太平館餐廳

專誠試下喱間老字號太平館餐廳 睇下佢馳名嘅瑞士汁同疏乎厘有幾出色 下午茶時段有茶餐 包凍或熱飲 凍飲唔駛額外加錢太平館瑞士汁炒牛河 喱度出名瑞士汁 當然要試下佢 上碟只見好深色一pat醬咁 賣相麻麻 食落仲好失望 碟河粉䶢到我食咗兩啖已經頂唔順狂灌水 真係同好味扯唔上關係 雖然佢塊牛肉都嫩口 河粉亦炒得幾有穫氣 但真係調味太重手 無辦法支持落去 凍/熱齋啡 用作解膩 唔係即溶咖啡嚟 都幾香濃 唔錯太平館式焗疏乎厘二人茶餐 同樣包兩杯冷或熱飲 一上碟好驚喜 真係好大份 等於我一個頭咁大 不過喱個要有耐性地等待 足足要35分鐘左右 一切開充滿蛋香 面層好似海綿蛋糕咁 中間嘅質地就好似濕濕地 咬落似食棉花糖 圍邊似係焗燶海綿蛋糕咁 每個位都有唔同質感 充滿層次感 但我最愛都係頂層 軟綿綿蛋糕狀 焗到幾香口 中間略嫌濕得濟 入口化開變糖水咁 完全似食緊bbq後嘅棉花糖 喱個價錢我覺得有啲貴 可能覺得疏夫厘並唔係咩名貴蛋糕 我本身亦唔覺疏夫厘係好好味嘅東西 但佢個樣的確係靚嘅 拎嚟打咭都唔錯總括而言 喱間餐廳 我試過一次就足夠 以上兩樣嘢都無令我食過翻噚味 係個疏夫厘嘅size大到咁 叫好特別 但味道就係平平無奇 餐廳格局舒服 全部梳化卡位座 而且侍應們都係打bowtie 白裇衫黑西褲 整體感覺同環境設計都好有懷舊氣息 幾有特色嘅餐廳 有空幫襯下喱間充滿歷史感嘅餐廳都係唔錯選擇 而且侍應有禮唔會似舊冰室咁催人落單 仲可以慢慢坐住等 茶餐好快到 只係要等疏夫厘 食完又唔趕人走 好難得…查看更多

中午嚟到呢個歷史悠久嘅餐廳 🌟，想book位都冇得book啊 😞，12點後就要嚟拎飛 🕒，1:00嚟到嘅時候就已經要等幾張枱先有位 ⏳。餐廳入面嘅裝潢都係比較舊式西餐廳嘅樣子 🏛️，都幾有氣氛㗎，牆上面仲掛咗好多舊時候嘅照片 📸。入到去侍應都好服務態度嘅 😊，睇睇餐牌食咩 🤔，都係食幾樣大路嘅嘢食 🍲，包括瑞士汁牛河 🍝、焗葡國雞飯 🍗 同焗豬扒飯 🥩。午餐包括咗餐包 🍞、餐湯 及冷熱飲品 🥤，食物味道方面呢，每樣菜式都比較多汁同埋濃味 ，瑞士汁牛河直程甜到有少少苦 ，最後仲食埋疏乎厘疏乎厘就比較有驚喜 ，又大個又熱辣辣又好食 🔥。如果食物質素方面可以改善少少都會再嚟食嘅 🙏，期待下次有更大驚喜！⭐️⭐️⭐️…查看更多

繼上次同區Chez Moi，此乃餐廳重訪系列2：太平館，也滲透着兒時家人同臨的回憶。中午lunch menu名物選擇頗多，牛脷，雞翼，瑞汁牛河等也可揀，包湯，麵包，餐飲，大部分也是百元上落，是頗值得大家趁機品嘗百年豉油西餐的風味，但要有心理準備小等一會。餐湯我每多點羅宋湯，是日感覺average，對我來說偏酸及稀一些，但也總好過有些餐廳不知為何永遠像糖水般甜，皇后好像較對味一些。吃這些港式西餐，我最愛其跟湯甜餐包，中間分半自行塗上厚厚的牛油 ，整個拿在手中大啖大啖的咬(Table manner上，完全錯的做法），再喝兩啖熱湯。不過這兒用的是小盒軟牛油，正式若能提供薄片冰凍硬牛油更佳。久違了的瑞士雞瑞上枱了，大隻，飽滿油亮，入口夠熱夠滑，表面所有雞皮盡是瑞汁香甜鮮，也不過鹹，以我的食量齋吃雞翼半打才夠，lunch set 就有4隻，配埋飯或意粉，便剛好。這兒有新舊侍應，服務也算到位，吃完雞翼還主動給我檸檬水洗手，再嘆一杯熱奶茶，屬港式濃郁那type，慢慢坐着，也沒有要趕你立即走的操作，十分樂意給我再添熱清茶。若與3，4位朋友同來，建議多點一客巨大金黃疏乎厘共享，蛋香四溢，一定更完美滿足！…查看更多

太平館 ～創辦於1860年歷史悠久，如果你想食正宗瑞士雞翼或者瑞士汁嘅乾炒牛河，又或者你鍾情牛脷咁你就要試吓太平館嘅名菜咸牛脷，因為出邊其他地方未必可以煮到呢個味道，佢哋仲有出名嘅焗葡國雞飯同埋蟹蓋一定要試吓。當然絕對冇忘記要嗌香港出名嘅焗疏乎厘做甜品啦🥹🤤…查看更多

昨天全家一行四人再到此太平館食午飯，之前見過食評說週末不可以訂枱，但星期五致電查詢的時候，如果12點前到可以留枱。由於週末沒有午市套餐，全部散叫所以比較貴一點，但都是點了大路的焗蟹蓋，瑞士汁牛河，葡國雞飯和豬髀飯，最後是疏乎厘。來的目的最主要是懷舊一番，味道和以前差不多。最主要是帶小朋友來見識巨大的疏乎厘。決定來之前都看過一些關於侍應態度差的負評，但由於在香港食肆都是挺普遍的現象而有心理準備，所以即管一試。整個用餐過程所有侍應非常好招呼和又有禮貌。…查看更多

【懷舊西餐之選】太平館餐廳係香港歷史悠久嘅老牌西餐廳，承載住一代人對懷舊味道嘅集體回憶。上兩個月終於抽時間去試，專登選中午去食午市餐，記住12點後只接受 walk-in，唔可以訂位，所以早啲到場比較穩陣。我今次點咗招牌瑞士汁雞翼，雞翼炆得入味，皮薄肉嫩，配上濃郁帶甜嘅瑞士汁，鹹中帶甜，非常開胃。另加一客焗疏乎里做甜品，蛋香撲鼻，外層蓬鬆、內裡軟滑，真係名不虛傳。餐廳裝修保留舊式港式西餐廳格局，帶點殖民地時期風格，服務人員有禮，氣氛懷舊得嚟又唔老套。整體而言，太平館係一間值得一試甚至回味多次嘅老牌餐廳，每一口都食到歷史同情懷。…查看更多

專程來試乾炒牛河，瑞士汁炒，色水夠，味略甜，與豉油老抽炒的味不同，我兩樣都愛。我是粉麵控，粉必定要好。河粉闊度適中，不糊口，且頗為彈牙，不會黏成一堆，條條散開，條條都上夠色，卻不會有過量油炒，炒得有功架👍牛肉份量足，沒有梳打味，肉質ok沒有芽菜，用了菜心，味道都夾，但芽菜可以減油膩感，也中和濃濃的瑞士汁。可惜咖啡味道唔合心水。下午茶時段$82，連飲品，份量岩岩好🤗餐廳乾淨，燈光頗亮，我還記得細路時光顧，燈光是暗的，兼失掉了舊屎的情懷了。…查看更多

歷史悠久「太平館餐廳 」1860年創立 均受港人遊客歡迎，招牌菜 梳乎厘，乳鴿、瑞士雞翼、牛河等等⋯⋯但最近都係鐘意吃中式鑊氣菜😊椒絲牛柳炒意粉：用了新鮮牛柳！牛肉淋滑，加左炒香洋蔥芽白三色椒配搭，意粉超彈牙，再灑上黑胡椒碎炒得乾身仲好有鑊氣。❤️‍🔥熱辣辣超惹味呀！😍真係停唔到口😊相比起西式忌廉意粉加芝士又加cream，呢個吃曬成碟都唔覺得油膩😆👍奶茶無苦澀，入口幼滑濃厚,唔會好似水一樣稀。…查看更多

因為太耐沒有去平太館，上一次踏足已是2023年。今次因為是星期六，附近的茶記實在人太多，就決定對自己好一點，結果一人前的太平館午餐，熱奶茶是室溫又完全冇茶味！焗咖喱牛脷飯炒底，飯底是微溫，完全沒有熱辣辣的感覺，吃的第一口飯感覺像夜晚加班回家桌面上未經翻熱的剩飯！入口令人沮喪！馬上令食欲下降！減肥之選😅食了三分之一便叫餐廳打包，代回家後再加熱吧！咖哩味道還可以，喜歡濃味及鹹食的朋友可能會喜歡。老待應生們的服務態度還可以。只可惜，這次體驗感受還是失望！太平館⋯要與你說⋯⋯分手不再見…查看更多

我好吾明話老字號但係尖沙咀同銅鑼灣點解態度都一樣咁差，野食味道又不是特別好味過人，焗飯極油，水準每況愈下，梳乎厘選擇多的是，但態度真係數得出全香港十大最差，非常失望！…查看更多

好耐冇去過太平館食飯，最近個frd問去唔去試吓，就去咗食.我自己叫咗個白烚牛脷，塊牛脷幾厚身，但白烚嘅味道就一般般啦，不過不失，塊牛脷算淋，係某D parts會韌少少。跟著就食咗個梳乎厘，佢好大個，2人食啱啱好，味道唔太甜，亦有浸燒焦嘅味道，對我嚟講幾好食。overall呢間老店keep得唔錯，樓面衞生程度好，燈光亦夠柔和，坐得舒服，唔會覺得迫，而D嘢食都幾大碟，性價比高，唯獨係服務差少少，有待改善。…查看更多

作為一家馳名中外的老字號餐廳,太平館自然饒富歷史傳統和文化內涵。可惜的是,在這家銅鑼灣分店用餐時,卻遇到了令人失望的服務態度,實在有違餐飲業的專業操守。首先,餐廳內的環境還算不錯,有著典雅的裝潢風格,營造出一定的用餐氛圍。不過,正是這份歷史韻味,卻也滋生了一種頗為令人不安的熟客優先文化。當天我們在餐廳門口等候了足足15分鐘,明明裡面大半桌子都是空置的,只因為有些桌子掛著"已訂"的牌子而被保留著。更可氣的是,根本不分你是否已預約,只要有熟客到來,服務員就會優先為他們安排座位,完全無視我們這些候候已久的新客。服務生的這種傲慢態度,簡直是將餐飲業最基本的禮貌全然拋諸腦後。我們付出的錢同樣綠油油,又何曾低人一等?至於食物方面,則算不上有什麗驚艷之作。鮮茄燴牛脷意粉的番茄醬鮮香可口,牛脷的口感也不錯。不過燒豬脾飯就相當失望,不但豬脾肉切成一片片上,少了原隻的分量感,味道也顯得單薄乏味。總的來說,這次在太平館用餐的體驗遠遠低於我的預期。服務生的傲慢態度讓人覺得被冒犯,餐點則普普通通,難以讓人留下深刻印象。這樣一家老字號餐廳,若不正視員工的服務素質問題,實在難以在競爭激烈的餐飲市場中長期立足。希望經營團隊可以引以為鑑,及時糾正弊病,重振太平館的美譽。…查看更多

於銅鑼灣食完晚飯後，外母想到附近的太平館食梳乎厘。坐低後又被沙丹豬扒及乾炒牛河吸引。另外老婆及舅仔又叫咗凍朱古力及朱古力新地。太平館的干炒牛河真係幾正，未至於好有鑊氣，但賣相及味道無得輸。而沙丹豬扒，根據外母的評語，應該係要用鐵板上，同埋係要確定配咩汁，就咁用碟上就十分普通。太平館的價錢雖然相對較高，但個人認為性價比尚算OK。不過，下次都係目標清晰啲，去太平館目標係品嘗梳乎厘就好，食埋其他就太飽啦。…查看更多

今日帶小朋友去呢間老字號餐廳，除咗食物好味之外，值得一讚就係佢哋嘅服務態度，超乎想像非常非常好的服務態度，每一位員工都對你好親切好細心好有禮貌。好到真係要公開去表揚佢哋。淨係佢哋一流嘅服務態度已經係物有所值…查看更多

今日經過，見到原來有下午茶餐，相對晚市嚟講抵好多，即管試吓啦。入面裝修幾有懷舊feel🤗咖喱牛腩飯：係我最鍾意食嘅港式咖喱，咖喱味濃，牛腩軟腍入味，醬汁唔算辣，質感香滑，唔會太稀同過稠，不過薯仔得1舊太小🤣太平館瑞士汁牛河：真係唔係我杯茶，一入口嘅感覺～～～真係好鬼甜，啲牛肉係完全冇肉味，冇質感，太平館嘅招牌竟然用啲咁cheap嘅肉，成碟嘢我可以用極難食來形容😫百年老字號，竟然係甘嘅水準，失望呀！無下次👋…查看更多