好味餃子店

营业中

休息中

今次嚟到好味餃子店食午餐！呢到主打招牌無味精野葛菜生魚豬骨湯，每日用4個鐘新鮮熬製而成，真係好正好養生咁啊，個人認為湯餃嘅精髓就係在於湯底，所以梗係要坐低食返碗湯餃啦！餐廳座位舒適，桌椅之間留有充足嘅通道空間，唔會令人覺得擠迫～雙拼湯餃(10隻)💰HK$49野葛菜生魚豬骨湯呈乳白色，味道清甜！粟米湯餃賣相比較飽滿，餡料有好多粒粒粟米，好正！而雲耳椰菜湯餃就比較清脆爽口，同樣都口感十足～單拼湯餃粉麵套餐(5隻)💰HK$47朋友就叫咗湯餃粉麵套餐，餃子就簡咗白菜餃配幼麵加埋凍豆漿！白菜餃餡料都好多，內餡多汁，令人食指大動！呢個套餐果然係超值之選～呢度嘅餃子皮比較薄，口感柔軟！另外，食餃子嘅時候，推薦配埋自家製辣菜脯一齊食！呢到嘅辣菜脯與別不同，帶有少少豆豉同埋蒜蓉嘅香味添，令餃子特別惹味～

📍好味餃子店 （葵芳）今日嚟到呢間冇味精餃子店用嘅湯底係野葛菜生魚豬骨湯每日新鮮熬製4小時製成🍽️仲有好多唔同功效架例如養陰清熱 降火排中叫左一個湯餃粉麵套餐 $47我就揀咗粟米肉配上海麵湯底好清甜餃子餡料好足麵質彈牙滑溜😍另外仲叫咗雙拼煎餃 $49分別係韭菜煎餃芫荽肉餃芫荽肉餃啱哂莞茜控！好重茜味🤤韭菜煎餃好惹味兩款煎餃都好香脆😍食得好滿足又無負擔仲可以配埋蒜蓉醬食夠哂香辣😝最後飲埋杯羅漢果甘草茶即刻健康晒😌

手工餃子，家的味道。位於葵廣附近，小店不大，主打用心制作的自家制水餃煎餃。🥟韭菜白菜煎餃（十隻）照片都看得出的卜卜脆🤭餃子兩面均勻地煎得金黃，十分誘人。煎餃肉汁不算多，但肉餡飽滿料實在，十隻就算是男士也夠飽足了。🥦涼拌雲耳爽脆酸甜，很開胃的前菜。🥬灼生菜小店灼菜沒有下太多油很健康，香口野最好配蔬菜平衡下🤭可加蠔油調味。🥛自制豆漿推薦！自家制沒有粗糙的豆渣，很順滑。煎餃豆漿的組合，很配襯❤️

之前試過買佢地嘅生椰菜餃返屋企煮覺得幾好食 哩度有野葛菜生魚豬骨湯係每日新鮮熬製4小時不含味精由於想試埋佢嘅煎餃今次就嚟堂食試吓🔸雙拼湯餃（$49/10隻）餃皮夠薄、好滑！韮菜餃味道好濃。椰菜餃d菜好爽口，仲有啲木耳絲，個人鍾意椰菜餃。😋野葛菜生魚豬骨湯呈奶白色，入口幾濃郁，有養陰清熱、化痰止咳功效，飲多幾啖先！🔸雙拼煎餃（$39/6隻）韮菜餃好適合煎，煎仲仲香！貼埋煎餃個皮食落有煙韌d，口感幾好。另外一款係粟米豬肉餃，口味香甜。🔸 羅漢果甘草茶（$15/樽）係自家製，濃得嚟唔會有澀味，真心幾好飲👍🏻👍🏻仲好飲過出面涼茶舖個啲。

小店喺葵廣附近，主打七款口味嘅餃子，有湯有煎，另外亦可加配粉麵、小食同飲品。店內環境唔大但座位之間有適當距離，平日下午茶去都有唔少人，證明呢間嘢有啲料到😮下午茶有個超抵食嘅餃子套餐，五隻湯/煎餃子加飲品。湯底每日新鮮熬製四個鐘，不含味精，養陰清熱、降火排中，益處多到數唔晒，飲落暖胃，好好味道，唔怪得之有單點選項～湯餃要咗雲兒椰菜同甘筍沙葛肉，外皮唔算好厚，餡料飽滿，兩款帶咬口，而且味道較清新。韭菜肉要咗煎嘅，上枱時香噴噴，煎嘅話餡料就會比較少，但勝在夠香口又惹味！

係葵芳行完街突然間好想食🥟餃經過哩間就入咗去試🤤因為我想食煎餃，朋友想食水餃所以就各有各嗌啦😆因為我哋都想試多幾款餃🤔所以我哋各嗌咗雙拼餃10隻$49咁我哋就可以試到四款口味啦🤤煎餃嗌咗韭菜肉餃同白菜肉餃湯餃就嗌咗雲耳椰菜肉餃同芹菜肉餃☺️📌講餃之前想講佢個自家製辣椒油菜脯好好食😋講出嚟都唔好意思我用咗大半兜😂 愛食辣之人會好鐘意因為真係好味😂🧀🧀🧀🧀+0.5📌韭菜肉煎餃同白菜肉煎餃🥟煎得個外皮好脆，咬開啖啖肉熱辣辣好食😋我仲會每食一啖都加粒菜脯落去我覺得口感仲豐富仲好味😂🧀🧀🧀🧀📌湯餃嘅雲耳椰菜肉餃同芹菜肉餃🥟嚟到飲啖湯心諗點解個湯咁好味🤔望翻餐牌先知原來佢哋湯餃嘅湯底係自己煲嘅野葛菜生魚豬骨湯，每日新鮮熬製4小時同埋無加味精，估唔到食餃子都可以飲到阿媽煲湯嘅味🫶🏻最後我都係成碗湯飲曬🤤🧀🧀🧀🧀💬葵芳店鋪頭比較細而且只有兩位職員要整嘢食送餐收銀整外賣，所以大家入到去可以自己搵位坐再掃枱上面個Qr code落單☺️ 落完單就可以等野食嚟👏🏻 最後比錢就需要嗌一嗌職員啦因為好多時職員都會係廚房忙緊🤔📍 葵芳禮芳街15號葵福大廈地下8號舖

小妹同豬興起去葵芳行街，行到想食野，撞岩下午茶時段，路過呢間小店「好味餃子店」 ，見到主打唔同味既煎餃和湯餃😍當中有白菜、韭菜、芫茜、粟米豬肉、雲耳椰菜🥬等口味餃子🥟見到咁多款味，小妹當然要入去試吓啦😋抵食餃子麵套餐當中有5隻湯餃🥟 +1碗麵🍜+飲品🥤非常豐富😍一上枱見到湯餃餃皮簿餡靚，每粒餃都可以見到入面既餡料，大大粒，好足料🥳 當中一定要推介呢個湯底，就係野葛菜生魚豬骨湯，一啖就已經感覺到好清甜，無添加味精，食完唔會口渴☺️餐牌仲寫住呢個湯係每日熬制4小時，有降火清熱、化痰止咳既作用😙令我不禁要整碗喝掉😆另外，值得一提枱面擺放：菜脯辣椒油，辣🔥得黎又好惹味😋 連埋餃子🥟一齊食絕對一流😆清熱羅漢果甘草茶呢杯一睇個名就知有清熱解膩既作用啦，飲用喉嚨即刻舒服咗😌雪梨茶呢杯雪梨茶🍐估唔到都有驚喜😛杯底有不少雪梨粒，味道不會太甜～呢間小店既餃子🥟款式多，總有一款合心意，如果經開呢度附近不妨嚟呢度試吓，可能有驚喜😌

葵芳大家平時食極都係葵廣，今日心血來潮好想食餃子，一於帶大家食下一間又健康又好味既「好味餃子」🤤今日試呢間最吸引既就係個魚湯底同菜脯辣油😎溝埋紅醋超好味！而且魚湯勁濃，勁有魚味，差啲忍唔住飲多兩碗！🤣🤣🤣🍴🍴椰菜雲耳肉餃10隻單拼：$47🍴栗米肉餃6隻單拼：$47超足料！而且餃子皮超薄，啖啖都係料🤤🍴麻辣豬耳：$32豬耳好多！！而且麻辣味唔係好重，愈食愈想食愈上癮🤣📌好味餃子🍽️葵芳禮芳街15號葵福大廈地下8號舖

葵芳運動場附近有間餃子店，食飯時間好多學生同打工仔幫襯～價錢平又食得飽，湯餃煎餃同價🥹如果驚唔夠飽，仲可以加埋米線麵落去✨韭菜餃&雲耳椰菜豬肉湯餃（$49）蔬菜係新鮮既！韭菜同豬肉比例均等，雲耳食落爽口餃子皮薄餡多，煮得啱啱好湯底係野葛菜生魚豬骨湯，清甜冇味精✨芫荽肉餃&甘筍沙葛煎餃（$49）煎餃一上嚟金黃色好吸引❗️甘筍餃幾清甜👍🏻煎得非常香脆，一定要配埋佢哋獨有嘅辣菜甫豆豉非常惹味，好食！

店如其名，好味餃子店，簡單直接。🥟傳統廣東粵式老火湯配餃子，南方與北方飲食文化結合而產生的品種。老火湯，相信是每一個廣東人小時候的都有喝過的味道，常見有粟米排骨湯，青姐蘿蔔豬骨湯，花生眉豆煲雞腳湯等等。這裏選用了野葛菜生魚煲豬骨。湯濃帶甜，好喝沒味精。親切熟悉的味道，邊吃餃子邊喝湯，很快就吃光光了。😂甘荀沙葛餃子清甜美味，很健康的感覺。不過煮的時間可以差了一點點，咬下去有點生麵粉的味道，應該是差了一點點時間。🥲芹菜餃子清爽美味，沾辣椒豉油好吃。

下午去左葵芳，這裡都幾多飯店，我們就搵左間餃子店吃餃子。雙拼湯餃粉面套餐選了雲耳椰菜餃子和甘筍沙葛餃子，都好大隻。薄而柔韌的餃子皮可以完美地包裹住充滿雲耳椰菜或者甘筍沙葛和豬肉的餡料，保持了內部的湯汁和口感。雲耳吃起來爽又滑，椰菜甘甜清新，甘筍沙葛就更加清甜多汁，豬肉香氣四溢！再飲杯雪梨茶好滋潤！煎餃雙拼一盤煎餃擺得靚靚，大大隻，好有吸引力！煎餃外皮煎至金黃色，外部酥脆發出陣陣香氣，內部餡料則保持住鮮嫩多汁。

同朋友兩人喺葵芳唔想掃街，想搵個地方坐下，傾下計。又搵多間餃子店環境細細，夜晚等咗一、兩枱先入到 湯餃同煎餃各叫咗一碟，數量都夠食。餃子味道可以，皮未算好薄、適中，湯底反而更引人勝在價錢平民

勁耐冇食餃子 見到OpenRice好多好評 就試吓呢一間好味餃子呢度空間唔算好大，但係都有10張枱左右 坐落去都算闊落👍🏻餐廳採用自助下單形式落單 scan QR code就可以叫餃子個人鍾意食煎餃所以就嗌咗白菜肉餃同雲耳椰菜肉餃 六隻$39 10隻就$49 另外加面底加多$16煎餃唔算話超大隻 但係份量都好夠👍🏻👍🏻最特別係呢一間啲煎餃係比較扁身嘢食一上係好夠熱 啱啱煎好就上啲餡都幾入味 同想像中嘅味道差唔多～另外驚唔夠飽就再加多個麵今次叫咗上海麵 朋友叫咗米線佢有個醬料係幾香 有啲菜蒲同香油喺入面放入去啲湯麵度好夾👍🏻 又會加添咗啲香味個面就正常清湯麵 有一條菜🤣最後食完都好夠飽🤣如果想食餃子都可以一試👍🏻 最後埋單$120 都算好抵食✔️

本身好鐘意食餃子，個日經過見到原來葵芳開咗間好味餃子店，見到都幾多人叫外賣，啱啱開門入咗去無耐就坐滿🤫唔知係咪星期日唔夠人手??🤔上菜都等左幾耐下，等咗ard 25分鐘先上菜，趕時間/肚餓唔建議食🤣今次試咗湯餃，下次想試下煎餃☺️1️⃣ 餃子粉麵套餐 $47 套餐包咗5隻湯餃＋粉麵＋自制豆漿/羅漢果甘草茶/滋潤雪梨茶呢個套餐都幾抵食，今次食咗5隻白菜肉餃，每隻餃都幾大粒同好足料，個餃子皮好薄，食落幾鮮甜☺️麵可以揀粗麵/幼麵/油麵/米粉/米線/上海麵，今次試咗上海麵，麵質幾有咬口，不過唔係好掛湯同有啲碎🤣最借得一提嘅係佢個湯底，係野葛菜生魚豬骨湯，每天新鮮熬製4小時不含味精，飲落去雖然唔算好甜但幾清而且無味精，飲下飲下就清哂成碗😎

好味餃子第一次試這間餃子店是在疫情不能堂食時，外賣的餃子總是在店內即叫即整即食的味道有點距離，現在疫情過去已久，所以就同小絲再來試試外賣與堂食的分別。這店的餃子最吸引的地方是煎餃的賣相很吸睛，煎得香脆的餃子整齊的排在一隻圓碟上，很難不吸引注目。我和小絲每人點了十隻雙併餃。煎韭菜餃併芹菜肉餃($49)餃子不算很大隻，餃子的餡亦不算很飽滿。餃子是半煎炸，很好餃子上碟後，油份不多，沒有想像中脆口。2款餃的肉份量比較多，所以菜的味道都不算很突出，調味偏淡。雲耳椰菜肉餃併甘筍沙葛肉餃($49)這裡的餃子皮有點腍身，欠煙韌，餡料與煎餃相同不算很飽滿。這2款都不是平常吃到的味道，都是很清淡，甘筍沙葛很感很不錯，爽口。桌上面有2款醬汁配餃子來吃，可提升餃子的整體味道。最讚賞的是湯餃的底湯。因為餃子味道不強烈，所以沒有掩蓋湯的味道。最後小絲喝完整碗湯就知這湯非常合她心意。阿偉評價：餃子的味道不是很突出，反而是湯底搶不少分數。推介指數：7/10