太興 (已結業)

因為有贈券所以同家人特登去太興食下午茶，下午茶價錢比一般茶餐廳貴，尤其係燒味飯或者燒味粉麵，西多士味道一般，冇特色，豬手麵豬手都有四五舊，肉少骨多但啲皮都煮得淋，本人就叫了一個湯鴨飯，上湯味道濃但鴨肉就煮得有啲老，整體都可以接受。我用QR code落單後轉頭又想改第二樣食物，個職員就即刻幫我去廚房櫃位取消和更改，服務值得一讚。…查看更多

本人曾幾次光顧新九龍廣場分店，內有一卷髮及博頭且高大女職員及一梳馬尾女職員(他們均站收錢位置)態度很差，本人媽媽曾咨詢該卷髮職員，如果買隻雞是否先付款才取雞，該女職員態度超劣回應：梗係先比錢後拎貨啦，你第一次嚟買嘢呀。本人最近一次早上光顧買早餐，等了十多分鐘，本人向梳馬尾女職員可否跟進一下，該女職員只顧吃早餐回應:入面整緊! 最後本人親自直接到水吧枱取早餐。有這態度差員工是不可接受。…查看更多

58蚊午餐加3蚊凍飲，啲燒味又鞋又細，雞胸肉幾舊加隻咸蛋都夠膽要收58,大家樂大快活都好過佢，上菜時已經笑咗出嚟，一次性生意，以後都唔會幫襯，建議大家轉餐廳，啲咁嘅無良餐廳應該被淘汰…查看更多

昨天端午節，在大角嘴太興買了一隻白切雞和一條骨燒腩仔，盛惠300餘元，作為祭祀用！拜神後，拿回店餔幫忙斬開！工作人員非常幫忙！晚餐時，好好享用白切雞和燒肉！可惜，那白切雞真的是白切，淡而無味，唯有用多點羌䓤油來伴吃！可惜仍不能蓋過那股雪味！老實說，收190元一隻雞，交出這些貨式，簡直令人已為是幾十元的雪雞！家里各人都齊聲說，店大，做是這樣的！對品質很難有保證，尤其是大時大節也好，以後可以少了一個選擇！…查看更多

太興本身價錢都係中上級，都無所謂，最緊要物有所值。嗰日去食午飯，叫咗一個星洲炒米同梅菜扣肉飯。首先講講星洲炒米先…一上枱望一望無煙“碟嘢凍嘅”，米粉又太干，最慘就係啲咖喱炒唔勻，食落去時一係就咖喱味，一係就無味，衰過7仔啲星米。然後再講講梅菜扣肉，上枱夠熱，不過切到紙咁薄，無哂口感，普通茶記都唔會咁切啦，味道就一般般，唔係好食嗰隻囉。“奉勸各位去如果真係要去不要點呢兩個嘢， 極度失望嘅食物”！！…查看更多

有一晚晚飯其中一碟餸有曱甴, 極度嘔心，衛生好有問題，有影到相，會去食環投訴，本人不會再光顧，好心提醒大家如果去食因住中招!!!建議不要光顧，本身啲食物質素都不好，服務態度亦差…查看更多

今日落雨，6個人又唔想行太遠，所以我地就近近地係附近撜野食，就去左太興，今次應該係我第一次食太興因為太興燒味飯出名，所以我就叫左雙拼飯，叉燒燒肉飯 ($64)叉燒有少少乾身同韌，不過都可以接受燒肉皮脆，肉都係有少少乾身，唔算太韌，不過如果可以再林D會更好不過真係好貴lo…查看更多

今日山長水遠去大角咀開會，呢度除左識奧海城之外，真係唔太熟呢頭，行下行下見到呢個新九龍廣場入面，有間我食開既飯堂，就係太興啦，咁當然要食個飯先啦。估唔到係呢個地方，人流絕對唔少，入面都係坐滿晒人，好辛苦逼到個位，地方唔算太闊落，不過環境都算舒服。之後就梗係要叫我最鐘意食既飯款之一啦，就係咖哩牛腩飯啦~ 因為午市關係，所以都要等左一陣。終於上枱啦~ 上枱啦~ 首先好快就上左杯凍檸水，呢杯太興凍檸水基本上係我覺得係最抵飲既，因為佢都真係好大杯，而且都有成四塊檸檬，比較出面你話邊有咁多啊~ 好啦，跟住主菜到咖哩牛腩飯啦，首先講一講佢個咖哩汁先，有好香濃既椰香，而的汁亦唔會好杰身，又唔會太辣，加上佢個的薯仔係用炸過後既薯皮，食起上黎都好香口，但當然牛腩先係主角啦，呢度既牛腩份量都好多，牛腩同牛筋個比例相若，牛腩好嫩滑又入味，味道豐富，送飯真係一流。 埋單都要$61蚊，午飯黎講價錢都算中等啦，不過從味道上欣賞，就真係值得讚既。…查看更多

又到晚飯時間， 諗唔到食乜就不如食太興喇！ 一打開menu就見到有一款泰國風味嘅泰式鰈魚配酸辣汁，以前食鰈魚多數都係燒或者焗， 所以諗都唔使諗就一於試下啦！ 另外一個餸我就叫左中式京都洋蔥豬扒， 佢哋加19蚊可以轉做套餐有一個飯同埋一杯嘢飲！ 泰式蝶魚酸酸甜甜味道唔錯又唔腥，冇乜魚骨啱曬我呢啲唔識得食魚嘅人。而中式京都洋蔥豬扒 就係最穩陣嘅餸菜， 多數都應該會整得好食， 又係甜甜酸酸夠曬醒胃送飯一流！ 不過呢間太興向上菜方面就比較慢， 已經黎過好多次都要差不多食完一碟餸先至上另一碟， 希望佢哋響呢方面有改善！ …查看更多

嘢食维持一般水準，食物完成時間還好，但一直無樓面上菜，吧枱堆積如山，早餐時段6個樓面，得一個穿背心同後生女做嘢，其餘4個長期在場上慢走圈，見有新客就避開，行到第二到。被客捉到，好不情咁落單。等咗1X分鐘，吧枱開始有嘢煮好，但30分鐘仍然未上菜，唯有自行去吧枱攞，被毅行樓面阻止，然後，先開始續碗續碟上菜。用咗十零分鐘终於清咗吧枱嘅野食。食完碗麵，又繼續等嘢飲野。一個早餐，食足個半鐘，超抵“坐”。完全適合已退休，完全無野做人士去打蠆。…查看更多

嘢食煮完，無人上菜，要顧客自己上，無人冲嘢飲，樓面得一個主任，著背心，做嘢，其他人慢走圈，扮忙，一個早餐坐足個半鐘，十分抵坐，呢個情況维持咗幾年，但樓面班底不變，只不停換主任。都唔個經理都緊咩…查看更多

今日咁啱出街做啲野，行過好多商場都就唔啱食野，就諗住去茶樓食下午茶，但咁啱又撞正佢裝修，咁就求其過左隔離太興食下午茶。入去坐底比隻杯妳話隨便飲水，點知枱上個水壺係吉嘅。到落單，佢單都慳返唔寫，齋即時大叫出面入機，我講一句佢就大叫一句，但最終竟然落錯單，落左下午茶餐牌無嘅野。到叫佢改單，點知都係再落錯，唔用紙寫底就會落錯單就唔好慳，做多少少用紙筆寫住先入單。跟住又再搵人黎再改單，佢就再同我跟，最終話價錢一樣就唔再改單，入面廚房知就算。…查看更多

早起鳥兒有蟲吃，選了紫色的早上說實在，太興早餐我個人覺得很重味精的說，不過今天卻覺得下手無咁重，味道淡返點，很好，煎蛋很有蛋味，我不清楚她是選甚麼雞蛋，只覺得她的蛋味較特出，而且雞蛋顏色鮮黃，配合著有火腿有生菜的通粉，感覺上營養很均衡xdxdxd感覺罷了整體來說，ok，沒大特別…查看更多

太興可說是高級茶餐廳，價錢也比較貴，最平的餐也要＄50左右， 但環境又舒服，所以要與朋友聊天的時候太興也是一個不錯的選擇。這次的午餐點了一個鰻魚炒飯和冰鎮奶茶。鰻魚炒飯出乎意料的好味，本來沒有太大的期望，但是這個炒飯會令我再次光臨太興。＄50一個炒飯，飯的質地自然要粒粒分明， 這是非常基本的。鰻魚的份量很多，師傅不是將鰻魚切粒而是切條，因此吃炒飯時候仍然可以吃到鰻魚的質感。味道方面，醬油味中帶一點點甜，應該是鰻魚汁的味道！冰鎮奶茶水準如一，奶和茶的比例剛剛好。一入口先感受到淡奶的味道，然後陣陣茶香就飄出來！回想起來每次吃太興，它的奶茶質素還是沒有改變，值得一讚。…查看更多

早陣子陪朋友到大角咀看醫生,由於等候時間超長,所以就到附近的餐廳吃飯等候這兒不是太多餐廳,所以見到太興便進去了晚飯時間也不是太多人,可能是星期五的關係吧其實這個廣告並不討人喜歡,至小我不喜歡看了看餐牌,其實不算太多選擇,最後選了燒味飯叉燒薰蹄飯,樣子看起來雖然不算太吸引,但吃起來絕對不錯叉燒十分多汁,肉質軟熟,之前吃過其他分店是濃的蕉啼是冰鮮肉,所以沒有什麼討論價值,但點上醬汁後吃也是不錯飯質也是軟熟,有些分店是硬的,所以十分欣賞這一家分店菜心已大條的為主,所以咬起來有些困難,個人不太喜歡老實說,其實是為了奶茶而來,奶茶十分香濃,不加上糖飲也是可以並不是每一家分店也能保持水準,暫時只有大角咀店不錯…查看更多