好媽媽台灣館

老婆無意經過這間台灣菜，入咗去試我本人在香港實在太少吃台灣菜 因為首先我唔係好鍾意台灣菜我淨係喜歡台灣小食但係老婆鍾意就食啦鋪面就細細，環境都幾warm，卡位都幾好坐見到佢咁勁台灣直送土雞咁就當然要食呢個鹽水土雞套餐啦之後佢有個必食推介台式椒麻雞定食，當然又要試埋啦土雞配青瓜，都幾係台灣嘅鹽水雞味會跟杯台式嘢飲嘅，不過啲咁嘅份量黎講我就覺得有啲唔係好夠飽 如果能夠送多碗飯都好啲到我個椒麻雞，我就覺得比較抵食先有兩款唔知點解跟咗嘅日式小食兩粒都唔知點形容嘅甜品但係好食嘅，麻薯feel椒麻雞都非常之香，份量也足夠大家個歺都係七十幾蚊呢個餐抵食好多芋香珍珠同珍珠奶茶都好飲總括而言呢度啲食物質素不錯分量方面，飯有啲不足當然我冇主動問佢可唔可以免費再加啦不過講真呢一個位至十分之唔方便 而且佢都要七十零蚊個餐並不算便宜，會唔會返頭食？都會有機會嘅 不過就唔會成日食囉真係好想好想食台灣嘢就會黎…查看更多

以前食過幾次好媽媽台灣館，一直覺得佢唔錯，簡而美味，有媽媽嘅味道，但最近呢次來水準有些微嘅下滑，但整體都ok😳😳佢有好多套餐選擇，岩哂啲唔想煩嘅朋友，價錢又實惠～ 我地一行3人就叫左一個三杯雞套餐～三杯雞套餐 （$74）✨$74就有咁大碟三杯雞、燙青菜、一碗珍珠白飯和一杯台式飲品，抵到爛😝😝 ✨三杯雞肉質厚實嫩滑，肉量夠多～ 雞髀菇略為乾身，唔夠軟熟... 整體味道唔錯，可惜落得太多油，感覺冇咁健康🙈✨菜心加上半肥瘦嘅肉燥，係一個幾好嘅配搭，肉燥係一粒粒而唔係肉碎！！滷雞翼單叫任何食物加$22都可以有一杯台式飲品加滷豆腐/滷雞翼/滷大腸/白飯，超抵！🤓 滷雞翼嘅滷水非常入味，唔錯～香酥大雞排 （$42）炸皮過厚得來又硬，所以我地都去左啲皮唔食🙈 但其實雞排肉質唔錯，肉厚得來算滑身，配埋椒鹽食都ok～蚵仔大腸麵線 （$40）呢個麵線就比較平淡，一碗有5塊以上嘅蚵仔 & 大腸，麵線口感幾軟淋，湯底味道類似碗仔翅，不過不失～珍珠奶茶奶茶底幾好飲，茶味香濃得來又唔會澀，可惜珍珠比較硬，唔夠軟熟Q彈🙈蜂蜜白苦瓜汁呢杯白苦瓜汁用新鮮白苦瓜打成，仲可以食到苦瓜微粒，有淡淡嘅苦味，配埋蜜糖甜度適中，係清熱消暑之選！3個人食左咁多野，埋單每人都唔洗$70...味道比較平實，但晚餐有呢個價位真係超值😂😂😂 …查看更多

呢間嘢都開咗幾年，初初開業果陣好好吃！到咗依家越來越hea，越來越難吃。以前好鍾意吃個菜圃蛋同肉燥飯，到咗依家⋯覺得唔係之前果個味道。滷肉都好吃嘅，只不過好多油，好肥膩。想加個貢丸湯，好鹹⋯但係d staff態度幾好嘅！總感覺少咗以前嘅味道…查看更多

🦪蚵仔大腸麵線 麵線質感同係台灣食到既不相伯仲 不過呢個價錢黎講份量算少 蚵仔同大腸得幾粒 🍳菜脯蛋披薩 同之前黎食水準差唔多 外脆內軟 菜脯大粒 集中係中間位置 雞蛋半熟 切開流心狀態 …查看更多

夜晚又要去太子附近上堂， 所以要周圍搵嘢食。 太子街頭都會有多小食店，質素唔差， 所以都係周圍行下，openrice一下，而且見到門口貼住咁多金剛小儀嘅大頭，就入咗嚟呢度試下。醉豬手 ($28)一入口有酸酸醉醉嘅味道，肉質都唔錯，唔會太膩。我個人一向都鍾意食醉豬手，呢度個質素同味道好好！雙拼滷肉飯套餐 ($52)我就揀咗鹵水雞翼加鹵水豆腐。雞翼唔太入味，肉質偏乾，而豆腐亦稍為乾身。滷肉感覺油膩，未食完一半已經感到飽滯……蚵仔大腸麵線 ($40)望落賣相唔錯，不過同我喺台灣食過嘅麵線相比，湯同麵嘅比例有差距，而且偏鹹，令人有啲失望。…查看更多

佈置頗有心思，有台灣感覺但冷氣太大，食物好快凍，破壞鮮香味先黎菜脯蛋餅，非常香口，唔會太油，配莞茜好夾，但味道淡左少少，而且$50性價比唔太高，始終食材餡料唔貴，又略細份，算係小食，唔應該定價咁高然後試滷豆腐，跟餐小食，份量適中，豆腐入味，但又係略淡，可加重少少味道三杯雞就非常入味，醬汁濃度岩岩好，連伴碟既杏鮑菇都非常入味，離遠已經極香，但冷氣太大，好快凍哂，後尾略為失色肉燥米粉都係好入味，配香蔥高麗菜好夾，全部配菜都有肉燥汁既香味，配料令到口感好豐富，而且米粉濕度岩岩好，唔會比d汁整到淋哂，依然條條分明，但又唔會好硬，做到乾爽而唔係乾身最後餐廳唯一失色既係飲品，身為台式餐廳但完全無吸引既台式飲品，叫左個胚牙珍珠奶茶，但珍珠好硬，茶底好普通，胚牙完全冇融入奶茶內，加左等於冇加，整體感覺差…查看更多

之前都有食過幾次依間野，覺得平靚正。但今日發生左件事真係令我十分不快。有個女待應（呀姐黎），我食完野之後睇住張單，唸住搵好曬d 錢先出去收銀度埋，點知個呀姐冇啦啦行埋黎收左我張單，之前行去收銀到要我即刻比錢。當時出面又冇人等，同埋食晏時間都仲有空檯，我真係完全吾明點解做到趕客咁，一啲禮貌都冇。以後吾會再黎。…查看更多

7月19日又是一個人食午餐的時候。今日選了一間38蚊連飲品的台式餐廳。我點了一個鯖魚烏冬及一杯熱台式奶茶。鯖魚燒得剛剛好好香口，烏冬配麻醬，清新又合得來，適合在夏天品嘗。奶茶茶味都夠濃。整體而言，午餐都抵食的，值得推薦。…查看更多

雙拼滷肉飯套餐 $50有三種滷水可以揀，我揀咗雞翼同大腸。兩款都好入味，雞翼滷得好稔之餘又唔會散晒，大腸好有咬口！而飯係白飯，有肉燥喺面。鹽水土雞套餐$73鹽水雞有好地道風味，一擺入口覺得去咗台灣夜市咁，我覺得比台灣嘅整得更加好味！鹽水嗰隻味好入味，有肉食而且唔韌，唔係淨係得啲骨，配埋青瓜好開胃，即刻爬多兩啖飯。跟餐有台式飲品一杯，單點都要廿幾三十蚊，而且質素好好，甜度適中，有紅茶味，奶泡係驚喜！😋最後仲送甜品——芋圓，好有咬口之餘食得出有芋頭、番薯同紫薯嘅味道。…查看更多

滷肉飯係呢間鋪嘅八大推薦 見到隔離枱咁大份 價錢又唔係好貴於是嗌咗一個嚟試吓 碗滷肉飯擺喺枱上面 冇滷肉嗰浸香味 感覺就有啲失望 同埋滷肉偏少 食落好普通 蛋就普普通通鹽酥雞扒亦都係八大推薦之一 但係鹽酥雞扒切得好唔均勻 一時大嚿一時細嚿 雞皮同雞肉分開 唔係炸得好酥脆😐 一嚟到見到碟菜全部都係油 食落勁重味精 一路食一路飲水 碟菜入邊已經有煙肉 但仲要加咗鹽入去 鹹上加鹹 似係菜炒味精🤢 呢個亦都係佢哋八大推介之一 成餐最好食係佢讚嘅地方係啲米粉夠幼 又唔會太油 多配料好嘅地方係 服務態度幾好 唔會黑口黑面👍🏾…查看更多

在太子區工作~~其中一樣好處就是放工隨時搵到好野食~~🙆‍♀️🙆‍♀️🙆‍♀️而價錢又好合理的wo~~💰💰💰聽同事介紹太子有個好味菜甫蛋🍳那天一放工就走去試~~~~🤭🤭🤭其實我地去到只係7點半左右但已經有好多人排緊隊~~👭👬👫要等4、5枱~~~等了大約30分鐘就到我地了~~~😚菜甫蛋披薩 ($48) 🍳佢真係用一個pizza木盤上碟~🍕又真係俾埋一個砌pizza的碌碌刀俾我地砌開佢上枱時非常熱辣辣~~~🔥一砌開蛋餅外表微脆~~裡面非常鬆軟~~🤤🤤🤤鬆軟得黎好厚身好實在~~不會像吃了一陣風咁~~~裡面滿滿都是菜甫蛋香配上咸咸爽爽的菜甫 😋😋😋真係食唔停口~~~正正正而家想起都想再去食~~~~☺☺☺鹵大腸 🥢(忘記價錢lu~但我記得都是幾十蚊~) 鹵水汁是香濃的~~~大腸洗泡得很乾淨💦💦💦沒有果陣洗唔乾淨的怪味~~~豬腸的脂肪適中~~沒有太膩~~剛剛好~~~👍但如果佢能夠腌耐少少煮熱多少少🔥🔥🔥等d大腸再入味濃味dd會更好吃~~~🤔🤔🤔士林香腸🐷 (都係忘記價錢lu~都是幾十蚊~)烤得剛剛好~~很香口~~~不會燶不會太乾內裡還是有肉汁的~~~💦💦💦重口味人士還可以配埋蒜片吃~~~但蒜片真的有些辣~~~🔥🔥🔥怕辣的就咁食香腸~~都已經好好吃了~~🤤🤤題外話~~餐廳內貼了不同的字句~~~都是幾有趣的~~~🤣🤣🤣講得好~~“工作愈辛苦 愈要吃得好”所以我讓自己吃得很好~~~🤗🤗🤗呵呵呵呵呵呵~~~~🤣P.S.這家店的菜甫蛋真的是好好吃啊~~~一定要去試下啊~~~🙂🙂🙂🙂…查看更多

之前都係食滷肉飯同鹽酥雞扒，見朋友極力推介麻油雞，所以今次試吓。佢個麻油雞套餐幾抵食，$68有滷肉撈菜，飲品 #百香果綠茶 ，好好飲又唔太甜。估唔到套餐都大大碗麻油雞，啲雞好滑，好香麻油味可以飲下啲湯，碗飯都幾大碗，不過略嫌硬左少少，所以用啲麻油汁撈飯唔錯。我好鍾意食佢嘅醬汁糖心蛋，另外加就$10 一隻。 因為套餐唔可以轉烏龍麵，單叫麻油雞烏龍麵就$48，不過佢加$22就有一杯嘢飲同三款小食揀其中一款，我朋友揀咗滷水豆腐，我就覺得有少少酸味🤔佢哋仲送糖水#薑汁芋圓 ，芋圓就唔係太煙韌，不過好夠薑味，我都幾鍾意。埋單每人$80都唔使。…查看更多

早兩日放工，老婆話好想食芋圓。於是我話去太子到買返屋企煮「有睇之前食評」太子我推介過一間。咁竟然食得芋圓不如搵下台灣野食啦，咁先夠味道麻。無意中睇到尼間台灣野，係香港食台灣野好難有當地味道（特別係嚕肉，點做都唔似）。不過尼一間我覺得係最有台灣味！小店都有2人同4人卡位，環境乾淨企利！雖然人手唔多，不過服務，落單，都好快同有禮！我地就叫左牛肉面，鹽水雞套餐，三杯杏鮑姑同蘋果紅及蜂蜜綠。首先牛肉面，估唔到牛肉又香又淋，好食又有牛味！麵條都有驚喜，彈牙。而個湯就覺得油左少少，味都夠！整體係幾好食！鹽水雞，好有台灣味道！（西門野萬國隻味），如果味道重手D仲好，因為送飯會更加好！套餐送埋嚕肉伴菜！個嚕肉就係台灣味道！！ （後悔冇叫嚕肉飯）！！三杯杏鮑姑！！ 正！！有獲氣即炒！惹味又香！好好食。兩杯飲品都比預期好，唔會太甜又有本身既茶味！最後仲送埋芋圓做甜品！（應該係自家制、因為好有QQ既口感！）成餐飯$179 好抵食，又有質素！希望下次去都保留住！值得推介呀！！…查看更多

太子呢條街都有好多唔同嘅小店，而且小店都各具特色。今日想平平哋食個晚餐，就同朋友行咗過嚟呢邊！！見到呢一間台灣料理好似都幾地道咁，首先我哋叫咗牛肉麵，牛肉麵個湯底都算濃，幾香牛肉味。牛肉麵係比較粗身嘅，都幾彈牙，牛肉都幾林。雞翼肉燥飯，雞翼幾好食，幾香，幾有鹵水味，而且肉燥都好多，好適合撈飯！另外，仲叫咗炸雞，炸雞非常之香口，一份裏面都有好多，兩個人食就剛剛好！晚餐非常抵，我哋仲加咗珍珠奶茶飲，都幾好飲，而且真係一啲都唔貴，200蚊左右兩個人埋單。…查看更多

早排去台灣旅行，好懷念當地美食-菜圃蛋披薩好新鮮，香港冇乜地方有得食。上枱已經聞到好香，用風火輪去切好方便，唔會切到散哂，再配埋一杯白苦瓜汁，非常合襯。-麻油雞就相對普通，本來想叫三杯雞，不過賣哂......-最正係有甜品送，細細碗芋園，如果鍾意薑味濃嘅就啱晒…查看更多