奇樂快餐店

從網絡得知奇樂就快唔做了，新翠又一平民食堂消失。讀中學時，因為學校在附近，時不時都幫襯。現在，還在附近工作^^"，今次知它就快唔做，於是約埋同事一齊回味(這一個月都食了好幾次^^")來奇樂，最正的是炸雞脾飯，餐牌沒有，直接同姐姐講，一個31元唔包野飲。比手掌大的炸雞脾，剛好賣完，要等他們炸，所以等了一會。剛炸好的雞脾又脆又好食，雞脾肉質結實，而且好入味，食了半隻已經開始飽，飯只食了很少，好浪費，下次都是單點一隻雞脾好了。要試快點~! …查看更多

得知奇樂快餐店將要結業的消息，身為雞脾迷，點可以唔把握最後機會去試下。但炸脾之路，"荊棘滿途" 點解咁講，我第一次去，炸脾剛剛售罄，那唯有試下佢個豬排包配熱華田，但感覺普通，豬排包份量夠味道尚在但沒咩特別。熱華田淡而無味。雖然係咁，但我黎奇樂快餐店食既都唔係豬排包，咁梗係要再試。跟住我就係第二日再去，但我唔知星期五奇樂休息，咁又白行一趟。 今日，三顧奇樂，終於有機會食佢地遠近馳名既炸脾。 我到時正值食飯時間，當俾左錢後，先發覺要掛好耐，不過沒所謂，我都等左幾日再等多陣都無妨。等左十分鐘到，炸脾飯整好，噢原來炸脾飯有得簡汁，例如黑椒汁，茄汁。咁我個個係茄汁。 個茄汁都唔錯，唔會太酸幾開胃，唔使幾分鐘食哂碟飯。好野梗係留係最後，要試隻炸脾。嘩隻炸脾好大隻好足料，睇落幾靚仔，而且都幾香，唔知食落口點。 雞脾肉好嫩好多汁，正！雖然係咁但炸脾個雞皮又幾脆不過可以再好，有啲位唔知係唔係炸得太耐，有啲硬。 雞脾肉好入味，好有肉味，回味無窮佢咁大隻但都炸得咁嫩滑，值得一讚個火候控制得唔錯。 整體來講，炸脾水準之上，色香味俱全，抵食性價比高，31蚊有咁大隻脾同飯配個靚汁。 可以再試。 講真，奇樂既炸脾真係名不虛傳，唔係幾想佢結業。係結業前可以一嘗奇樂炸脾，我心滿意足，如果能夠搵到其他地方再開業，我一定會再幫襯。題外話，奇樂既拿餐方式應該要改善下，我排隊個陣有少少亂，好多顧客其實唔多知邊個餐係自己，要留心聽先知其實有啲麻煩，咁樣搞到伙計同食客難做就唔係幾好。…查看更多

從網上媒體得知位於大圍新翠邨的老牌港式快餐店《奇樂》因租約期滿，而將於本月底結業。（上圖為封面照）******************************兩口子趁尚餘時間不多，特意前來回味一下。店子的食品定價相宜，因此深受附近街坊及學生歡迎。兩口子年前居於附近時，偶爾也會前來吃午餐或下午茶。這類型的水牌已「買少見少」了…店子的運作模式是先到收銀處購票…再把機印發票拿到水吧，等候店員將食物準備好再自行取餐。水吧是半開放式的食品製作區，整個製作過程可謂一覽無遺。由於前往當日正好是吃飯的黃金時間，加上不少特意前來緬懷的食客，令食物流轉得快，故所有東東都是現點現製。裝潢陳設一磚一瓦都充滿歲月痕跡，看來老舊，卻是其特色之一。兩口子分別點了雞髀飯（$31）及雞扒飯（$34），另加凍奶茶（$5 x2）兩杯。當日的炸雞髀跟昔日一樣大得幾乎把碟子覆蓋，加上新鮮炸起，吃來外皮脆口，肉汁豐腴。只略嫌食味較鹹，似乎店員於醃肉時「重手咗」。飯量對女生來說蠻多，沒有煮得太腍或太硬，上面淋有港式茄汁，夠我拌飯來吃。男友怕麻煩，所以點了沒有骨的雞扒，這個味道就調得比炸雞髀正常。總消費$75，平均一人付三十多元就有肉有飯有飲品（只是沒有菜而已）兼吃得飽飽，以現在的物價來說頗「抵食」。記得上年年尾跟新翠邨只是一街之隔、位於隆亨邨熟食亭的《X記大排檔》「光榮結業」時，我曾慨嘆非常，幸而（熟食亭）重建後店子得以重開（可惜聽聞原本位於同一熟食亭的港式茶檔已沒有了）。 想不到這年頭又要為《奇樂》送行，舊日街坊式人情味商店逐漸消失，連鎖店及奢侈品店等等於各區屋邨商場百家爭鳴，每區都是一式一樣倒模般的店子、要不就是平均消費較高的食肆，這是真.香港人想要的嗎？…查看更多

雖然住喺附近咁耐，但今次只係第二次食，聽聞就執笠，所以去幫襯一下。正值新年假期，唔算多人，唔想食太多，就單點炸脾，比完錢拎住飛仔去吧枱，廚師哥哥就叫我放低飛等。因為炸脾即炸要等，只好乖乖坐定定。等咗大約十分鐘，終於有得食，由於即炸關係，所以炸脾好熱辣辣香噴噴，不過雞皮唔夠香脆，而且有一半皮唔見咗！而味道唔均衡，入面嘅肉無味，肉質比較老比較鞋，而外皮有啲位無味，難得某啲位有味，無奈味道偏咸。不過雞脾 Size 幾大，基本上食一隻已經好飽，$22 嚟講，都算抵。整體而言，失望。…查看更多

新翠無論係商場又或者係餐廳，你都會見番以前既香港。而唔係呢家一式一樣，名店林立，淨係服務人民幣既所謂商場。而奇樂更加係一個時間囊，比一班細路仔，年輕人親身感受以前既港式快餐店係咩既一回事。入面既擺設裝修，一磚一瓦都散發出懷舊既味道，每一樣都有佢地既歷史。裝潢並無刻意，只是保留傳統，我諗呢個就係店主堅持既理念。好啦，咁食左d咩呢？今次我都係食我既例牌－茄汁雞扒飯。雞扒黎講，成塊面咁大塊超抵食，而且雞扒係即叫即煎。最後，加埋杯汽水都係$32。香港小店加油！…查看更多

路過大圍專登行一行新翠邨。 估唔到又大大間759， 又有抵食韓燒之外仲有間舊式快餐店！ 立刻衝入去買炸脾！ 可惜晚巿大晏已經賣完炸脾… 唯有轉食炸雞翼意粉！味道超正！ 雞全翼外脆內Juicy~ 而且洋葱汁都好好味！ 最重要係連埋汽水都只係$30～ 好味又抵食！！…查看更多

聽同事講奇樂雞扒好正，今晚收工一於黎試下。我要左雞扒炒烏冬，雞扒大件，醃得入味，煎得皮香肉嫩，真係好好味。烏冬亦炒得有鑊氣，大大碟我都食得晒。另外要左雜扒餐跟茄汁意粉。最警喜係意粉汁超香濃，扒肉都幾好，十分抵食。店子好有懷舊街坊feel，感覺好親切。…查看更多

新翠邨有咁耐餐廳成立就有咁耐除咗其他食評家介紹嘅雞扒餐外，我要推推「星洲炒米」夠香、夠辣，料足，仲有鑊氣夠唯獨無蝦囉宜家周圍都通脹27蚊唔包嘢飲貴就貴d不過唔係成日食都無所謂啦…查看更多

身為大圍街坊，由於時間關係，迫於樣樣要快，仲要夠平，當然食物質素要OK。一時興起想分享下，無相睇，但隨口嗡得出佢地出名之作：1. 雞扒飯，可以話係佢地鎮店之寶，據說佢地只入美國雞扒，食得辣當然要叫黑椒汁，晚飯時間好搶手的（加左價都好似$22左右)2. 咖哩雞飯，唔知點講，總之好味，而家仲有十幾蚊點飯，想點呀？3. 下午茶餐當中，有個油脾沙津紅豆冰，$24，都係得意之作。4. 早餐最平$19-21不等（連熱飲）， 最鍾意薄煎牛扒餐，沙爹牛肉麵餐，仲有五香肉丁公仔麵配紅腸，爽呀！呢度因為價錢相宜，平日中午迫滿學生，星期日下晝教會活動後，呢度變左佢地醫肚聚腳地，非常熱鬧！不過話晒係屋邨快餐店，唔好期望太高，總之咁既價錢，今時今日，去邊度搵呀？！…查看更多

屋企冇人,所以落去商場食飯呢間野算係老字號,經營左好多年呢度的冷氣唔錯,夠晒涼佢的模式同m記差不多,都是自己去點菜同自己去拎菜,唔需要waiter叫了個窩蛋免治牛肉飯個飯好開胃,d汁很好味,但是覺得份量不夠覺得隻蛋撈左d飯,好滑,好軟,好易入口隻蛋幾新鮮個飯有少少茄汁味,我有點不喜歡而且有少少蘿蔔粒,都幾夠營養呢個飯都幾平…查看更多

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^<< 八月初 >>有時當太早起床，會去其他的地方吃吃早餐，今天來到這家快餐店是已經沒有來過好幾個月的了，印象中還記得這家快餐店的奶茶和煎薄牛扒都不錯，早餐 [ 煎薄牛扒，煎蛋，麵，熱奶茶 ]熱奶茶， 奶味茶味的濃郁程度都較已往有所減少， 煎薄牛扒，感覺也比已往稍稍差了一些，快餐店的即食麵吃過了不少，但白色的即食麵自己比較少吃到，不過吃下也沒有感到多大的差別。^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^…查看更多

約左班朋友踏單車佢地就想係呢邊食完飯先去所以就帶左佢地來呢間野度食貪佢夠平,我都係剛剛搬來e度所以好少落來呢度食飯,當時11半點度,所以冇咩人我地食完之後就勁多人排隊我叫左個白汁芝士火腿意粉上面真係鋪左一層芝士粉,要撈一撈佢先好食呢個餐,我覺得味道差差落得太多粉,好咸...而意粉比較粗,火腿味道不錯白汁就少左d...呢間野環境唔錯,冷氣又涼,地方闊…查看更多

有日到大圍探朋友午餐就幾人到這裡吃一來平，二來朋友說好味環境都無咩特別特別的地方就是茶餐廳有速食的服務自己拿著食物揾位，點了個雞球，幾好味的辣辣地，很夠味餸多飯又多，夠吃！還有~waiter姐姐都幾靚女啊！ …查看更多

食過幾次早餐 & 下午茶早餐 ( 煎薄牛扒 , 蛋 ,包方 , 熱奶茶 $19 ) 薄牛扒 身軟 , 煎得好味 可以加多幾蚊多一塊薄牛扒 ( total $30 樓下 ) 熱奶茶有奶味有茶味 , 比一般快餐店&茶餐廳好味 …查看更多

去奇樂一係食雞扒一係食免治牛肉飯雞扒係一流個皮極脆以前無腌過就咁煎好加鹽而家明顯有薹味免牛飯係傳統快餐店貨仔但好多牛肉, 而且快餐店買少見少既時間免牛飯好難有咁既水準…查看更多