太陽軒飯店

营业中

休息中

同屋企人嚟食晚餐，鍾意呢度坐得舒服又冇限時，推薦以下菜式：1. 杏汁白肺湯👍🏼👍🏼👍🏼👍🏼👍🏼好多豬肺好足料，有杏仁嘅香滑但完全冇苦澀味，好好飲！2. 滷水拼盤👍🏼👍🏼👍🏼👍🏼👍🏼好怕啲滷水得個鹹字，但呢度嘅滷水香得唔會死鹹，好啱我口味🤩好鍾意墊底嘅豆腐，好嫩滑！其他打冷店好多時都忽略咗豆腐呢樣嘢，用一啲偏硬實又冇豆香嘅豆腐，大打折扣。3. 香煎馬友👍🏼👍🏼👍🏼👍🏼馬友煎得香脆但又唔會乾柴，再淋咗啲甜豉油汁，好滋味！4. 蠔餅👍🏼👍🏼👍🏼👍🏼呢度嘅蠔餅唔係成塊隊落油鑊炸到脆卜卜但食起上嚟油淋淋嗰種，真係煎出嚟，個人更喜歡呢種做法。

入店見人少都心知不妙，燒味部得勁疏落燒味，變得好唔吸引。我地一行九人，一坐低就俾三個咸菜做餐前小食，我地問，我地有小朋友，可否有其他小食？原來可以有花生，於是係要求下轉番兩個花生。開始上菜，食食下家人已表示天花冷氣滴水，滴到個身，侍應過來只表示唔好意思，叫我地坐開少少，完。再食，發現上面一直有滴水，滴落啲餸，侍應再過來，講左句唔好意思，然後直接收走碟餸，完。無扣錢，無任何表示，就係拋低幾句唔好意思。上菜混亂，地下又滑，差啲跌落地。環境差，食物一般般，炸豆腐無味，椒鹽白飯魚無，芋鴨啲粉未熟。。。整體感覺非常差！唔會再幫襯，一定無下次，唔怪得咁少人！

去完廟街天后廟，行下行下去到佐敦搵食。1點幾行過哩間潮州鋪睇到有小菜午餐，咪入去試下優點??— 無乜人，吾通已經過左午餐時間?— 本來叫左個咸蛋肉餅，但覺得有味道，佢都吾多開心下換，所以就無影響味道分數。菠蘿生炒骨($78)3分—好新鮮，熱辣辣，—味道酸得吾錯,骨頭太大肉就少D, —配菜辣椒同洋蔥太生，有辣味。— 魚鰾魚蛋煮紹菜($88)2分— 湯底幾甜— 魚蛋幾彈口同好味— 魚鰾太硬又吾入味，似豬皮多過魚鰾。—紹菜少到離譜白飯—有硬邊加味道，吾知道系乜味。

又是一間在佐敦，我經常於假日吃午餐的餐廳。經常幫襯的原因是太陽軒味道真的很好，而且有午巿套餐，非常優惠。今日我哋2個人食左3個餐，不是因為份量少，而是我們很大食。我們點了鵝片飯，干炒牛河同蠔仔粥。。。其實佢的星洲炒米同蒸排骨也是無得輸，所以要作出決擇也相當困難，唯有去多幾次。3個套餐也只是$170左右，實在超優惠。通常我去都是午餐，因為它晚餐份量大，如果2人去就只能叫2個餸，所以如果吃晚餐的話，可以多約幾個朋友一起去。

每月一次的同事飯局，經朋友介紹，浩浩蕩蕩14人。食我最喜歡的潮州菜，真的有點驚喜，值得推介大家去試。由經理發辦，寫傳統潮州菜，如滷水四宝拼盆有：鵝片、鵝肝、墨魚鵝腸，錦繡良緣四喜拼盆：炸雙棗、炸粿肉、普寧豆腐、荷包白鱔湯，冰鎮花甲，凍馬友魚，蠔餅，脆皮雞，沙嗲牛肉芥蘭，單尾糖醋麵，蠔仔粥，炒飯等等。為了座得舒適一點，品嘗美味潮州菜，我哋特意包廂房，收費價錢合理，我個人認為滷水做得很出色，尤其是滷水鵝肝及鵝腸，鵝肝軟綿綿，肉質幼滑甘香，入口即溶，配合入口爽脆鮮明的肥鵝腸，口感簡直滿載而歸。有水準。所以大家點菜時，不妨聽聽店長推介傳統美食。

(自費食評) 高質打冷飯店今日我們二人一齊來到這間潮洲鋪吃打冷，這間潮洲舖外觀裝修十分漂亮，而且他們的服務非常好，幾有禮貌我們二人點選了3款不同小菜如下🥢滷水拼盤(例)，賣相非常美味的感覺有齊六款不同的美食，包括: 有鹵水蛋，鹵水鵝，豬耳，五花腩，豆腐，紅腸等，每款滷味食物十分足料，新鮮，適合2-3位人士享用五花腩肉最正，肥肉也不算好多整體十分正，下次會再食，也推薦大家食招牌菜例牌必食🥢潮洲糖醋麵，份量非常大，麵底十分香脆脆口，再配搭埋少少糖或醋同時享用，非常美味🥢蠔仔肉碎粥(碗)今次叫了一碗，十分香甜美味，蠔仔份量很多，不太腥，下次試食一窩

今日突然想食潮州菜香酥鴨，之前食開個間永久停業。唯有四圍找，終於找到間可以食回之前的味道😋，起初行到門口睇到都唔敢入去，以為會好貴但望吓個餐牌價錢都總算合理，立刻入去大吃一頓，叫在4個餸 ，叫左鵝片拼墨魚，方魚炒芥蘭，雙王麵，仲有荔蓉香酥鴨，滷水汁剛剛到不會太鹹，方魚芥蘭本是普通菜，但可以試到師傅的鑊氣，香酥鴨份量如果可以多一點就會更加好，如果可以的話真係想叫多份，雖然未能加馬但已經好滿足好開心😀。

Hello 大家好👋🏻！今日我嚟到位於吳松街嘅太陽軒飯店，係之前朋友帶過去食過嘅「沙嗲牛肉炒芥蘭」今樣一於再去回味一下美食攻略：牛肉味香濃，不像茶餐廳早餐，沙嗲味剛好配埋芥蘭，記得加白飯。另外佢地嘅豬肺湯都值得試。美食指數：5🌝最高味道：🌝🌝🌝🌝🌚環境：🌝🌝🌝🌚🌚服務：🌝🌝🌚🌚🌚賣相：🌝🌝🌚🌚🌚

一心慶祝生日，但一肚氣！如果大家去，要小心，真係諗清楚。事緣因為有朋友去過食有糖水送，所以問下有冇糖水送。點知個高既短髮女侍應答我地：冇嫁。睇下你地食幾錢啦！我地一行七人都叫左八個餸。睇黎間餐廳做開熟客，睇唔起其他客人。決定以係唔會再幫襯！！慢慢只做熟客啦！

心血來潮想食潮州嘢，可能一般只會諗到潮江春呢類型連鎖嘅餐廳，在網上找到這間位於佐敦的潮州菜，評價唔錯，所以決定試下。星期日當日下午，打電話訂位，服務員細心問有沒有特別食物想食，可以留定貨，但因為我們兩個對凍蟹，凍烏頭都沒有太大興趣，所以便沒有落柯打。夜晚七點半左右去到，仍然有吉枱，坐低睇餐牌發覺食物價錢比想像中平，一般頭盤幾十蚊就有交易，主菜都是一百蚊左右去到二百蚊，以佐敦嚟講算係超值，仲要係潮州嘢。而家星期日出街食飯都唔錯，因為人比較少，坐入餐廳都比較靜同舒服。食物上菜速度好快，基本上15分鐘左右已經上齊菜，服務員態度好親民，似做街坊同熟客生易為主。鹵水鵝拼盤：168蚊有齊6款食物，有鹵水鵝，鹵水蛋，豬耳，五花腩，豆腐，同埋紅腸。 鹵水鵝多肉少骨，五花腩肉同肥一層一層，所以食落都唔會太膩，食到尾嘅時候個汁有少少鹹，但整體都好好食，下次會試下佢嘅鵝片。潮式炸粿肉：食潮州菜就一定要試下佢哋嘅傳統粿肉，呢度係即炸，上菜熱辣辣，點埋隔離個汁好好味 係一款值得推介嘅菜式。杬菜肉碎四季豆：呢個餸送飯一流，味道唔會太鹹，而且有橄欖菜一齊炒，特別惹味。黃金炒飯：飯粒炒得好乾身,而且好足料，飯面加咗大

今日放工我哋三個人一齊去到呢間潮州鋪打冷，呢間潮州鋪嘅特色就係鋪面非常之靚傳統得來係非常之大啦，咁我哋先講啲食物質素，我哋叫左個滷水鵝片啦呢個拼盤，裏面有唔同嘅食物啦有鵝片呀鴨腳啊跟住仲有一啲滷水嘅香腸啊，豬耳，五花腩，都係非常之入味啊亦都好大碟，咁跟住叫咗個鮑魚雞煲，呢個鮑魚呢又係非常之大隻又好味我食完之後呢都係一試難忘嘅，下次嚟到呢都會肯定會再叫嘅今日豪餅亦都係新鮮煎出嚟非常之有口感又冇乜粉嘅全部都係豪呀同埋蛋嚟嘅，最後侍應好貼心咁送埋呢個綠豆糖水，都係非常之足料啦啲綠豆亦都係非常之滑溜，侍應叫我地加埋個酸酸甜甜嘅醬，更出色好味，所以呢個價錢非常之抵食嘅，如果喺呢個同區來講佢又係好傳統啦但係都保持好新穎嘅裝修格調，大滿足😋😋呢個鮑魚雞煲正正正呢個綠豆糖水第一次又真係好好味

今天下午叫了一碟鵝片飯，價錢六十八元沒有加一，份量和賣相都合格，但鵝片竟然又乾又硬，從未吃過如此難吃的鹵水鵝片，飯亦有焦，不知是否當時已沒有其他客人趕落場，師傅未預備好就整俾我食，非常失望😞

今日早左起身，發覺有好多鋪頭都未開，琴晚又食得太多，今朝都唔知食乜，見到有間叫太陽軒飯店，我都未試過，就走入去試吓，本身見到佢啲老水都幾吸引，但係我諗住呢啲舊式飯店廚房炒功應該好好，所以我就叫咗個炒河試吓，結果都唔錯幾好食。

這家店都是由朋友介紹，真的有驚喜，而且亦光顧過數次，值得大家一試。這店基本上是主打傳統潮州菜，如滷水鵝片、蠔烙、水瓜烙、蝦棗蟹棗、凍蟹、凍烏頭等等。如果希望坐得舒適去享用一頓美味潮州菜式，這店是不二之選，至於價錢方面，個人認為屬於合理水平。品嚐過多款菜式之後，我最喜歡水瓜烙和蝦蟹棗，另外亦喜歡方魚肉碎粥，我覺得此粥比蠔仔粥味道更佳。最後提一提大家作最後總結，此店的平價菜式比起貴價菜較為出色，所以大家點菜時不仿從這方向去作出選擇

同母親慶祝生日，試下這間地道飯店餐牌有圖介紹鹵水雙併：鹵水鵝肉拼墨魚鵝肉唔入味，墨魚不夠新鮮，只有伴碟的豆腐較為入味海哲不過不失蔥爆海蔘：海蔘夠林及入味，可試蝦干小炒王蝦干又硬又鹹，韮菜又硬，肉質麻麻，只有舖在面的芋絲味道可以潮州炒飯飯無味，函料雖多但料唔靚，不試也吧！川椒🐔：肉質可以、味道可以，潮州菜來說，這個最正常古法涼瓜炆得夠林，排骨在底，可以試試最令我失望是咸菜豬肚湯，豬肚夠林，湯沒有胡椒味，咸菜太硬，太失望甜品：正常味道