好姐永安粿條

經開呢頭嚟試吓 網上面成日見到嘅呢間小店。嗌咗招牌活肉加個米粉 炸扁食蝦醬肉再加碗暖胃有足料嘅胡椒豬肚湯。幾鍾意呢度嘅黃椒水啱晒我鍾意食辣嘅人。最後食得好滿足樣樣都咁滋味！服務態度很好 會返轉頭食 希望呢間小店越做越好！…查看更多

啱啱搬來大角咀冇耐，今次已是第二次幫襯，這良心小店實在值得寫編文讚賞。兩次也叫了二人套餐，兩個主食+兩個小食+兩飲品。款式雖然不多，兩次也點了活肉祼條和胡椒豬肚湯蔥油撈麵，但絕對值得一試再試。豬肚丸彈牙好味道，茄子入味，另加錢的蝦醬肉也十分驚喜，加錢都抵試。湯底少油很健康，每碟餸也份量充足，兩個人捧住肚走，服務也好，以後會成為定期飯堂。下次再試埋家鄉小吃扁食，店員說類似小雲吞，豬頭肉骨膠原豐富，都想試下。…查看更多

我喜歡大角咀小店多唔會一式一樣其中一家福建家鄉菜真係比佢個胡椒豬肚震懾左店舖細細，座位不夠三十老闆親切有禮貌一坐低二話不說就點了胡椒豬肚粉腸雞腳湯胡椒味重，正！料足，正！內臟處理得非常好豬肚爽口彈牙粉腸索湯外脆內粉邊食邊出汗食得過癮招牌活肉即「面豬肉」肥瘦均勻軟熟重肉香芽菜肥肥絕非配菜清甜爽口無青味再加上自家週汁完美配套再加上老闆誠推嘅黃辣椒醬好辣但好爽點住食，味道更提升簡直係神來之筆通常我會配粿條因為這類寬闊嘅河粉好少食到爽滑，嗦嗦聲食到成面湯汁，哈哈家鄉扁食湯紫菜再加小蝦米啖湯就知好飲扁食細細粒一口一粒一啖湯經過一輪又熱又辣嘅汗戰飲埋自家製菊花茶足料又清熱飲完成個人都舒服晒#好姐永安粿條📍大角咀埃華街105號地下C1號舖#dcb食在香港 #dcb吃喝玩樂 #dcb香港 #食在香港 #香港美食 #美食 #大角咀 #大角咀美食 #福建菜 #家鄉菜…查看更多

好姐永安粿條一直都有幫襯😜已經成為我的食堂🥰值得我為佢寫OpenRice的第一篇食評😍食過幾次，才知道老闆原來會再月的初一，十五派飯比有需要幫忙既街坊😱除了食物做得出眾🥰而且太有人情味太有愛了🥹🥹🥹🥹推介 ▶️活肉米粉◀️ 我會加大量胡椒粉同黃辣椒醬食🤗即刻將鮮味提升 ♥️層次分明推介 ▶️蝦醬肉◀️ 一向食開炸嘢嘅我對炸物有一定嘅要求🫢這個價錢可以食到炸到脆得黎又有肉汁的真係難得 🤫啲嘢食又新鮮又好食😄食得出小店心機同平時大集團連鎖店預製菜根本冇得比…查看更多

聽大角咀街坊推介，好多人都讚呢間係飯堂，一定要每星期食一次，小妹心諗：咁誇張？！店舖門面唔起眼，環境細小，座位唔多，但客人駱驛不絕，大部份都係叫外賣，原來係外賣有九折！😋 招牌活肉粿條 ~ 第一次食活肉，初初以爲係牛肉，但原來係豬嘅面頰部位，長知識了。活肉肉質鮮嫩，好香肉味，配埋特製豉油同福建出產的黃椒，辣度分明，令食物更香更有層次！😋 好姐精選粿條 ~ 即係雜錦有豬心、豬脷、豬頸肉、豬耳、豬鼻、鵝腎等等，每一款都滋味無窮！粿條就好似再闊身少少嘅河粉咁，但一d都唔油膩，又薄又滑，煙煙韌韌有口感，而豬骨湯底亦都好鮮甜，食到最尾係成碗湯飲晒 🤣🤣 完全明白點解係街坊必食推介！👍🏻👍🏻…查看更多

午餐套餐份量足，味道好，性價比高粿條好滑，配豬肉湯好夾胡椒豬肚湯的胡椒份量可以選擇，適合不同口味冬天食完成身都暖哂，一流值推加$8 有自製菊花茶，好濃用心製作的小店🥰…查看更多

真心佢啲肉超級入味😍😍而且粿條非常爽滑😍😍😍仲要嘅係老闆店員超有禮貌！同埋有時會派愛心飯盒比啲有需要嘅人！！🫶🏻真係好有愛心🩷🩷❤️同埋佢啲菊花茶都係自家製好健康！😍去咗幾次幾次都係嗌豬活肉粿條，佢嗰隻肉用嘅頭豉調配得非常好有分唔辣，微辣，小辣，大辣😍我就覺得越辣越好味😋價錢都幾抵食😍但係最觸動我嘅除咗好味嘅嘢食嘢之外，係佢哋仲會專登派愛心飯盒俾啲長者或者其他有需要嘅人士！同埋有時好似仲會專登帶嘢食俾其他店舖嘅員工😍真係超有愛心同埋細心，啲嘢食係食得出廚師好用心去整😋好值得去幫襯！另外佢間店舖衛生都係超好！食得好舒服😍…查看更多

店雖然細，但有電視睇。老板娘熱情有禮。香港好少餐廳專食「粿條」同「扁食湯」，覺得d食物幾得意。好姐精選粿條：豬心、豬脷、豬頭肉、豬耳、豬🐽鼻、鵝腎鍾意食內臟朋友一定岩食。加左自家製黃椒辣醬，惹味左好多。本身個滷汁都濃。樣樣食d可以試多d款，質感又唔會硬，軟硬適中。最愛冧身既豬頭肉。麻醬拌麵配家鄉扁食湯（平使）：家鄉扁食湯即係類似迷你餃子🥟，配埋湯汁好好食🤤。自家製菊花茶—大大支、甜甜的好解渴…查看更多

我自己不嬲搵食都鍾意搵啲小店多過大集團嘅食肆，鍾意佢比較用心製作，無咁倒模，千篇一律，而且往往會有驚喜. 今次喺大角咀搵食，雖然天時暑熱，但我哋無選擇在大型商場開餐，而喺去街上搵食. 見到這間好姐永安粿條，覺得應該幾有家鄉風味同個人特色，於是決定在這開餐，叫咗午市套餐的招牌活肉配粿條、麻醬拌麵配家鄉湯扁食，加配咗個豬肚丸、蔥油生菜及自家製菊花茶，招牌活肉原來係豬嘅面珠墩來，上面放了老闆親自挑選嘅黃辣椒醬，好特別，兩樣嘢都係第一次食，黃辣椒味道偏辣，但配埋活肉食幾夾，如果食唔到咁辣，但又想試少少點綴下可以叫佢另上.粿條滑身，外表似粉皮與腸粉皮嘅結合，配埋活肉食不錯. 麻醬拌麵，香濃而不膩，配襯有啲似小餛飩嘅家鄉湯扁食來食，別有一番風味，這個湯扁食嘅湯底比較清，一問之下，原來是廚師的細心安排，因為覺得麻醬味偏濃如果扁食的湯底也是濃可能會互相搶咗，出嚟個味覺效果無咁好，依家一重一輕，一濃一清，出來嘅味道反而比較好. 至於豬肚丸，我又真係又係第一次食，肉丸內真係藏咗豬肚在內😱，增加了口感，好特別，咁都比佢諗到👍🏻. 自家製菊花茶，都幾大支，而且飲完真係幾清熱嘅感覺，唔會好甜好似飲糖水咁，的確唔錯. 最後食完坐咗一陣，意猶未盡，仲叫咗碗散叫的家鄉扁食湯來食，這個湯底比套餐濃，有紫菜同埋應該係樱花蝦放面，平時啲紫菜煮完係偏深色偏綠，但這𥚃的紫菜色澤比較明亮通透同見到係紫色的. 櫻花蝦嘅咬口為湯扁食增添不少口感同色彩. 服務方面也好好，好親切，職員見出面熱也問洗唔洗坐多陣先，好味之餘亦都好有人情味，價錢又親民，整體來講好好，值得支持小店👍🏻.…查看更多

大角咀其實都收埋左吾少好食既餐廳，呢間小店主打福建風味既食物，就算假日都有午市套餐，價錢好親民😎款式雖然吾多，但係食物質素幾有水準.👁‍🗨招牌活肉粿條(7.5/10)💲56.➰活肉即係豬臉頰肉，食落幾嫩又香口，吾好睇少活肉既份量，佢比得都好慷慨，就算食完碗粿條，都仲有吾少活肉剩左係度😎其實佢係會配上黃辣椒醬，但係因爲吾食得辣，就同左職員講另上，同行朋友試左話真係幾辣，但同時地好惹味😂粿條滑身，湯底清清地.👁‍🗨蔥油拌麵配家鄉扁肉湯(7.5/10) 💲50.➰本身佢係麻醬拌麵，但我就揀左轉做蔥油拌麵☺️味道比預期出色，蔥油味好香濃，食落又吾會話好油膩重口味🤪家鄉扁肉湯既扁肉就好似扁身既迷你雲舌咁，幾得意，湯底就同粿條一樣.👁‍🗨 自家製制菊花茶 (7.5/10) 💲+ 8.➰加左$8叫左自家製菊花茶，夠更然，去熱氣岩哂，飲落吾會太甘.🔛 整體評分（7.5/10）…查看更多

有間人情味小店好值得支持， 都屬隱世小店，這是香港少有的家鄉美食，好有特色， 加上人情味濃厚，都會再來幫襯！聽說是老闆帶來了媽媽家鄉的永安小食，招牌粿條原來係特地向廠房訂製，再用人手逐片切，還原家鄉的形狀質感。連湯底都豐富足料，廚師🧑‍🍳用骨頭，加入烏雞、洋葱、葱頭等熬成骨湯，慢火煲半日架！另外仲有活肉，即豬臉頰肉，口感有層次又嫰滑，配上獨有的黃辣椒醬惹味呀！最後再品嚐自家製菊花茶滿足！好姐永安粿條大角咀埃華街105號地下C1號舖…查看更多

黃雨下喺屋企附近搵食，醒起有間小店冇試過，2 大1 小叫到成枱都係😅，粿條好滑，活肉係豬面肉好淋。萵荀好爽口！小朋友熱氣推介炸扁食！好彩仲有自家製菊花茶，清下熱氣…查看更多

呢間街坊小店一直都好受歡迎而且價錢又好抵食我地今次就試咗兩樣嘢1. 招牌活肉粿條 $56原來活肉姐係豬既面珠墩肉肉質十分軟熟！粿條食落好似腸粉滑到我夾左幾次先夾到🤣2. 胡椒豬肚粉腸雞腳湯米粉 $56湯底好香胡椒味配料份量十分之多豬肚粉腸都處理得好乾淨米粉口感爽彈👍🏻另外再分別加$10追加左兩款小食1.涼拌萵筍萵筍意外地好鮮甜蒜頭味好香2.鴨血口感好滑不過可惜味道較淡另外呢個價錢仲包咗基本餐飲而我就想試吓舖頭自製菊花茶飲落清新唔會過甜餐廳整體CP值超高👍🏻推介🫶🏻…查看更多

番大陸食野 都知佢地既粿條等於我地河粉咁今日黎到大角咀呢間新開一排既粿條小食店店鋪唔算好大一入到去就比牆上掛牌menu既「招牌活肉」吸引問一問店員 原來活肉係指🐷面珠墩肉另外店員仲推介左胡椒豬肚雞腳湯面佢地仲有比較抵食既lunch set 大概5十幾蚊就有一碗麵同飲品+$8可有小食🍜招牌鮮骨湯活肉湯粿條 活肉口感好好 嫩口而有肉香配上爽口芽菜 餸住又滑又糯軟既粗粿條好好食同平時出面食既湯河完全唔同😋🍲胡椒湯豬肚腸雞腳米粉胡椒湯底好香 味道岩岩好 唔會過辣豬肚同腸煮得夠軟唔會好硬雞腳都好入味如果本身中意食胡椒豬肚湯既人呢個必試🤩另外仲加左萵筍、鴨血同豬肚圓小食特別介紹豬肚圓佢係一粒豬肉圓裡面 包住舊豬肚肉口感幾彈牙 咬落有少少湯汁滲出都幾得意…查看更多

這間在社交網站已經見了很久😎今天探員朋友經過樓下見沒有人排隊就入去試一試😎店舖少少有親切感 開頭也不懂怎樣叫要問一問老闆娘才知道😁叫了一個活肉米粉🍲一些小食全部都令我驚喜⭐️完全沒有食過這樣的配搭⭐️🩵飲品我點了菊花茶 感到一種懷舊味道 就好似媽咪煲的一樣⭐️有一種回金的味道🩵而活肉賣相雖然一般般⭐️但食落口10分嫩滑，而且有一些軟骨筋膜在裏面⭐️ 對於已經戒了牛肉🐂幾十年的我來說，這好比牛腱一樣美味🤤🤤🤤🩵湯麵，我點了米粉 咁啱是我喜歡的那款米粉 略嫌碗麵不夠熱🩵另一款我好欣賞的就是酥炸肉 蝦醬味鹹鮮，再加上炸得好鬆化🤤🤤超正👍🏼如果配搭啤酒一絕👧🏻會介紹朋友支持小店…查看更多