好好運快餐店

大熱沙嗲牛肉麵嘅其中一間，入到去果然所有人都係食緊沙嗲牛肉麵。👌🏼澳牛沙嗲牛肉麵餐廳話因為澳牛供應短缺，而家只會喺星期六供應。湯底：比起其他沙嗲牛肉麵嘅湯底，呢個好明顯係比較甜，似係落咗好多炒洋蔥。另外花生醬嘅味道都比較突出。湯底味道都濃郁，比較明顯嘅甜味同花生醬味。麵：叫咗蒜油黑蒜公仔麵，但係食落覺得較為軟身。送上咗一包黑蒜油，加咗少少，唔係幾夾。覺得普通公仔麵好過呢個蒜油黑蒜公仔麵。牛肉： 中式牛肉嘅口感。因為同時嗌咗另外一碗普通嘅沙嗲牛肉麵，呢個牛肉確係比較軟身。👌🏼沙嗲牛肉麵評論大致同上面一樣，湯底嘅味道一樣。用咗傳統一般茶餐廳嘅公仔麵，感覺更為配個面。牛肉相對於澳牛就冇咁軟身。客觀而言，都係好味而濃郁嘅沙嗲牛肉麵。但係相對我自己嘅口味，會覺得太甜左一d ，如果再食，會prefer 另外一兩間。…查看更多

作為一個gym友 每次cheat meal都好緊要 唔可以浪費quota! 沙嗲牛面一係就唔食，一係就要食最好！ 黎到好好運 叫左個3併 沙嗲牛紅腸炒蛋面沙嗲牛非常出色 沙嗲汁同湯融合 每一啖沙爹牛肉同埋麵都食到曬沙嗲嘅精華！紅腸亦都煎得好香 每塊都好厚炒蛋唔老 好滑要食沙嗲牛一定係食好好運，試過真係返唔到轉頭🤭…查看更多

🗣️聽講呢間好出名，一直心思思想試，但係成日唔順路冇機會～今日咁啱去開荔枝角，終於的起心肝衝咗去食！🏃‍♀️💨我叫咗個🌟金牌沙嗲牛肉米通🍜，可以自選兩個餸，款式都多👍！仲包杯飲品🍹都只係$58，真係抵到難以置信‼️ 仲要讚一讚佢哋嘅服務真係好好💯，阿姐好有笑容又爽手😊，落單快、出餐快⚡，成餐午餐食得好開心好滿足～難怪成日都大排長龍！👥🥰 就算排長龍都一定再會去食😋！真心係香港數一數二好味嘅沙嗲牛肉🏆🤩！ 沙嗲牛肉嘅香味超濃郁🤤，牛肉煮得啱啱好🔥，唔會太韌又唔會太腍，仲要掛滿沙嗲汁💦，入口濃滑帶微微甜辣🌶️，係嗰種食完成日都會掛住嘅味道‼️😍…查看更多

表妹回港探親，晨早起身就話想食沙嗲牛肉麵，坐兩個巴士站就嚟到好好運，只係晨早8點😴，唔洗等位. 我哋都係第一次嚟，見到大部份人都叫‘百搭早餐' $46（任選三個餸）沙嗲牛肉＋煎蛋＋紅腸＋公仔麵五香肉丁+炒蛋＋紅腸＋公仔麵聽聞佢哋嘅沙嗲牛肉好出名，真係又大塊，又厚身，肉質軟腍，沙嗲汁有好香嘅花生味.紅腸是另一個驚喜，第一次食咁厚嘅紅腸，肉質厚實，不似街外的紅腸肉質散散.唔怪得咁多人都叫紅腸.加埋兩件奶醬多，食到捧住個肚走😆…查看更多

久仰大名人氣沙嗲牛肉麵專程山長水遠去食，因為佢較早開門同閂門，平時經過都大排長龍，有本地同旅客慕名而來，好彩餐廳位置大，唔使等太耐就可以入坐整體來說，今次的用餐體驗相當愉快。上餐時間都非常快，好有效率，性價比高沙嗲牛肉麵牛肉份量比平時多，香氣濃郁嘅沙嗲醬同爽口彈牙嘅牛肉配公仔麵 香港人其中一樣必食嘅餐員工服務態度表現好，就算忙過不停，都表現親切，食客唔會有壓力壓迫感趕頭趕命或要睇人面色，會再次光顧希望唔洗等太耐…查看更多

今日帶女女去D2 Place 行下同影相，想搵間唔使等太耐又啱小朋友坐嘅地方，但因為時間太趕都係揀咗間快餐快快食算。點咗沙爹牛肉通加多杯熱奶茶，待應都好細心俾咗個細碗仔我同小朋友分，仲要安排咗個旁邊既位俾我哋，唔洗擔心小朋友會俾其他人撞到。沙爹牛肉通用咗米通粉口感有別於其他通粉，沙爹夠香同配上清清地既湯底唔會好鹹，感覺健康。環境夠光猛，枱椅乾淨，冇異味。職員見到我推BB車會主動讓位，好加分。CP值算高，快速醫肚嘅好選擇。👍👶…查看更多

好好運的好好運快餐店🤭朋友極力推薦喜愛食沙嗲牛肉嘅朋友必食包你一試難忘。講到咁星期六就專程去到荔枝角食個午餐。嘩！令我難忘的是一寸厚紅腸，大開眼界之餘仲大飽口福，大口咬落紅腸味道同口感非常滋味。到主角沙嗲牛肉，沙嗲汁極之香濃帶有花生醬香味，配上洋蔥滋味無窮，朋友果然無介紹錯。👍🏼…查看更多

位於荔枝角永康街既好好運快餐店，馳名沙嗲牛肉麵，今日下午到店食個午餐，點了一個簡簡單單既沙嗲牛肉煎蛋飯，加一杯菠蘿冰。很快就上餐，大大碟仲有多多既沙嗲牛肉仲有兩隻太陽蛋，沙嗲牛肉味道偏甜少辣，仲有濃濃既沙嗲醬，個汁很濃稠的，鍾意既會鍾意呢種味道，十分下飯，牛肉唔硬算淋，最緊要個汁自己鍾意，性價比一般。[米饭]口味：🥚🥚🥚🥚[薄荷]环境：🥚🥚🥚🥚[服务铃]服务：🥚🥚🥚[糖果]性价比：🥚🥚🥚…查看更多

荔枝角出名食沙嗲牛肉既好好運快餐由細鋪搬大鋪，人流依然不減，中午時段大排長龍，不過座位多左好多，所以等十零分鐘就已經可以入座。🔹極上沙嗲牛肉套餐 $80轉米通 配炒蛋同煙肉 [雜果冰+$6]沙嗲牛配米通真係絕配！😍極上沙嗲牛肉嘅份量好明顯係比正常嘅多啲，佢嘅牛肉係來自澳洲穀飼無激素牛，口感亦都好滑，一啲都唔柴唔黐牙。沙嗲方面都唔錯，好濃沙嗲味，但少咗啲花生粒。不過整體嚟講都好好食。炒蛋超滑，份量亦都好多。煙肉煎起上嚟唔柴，仲保留住煙肉嘅鹹香，正🤤雜果冰勁多雜果，味道偏甜，幾好飲。🔹沙嗲牛肉套餐 $58出前一丁 配炒蛋同煎蛋 [凍檸茶+$3]另外叫咗個正常嘅沙嗲牛肉，佢同極上嘅分別係肉質同份量，佢比起極上沙嗲牛肉嘅份量少啲，肉質方面又冇極上嘅咁嫩口，但係個人認為已經好好食👍🏻值得一提既係煎蛋極靚仔，係燶邊流心蛋😍凍檸茶正常發揮。特製豬扒+$15 (點餐嘅時候要講埋，不設另加)豬扒好厚身，但係肉質偏乾，可以唔叫🙂‍↔️…查看更多

在荔枝角附近幫架車換機油。等既時候就去咗週邊揾間茶餐廳食個下午茶，原來附近有一間「世一」沙爹牛肉茶餐廳，「好好運」。咩都唔駛講，梗係入去試一下。試咗佢個沙爹牛肉麵，同一個牛扒下午茶餐。它的沙爹牛肉麵係好食的。主要係牛肉好味，至於你說它的沙嗲是否超級世一，我感覺係好過好多茶餐廳，味道濃，但好似又未去到一食就感覺超強。反而個牛扒有驚喜，肉汁同質地都好好，煎得很味。所以相比個沙爹牛肉，我更推薦這個牛扒。兩個人，100元落樓，性價比都唔錯。…查看更多

經過荔枝角靈機一觸諗起依間傳說中的世一沙嗲牛係附近，一於決定黎試一試佢！店鋪都算大，但平日下午2點半黎到都坐無虛席。🍠沙嗲牛肉麵餐 $58麵餐可點兩款配菜包飲品，冷熱同價。傳聞紅腸都好出名，於是點佢既金牌沙嗲牛肉麵餐配紅腸同煎蛋。紅腸夠大條，外皮香脆，幾好味。個麵有啲淥耐左太淋身真係NONONO，至於沙嗲牛肉個人覺得一般，冇世間形容到咁出色，同埋食多左都會有點膩，但份量都算幾大碗。以依個價錢黎講都少貴雖則包埋野飲，我都應該係慕名而來先會試一試。📍好好運快餐店荔枝角永康街79號創匯國際中心地下B號鋪…查看更多

星期六下晝兩點幾到達依舊人龍不斷大概有10幾人排緊大概排咗10分鐘就可以入去了今次係第二次食上次叫極上沙嗲牛肉套餐食落同普通牛肉食唔出個分別所以少少失望今次俾多次機會佢😆🥢沙嗲牛肉麵餐$58 包冷飲或熱飲沙嗲牛肉公仔麵+火腿，炒蛋炒蛋軟滑有蛋味火腿就正常加工肉炒蛋遮住嘅沙嗲牛肉汁醬先係主角通常第一啖即刻試食滿滿嘅沙嗲牛肉最濃味之後撈勻就會變成沙嗲湯底牛肉軟腍冇筋成碗湯唔會太鹹🥢酸辣吉列豬扒米線$58+ $9凍檸茶酸辣米線同出面食到唔同佢唔係好酸，亦唔係好辣但有少少檸檬酸味食得出係自家製冇味精湯底如果想食濃郁酸辣口感呢個就未必啱吉列豬扒超大塊而且有厚度炸得香脆，但唔油膩配埋沙律醬食好開胃🌸🌸🌸🌸🌸香港有好多出名嘅沙嗲牛肉麵店呢一間算係出色食到濃濃沙嗲花生醬味食完唔會話好口渴但酸辣米線就應該唔會再試…查看更多

今日喺荔枝角附近，梗係要試吓呢間傳說中嘅世一沙嗲牛。之前網上見到啲評價好高，果日係平日嘅下午，嚟到要排隊，大約等咗10分鐘左右就有位，都算幾快，而餐廳都算幾大，同平時茶餐廳嘅裝潢差唔多。呢間餐廳最出名係佢哋嘅沙嗲牛，可以配飯、麵或淨沙嗲牛，好多配搭，而今次我就嗌份沙嗲牛肉麵餐。碗麵好大碗，好足料。而個沙嗲湯底有陣陣嘅花生香味，未食已經聞到好香濃惹味，而個牛肉煮得啱啱好，唔會話太靭，而個面嘅質地啱啱好，唔會太腍。呢個套餐仲可以任選兩款配料，我揀咗太陽蛋同腸仔，成個餐都好豐富好飽肚！整體嚟講，個餐幾抵食，份量又大，味道方面濃郁得來嚟唔會太重，鍾意食沙嗲牛嘅朋友一定要嚟試吓，食過呢間真係返唔到轉頭！…查看更多

老常看見這間茶記小店的沙牛麵如何了得，某天終於下定決心一試。一碗沙嗲湯麵，先不說牛肉，沙嗲炒的真心濃郁，是如何炒的呢！牛肉當然應該惹味，充斥著滿滿的沙嗲香，可惜只得數小片，還有些靭，難道是太多人叫未煮得夠透嗎？教人如何理解？午餐肉就更加麻麻，根本就沒有煎過，雖然大塊但就超級極端的鹹囉，毫無誠意。紅腸雖則同樣無煎，但本身皮脆肉夠味，此乃正常貨色，根本很難不好食。麵條方面，一到即食，都已過腍，絕非小人的那杯茶。並非如傳聞中的出色。:(…查看更多

尋日沙嗲牛肉麵的故事，假日約了友人去香公順便食lunch，諗返出名的好好運都係左近，趁今次即去試下。!假日加上食飯時段都幾多人要排隊，排隊果陣順便睇定食咩或點埋餐慳時間，排左10分鐘到有位，都算幾快。餐廳面積頗大，裝潢簡約格局一目了然。餐牌，沙嗲牛肉麵都有分幾款，特濃、極上等等，同茶記基本有嘅野。沙嗲牛肉麵餐，$58。好大碗份量十足，沙嗲湯底味道濃郁有花生香味，麵底質感正常，每啖都食到沙嗲的濃香惹味好滿足，但食食下都有少許漏，牛肉份量頗多口感嫩滑，任算兩款配料揀左太陽蛋及餐肉(個人like餐蛋麵組合)，十分豐富好飽肚。熱咖啡，正常水準。果然係傳聞中的沙嗲牛肉麵，幾好味，而且幾抵食，下次有機再戰。…查看更多