太吉

食物: 質素非常普通，唔好食。完全冇居酒屋燒烤嘅基本技術。專登試啲熱門推介，雞肉棒，飯團，牛舌，冇一碟好食。唯一好食係雞泡魚干。菠蘿，粟米都唔好食。價錢: $50-90一碟，每碟一串。我地叫左7碟，加一小樽清酒。服務: 非常差。食左一小時，當時兩人已經叫左$600，都被不停催加單。見我地冇再加單，就叫我地即刻埋單。俾說話人聽，話因為我地坐耐左（total 用膳時間90分鐘），有2轉人係出面等而走左，令佢地損失左客。總體而言，$600 坐60分鐘，食物不似預期，好大落差。呢個價錢，可以有更多其他更好選擇。…查看更多

今日十.一放假，去堅尼城行吓，其實此地區都乜嘢好睇，純粹去搵食，餐廳條街比較靜小車經過，而且條街都有幾間嘢選擇泰國越南野等等，咁選擇依一間，幾有日本色彩嘅串燒店。入到去仲有位唔多人，因為唔係太肚餓叫小小….叫左個牛肋肉，芥末八爪魚，明太子雞翼，白鱔，海葡萄沙律，雞肉串，和兩支嘢飲，所有嘢燒得幾好味，價錢正常，有心造👌👍👌。一路聽住日本音樂一路食，成件事都好有日本色彩，如果經開堅尼地城，大家都可以一試…..…查看更多

直接講咩野食推介/不推介！！！放工快手搵左間居酒屋 係西環既一間小店 裝修同日本居酒屋差唔多 幾有feel 目測似係一家人打理既生意 野食方面主打串燒 無刺食生無壽司 隨手跟個人喜好嗌左一堆野食 清酒煮蜆店員話得返最後一份 所以點左嚟試下 $88一份不錯 清酒味好香 好入味 蜆都新鮮都大隻 推介大家試下🥰整體來講，牛類比較推介，豚肉類不推介推介：👍🏻牛舌清酒煮蜆牛肌肉免治雞肉串不推介：🙅‍♀️生蠔 豚肉荔枝卷（豚飲類不建議）炸豆腐…查看更多

今晚同澳洲朋友番黎聚一聚﹐要去PINGPONG 飲野﹐所以就近近地選左呢間居酒屋醫醫肚先~因為晏D要去飲野﹐唔想食甘飽﹐輕食番D 串燒串燒韭菜豚肉卷，由豚肉包住，個人覺得比較乾身左D。大推燒牛舌﹐佢既厚度一D都唔古寒﹐咬落爆肉汁﹐點少少鹽食﹐更正。仲有﹐個羊架燒得岩岩好﹐D肉仲好嫩﹐非常少既羊騷味﹐火喉控制得合度好處﹐真係無失望!!本身想食燒飯團﹐但無見到﹐唯一接近既係燒豚肉飯團。呢個真係要虐﹐好有驚喜呢~入面有櫻花蝦﹐飯素﹐外面用豚肉包住﹐店員仲好貼心甘幫我地一分為二。間餐廳細細地﹐裝飾好可愛﹐黎就記住BOOK 位喇~…查看更多

之前諗住同同事試下，點知撞正休息日，食門釘，所以大家記得留意營業時間吖同事大推menu上面冇嘅串燒set，話好正於是就跟機試下啦總共有六串，有肉有菜，夠balance，另外仲有湯加飯串串味道都好好，啲肉又唔會話好老如果喺附近返工，可以係lunch之選另外都有啲lunch set嘅選擇…查看更多

朋友推介堅尼地城呢間「太吉居酒屋」，咁啱今日放假嚟呢邊行下，就順便過嚟吃頓午餐。餐廳地方不大，只有廿餘個座位，但裝修得幾有格調，以簡約木系為主，牆壁上貼滿了酒瓶標籤和日式掛畫，佈置得頗有心思。點咗兩個午市定食，套餐配有沙律、前菜、麵豉湯及白飯。沙律用料新鮮、蝦味噌湯有濃厚蝦味，內有海帶和豆腐。牛肉稻庭烏冬定食 ($90)  牛肉半生熟，肉質粉嫩，湯底味道好清甜，烏冬滑捋捋，加上掛滿了帶甜嘅湯汁，入口啖啖滋味！日式咖喱吉列豬扒定食 ($90)  豬扒炸至金黃色，入口外脆內軟，肉質很香甜。咖喱味道調校得啱啱好，帶微微甜香，用嚟送飯一流！加咗 2 款小食，章魚燒 ($30) 同 自家製免治雞肉棒 ($30)，章魚燒好彈口，味道香甜又不會過膩；雞肉棒鬆化軟熟，再點上用豉油同蛋黃攪拌嘅醬汁，非常好吃！…查看更多

今日又重返堅尼地城堅尼地城都好多遊客 當然美食都唔少得除咗海邊嘅西餐 其實厚和街一帶有好多嘅居酒屋 規模不像連鎖 但就有自家嘅味道今日是日推介係生蠔當然我哋都即刻叫咗 的確 生蠔真係好鮮味而且完全唔會覺得腥 中間仲好cream嘅感覺前菜方面亦都叫咗冷豆腐小小嘅豆腐汁，就已經好好食仲有份海葡萄沙律海葡萄沙律好適合夏天食 有口感而且有一種好清新嘅感覺串燒方面雞胸軟骨自家製免治雞肉棒豚肉蘆筍卷免治雞肉棒真係我嘅最愛裏面一粒粒嘅軟骨，真係好爽口再沾上蛋汁 另外蘆筍卷都幾好味燒羊架燒完架火喉，亦都掌控得啱啱好完全唔會乾 肉質仲好鮮嫩赤魚一夜干赤魚一夜干係我指定要叫魚本身好新鮮 加少少鹽已經好鮮味蒜片牛舌平時蒜片牛柳粒就食得多牛舌多數係鹽燒蒜片牛舌 而且仲要係厚切嘅牛舌令佢更加有口感 牛舌個種口感 真係正…查看更多

今日同朋友喺堅尼地城去食飯 ，見到有間隱世嘅日本野食。 二話不說立刻衝咗入去食。 入面裝修簡潔企理 ，走呢個日式居酒屋設計而且坐得都舒適，咁我地叫左以下食品：沖繩海葡萄沙律: 這道沙律使用沖繩海葡萄、沙律菜和車厘茄。海葡萄的鮮甜與沙律菜和車厘茄的清爽相結合，帶來一道口感豐富的沙律。瀨戶內海生蠔: 這款生蠔來自瀨戶內海，帶有新鮮的海洋風味。生蠔的鮮嫩口感讓人愛不釋手，是海鮮愛好者的絕佳選擇。白飯魚干: 白飯魚干是一道簡單美食，風乾後的魚干脆，帶來一種濃郁的海鮮風味。雞胸軟骨: 啲軟骨炸得好香脆，第一次試雞胸軟骨，而軟骨肉質都好夠味，真係好正。雞腳筋 + 雞掌心: 這道串燒結合了雞腳筋和雞掌心，口感韌勁十足。雞腳筋的嚼勁和雞掌心的軟嫩肉質相輔相成，帶來一種獨特的食物口感。自家製免治雞肉棒: 這款串燒是店家自家製作的免治雞肉棒。雞肉棒的質地鮮嫩多汁，配上獨特的調味，帶來一種美味的肉質享受。豚肉腩: 豚肉腩是一道經典的日式串燒，豬肉的肥美部位經過炭火燒烤，口感酥軟多汁，肉質的香氣讓人垂涎欲滴。墨汁燒腸: 這款串燒使用墨汁烹煮的腸類食材，帶來一種濃郁風味。墨汁的特殊香氣與腸類的口感相結合，營造出一道獨特的串燒風味。油揚豆皮: 豆皮脆，有豆味，点埋少少醬油一齊食有另一風味。翠玉瓜 & 秋葵: 翠玉瓜和秋葵是蔬菜串燒的組合。翠玉瓜的脆嫩和秋葵的鮮美口感相輔相成，帶來一道清爽的蔬菜串燒。花魚一夜干: 這款串燒使用了花魚一夜干，經過炭火燒烤後，帶來濃郁的魚香和香脆的口感。花魚的風味與炭火燒烤的特殊香氣相互融合，令人回味無窮。最後我覺得呢間日式餐廳嘅裝修幾有日本feel，同埋食物我覺得都幾有quality， 咁如果大家經開堅尼地城呢頭，咁可以試下呢間餐廳， 我覺得值得一試。個人喜愛一夜干。…查看更多

堅尼地城每條橫街小巷都有餐廳這次就來到位於厚和街的一家日式居酒屋🏮門口掛滿了燈籠，推門進去就看到餐廳牆上貼滿了酒瓶貼紙午市定食包括一款主食，還有沙律、小食和麵豉湯‣ 串燒定食 ($100)雞爽肉｜日本雞翼｜黑豚腩｜墨汁燒腸｜冬菇｜翠玉瓜這份定食是是日精選，分別有6款串燒以這個價錢有6款串燒都挺划算的當然串燒味道也不錯，肉質飽滿，也不會太乾，調味剛剛好‣ 牛肉稻庭烏冬定食 ($90)牛肉很大一片，而且很滑加上烏冬吃，很滿足！‣ 章魚燒 ($30)就是章魚小丸子，外脆內軟～‣ 雞軟骨 ($25)雞軟骨燒得脆脆的又不會乾，很好吃‣ 麵豉湯麵豉湯是跟餐送的店員細心提醒這份麵豉湯匙有蝦的成分個人覺得這份麵豉湯很有特色，有蝦令麵豉湯的味道更豐富大家一定要試試！💭 C͟o͟n͟c͟l͟u͟s͟i͟o͟n͟午市定食價錢合理，環境舒適如果想在堅尼地城找個地方吃日式午餐，不妨考慮這家餐廳～💰Total: $270 ($135pp 已包括10%服務費)📍太吉西環堅尼地城厚和街28號順昌大廈地下B舖全港多間分店🫶🏻🚩更多同類餐廳 #foodstep_日本菜 🚩更多同區餐廳 #foodstep_堅尼地城 ⊂ 喜歡我的分享就收藏、點讚、關注吧❤️⊃📣想看更多美食推介 ☞ Follow @ourfoodstephk_ …查看更多

出走左香港半年有多..久違地反黎堅尼地城～膽粗粗嘗試walkin我以前成日黎既飯堂!! surprise 仲見到熟悉既太吉招牌燈,熟悉的侍應,熟悉既味道～唯一吾同既系多左好多新菜式見到平日都有做happy hour 🤔 仲要有折扣 可惜我趕吾上哩個88折優惠😢免治雞肉棒🐣居酒屋必點既雞肉棒,中意食軟骨既我略嫌入面啲軟骨吾夠多🥲雞腳筋 雞掌心 雞頸肉 雞胸骨本身有小小抗拒..但小店誠意推介雞既特別部位,出面小有..值得一試～又真系有驚喜 👍🏻腳筋原來都系軟骨類.而掌心食落去都好煙韌! 胸軟骨系比較脆身👍🏻荔枝/車厘茄 煙肉卷荔枝食落去juicy又吾膩～包住車厘茄又好似健康啲,偽減肥😂牛油燒粟米食完想再食既粟米～又系必點！！今轉得一個人黎探店,食吾到太多野..唯有下次約埋朋友再反黎哩間【飯堂】黎聚舊..本身冇抱太大希望.因為走入厚和街有好多相熟餐廳都已結業,事過境遷～能留低的唯有略盡綿力！#foodie #FoodieLife #openricehk #eat #izakaya #嗜新嘢 #香港必食 #串燒 #居酒屋 #西環 #堅尼地城 #串燒居酒屋 #food…查看更多

🍊 餐廳名稱：太吉 (西環)🐝 味道：8/10環境：8.5/10整體分數：8/10💰人均：$200~300———————————————————今次搵左間地道啲嘅居酒屋，所有食物都係即叫即整，價錢都好親民，而且裝修風格加上播住日文歌，好似置身係日本常中。(冷)限定料理 💰30每期嘅限定料理都唔同，今次就係麵豉青瓜。爽脆清甜嘅青瓜加埋鹹香嘅麵豉好開胃。各種燒物 💰25～45居酒屋點會少得燒物，叫左啲比較特別嘅有雞掌心，煙肉荔枝卷&豚肉腩等等。以上嘅都好推，發自內心覺得一定要試。另外值得一提嘅係個雞翼燒得好好食，even我地用左啲時間照相凍左都仲好脆。鱈魚乾 💰30脆都好似薯片咁，加埋個蛋黃醬係完全停唔到口。唐揚池魚仔 💰70有啲似食緊多春魚但我覺得好味多十倍嘅魚。櫻花蝦豚肉卷飯團 💰50用豚肉包住櫻花蝦飯團再攞去燒，好大舊專登叫店員切開。味道上蝦味好出，而且價錢好抵食！澳洲M5和牛腹肉💰260上枱個時已經切好晒，雖然無特別order要幾成熟但埋都黎就係三成左右，小編好喜歡呢個熟度。食落唔會好難咬，肉味香濃調味都好好！必叫！🗺️ 西環堅尼地城厚和街28號順昌大廈地下B號舖 🔍#FlavorforToday西環🚆 堅尼地城站B出口，步行約4分鐘…查看更多

好耐冇過堅尼地城搵野食，今次搵到間係專食日式串燒既居酒屋，裝修地道有日本氛圍，岩晒收工飲酒食飯！今次叫左唔同款式嘅燒物同叫左sake飲～前菜：日式冷豆腐 +麵鼓青瓜+ 沖繩海葡萄沙律唔係成日食到嘅海葡萄！好爽好fresh!仲有超滑豆腐 同超爽青瓜 食完開胃到爆！自家製免冶雞肉棒醬汁調得好 雞肉棒好juicy ! 有日本雞蛋加晒分啊！大葱雞肉雞肉燒得鮮嫩 唔乾身 食完要再叫！韭菜豚肉卷豚肉包左好多韭菜 好正 韭菜係好爽脆 一齊食又去左豚肉本身嘅肉膩 不錯不錯！清酒燒蠔必食嘅燒蠔！蠔鮮甜肥美 浸住熱辣辣清酒 個汁係好清甜好好飲！ 一定要食！燒雞頸肉 雞腳根 雞掌心全部都係雞嘅特別部位 平時少見到 呢度燒得好好食！勁好送酒！好爽好煙韌比雞軟骨更有口感～赤魚一夜干另一道必點時令燒魚就係呢條赤魚一夜干！燒得好好食 魚肉嫩滑零腥味 唔洗蘸蘿蔔蓉醬油都夠味 加少少七味粉就令魚肉味道更佳！吉列一口雞炸得好香脆嘅吉列皮 唔會油膩 雞肉有做到鎖汁 唔會太乾太粗糙！好吃呢～…查看更多

📍太吉西環堅尼地城厚和街28號順昌大廈地下B號舖餐廳氣氛令食客恍如置身日本，好適合放工約埋朋友嚟小酌一杯！今日天氣凍，店員仲喺餐前為我哋送上暖笠笠嘅味噌湯，十分窩心🥰1️⃣沖繩海葡萄沙律 $65入面有大量嘅海葡萄、沙律菜同埋車厘茄，作為前菜酸酸甜甜，好開胃。2️⃣炸豆腐 $40豆腐十分嫩滑，配上鹹甜鹹甜嘅鰹魚汁同埋蔥花一齊食，都幾鮮香惹味。3️⃣白飯魚干 $40每片白飯魚干都烘得好香脆，令人忍唔住一片又一片咁食不停口。4️⃣厚切牛舌 $70我好鍾意食牛舌，而呢個厚度都係我鍾意嘅，脆滑得來又不失咬口，油脂豐富。5️⃣明太子長芋燒 $30長芋燒味道比較單調，配埋濃郁鮮甜嘅明太子，十分可口。6️⃣翠玉瓜+菠蘿 $25 / $30呢兩樣蔬果都燒得幾juicy，幾refreshing可以解油膩。7️⃣墨汁燒腸 $35一咬落去肉汁係口中四濺，好有驚喜。8️⃣雞腳筋 + 雞掌心 $45/each調味適中，呢兩款串燒屬於比較有口感，煙煙韌韌咁。9️⃣雞尾 + 雞翼 $40 / $60外皮燒得幾脆，而入面雞肉肉質依然嫩滑。🔟豚肉腩 $35豚肉腩嘅肥瘦比例啱啱好，食落香口。…查看更多

最近經常去堅尼地城區搵食，平日嘅堅尼地城比週日寧靜舒服得多，揀選了一間日式小店，裝潢設計甚有日式居酒屋風格，原來主打燒物，怪不得啦！置身於現場，仿似去了日本。雞皮餃子用了雞皮作為餃子皮，真係估唔到！炸得脆脆，餡料飽滿，口感不錯。章魚燒一口size，方便食用。即叫即整，熱辣辣，好味。日式咖喱雞扒定食午餐會有午市套餐，一百元以下，前菜，沙律，主食和湯。日式咖喱不會太辣，帶甜。配菜薯仔，紅蘿蔔夠入味。咖喱汁撈飯十分味美。雞扒煎得皮香脆，肉質軟嫰。…查看更多

得閒同爸爸去食下居酒屋都幾好，可以試好多唔同嘅串燒。.先黎個海葡萄沙律，我記得海葡萄係沖繩嘅特產，對上一次食都好耐之前喇。依個沙律配上沙律醋，好開胃呀👍🏻.白飯魚干都好正！脆卜卜，又有炭香，連爸爸都食唔停口呀！我地原來都叫左好幾款串燒，有厚牛舌，免治雞肉棒，豚肉腩，牛小腸。個厚牛舌好正呀，又juicy，又香，少少嘅香草提味就已經好正，我個人非常喜歡。個免治雞肉棒配住個蛋黃食，好滑好嫩呀。至於個牛小腸，佢外皮燒到少少脆口，入面就似粉腸嘅口感，又唔會有內臟嘅腥羶味，幾好。.仲有我地比較少食到嘅雞腳筋同雞掌心。雞腳筋就比較脆，而雞掌心就較有咬口，唔會靭。.唔好睇少個粟米，本身諗住無乜特別，但係其實有好香嘅牛油同帶少少咸味，又係好正架，咸甜咸甜。.赤魚一夜干爸爸都好欣賞呀，油脂適中，燒完有魚油香，再點埋個柚子汁，都幾清新，唔會覺得好膩。…查看更多