太興 (峻峰花園)

今日中午係筲箕湾，突然倾盤大雨，雖然有傘都淋到頭腳盡濕，狼狽不堪，急忙揾地方避雨，於是入咗嚟呢間太興。店舖環境一般，部分座位有啲窄，侍者態度就好親切。翻開餐牌，準備叫嘢食，呢度午餐價錢由60至70不等，其他燒味飯亦要70到80，唔平，点咗個胡椒雞湯泡飯午市套餐，飲品要熱奶茶。，泡飯送到，湯底有頗重胡椒味，湯入面有芹菜，豬皮，雲耳，雞肉等等，裏面有飯，味道只是一般，但價錢就比外面茶餐廳貴。總結呢間太興比較舊，除咗招呼唔錯，衛生環境有改善空間，食物質素同價錢都不成正比。…查看更多

以前覺得太興都係一間比較貴啲加質素好啲嘅茶餐廳，由其個奶茶好飲，今日再食質素差咗好多…：（晚餐都70幾蚊個餐起跳，但係燒味飯好差，本身叫咗燒腩仔，但係成舊95%肥膏嚟無誇張，完全食唔到所以換咗叉燒，但係都切得幾核突下，同好燶下，唔好食，另一個咕嚕肉唔脆好腍，啲肉都唔係幾好食，最差嘅係，個白飯某啲位煲到又腍又水，食落口一pak嘢個口感好噁心，依個價錢同質素唔成正比，我去食返其他茶餐廳或者大家樂大快活更好。…查看更多

從未在太興買外賣，今次就俾個機會你啦！<上湯海味雜菜>通常食雜菜煲都比較多白菜仔，這一個有西蘭花、芥蘭、生菜、冬菇，幾均勻，味道較淡。<桂花蜜桃咕嚕肉>咕嚕肉面真係有啲桂花，不過味道唔突出，冇桂花香味，而咕嚕肉肉質都尚可，味道酸酸甜甜，不過青椒和洋蔥較腍，最失望是竟然得蜜桃，如果係菠蘿就好。白飯份量少，有點乾。整體來講，冇乜特別，而且份量較少。如果以這個價錢，在筲箕灣這個美食區來說，會有更加多的選擇。…查看更多

剛剛在筲箕灣太興食飯，真係食到一肚火，我一入舖頭，舖頭又叫我排隊，正當我排隊之際，有兩個人行入去攞位坐，我立即同收銀員講，我在排隊為什麼他們一入去就有位，個店員立即叫嗰兩個在門口排隊，但是隨即入了一個客人，又坐咗我張枱，我又同收銀員講，點解我想兩人枱會冇咗，然後店員安排嗰個客人坐另一張枱，我才有位坐，到落單的時候，店員叫我用 QR 自行落單，我已經表明唔識用，但是店員話佢部機好慢，又問我用乜嘢手機，我即刻同店員講，唔該你哋用手寫單入去啦，嗰個店員立即黑面，我心諗你間公司係咪用咁嘅服務態度，好老實你們公司的 QR 落單，我唔係唔識用，而係非常唔完善，所以冇用，例如我要多飯，甚至多汁，甚至走汁，完全係冇顯示，換句說話講，客人的口味要求，完全係不能達標，你間公司搞咁多嘢為乜呢？…查看更多

行山前食反個lunch叫左個常餐，叫餐前對個常餐都唔抱住特別既期望，但係好多茶餐廳既常餐都做得好食過矩，個蛋唔好食，太熟。全部都係普通以下既水準。但竟然可以係香港做到甘多分店！真係有矩既特別之處！而我未發掘到。可能係d燒肉好味掛，有緣下次再試下！😄不過間間分店既廚師都唔同，可能其他分店會好食D，但呢到勝在方便，岩哂要去行山既人士食個早餐就可以出發，格離就係巴士站，係A2出口，一出就見到，夠哂方便！…查看更多

太興筲箕灣寶文街1號峻峰花園地下3B舖屋企人突然話好想食燒味，第一時間就唸起太興啦，所以今日lunch就過黎開餐啦叉燒油雞飯既叉燒係半肥瘦，而油雞都好嫩滑，始終太興係燒味起家真係好食既，但我自己就覺得貴左d囉，雙併飯要$76蚊 椰香咖哩牛腩飯---好香濃嘅咖哩汁，用黎撈飯一流呀，而且牛腩既數量都好多呀，又整得好林唔會太硬，值得推介 鵝絲雪菜炆米--- 好夠鑊氣應該係即叫即炒嘅，熱辣辣好味最後再嘆返杯忌廉紅豆奶茶，真係冇得頂呀…查看更多

燒鵝飯居然啲皮濃濃地，燒肉飯鞋颯颯，好在啲皮鬆脆，燒臘飯上燒臘汁好味，排骨麵線啲排骨係豬軟骨做，都算OK，羅宋湯通粉配雞中翼，雞中翼炸過龍，肉質比較硬，熱奶茶香滑幾好飲唔錯，熱咖啡香濃香滑唔錯，總括嚟講價錢較為昂貴，一般茶餐廳可能更加平更加抵食更有驚喜…查看更多

筲箕灣想搵燒味飯食一啲都唔難，難就難在要好食。太興燒味岀名就不值一提，但估不到佢既豆腐火腩飯都食到我。汁夠多不特至，仲要火腩足，夠哂我食兩碗飯，加上豆腐枝竹吸左啲汁，送飯就真係一流!午市呢個飯係正常價$52!又飽又好味！…查看更多

好耐冇食過太興啦！ 一丁友去試下。老實講，我覺得佢個炒蛋差左好多。個米粉湯多過料。。。。。。可能係個碗太大食物質素方面不值一提。可能主力係做燒味， 其他食物就不太留意。唯一最喜歡依然係冰鎮奶茶， 有別於其他餐廳淡而無味。服務態度方面非常之好， 我舉手不夠兩秒鐘就已經有人招呼，特別係有位職員伯伯，仲會話: 不好意思，等一等。就連客人離坐，佢會熱情歡送。 估唔到連鎖式集團餐廳, 竟然可以睇到啲咁親切的笑容。…查看更多

20190623 一直都知道筲箕灣早餐冇咩好食，又係例牌食太興 ，今日叫咗個雪菜肉絲米粉+煎雙蛋+牛油多士+熱柑橘蜜 $37蚊埋單 米粉夠彈牙有得擇特飲（熱飲）唔使加錢 麵包無味，煎雙蛋唔係太陽蛋 不過不失，無期望無失望…查看更多

I came here for their siu mei 燒味 (roast goose and BBQ pork combo) with rice $60+HK. The roast goose is a bit dry and only a few pieces of meat. But the BBQ pork tasted good, the meat was soft and juicy. It comes along with a small portion of rice, make sure you get more sauce to mix with the rice. With a hot drink for the set. If you want a cold drink there is a $3.The environment was quite comfy and clean. Better to go at non peak hours.…查看更多

今天上班前，我在這附近找了一間餐廳，這間餐廳有一個幾好食嘅早餐，這個就是糯米雞餐，這個糯米雞送上來的時候熱騰騰有着荷葉的香味，而且內裏的材料也很豐富，糯米飯夠彈牙材料10足，味道也很不錯，最後加上我喜愛的鴛鴦令我精神百倍。…查看更多

年初五與朋友團拜，然後，四處覓食，朋友話太耐冇幫襯，提議試此食店....night mare 開始入內後，無人招呼或理睬，自己搵位安座後，點選燒鵝（例牌）- 上枱時，份量很少，顏色黑墨墨的，鵝皮乾又柴皮，肉瘦又靱，難吃之最蒸倉魚 - 不新鮮，預左係雪藏貨，魚肉實，無味炒西蘭花翠肉瓜 - 凍的，硬崩崩，似半熟白飯 - 冷硬的...似冷飯埋單＄298堪稱豬年之始，最難吃的一餐…查看更多

年三十同媽咪食團年飯，近近地去太興，本來想做節叫隻雞，但實在冷氣太凍，所以轉呔打算叫熱菜。荔芋油鴨煲 ~$68 👍😊超讚好推介，通常呢味餸一係整得太鹹，一係啲臘鴨又太淡，好少好似呢間太興啲咁恰到好處，實屬難得👍👍而且啲汁好香臘鴨味，臘鴨方面係臘鴨肶，舊舊都可以食，(有啲餐廳可能只得骨或皮)，呢個價錢有呢個質素係抵，即所謂性價比高。😊😊北菇豆腐青衣魚塊煲 $79 🆗炸魚塊比較多粉，有舊直程無魚肉，味道一般，我如果再去會再叫荔芋油鴨煲，呢個就唔會再叫，會試其他。冷氣真係好凍，坐得唔係太舒服。…查看更多

早上6時多搭MTR到了筲箕灣，原因是要參加50KM的山賽—逆之女。由於太早的關係，早餐沒有太多選擇，最後我和同行朋友選了MTR出口旁的太興吃早餐。參加山賽前最重要的是吃個豐富早餐！我點了我的最愛--火腿通粉 拼 香滑沙蛋 配 鬆脆多士（$36)，飲品點了咖啡。價錢尚可，多士烘得很脆，最滿意是香滑炒蛋，中間是有點流心的那種。火腿通粉有配一些雜菜，不是只有火腿和通粉～茶餐廳咖啡通常都是巳加奶，不過不減提神程度！…查看更多