好彩海鮮酒家

今晚叫片皮鴨二食，隻鴨1830到，之後等個炒鴨件，催完又催，等到1945一家人起身走，部長至拿住碟餸追出黎，我話唔要佢又話冇得cancel，又話都係比咁多錢，又解釋二食要搞好耐，超差勁...…查看更多

有親戚來港旅行向維景住打算就腳就上咗來太子間好彩，上到來位資客俾左張飛仔我入房，然後入到去另一位樓面阿姐接應我去咗張細枱；我7位，張枱細都算,當時張細枱只有5椅5餐具，個阿姐一來已經問我飲咩茶，我表示我7位需要多兩張椅&2set餐具，佢無理我再問我飲乜茶（我當時係心平氣和地重申），位阿姐已經即爆我：「你飲乜茶呀，等陣味幫你補位補xxxblablabra」然後佢自己走咗，真係唔知乜態度，我打左個突，但因為親戚已經來緊，即轉地方又好似令人麻煩，唯有坐底； 親戚們來到，點完野食，d野食到部分，有部分上菜阿姐都正常，但有位又係勁差態度；話說佢無提醒下向位媽咪&小朋友中間插隻手入去上菜（d野食又熱），空間其實不足但佢都照嘗試插入（因為枱細呀嗎），甘媽咪見有熱野突然向小朋友頭上降落，正常都即護小朋友之心叫個小朋友唔好郁有少少動作嘅‘妖讓’，令到哩位阿姐碗菜放唔到落台，個阿姐即不滿話我位親戚意思係話阻住佢上菜，佢自己再向另一邊放低碟菜；我真係非常之唔好意思，親戚無故被鬧，哩位又係一個態度好惡劣嘅職員；好好醜醜都繼續食埋下去，到尾聲；大家飲下茶傾傾吓；菜壺無茶，職員幫忙加水，今次又係我suffered，我夾緊野食，佢當刻突然向我右邊叫停我，要求我讓位俾佢放個茶壺1（佢右手），好啦咁我就即無夾到配合佢，連隨佢將茶壺2（佢左手）橫跨我臉面放去我左邊，佢成隻左手件衫袖掃過我塊面，無講任何野就走，真係好野！又再係一個態度好惡劣嘅職員。唔試過真係唔知佢哋真功夫，見到好多負評，不過唔太熟太子有咩就腳茶樓，點知上左間劣中劣嘅店；D經理又係出口成咒，野食唔好食都算，坐愈耐愈清楚自己搵錢買難受，有諗過寫投訴卡、不過都係內部人處理的話就估到成效如何，又怕即開聲會被加料，所以語重心詳地勸大家來食就自己評估。 食物質素差，職員態度又差，我就唔會再幫襯。…查看更多

本人和親友昨晚前往這店用餐，根餐點選了一鍋羹湯，卻驚訝地發現湯中竟有一隻死蟲。作為顧客，我對此感到極度失望與不滿。餐飲業最基本的要求便是保持食物的衛生與安全，但這店竟在顧客的餐點中出現如此明顯的不潔情況，實在難以接受。這不僅影響用餐體驗，更有損聲譽。若其他顧客遇到相同情況，恐怕也會對這店的衛生標準產生嚴重質疑。本人希望管理層能重視此事件，檢討並改進食品處理和衛生管理程序，以防止類似問題再次發生！！…查看更多

太子間好彩，真是愈來愈差， 年尾加兩蚊理解， 但食物質素愈來愈差。點心併盤已經圖文不符，平日都起碼有個义燒飽 ， 試過一次竟然是义燒飽， 馬拉糕， 薑汁糕， 蝦餃， 燒賣， 加粒魚肉燒賣， 即刻退貨。今日， 已經加左價， 竟然來個饅頭， 仲要是個菜單冇得叫， 離哂譜，有圖有真相。 我食點心拼盤， 唔係食盲盒併盤。好失望…查看更多

今日同屋企長輩食下午茶。當中下午茶款式唔係特別多，不過價錢都算平同吸引。咁我地叫左個豉汁精釀青椒，懷舊街邊腸粉，菜園班球湯河，香草綠豆沙，菜遠北菇湯麵同上湯腐皮卷，價錢大約10至40不等。份量無話特別大或少，味道正常。當中菜園北菇湯麵算正，粗麵夠勁道。唯一可惜嘅，就係腸粉下低會有個牛油紙痴住嘅腸粉，比較煩。整體黎講不過不失。…查看更多

今日屋企有老人家生日，四圍搵都搵唔到壽包買，好彩打電話去太子好彩海鮮酒家，問佢地有冇壽包賣，佢哋又話有得賣，我仲話唔駛佢地蒸我自己攞返去蒸，電話問佢地幾錢佢地話$96蚊一打，咁我就要兩打，轉頭落嚟買！去到櫃檯俾錢，總數$217！我問唔係$96 一打咩？係呀！我地要收加一仲要收盒錢同袋錢！我話外賣都要收加一？佢話係呀咁你要唔要？咁我梗係要啦！不過覺得好搞笑啫！難怪香港飲食業俾人彈素質差！服務差！有時真係唔抵爭！…查看更多

今天晚上 ，我約了兩位 朋友， 在太子彌敦道760號聯合廣場3樓， 好彩海鮮酒家晚飯 。我們叫了一條 一斤重龍躉、 半隻燒雞、 一碟炒飯 、一碟海參炆鵝掌、 一碟西蘭花炒蝦仁， 加上四支啤酒。 大家一面 品嚐美酒佳餚， 一面談天說地， 真是人生一大樂事。…查看更多

點心款式少 , 上點心又慢 ,去到找數仲攪笑 , 紙都冇張自己去收錢處講枱號，又要自報人數，睇完點心單，收錢大媽仲要聲大大話唔會比收據，真心想問，去超市買嘢都有收據 ，點解咁大間酒樓連張收據都唔俾人 ？ 怕人哋知道貴公司濫收茶錢同加1？ 做到咁唔想做 ，不如唔好做啦 …查看更多

母親大人七十歲壽宴在那裏擺幾圍慶祝，竟然食到晚上九點，侍應開始推間房木板，又𣎴斷催促打包食物，其實一上菜就叫打包，成隻雞未食，想投訴，經理失踪，最初以為沒有問題，未開始他們已經叫我們找數，因為信是好彩集團，已中伏。到9:45，待應直頭大叫「今日壽宴而家結束，太家請離開」，事前沒問主人家。我們食成九千蚊一圍，食到一肚氣，但係當天為咗唔想媽媽唔開心，所以沒有和他們嘈。當天的𣎴妥當情況：1.一早應承揀一個大啲嘅空間，已經畫好位，但去到空間縮小了一半，可惜當天親友好早到，已經開始打麻雀，所以不能和他們嘈2.麻雀唔齊，同經理講，他說是侍應要下場，叫我等，一等就是半小時，但其實經理可以去攞，佢唔知係咪覺得自己係經理，所以唔會攞麻雀，到最終係我哋自己去新娘房攞，入到去先把幾火，因為啲侍應喺入邊瞓覺中，酒樓當天明知有飲宴，有麻雀雀局，但係沒有安排員工，直到六點才有員工來斟茶。4.開席前被通知廚師9:30放工，所以餸菜要在9:30前煮好，他們有心瞞騙，因為一星期前寫菜，他們並沒有提及。5.我們以為9:30上菜，可以慢慢吃，殊不知侍應9:30走叫我們打包食物，把生日蛋糕全部切散，把間房的木板移走， 9:45 ，更有員工自行宣佈，今晚聚會已經完結，叫所有賓客離開。6.當我們氣沖沖走的時候，原來還有房間在唱卡拉OK，因為當時關和親戚一起，所以沒有和他們嘈，第二天問經理為何會有人可以唱卡拉OK，而我們的宴會就要提早完結，他竟然話唔關佢事。7.整晚的壽宴，酒樓經理只入來收取利是，之後就失蹤。8.第二天打去酒樓和經理了解情況，經理竟然話他在廚房，問我們為什麼不找他，我們立時鬧爆佢，因為他負責和我們寫菜，竟然沒有入來。他們不就是一起初就已經想欺騙我們，我們去訂菜比訂金，他們沒有提及任何有關酒樓要收10點的通知，再加上在網上他們的營業時間是到11點，我從來沒有飲過一餐咁勞氣，仲要俾咗幾萬蚊。我直頭覺得呢間酒樓可以執笠，因為他們根本不懂承擔，我母親大人的70歲壽宴只有一次，就比他們搞壞了。我們的親戚朋友們，很多是從外地回來，特意參加飲宴，今次認真失禮。…查看更多

今個星期，難得同一班30年沒有見的舊同學相聚，就去咗太子聯合廣場，好彩酒樓食飯，本身諗住好彩酒樓質素有番有信心才去，點知去完之後發覺簡直兩個世界，食品質素差，舉例，我們叫左個小炒皇，點知出嚟糸個西芹腰果炒雞球，味道100分的話我比35分，其實入去時都見到酒樓是晚飯收10點，我哋都明白，現在啲餐廳都會提早關門，但係冇諗過我們坐到9:30 ，啲女侍應就行埋黎同我哋講：（我哋收工㗎啦，你哋唔好坐咁耐啦😳😳😳😳），去到9:48的時候，這個女士應直頭行埋你把我們枱上的嘢清走晒埋換埋張新枱布，重要擺咗明天早上的茶市位，仲同我哋講：（我哋要收工㗎啦⋯⋯ ）😱😱😱真係嚇親人，坦白講我日後請朋友食飯，或者同屋企人生日走我一定唔會再嚟呢度，為什麼而家好彩酒樓服務變得咁差，簡直幫佢老闆倒米🤬🤬…查看更多

收到消費卷, 同老人家飲早茶, 要找個交通方便既, 咁就㨂咗太子聯合廣場3樓分店, 疫情前就有同家人去下一層既京華酒樓, 但現巳改咗百好名宴, 所以就㨂疫情前巳有既好彩酒樓飲茶。 嘩! 雖然巳一早到酒樓羅枱等家人, 但到店時巳人頭湧湧, 目測起碼10人+, 等咗差不多30分鐘才可入座. 但入到去看到有空枱, 可能人手不足, 伙記都未安排到清理. 即刻叫野食先 叫了老人家最喜愛既叉燒腸, 山竹牛肉, 燒賣, 蝦餃, 肉餅飯, 叉燒包等. 首先到的是腸粉, 啲皮都幾厚, 好在啲叉燒份量都足. 但蝦餃就唔得, 皮軟及蝦唔爽口, 雖不期望有新鮮蝦, 但蝦餃皇喎, 係咪要有期望呀! 叉燒包就正常水準. 鹹魚肉餅飯就偏軟, 啱老人家吃. 總的來說, 水準一般，服務質素不高。但有一亮點， 就是有lift 直達，適合坐輪椅的老友記。…查看更多

旺角鬧市酒樓好旺，經常與親友們相約飯局的地方🤗，也是飲茶聚腳點，交通方便，是中間點易就腳。是日飲茶🫖☕️，點了些平時較少食嘅點心😋：🥢脆皮蘿蔔絲腸粉有炸兩包住蘿蔔食的感覺，口感唔錯！🥢山竹牛肉我必食點心，味道唔錯！🥢發財大利燒賣失望，完全唔似燒賣。🥢好彩蝦餃皇不過不失，皮略嫌軟身左啲。🥢香煎韭菜餅餡料唔夠多，韭菜唔夠香。🥢蜜汁叉燒包正常水準。🥢爽滑牛肉腸皮薄餡料充足。🥢鹹魚肉餅飯飯粒粒分明，鹹魚的咸香味好香配少少豉油點綴，好搭！經常到來飲茶，味道不會太偏差，保持傳統風味。…查看更多

呢日約咗屋企人出黎做冬，因月頭黎過同屋企人食生日飯覺得水準唔錯，價錢又抵食，所以今日encore做冬今次點嘅菜式有：1. 上湯龍蝦伊麵（2份）2. 白灼海蝦3. 貴妃雞4. 咕嚕肉5. 小炒皇6. 蜜味欖角骨7. 乳豬拼盤8. 西蘭花帶子上湯龍蝦伊麵呢度嘅龍蝦伊麵好好味，上次一上枱就秒速清枱，所以今次就特登order兩隻龍蝦，每隻斤半重，咁就大家都唔夠爭🤭點知上枱發現只有一隻龍蝦，馬上搵部長了解，佢話肯定落單都係寫兩隻龍蝦，唔知點解廚房只煮一隻🙄佢講完之後馬上成碟攞走，但我哋全家已經好肚餓，同埋覺得佢咁樣攞走好奇怪，於是我哋額外叫多一份龍蝦伊麵，原本果疊繼續放低小炒王呢度嘅小炒王真係好特別，用西芹代替韭菜花都算，最離奇係用叉燒粒，三隻蝦乾同一對腰果炒勻就俾我哋🙄🙄乳豬拼盤啲乳豬皮林晒😮‍💨其餘菜式普普通通呢餐飯有啲失望，水準同上次完全兩回事…查看更多

因為家中老人家生日，想經濟實惠又大體，見到好彩有呢個餐，$1980/6位 有齊龍蝦、乳豬、生翅仲要免加一同包酒水，一於試吓早一星期訂枱，用餐日係星期四，book左7:00準時到達，一黎到唔剩等即時有位，人齊後叫服務員上菜。因為家中有兩位BB要放BB車，經理見到我地坐得好迫，即時安排大枱比我地，態度好好但𨍭枱後等左好彩都未有上菜，心知不妙，即時叫人跟跟，原來真係冇入單服務員都好醒目，即時快步去廚房叫人跟，結果等多10分鐘左右終於有菜上喇最先上係個翅，其實呢個價錢都預咗唔會係好多翅，果然真係好少，每碗可能有三幾條咁，但味道有少少怪，可能係發翅過程未處理乾淨有關跟住好快就輪到其他餸菜到，上菜速度有序，每次兩個餸輪住上，大家都唔使食到好趕，咁多嘢食之中上湯龍蝦伊面全家都讚光速清碟大家都食得未夠喉，但個餐仲有一個乾燒伊面，大家都期待食個乾燒伊面補返數，點知個乾燒伊面只食到花生油味，冇原本嘅調味比上湯龍蝦伊面失色好多但總括個餐有成10様菜色，様様份量十足，我地七個大人都食唔哂，其中只有個乾燒伊面同個翅有少少敗筆，但都算合格，始終宜家百物騰貴，呢個價錢冇其他隱藏收費，而且用餐過程遇到嘅所有員工，服務都好主動同有禮貌，如果家中再有飯聚，會再想黎encore…查看更多

好耐冇去飲茶，星期日，等咗一陣有位，入坐之後先知道中伏，垃圾點心，賣相欠奉，味道更加不知所謂，加上職員對食客呼呼喝喝的態度，坐了30分鐘便離開，埋單$200！可一不可再！選擇此茶樓因為好彩在香港其他分店都唔錯，估唔到太子呢間佗衰家，令到成個集團蒙羞！香港飲食事業，真係俾佢拖垮！所謂嘅服務生，影響全港飲食業嘅形象！如果你想食到一肚氣，即管一試。由於點心放上之際，已經一肚氣，連相機都費事拎起拍照。這樣的價錢、這樣的服務加上這樣的食物，簡直恐怖！…查看更多