太興 (峻峰花園)

今日中午系筲箕湾，突然倾盘大雨，虽然有伞都淋到头脚尽湿，狼狈不堪，急忙揾地方避雨，于是入咗嚟呢间太兴。店舖环境一般，部分座位有啲窄，侍者态度就好亲切。翻开餐牌，准备叫嘢食，呢度午餐价钱由60至70不等，其他烧味饭亦要70到80，唔平，点咗个胡椒鸡汤泡饭午市套餐，饮品要热奶茶。，泡饭送到，汤底有颇重胡椒味，汤入面有芹菜，猪皮，云耳，鸡肉等等，里面有饭，味道只是一般，但价钱就比外面茶餐厅贵。总结呢间太兴比较旧，除咗招呼唔错，卫生环境有改善空间，食物质素同价钱都不成正比。…查看更多

以前觉得太兴都系一间比较贵啲加质素好啲嘅茶餐厅，由其个奶茶好饮，今日再食质素差咗好多…：（晚餐都70几蚊个餐起跳，但系烧味饭好差，本身叫咗烧腩仔，但系成旧95%肥膏嚟无夸张，完全食唔到所以换咗叉烧，但系都切得几核突下，同好㶶下，唔好食，另一个咕噜肉唔脆好腍，啲肉都唔系几好食，最差嘅系，个白饭某啲位煲到又腍又水，食落口一pak嘢个口感好恶心，依个价钱同质素唔成正比，我去食返其他茶餐厅或者大家乐大快活更好。…查看更多

从未在太兴买外卖，今次就俾个机会你啦！<上汤海味杂菜>通常食杂菜煲都比较多白菜仔，这一个有西兰花、芥兰、生菜、冬菇，几均匀，味道较淡。<桂花蜜桃咕噜肉>咕噜肉面真系有啲桂花，不过味道唔突出，冇桂花香味，而咕噜肉肉质都尚可，味道酸酸甜甜，不过青椒和洋葱较腍，最失望是竟然得蜜桃，如果系菠萝就好。白饭份量少，有点干。整体来讲，冇乜特别，而且份量较少。如果以这个价钱，在筲箕湾这个美食区来说，会有更加多的选择。…查看更多

刚刚在筲箕湾太兴食饭，真系食到一肚火，我一入舖头，舖头又叫我排队，正当我排队之际，有两个人行入去攞位坐，我立即同收银员讲，我在排队为什么他们一入去就有位，个店员立即叫𠮶两个在门口排队，但是随即入了一个客人，又坐咗我张枱，我又同收银员讲，点解我想两人枱会冇咗，然后店员安排𠮶个客人坐另一张枱，我才有位坐，到落单的时候，店员叫我用 QR 自行落单，我已经表明唔识用，但是店员话佢部机好慢，又问我用乜嘢手机，我即刻同店员讲，唔该你哋用手写单入去啦，𠮶个店员立即黑面，我心谂你间公司系咪用咁嘅服务态度，好老实你们公司的 QR 落单，我唔系唔识用，而系非常唔完善，所以冇用，例如我要多饭，甚至多汁，甚至走汁，完全系冇显示，换句说话讲，客人的口味要求，完全系不能达标，你间公司搞咁多嘢为乜呢？…查看更多

行山前食反个lunch叫左个常餐，叫餐前对个常餐都唔抱住特别既期望，但系好多茶餐厅既常餐都做得好食过矩，个蛋唔好食，太熟。全部都系普通以下既水准。但竟然可以系香港做到甘多分店！真系有矩既特别之处！而我未发掘到。可能系d烧肉好味挂，有缘下次再试下！😄不过间间分店既厨师都唔同，可能其他分店会好食D，但呢到胜在方便，岩哂要去行山既人士食个早餐就可以出发，格离就系巴士站，系A2出口，一出就见到，够哂方便！…查看更多