食醉雞米線 ,沉晚第一次食呢間，入到去先知原來5:45後入座收加一，其實都無乜所謂（另外幾間都唔會）。同個朋友都係一樣叫醉雞米線，我飲凍奶茶佢飲凍洛神花，杯洛神花上枱時一睇就知唔係洛神花啦，正常係紅色㗎嘛！我哋同侍應講洛神花唔係咁嘅色，個侍應話係咁，我朋友飲咗一啖就知係蜜糖水。之後食完呢餐，我朋友肚痾足一日，估計應該唔係碗米線問題（因為我同佢食一樣），多數係杯野。上水好多呢d餐廳唔會收加一，食完肚痾就更加…..覺得唔值…查看更多

幫襯好多年 由舊鋪到新鋪舊鋪已經態度唔好 都照幫襯因為真係自己鐘意食既 但去到新鋪 態度差之外 服務都好差仲要收埋加一 幾鐘意食都唔想再食了再講 去到新鋪已經同舊鋪味道唔同左…查看更多

【北區】【好煮意】每次當有人問我上水有咩好食，我都念念不忘呢間「好煮意」嘅藥膳雞煲，因為真係好正。我喺開呢個 foodie account 初期已經講過佢哋，我 2020 年嘅 26/5 開 account，到 14/6 就已經出文。聽講佢哋近年喺馬會道開咗間食米線嘅，就同真正哥去試。我點都試 $55 嘅「招牌藥膳醉雞麵」，呢碗應該就係佢哋嘅招牌菜，以前一向做開藥膳雞煲嘅湯底都咁出色，呢碗米線絕對難唔到佢哋。個米線底亦都唔差，唔會太腍或者太硬。嘢飲我跟餐加 $10 試「熱菊花薑蜜」，都好好飲，菊花味同薑味都出，唔錯。真正哥就試喺 menu 同樣被推介嘅「新加坡喇沙湯麵」，佢個價錢係 $25 有啲奇怪，原來係好似車仔麵咁逐個餸計錢。配咗油麵底，加埋 $6 嘅「支竹」、$10 嘅「魚肉春卷皇」同 $9 嘅「秘製腩肉」，我都食咗少少，覺得叻沙湯底唔錯，係誠意之作。而佢碗嘢嘅其他配料都幾豐富，配合埋個油麵底都夾，唔比啲星馬菜嘅叻沙差好多。佢都有加 $10 轉跟餐飲品，佢飲「凍菠蘿青檸蜜」，都見佢飲得又快又興奮，應該都唔錯。咁樣夾埋先食咗 $125，咁嘅質素嚟講好抵，唔怪得見佢哋堂食同外賣都好多單。。。（地址：上水馬會道180號地舖）#1amfoodie #hkig #foodiehkgirl #hk #hongkong #topcitybiteshk #hkeat #foodgasm #followforfollowback #love #hkrestaurant #香港 #香港吃貨 #thatfoodiething #食物 #globaleats #1am北區 #上水 #好煮意 #招牌藥膳醉雞麵 #米線 #熱菊花薑蜜 #新加坡喇沙湯麵 #油麵 #支竹 #魚肉春卷皇 #秘製腩肉 #凍菠蘿青檸蜜 #1am1348 #1ambackup…查看更多

這間店就在我家樓下，見証住佢由細店變到大街的店，最喜歡食佢地個個醉雞湯麵，份量足夠食到我飽，醉味都好夠，雞味都不錯，環境比起舊店好好多，起碼夠曬光線，之後都會經常黎食…查看更多

好煮意在門外看尤如家庭式小店的感覺，店內環境簡約及乾淨企理。他們有多款粉麵套餐，晚上還可以打邊爐。招牌藥膳醉雞是店家推薦的必點之選，相信大家吃這個大多配米線？但原來識食一定要配粉絲！除了滑溜又彈牙的口感，還把湯的精華全吸進去，無論吃麵及喝湯都是滿口鮮味及藥材的甘甜，加上煮軟的去核紅棗及爽口木耳，整碗沒有油膩感，吃著吃著都喝完全部湯了。雞件每件都份量十足，大大件、啖啖肉，配他們的辣椒豉油吃，又夾又惹味，好抵食！另人，個人覺得新加坡喇沙都有驚喜，湯充滿椰子和蝦的鮮香味，還會愈吃愈辣頗過癮。點喇沙需選三款配料起，試到他們的自製食材。手工鮮蝦雪吞都是他們自己包的，餡料量足。秘製香辣牛肚則夠爽，香口惹又味。炸腐皮則如響鈴的吃法，同時感受香脆及柔軟的口感。油麵超夾這湯底，如果可以混麵加米粉就更正。當天天氣比較冷選了兩款熱飲。菠蘿青檸蜜酸酸甜甜入喉舒服；菊花薑蜜養生暖身。二人大滿足只要＄130，十分抵食！…查看更多

之前係上水食過呢間餐廳既醉雞好好味😋今日再黎試下其他，估唔到個味道都好有水準！佢地個環境好乾淨，坐得耐啲食雞煲都好舒服👍🏻👍🏻1️⃣🍲醉醺醺雞湯米線（$45）醉雞件好滑！而且食得出浸左係酒入面好耐～所以吸晒所有精華😍👍🏻店員仲好貼心提我地可以按喜好將啲酒倒落米線到～米線份量好足料！而且不得不提個碟辣椒豉油！沾埋黎食更豐富！2️⃣🍲鮮蝦雲吞雞湯油麵（$44）好濃既雞湯味😍而且鮮蝦雲吞應該係自己包，好大粒非常足料！油麵好彈牙！店員提供埋蒜蓉辣椒油同埋辣菜圃，個菜圃真係好好味！好爽口😛😛3️⃣🫖熱洛神花蜜（跟餐+$10）飲品方面都有好多唔同種類～洛神花蜜唔會太甜👍🏻👍🏻4️⃣🫖熱百香果茶（跟餐+$10）朋友話呢杯都好香☺️食完正野飲番杯野岩晒😛…查看更多

中學年代食左幾年的好煮意。今日約中學同學聚舊，食好煮意。女生最養生的藥饍雞湯米線，中午人流不算多，等了十分鐘有得食。天氣忽冷忽熱，飲碗藥膳雞湯，成身暖笠笠，米線吸收曬雞湯精華，大概有六件雞件，每一件雞都好滑好新鮮。重點係要用餐廳秘製準備的辣椒豉油，小小辣有浸泡過嘅指天椒 。另外，中學同學就食雲吞米線唔食得辣都好多選擇湯底清甜沒有太大味精。雲吞皮非常之薄，同埋雲吞餡料粒粒彈牙。陪餐廳特飲菊花蜜柚子蜜一杯熱一杯，凍冷熱都咁好飲。十二點半我哋就食完離開非常多外賣同埋客人。…查看更多

我最近品嚐了一碗鮮蝦雲吞雞湯麵，實在太好吃了！這個傳統的港式美食是很多茶餐廳的招牌菜。首先，湯底非常濃郁，充滿了鮮味，而且帶有雞肉的甘甜。每一口都能感受到湯的滋味，令人回味無窮。雲吞餡料豐富，蝦肉鮮嫩彈牙，加上香濃的雞湯一起品嚐，口感更加豐富。面條彈牙有嚼勁，和湯底的搭配非常完美。整碗麵食中的配料都非常新鮮，質量優良。而且，這道菜的製作過程非常講究，看得出廚師的用心和技藝。這碗鮮蝦雲吞雞湯麵是一道營養豐富，口感鮮美的美食，非常適合作為一日三餐的選擇。無論是冬天暖身，還是午餐時充飢，這碗麵都能帶給你滿足感和舒適感。如果你是麵食愛好者，絕對不能錯過這道美味的鮮蝦雲吞雞湯麵！…查看更多