好湯好麵

营业中

休息中

百幾蚊一碗陽春麵聽落會覺得好貴，但好湯好麵每碗麵都用足心機貴材料炮製，款式配搭新奇又帶有Fusion味道，絕對值得一試!! 🍜- 西班牙紅蝦陽春麵 HK$188 🦐🦀🍜超濃蝦鮮味足料!!西班牙紅蝦肉質緊致蝦味濃郁，而且去晒殼方便食用!!藍蟹肉鮮味突出，份量十足，吃到最尾也都可以食到蟹肉非常誇張!!海鮮湯底鮮味濃郁，再加上紅蝦油，蝦味更加濃郁，每食一啖都覺得有隻生猛紅蝦在口中扎扎跳，食得十分過癮!!而且陽春麵本身非常吸汁，與湯底完美結合，絕對是天作之合!!- 好頭好尾 HK$112 🐂🍜

棉花雞湯麵🍜有點令人失望，湯味道唔錯，但係棉花雞嘅雞肉有好大陣雪味，冬菇就夠厚肉，魚肚中規中矩！而海龍皇湯麵雖然貴了點，但確實無令人失望，蟹肉、帶子鮮甜，又有蝦又有蠔，蠔十分新鮮，湯底亦濃而不膩👍🏻👍🏻店員十分有禮，值得加分 😌整體環境亦整潔乾淨，以小店來說已算十分不錯！

呢間湯麵係店家自己熬製湯底，非常入味，每碗份量足夠，用料新鮮👍🏻 價錢少貴但質素高，值得一試😋推薦海龍王麵❤️湯底好濃海鮮味，蝦新鮮爽口、彈牙入味，麵條彈牙好食！

因為係米芝蓮推薦嘅餐廳，所以特登帶屋企人來食！上次嚟食果陣大排長龍，等成半個鐘頭先有得入，但今次星期六夜晚竟然唔使排隊，心知不妙……叫左碗$150嘅迷你佛跳牆陽春麵，湯底咸到我屋企人倒左兩杯水落去！另一碗係北菇棉花雞陽春麵，冬菇偏硬，應該係浸泡時間唔夠耐，魚肚有油益味，啲雞肉最奇怪，有陣怪味！我阿媽話係應該用左酒去辟冰鮮雞陣味，但酒落得太多，陽春麵也唔夠彈牙！整體想講唔難食，但真心差左勁多，唔會再推薦啲fd來食！同埋環境超逼，肥少少或者懷孕應該都坐唔落！

大圍米之蓮推介 仲要呢期沖出港島 係銅鑼灣插埋旗係社交媒體網站都成日見到人推介 但係一見到價錢牌 忍唔住打咗個突 因為一碗麵 要成百蚊碗 仲有咁多人介紹? 真唔真啊 所以一直都好想試 仲要餐廳又遠離大圍火車站 去到油站個邊 (¬_¬)（沙田友一定知有幾遠）都唔影響大家食佢既決心lol衡量完價錢同個人口味 最後係試左有👍🏻推介既✎ 海龍王湯 hk$138根餐牌介紹呢 碗麵既係超級豐富 有各種唔同嘅海鮮: 蟹肉 海蝦 魷魚 帶子仲有蠔 到上菜個時 的而且確有曬樣樣海鮮 雖然應該都係雪藏貨 但係size都唔算細粒 飲淡湯個時 都feel到好濃味 再配埋陽春麵 唔會覺得過鹹 而且碗麵比想像中份量多 因為你會係不知不覺飲埋碗湯 ´･ᴗ･`所以係夠飽既☞ FatFat之分: 6.5/ 10♥ 但係可惜食完隔左冇耐 我就覺得好口渴 唔知係太濃味定點啦(>_<) 而且一碗麵收$138 係我個人角度真係唔抵 用料都唔係話咩特別野 再加上坐嘅環境係同譚仔差唔多~ 不過當然都會有人覺得真材實料 絕對值得呢個價錢 觀點與角度個個唔同(¬_¬)

環境：店內空間不算好大，空間感中規中矩，但就乾淨企理，冇異味，上菜速度快，服務員都很好禮貌雙冬羊肉湯：價錢就不算好平，不過這個味道質素都對得住這個價錢的，首先份量都算足夠，羊肉嘅份量都算多，很重羊肉味的湯底，麵條彈牙，配埋羊肉一齊食好似食咗個羊肉煲一樣，好暖海龍王麵份量都算足夠，湯底好濃海鮮味，配料新鮮，麵上面隻蝦食得出都是新鮮，爽口彈牙入味，麵條大小適中，彈牙好食，總體嚟講，價錢就唔係算好平但係就勝在質素高可以一試

有冇試過嗰種一飲湯就停唔到口嘅感覺？呢間店入面嘅海龍王湯麵做到咗！湯底透出嗰種濃郁嘅海鮮鮮味🐟，真係一啖鮮過一啖，湯面飲落去暖笠笠，真係夠晒霸氣。啲蟹肉、海蝦仲有其他海鮮，食落彈牙得嚟唔柴，每一啖都夾雜住海中精華，完全唔需要靠調味嚟提味，夠曬自然。再講吓花膠佛跳牆呢個補身菜式，講真，飲落去嘅每一啖湯都有股濃濃嘅膠質感🍲，一啲都唔水薄。呢個佛跳牆唔單止食料豐富，連湯味都好夠分量，D花膠同鮑魚咬落有嚼勁，飽滿得滯。不過食多咗就會有啲飽，可能要過陣先再捱第二輪。飲品方面，檸檬薏米水就真係聰明嘅選擇🍋，清新消滯，啱晒用嚟中和呢兩款重口味嘅湯底。整體嚟講，哩兩款湯麵同佛跳牆都算係我食過最經典嘅之一。下次肯定要搵時間再嚟重遊，唔試返次幾乎係對唔住自己嘅舌頭啊！👅

可能開左分店分薄左資源，個湯淡味左，無之前食開咁濃，如果收過百蚊保持唔到水準，好難有回頭客，另外冷泡烏龍由玻璃樽轉左膠樽，就咗睇好似縮左水，細支左，可能又係節省成本。

💪🏻 叉燒鮑湯麵 ($98)呢間餐廳係專做靚湯同靚麵，一直都想食好耐😋 叉燒鮑麵嘅湯底係高湯，但味道唔太特別，冇咩味，只係食到咸味，而且湯底亦都偏咸🙁 鮑魚煮得夠淋，亦都好入味！日式叉燒都好大塊，肉質軟淋！麵食方面係用扁陽春麵，食落都彈牙，掛到湯😛。可能佢高湯冇咩特色之處，希望下次可以試下海皇湯！但價錢有啲偏貴。味道：7.5/10性價比：6/10 食住瘦指數：💪🏻💪🏻💪🏻💪🏻/5

依間湯麵店都見係不同嘅社交平台出現過，有一部分人覺得一碗麵買到咁貴，唔值，但當我試過之後就覺得物超所值，湯底飲得出係用足料，味道濃郁，比起好多嘅湯麵舖頭出色😋———————————————————————海龍皇湯麵 龍蝦湯底濃郁，海鮮亦很新鮮，性價比十分高棉花雞湯麵雞湯湯底，沒有味精，不會令人覺得口渴海蜇頭 味道偏淡，沒有特別，可以不用嘗試芝麻醬雞絲粉皮一上枱攪拌嘅時候比較乾，食完麵之後青瓜出水，反而令到粉皮更加濕潤，比較易入口，粉皮都好煙靭，味道都比較淡，但係好食嘅黑糖桂圓冰粉冰粉很清新，有乾及新鮮新鮮桂圓，甜甜地，可以一試最後附上餐單一張供大家參考

在大圍及銅鑼灣皆有分店的好湯好麵，將簡單的湯麵製作得毫不平凡。今次點了限量供應的迷你佛跳牆，濃郁鮮美的湯底絕對是精心熬製出來的精華。配料蘊含多種珍貴食材，從鮑魚、海參到素翅及魚肚，更選用來自日本的地雞肉以及刺身級帶子。使用的扁陽春面口感彈牙，掛湯能力一流，更能好好感受這碗集大成級湯麵的美味。Mini Buddha Jumps Over the Wall from Hao Tang Ho Mian is a true masterpiece of the soup noodle category, with rich broth made with premium ingredients, topped with abalone, sea cucumber, vegetarian shark fin, fish maw, Japanese chicken, and sashimi-grade scallops.

🍲 再訪好湯好麵 可惜水準稍降 🍲⭐️海龍王湯麵 $138湯底用了蝦頭油來提鮮，材料方面有蟹肉、帶子、蝦、廣島蠔及魷魚。各款海鮮熟度適中，鮮味突出。麵底用咗陽春面，麵質稍為稔左啲。⭐️膠膠麵 $138依碗麵上嘅時候，真係有俾佢份量十足嘅花膠同魚肚surprise到🤩。花膠厚身有口感，大概有三四塊。魚肚吸收到濃郁嘅花膠湯汁精華。豚肉片增添湯底嘅鮮甜味。整體嚟講，依款面真係真材實料，會想把整碗湯都喝光。⭐️蠔皇豬豬 $106依款海鮮湯麵以龍蝦牛油和蝦子作湯底調味，但牛油味稍重，湯底唔夠熱，鮮味不太突出。材料有廣島蠔、日本豚肉片和蝦，可惜味道沒有如海龍王的海鮮般入味。好湯好麵獲得米芝蓮推介，亦有一班長期捧場的食客。店內環境不大，很多時都有等候的人龍。唔想去大圍咁遠嘅話，亦可考慮去銅鑼灣分店。今次係第二次幫襯，有少少失望，以依個價錢嚟講，湯麵份量係幾足，可惜有啲位扣分（湯底唔夠熱，麵太稔等），冇第一次食咁驚喜。

難得唔需要排隊，可以直入，當然要來品嚐啦！蠔皇豬豬-食到廣島蠔既鮮味，蝦亦爽甜，豚肉些少肥太可以接受。這碗湯底鮮甜。😊迷你佛跳牆-只是把一些平時較少用來伴面的材料加了入去，材料質素一般。另外湯底偏咸。整體沒有太大驚喜，可能因為太高期望。145元的價錢就不值得推介👎🏻只可惜食完唔會令你有種想再來食的衝動。

大圍有不少美食，趁今日去探朋友，順路試試呢間人氣米之蓮推介的粉麵舖。去到現場，等待的人多，足足等了45分鐘先可以坐低。意大利黑醋海踅頭 $60海踅頭爽口，大大塊，意大利黑醋十分特別，加入海踅頭也不會奇怪，反而多了黑醋獨特的香氣，很開胃。棉花雞湯麵 $100湯底是濃郁的雞湯，是長時間炎熬煮的味道，飲完不會有口渴的感覺。扁陽春麵軟硬剛好，不會過軟，又掛湯。加上厚身魚肚、鮮雞件及冬菇，味道十分不錯。海龍皇湯 $138湯底比棉花雞湯麵更濃郁，多了一份海鮮的鮮味。湯底的食材多，有藍蟹肉、海蝦尾、北海道魷魚、北海道帶子、廣島蠔肉，再加上蝦油味，令到湯底更豐厚，鮮蝦味突出。海鮮配料彈牙，不會過硬，鮮味十足。好，陽春麵同扁陽春麵一樣，不會太淋身，保留一定口感，而且做到掛湯效果。食物味道不錯，可以食到優質食材的鮮味，湯底十分出色。不過等待時間就令人有點卻步，如果在平日非熱門用餐時間前往應該會好點。價錢不算親民，但可以嚐鮮試下。

雖然「好湯好麵」在銅鑼灣開了分店，但窩夫聽說大圍總店的水準比較高，所以堅持要光顧大圍總店。記得多年前有一次去到門口但被等位的人龍嚇退，今次平日下午六時前到達，一邊等開門一邊研究要吃什麼。「#迷你佛跳牆」($145)的麵底是扁陽春麵，配料有鮑魚、海參、素翅、魚肚、日本地雞肉、北海道刺身帶子、花菇和雲腿絲，十分豐富。一上桌先喝一口湯，濃郁的雞湯果然名不虛傳，太美味了，喝完也沒有口渴，真材實料。多款配料亦很講究，只有海參稍為遜色。「#棉花雞」($100)的湯底跟「迷你佛跳牆」一樣，窩夫最後把雞湯都喝光了。配料有日本地雞肉、魚肚、花菇和雲腿絲。日本地雞肉來自鹿兒島，因為活動空間大，肉質特別結實，口感一流。魚肚吸收了高湯的精華，特別好吃。