好彩海鮮酒家

假日清晨，與父母家人同往觀塘好彩海鮮酒家飲茶。雙親是這裏的常客，甫踏入大堂，部長便熟絡地引領我們到慣坐的卡座，遞上還帶著蒸氣的點心紙。蝦饺依然晶瑩飽滿，咬下彈牙鮮爽；豉汁鳳爪軟糯入味，一吮即脫骨。父親最愛的叉燒包保持水準，蜜汁叉燒燙口生香。特價時段的菜色更是優惠。看著父母嫻熟地斟茶夾點心，與孫兒分享紅棗糕，席間盡是笑語。這裏的點心未必稱得上頂級珍饈，但那份數十年如一的穩定滋味，與家人共聚的溫馨時光，讓這個早晨格外美好。離座時母親已預約下週再來——這或許就是老字號最動人之處。…查看更多

2024年9月27日 (星期五) 2:00pm 32°C 環境光亮整潔，餐具乾淨。人數：2 人 HK$311 不用等位 鮑汁豆腐丸 - 豆腐香口，豆味濃郁，配合鹹甜鮑汁，素食一流。【推介之選】❤❤❤ 好彩蝦餃皇 - 熱騰騰，蝦味十足，只是餃皮厚了一點。【推介之選】❤❤❤  黑松露燒賣皇 - 面層鋪有黑松露，豬肉肥美，大件又好味，正！【推介之選】❤❤❤ 鮮竹牛肉球 - 牛肉新鮮，啖啖肉汁，熱騰騰，香噴噴，味道超卓。【推介之選】❤❤❤ 銀芽肉絲炒麵 - 麵條炸得金黃香脆，卜卜有聲，分成四份，容易夾取。豬肉絲肥瘦適中，銀芽爽口，玻璃茨汁，感覺滑溜。【推介之選】❤❤❤  陳皮紅豆沙 - 紅豆份量多，濃稠起沙，香甜可口。【推介之選】❤❤❤【 溫 馨 提 示 】：❶ 接受電話訂座❷ 下午茶時段：2:00pm - 3:30pm❸ 另收加一服務費…查看更多

點心種類少了很多，食物也越發難食了；1）紅米脆皮腸的腸粉皮很厚而且內裡完全不脆，脆皮腸內的餡料也不值一提；2）椒鹽魷魚酥也是死硬的炸漿，整體又乾又硬又不炸，只有味鹽的味道🫢3）黑椒金錢肚也是只有雪味、非常軟身，蘿蔔沒味道，不吃也罷。問侍應（非制服職級）有無牙簽，然後佢望望兩個成人，轉頭慢慢一人派一支，幾時開始牙簽都係根據人頭供應？🤪難怪觀塘午市也很多空檯😒根本不值得來，如此不堪，行遠啲去apm好過…查看更多

今次嚟咗試呢間，真係意想不到咁正。一入口，呢啲點心嘅味道就已經令人心花怒放🌸，你話腐皮卷么，外皮香脆得嚟唔會太油膩，紮紮實實包住嘅鮮蝦好彈牙。啖啖腸粉滑嘟嘟嘅，鮮竹卷更加係外酥內軟，層次分明，令人好滿足😋。噏到賽螃蟹燴伊面就更加驚喜，賽螃蟹鮮味十足，融入到濃郁嘅蛋白之中，毫不費力咁吸引緊我嘅味蕾，伊面度嘅彈性同埋爽滑度，幾乎係完美組合！輕輕嘅醋香冧爆💥，酸酸甜甜嘅味道好夾，真係唔得了！整體嚟講，這餐食得又滿足，又驚喜，絕對係我會再嚟幾次嘅選擇！…查看更多

行入去好彩海鮮酒家，一股傳統嘅茶香撲鼻而來，我眼光一亮！食家人食得就係呢份親切感覺，無須太多虛飾。揀左張四仔桌坐低，仲未點菜已經興奮起嚟。蝦餃透明嘅皮咬下去「彈牙」，蝦肉鮮甜得黎咸香，一啖一隻夠曬嘢頭。燒賣個個都「飽滿得滯」，豬肉同蝦仁混合得掂，好似彈珠咁彈口。鮮蝦豆苗餃內藏疏菜，一齊入口「啖啖爽」又解膩。話咁快墩到腸粉，叉燒包住嘅腸，嗰層粉「滑溜溜」，蔭汁嘅香甜襯托得剛剛好。叉燒酥就更加吸引，嗰層酥皮「鬆化化」，細嚼仲感覺到啲叉燒嘅肉汁。山竹牛肉球，質感鮮嫩又彈牙，淋上啲秘製醬汁，「正宗好味」難以忘懷。雞扎就可能普通咗D，但佢嗰種家常食材嘅百搭感，喺大家閒聊之餘，輕鬆嗌下都幾得意。最後嚟個煎蘿蔔糕，外皮煎得金黃，裏面同時保持咗蘿蔔嘅甜味同糯米嘅綿密。「老少咸宜」一句話形容得貼切。齊齊一家人嘈嘈閙閙飲茶，真係港式飲茶嘅一大樂事！emoji🥢🍚🍵…查看更多

2023年9月23日 (星期六) 11:30am 33°C 環境光亮整潔，餐具乾淨。 人數：5 人 HK$594 不用等位 好彩蝦餃皇 - 蝦肉鮮嫩，皮薄餡足，晶瑩剔透。【推介之選】❤❤❤ 黑松露燒賣皇 - 面層鋪有黑松露，蝦肉爽口新鮮，豬肉非常肥美，只是味道有些鹹。【推介之選】❤❤❤ 鮮竹牛肉球 - 牛肉綿密，完全不會騷靱，味道很好。【推介之選】❤❤❤ 叉燒包 - 味道偏淡 蛋散脆麻花 - 經典懷舊小食，卜卜脆，甜甜的。【推介之選】❤❤❤ 肉絲炒麵 - 麵條炸得金黃又香脆，豬肉絲不致太肥，銀芽爽口。當中伴隨紅蘿蔔絲、磨菇和韮黃，配合玻璃茨汁後，感覺滑溜。整體來說，份量適中，味道偏淡。【推介之選】❤❤❤ 椰皇燉鮮奶 - 椰肉爽口，椰子味香，鮮奶養顏美肌，味道清淡。 陳皮紅豆沙 - 紅豆非常多，濃稠起沙，加上陳皮，味道格外香甜。【推介之選】❤❤❤ 桂花紅豆糕 - 冰冰涼涼，炎炎夏日，消暑佳品。【 溫 馨 提 示 】：❶ 接受電話訂座❷ 另收加一服務費…查看更多

本身屋企老人家好中意呢度，每次過時過節、生日都堅持一定要搭車過黎，但過左今晚真係以後都唔會再黎🙅‍♀️-事緣屋企人一開始就問定會唔會糖水，後來待應姐姐+經理confirm會有。過程中不時會有人過嚟問我地有無，但就一直無人有任何行動，等左20分鐘都無，後面就有一車車糖水送去唔同地方。-去到埋單，問埋個紅衫姨姨，佢就開始支吾以對 -👩🏻：無曬啦（但後面仲係咁派緊俾啲糖水）👱🏻‍♀️：但經理應承咗有，依家又無？後面嗰枱又有？👩🏻：人地係老闆黎所以有啊👱🏻‍♀️：（黑人問號）其實你哋應承咗又冇咁好令人失望喎👩🏻：（無回應直接走左）-最得意係當佢一路同你解釋：隔離係老細+我哋已經冇晒糖水啦，但嗰20分鐘入面，就一車車咁送去其他枱，多謝曬😂 呢個畫面真係好肉酸，其實可以真誠啲，直接講：我地已經揀晒要送比咩客，就係你地無。冇期待咁咪失望囉🙃-一年嚟幾次，今次之後真係要轉場，永不錄用🙅‍♀️-（不過公道少少咁講，煮嘢食嘅師傅係OK，部份姐姐其實都好，只係呢個畫面太深刻，如果你唔想俾人破壞你既好心情，就真係諗清諗楚先🙃）…查看更多

黎呢間酒樓食母親節飯，食到一肚氣，未食之前已經問左佢地個餐單幾錢，佢話今個星期係$1988，到你去食就加價加到2388，真係不得了。問佢地有無蟹，又叫我諗下係咪要先幫我睇😊跟住叫好哂野食啦，個碟菜芯由6:15等到7:45都未有，話好多人所以一碟菜都要等一個鐘。一早問左佢有無糖水，支吾以對啦，跟住又話要同經理講，後面個枱都比，到我再問佢，佢話：無呀，係無架啦。真係好精彩呀呢間酒樓，去食飯重要受氣👍🏻👍🏻…查看更多

下午茶星期一至日14：00－15：30QR code 落單🥢點心拼盤（蝦餃、燒賣、賽螃蟹餃、麻蓉包、紅棗糕）＄30－蝦餃、燒賣都好食－賽螃蟹餃餃皮太淋，餡料淡而無味－麻蓉包嘅麻蓉餡夠香而且有少少花生醬味，不過就唔算太幼滑－紅棗糕太淋唔Q彈，甜左少少，不過都有紅棗味🥢香茜牛肉腸＄22皮厚唔滑，牛肉太梅太多肥肉， 兼且香茜欠奉，唔好食🥢蜜汁叉燒腸＄22皮厚唔滑，叉燒粒味道及質地都可以🥢鹹水角＄15唔新鮮，索滿油，餡料正常🥢蘿蔔糕＄15煎得幾靚，好多蘿蔔絲🥢炸芋角＄18唔新鮮，皮太硬，索滿油，餡料正常🥢脆皮鹵豆腐＄24唔新鮮，皮唔脆，唔好食🥢時菜鯪魚球＄18因為同朋友傾偈， 唔記得咗原來呢個鯪魚球冇嚟，不過埋單照計咗我哋錢😑， 事後先醒起，大家記得要check單👀另外，佢嘅辣椒油幾好食茶錢＄13食左兩樣炸物都唔好食，外皮索滿太多油；服務態度又一般；另外，無來嘅鯪魚球都照計錢，絕對無回頭魚堅總評性價比 1.5👍(以5👍為滿分)…查看更多

中秋佳節，一家人搵地方相聚，想食得好啲，就嚟試吓呢間酒樓。環境都幾舒服，唔會話好嘈，而且人手都足夠，唔會叫好耐先有人嚟，服務態度好。嗌咗個六人餐：1. 燒肉拼盤，有海蜇。燒肉好脆好香口。2. 咕嚕蝦球，好開胃。3. 鮑魚冬菇，好香！4. 燒春雞，皮脆肉滑！5. 蒸東星班，嫩滑又彈牙。另外再叫咗個賽旁蟹，同埋一個蔬菜煲。賽旁蟹其實係蛋白嚟，口感都真係好似蟹肉，每啖食落都感覺好特別，真係好有驚喜！整體嚟講，呢餐中秋飯都體驗好好！讚！…查看更多

2022年4月30日 (星期六) 11:55am 24°C 環境光亮整潔，餐具乾淨。 人數：4 人 HK$401 ，非常抵食 不用等位 肉絲炒麵 - 本人至愛。麵條分成四大份，炸得香脆，旁邊為餸料，可以自行索取份量，豬肉絲肥瘦適中，長長一條，銀芽爽口。當中伴隨紅蘿蔔絲、磨菇和韮黃，配合玻璃茨汁後，感覺滑溜。整體來說，份量適中，味道偏鹹，適合濃味人士。【推介之選】❤❤❤ 叉燒酥 - 外形呈三角形，埋砌成品字形狀，賣相美觀。外皮酥脆，內裏微溫，餡料新鮮，啖啖香口美味。【推介之選】❤❤❤ 黑松露燒賣皇 - 面層的黑松露甚具菌味，大大隻蝦，爽口新鮮，豬肉餡料肥美，味道好。【推介之選】❤❤❤ 鮮竹牛肉球 - 牛肉鮮嫩，軟腍不韌，芫茜很香，提升味道。【推介之選】❤❤❤ 好彩蝦餃皇 - 皮薄餡足，蝦肉大隻又滑嫩，晶瑩剔透。【推介之選】❤❤❤ 蜜汁叉燒腸 - 滑溜甜美，叉燒不靱。 紅豆桂花糕 - 冰冰涼涼，質感偏乾硬。 陳皮紅豆沙 - 碗內很多紅豆，濃稠起沙，味道香甜。【推介之選】❤❤❤《 環 境 》：【 溫 馨 提 示 】：❶ 接受電話訂座❷ 另收加一服務費…查看更多

呢間酒樓之前好好食，依家好似退咗步🥰🥰。娘親鍾意口水雞，夠凍、都幾辣，但又唔傷喉。薄撑都唔錯，幾香，不過之前再好食啲。蝦餃燒賣腸粉嗰啲正常發揮。炸野好似無以前咁香口同脆口，油味嚴重咗。不過總括嚟講係一般水平以上。茶水就一般啦，茶樓嘅茶我都無咩期望🤭🤭不過環境幾乾淨、闊落、光線充足。 …查看更多

今日同朋友去咗飲茶話說我真係好耐冇飲過茶，真係好期待呀今日我哋一行人叫了幾份點心，先講一講黑松露燒賣，真係非常之香，松露味將燒賣一個層次昇華，嗰陣香味係我口腔中殘留，好不滋味！蝦餃都好好食，佢裏便蝦仁好大隻，非常足料，仲要好彈牙，我同我朋友encore左兩次腸粉都唔錯，食得出佢啲腸粉係布拉出嚟嘅，不過我嫌佢豉油真係鹹咗少少，之前食開嘅都係用甜豉油，佢呢一隻就掩蓋左腸粉本身嘅味道環境方便就照舊普通茶樓咁啦，雖然人多，但隔離枱小朋友真係好嘈，食完就要快啲走啦…查看更多

2020年11月7日 (星期六) 12:30pm 27°C 環境光亮整潔，餐具乾淨。 人數：5 人 HK$480 ，非常抵食 家人提早一天前用電話訂座 不用等位 蜂巢芋角 - 外層炸得鬆脆，內層芋頭蓉幼滑，兒時美點之一。 好彩蝦餃皇 - 皮薄餡足，蝦肉滑嫩，晶瑩剔透。 鮮蝦豆苗餃 -豆苗味香，蝦肉新鮮，健康又清新。 秘製紅棗糕 - 熱騰騰，紅棗味極濃，女士補身之選！ 黑松露燒賣皇 - 面層的黑松露比較細小，蝦味滑溜爽口，豬肉餡料肥美。 上湯鮮竹卷 - 賣相素食，感覺健康。 鮮竹牛肉球 - 牛肉鮮嫩，軟腍不韌，芫茜很香，提升味道。 蜜汁叉燒腸 - 滑溜甜美，叉燒不靱。 肉絲炒麵 - 本人至愛。麵條分成四大份，炸得香脆，旁邊為餸料，可以自行索取份量，豬肉絲肥瘦適中，長長一條，銀芽爽口。當中伴隨紅蘿蔔絲、磨菇和韮黃，配合玻璃茨汁後，感覺滑溜。整體來說，份量適中，味道偏淡，鈉質低，感覺更健康。 金粟南瓜露 - 出奇地美味，意想不到呢 ~ 粟米粒爽口，南瓜金黃，既香且濃，甜甜的，冬季滋潤。【推介之選】❤❤❤《 餐 牌 》【 溫 馨 提 示 】：❶ 接受電話訂座❷ 另收加一服務費…查看更多

昨天一家六口食晚飯，7點問我齊人隻鴨就可上菜，我哋答可以，過五喇鐘同我講冇鴨，算數，叫我哋食雞咁照叫喇，過五分鐘有話冇雞，最终叫乳豬，最嬲尾聲我追干燒伊麵未到，同我哋講今日酒樓系冇伊麵，即刻火嚟問佢點解我哋落單吾出聲，呢間酒樓簡直差，晚飯最基本雞鴨鵝都冇，重要我哋咁早食，肥矮部長簡直再培訓十下十下。…查看更多