太興 (大本型)

港式早晨定食，太興的穩陣之選週末去太興嘆個經典早餐！點了「五星級火腿通粉配炒蛋多士」套餐，一上桌就聞到經典的港式早餐香。火腿通粉湯底清澈卻不失濃郁，帶淡淡雞湯香，通粉煮得剛好彈牙；炒蛋絕對是亮點——滑嫩帶奶香，火候掌握得恰到好處，多士烘得金黃脆口，塗上牛油瞬間融化，邪惡又滿足！搭配的熱奶茶茶香濃郁，奶滑比例平衡，回甘不死澀。整體份量足，環境乾淨，服務效率高，雖無驚天創意卻是穩陣之選。唯獨價格稍高於茶記，但換來舒適體驗值得。若想懷舊又怕「中伏」，太興早餐依然是信心保證！…查看更多

作為一個普通打工仔， 不論是月頭 或是 月尾，anytime 都手緊， 加上近年經濟唔好，所以懂得花 比 花得起更為重要！由於太興燒味有71折，所以去享用晚餐。雖然不少高貴的香港人都話太興難食，不過我食完之後感覺都唔差。 原本想叫乳豬飯，不過最後一份乳豬比人叫了，只好叫切雞叉燒飯！ 今次叉燒質素算幾好，肉質算淋，好過之前$35半斤外賣的質素，切雞的味道都是正常。另外，我叫侍應姐姐比多一碟燒味豉油，淋上白飯之上，令這碟平平無奇變成鹹香好食。另外點了菠蘿咕嚕肉 和 上湯雜菜煲， 基本上這2款小菜味道都唔錯，上湯雜菜煲的份量都唔少！最後加一碗白飯，2杯凍飲，合共$180, 算是抵食！…查看更多

:) 2025年4月8日 (星期二) 9:30am 27°C 環境光亮整潔，餐具乾淨。 餐廳裝潢時尚，QR Code 或人手下單。:) 人數：2人 HK$82 不用等位 頂級午餐肉滑蛋公仔麵 - 午餐肉質感軟軟，味道偏鹹，炒蛋滑嫩，麵條彈牙，湯底略帶濃味。【推介之選】❤❤❤ 熱奶茶 - 香香滑滑，茶味濃郁，陶瓷杯設計精緻。【推介之選】❤❤❤【 溫 馨 提 示 】：❶ 只收現金、八達通、支付寶、微信❷ 不接受信用卡…查看更多

太興叉燒包好食，配店鋪奶茶 更係一絕。太兴嘅食材新鲜度较高，其早餐嘅烧味类产品比较受欢迎，比如叉烧、烧鹅等烧味嘅口味较为正宗。烧味嘅肉质鲜嫩多汁，外皮烤得恰到好处，香味浓郁。除咗烧味，早餐时段还提供多种选择，有各类粥品、肠粉、炒面、三明治等，能够满足唔同人嘅口味需求。比如经典嘅皮蛋瘦肉粥，粥底绵密，皮蛋和瘦肉嘅分量也比较足；还有虾仁肠粉，肠粉皮爽滑，虾仁新鲜。与一些普通嘅茶餐厅相比，太兴嘅早餐价格可能会偏高一些。一份普通嘅早餐套餐可能需要 40-60 港元甚至更高，对于一些追求性价比嘅顾客嚟讲，可能会觉得唔太化算。…查看更多

外賣兩杯奶茶，返到屋企一肚氣，比你兩杯花奶，毫無茶味，搞到杯熱奶茶變室溫，Franchise 都搞到咁，把鬼火，好鬼興 食物都已經比人貴，為的就是喝杯有水準一點的奶茶，連這點也做不到，現在喝太興奶茶就只可以到北角和將軍澳分店了，免得再次失望😞…查看更多

同老公仔仔喺大本型玩，玩到太夜又費事搭車出去食晚飯，見到呢度有太興，就諗都唔洗諗去食我哋三個人唔係好食得多，就叫两個餸跟餐食飯：中式京都洋蔥豬扒京都汁酸酸甜甜幾開胃，餸飯一流豬扒都易咬開，冇乜筋位比較可惜係主角之一嘅洋蔥炒得唔夠熟，有少少辣蟲草花蒸滑雞呢個都好食，豉油鹹味剛好，冬菇雲耳夠入味，雞肉肉質嫩滑飲品方面叫左一杯凍檸水同一杯熱檸蜜，味道正常惟一要挑剔嘅係預先放喺度嘅碗碟洗得唔乾淨，好明顯有一浸油喺面…查看更多

我真係好少去啲連鎖嘅餐廳食嘢嘅，不過今日因為趕時間就去咗太興呢間餐廳食嘢，不過真係體驗得唔係咁，我覺得佢哋安排座位嘅問題都要改善明明有啲位已經係冇人坐㗎但係都要逼我哋夾埋其他人一齊坐張大枱另一啲人又就嚟食完又唔執枱， 我嗌咗個龍利魚柳飯不過個魚柳呢，真係超級薄呀，而家真係物價騰貴呀成個份量都唔夠食啲飯又唔係好熱，越嚟越偷工減料嘅感覺呀但係佢本身價錢都唔係平㗎喎，其實就係咁樣呢太興都係會競爭力下降囉我覺得應該要改善下…查看更多

每年清明拜完山都會黎呢間太興食，我今次黎叫咗個豆腐火腩加燒肉瀨，啲火腩又鞋又無味， 個芡汁同豆腐都無味。個燒肉都一樣。 一啲肥都無，完全無燒肉味。 唯一食得落係層皮， 仲係脆。 不過總結，以後都唔黎食。 …查看更多

非常差，我今天叫燒鵝飯外賣，圖片裡的鵝完全沒有肉，只有皮和骨。希望餐廳能改善。堂食——— 服務態度很差，我叫服務員給我一個菠蘿包，他沒有理會我，我投訴給經理，但他說OK 就走了。It is very bad , today I ordered a take away grilled duck rice , there was only skin and bones , disappointed.Eating in the restaurant——— the service was bad ,when I ordered a pineapple bun , he didn’t care about me .…查看更多

今日去咗油塘大本型逛商場，行到不知不覺過了午餐時段，肚子話畀我聽係時候要食嘢喇，見到太興有人排隊等位，於是我都想一嘗這間食市的味道。聽聞這間舖頭的燒臘好出名，於是我就點了個輕盈燒味茶餐。輕盈切雞湯米粉 （可選瀨粉）$42白切雞有雞味，食落感覺嫩滑，再配上薑葱蓉，提升了雞的鮮味。菜心粗框的部分比較硬了一點，淥得不夠腍。粉米吸收了湯的精華，食落不太硬也不太腍，恰到好處，但可惜份量少了一點。飲品可配熱奶茶、高級咖啡、柑桔蜜、抽子蜜和鹹檸水，凍飲要加$3，我揀了柑桔蜜。熱辣辣的柑桔蜜帶着既有微鹹又有微甜的香味，感覺特別，層次感十足，飲落令人心曠神怡。…查看更多

今日去開油塘大本型， 咁啱下午茶時間，去咗太興食返個tea。下午茶時間都要排隊， 排咗兩三個人， 終於輪到我。 星洲炒米一如既往的好味😋黃薑粉味很濃， 配上足了 蛋花碎叉燒碎， 非常之惹味。 厚切餐肉滑蛋公仔麵厚切餐肉兩大塊，唯獨是係炒蛋炒得太熟🫣 公仔麵係出前一丁👍 雪山叉燒包菠蘿皮絕對係我至愛😍 叉燒和叉燒醬都很香， 再加上濃濃牛油味，更能提升香氣。 檸檬七喜解渴之選， 罐裝冰涼嘅七喜加上檸檬， 很開胃。 熱奶茶太興嘅奶茶出名香濃幼滑🤗， 一如既往的好。 太興嘅下午茶， 價格貼地， 水準平均， 絕對係性價比高， 快靚正下午茶嘅一個首選。…查看更多

當好肚餓又唔知食咩時遇到太興就會即刻入去，因為好簡單好快捷。滿足同行的人所有需求。喜歡燒味就食燒味，喜歡小菜就食小菜，喜歡蒸魚也有蒸魚，新鮮出爐麵包也是非常推薦。有些人不鐘意太興煙熏味燒鵝，本人反而可以接受，煙熏味沒有往日那麼重，微微的反而遮蓋鵝腥味。水煮魚片石斑魚膠質豐盈，不過口感一般，感覺像冰鮮，不過這個價位不能與酒樓或者高級粵菜比較。味道不錯，上菜快，食物新鮮就很好。涼瓜牛肉分量足，味道好。太興是有保障的。…查看更多

油塘食肆選擇太少，要在早上7時吃早餐，大本型的太興仍是不錯的選擇。早上的侍應姐姐態度沒甚麼問題，但一早客人不算太多，食物等候時間仍要十分鐘，見其他食客等了更久，可能是侍應集合一堆食物，一次過用車送餐。我點了雞扒和煎蛋，一般候時也較久。太興的公仔麪有一定水準，麪不淋不硬，爽口彈牙，雞扒的用料也比其他連鎖餐廳好，早餐我通常吃雞扒煎蛋麪。這家店的水準雖比不上其他分店，但味道仍過得去，麪彈牙，雞扒煎得香，肉嫩滑而不「鞋」。煎蛋也不錯。店的衛生一般般，跟其他茶餐廳一樣，地板似是長期不清潔，用餐時有蚊滋飛來飛去，可能是因為餐廳位置靠近商場的出入口吧。在沒甚麼期望下，整體還算可以。…查看更多

「馬鞍」大鑼大股殺到，提早放工半粒鐘咁「多」，嗱嗱聲约老公食埋野返屋企，但老公仍然話要小菜，行入大本型就見到太興就走左入去啦。叫左炒蕃薯苗好有獲氣，蒸雞等得較耐，事前侍應有講因即蒸所以較耐，味道ok但雞件較大件，可能本人筷子功弱左d比較難夾，食得困難dd，整体尚算不錯啦！侍應姨姨好慷慨提供卡位，吾會見我地只得2個人就吾俾，正如上面所講蒸野要等得耐d會講明，姨姨仲好好話打風快d返屋企啦，有心又有服務…查看更多

今天到太興試了一個下午茶， 從手機點了豬軟骨湯麵及冰鎮奶茶， 發覺奶茶不能選擇甜度。本以為湯麵是公仔麵怎知是米線， 豬軟骨炆得夠淋亦很入味， 湯底有點似牛腩麵的湯底， 奶茶奶味比較濃，茶味較單薄， 整體中規中矩。…查看更多