太二老壇子酸菜魚

最近去咗內地品牌太二酸菜魚，真係好震撼！佢哋嘅酸菜魚酸味十足，酸中帶少少辣，味道剛好，令整碗魚更加入味。魚片鮮嫩滑口，配合酸菜，食落去好過癮，真係一口接一口。湯底香氣撲鼻，酸菜嘅清新感同魚肉嘅鮮味完美融合，搭配白飯食，簡直係絕配！餐廳環境舒適，氣氛輕鬆，非常適合同朋友聚餐。服務員態度熱情，令我哋嘅用餐體驗更添愉快。總括來講，太二酸菜魚嘅酸菜魚絕對值得一試，無論你係鍾意酸辣口味，定係想挑戰新味道，呢度都係個唔錯嘅選擇！…查看更多

今次嘅用餐體驗真的十分差！我哋今次喺餐廳因為對菜式嘅唔理解，所以向嗰度嘅侍應問咗菜式裏面有邊樣嘢係辣同唔辣，但係嗰度嘅侍應會露出一啲好唔禮貌，同埋不屑嘅語氣及眼神😑超級冇禮貌，服務態度亦都好差另外食物方面，啲酸菜魚係有好多小骨，所以如果帶小朋友去食要小心啲！…查看更多

太二酸菜魚係內地爆紅品牌，香港分店裝修走型格路線，黑白牆身配上簡約字句，幾有性格。九龍城分店位於 AIRSIDE 商場，環境新淨。🐟 主角：酸菜魚（辣／唔辣）叫咗兩個3–4人份量，一辣一唔辣，方便照顧唔同口味。• 辣版：湯底酸香麻辣，辣度唔算爆炸，但夠刺激，酸菜爽脆，魚片滑溜無骨，配埋紅薯粉一齊食，索晒湯汁，真係停唔到口。• 唔辣版：酸度明顯，麻香低啲，湯底清爽，魚肉同樣嫩滑，適合唔食辣但又想試酸菜魚嘅朋友。兩款都魚味唔腥，切片厚薄適中，湯底係靈魂，「酸菜比魚更好食」唔係講笑。🍡小食- 蛋酥軟糍粑：外層炸得香脆，內裡煙韌，淋上黃豆粉同糖漿，甜而不膩，係太二必食甜品之一。- 皮蛋：切件上枱，配上醋汁同辣椒油，味道夠惹味，唔係普通皮蛋咁簡單。酸菜魚辣唔辣都有得揀，湯底夠味，魚肉滑溜，糍粑真係唔可以唔試。但對於一人搵食嘅，就唔係咁友好啦。#太二酸菜魚 #九龍城美食 #AIRSIDE餐廳 #酸菜魚控 #川菜推介 #蛋酥糍粑 #真實食評…查看更多

周末心血来潮一个人来吃，菜单未有显示“mini份酸菜鱼周末不供应”，店门外也没有提示，入座后发现无法点单，才被告知不供应😭只能点别的菜，体验大打折扣，对一人食真的不友好…查看更多

想當年揾食肥華在童年，少年，甚至青年時代，在香港以銷售酸菜魚為主嘅食店，可謂鳳毛麟角，但事而世易，踏入暮年做咗嗜英嘅肥華年代，呢類國內酸菜魚專門店，在香港遍地開花，無論在街邊或大型商場都有一兩間喺左近。5月14日肥華約咗靚媽喺AIRSIDE睇下午埸次嘅電影，順理成章呢餐中午飯就梗係在呢間商場内食，結果肥華就揀咗呢間，無論舖面格局侍應員工待客態度都有八成，國內深圳連鎖酸菜魚食店風格的食店用饍。此店個招牌鱸魚酸菜魚固然好食，魚肉份量又足果然係鎮店招牌菜，而個乾煸肉沫四季豆，味道香濃鑊氣十足，配上今餐此店特別出色好味嘅白米飯可以講係完美配搭，再加上一碗飯後甜品，西瓜椰椰粉和無限自助添飲嘅，陳皮洛神花茶令到肥華和靚媽都認為，呢餐值👍🏻👍🏻👍🏻👍🏻👍🏻…查看更多

#留港消費- 食物：酸菜魚水準好穩定，酸辣爽口，配菜鍾意豆卜、紅薯粉、青筍（配菜選擇再多d會更好，例如薯仔同酸湯都好夾）。茶飲係洛神花陳皮茶包自取，搭配有心。涼菜鍾意無骨雞腳，麻辣紅油口味- 服務：服務一路好好，熱情禮貌，抵讚- 環境：新商場，裝修新，維護都唔錯- 建議：今次食魚片有dd易散，略影響口感；茶飲得一款洛神花可選偏酸，酸菜魚湯都係酸，可以考慮提供埋其他口味茶飲- 泊車：AIRSIDE泊車方便，車位多場地新…查看更多

👨🏻‍🍳太二老壇子酸菜魚 (九龍城)📍九龍城啟德協調道2號AIRSIDE 地下G003-G004號舖 「服務同深圳一樣好🤤」 好耐無去Airside，仲系咁多人🙈差吾多間間餐廳都要排隊，我地趕時間，入左去食太二🤣今次無食酸菜魚，食下小菜😽 👍🏻🍽️大滿貫小吃拼盤 $82小酥肉、薯條、蝦片 配 蛋黃沙律醬/辣椒粉蛋黃沙律醬超百搭，2種調味料配小酥肉都好好食🤤薯條系麥當勞薯條粗版走鹽😆🫶🏻蝦片同印尼蝦片一樣好食😋 👍🏻🍽️清新田園炒萵筍 $59夠味不咸👍🏻萵筍好爽脆，拌有的小炒肉半肥瘦，小小咸香，不會太咸。 🍽️惹味乾鍋花菜 $62椰菜花超惹味🥹好好食！！下面仲有蠟燭定小火爐保溫👍🏻不過呢個菜的小炒肉好咸🥲又咸又乾，食吾到🥲🥲 🌶️🍽️超下飯小炒牛肉 $118睇錯以為系小炒肉（費大廚有青椒個道🙈）呢道系幾下飯既🤣有D辣，有咸菜、芹菜等配料炒成，好香口，要配飯，就咁食好咸，但系送飯一流😝 👍🏻🍽️半碗飯 $6好貼心，有得叫半碗飯😝吾使食哂一碗🤤有米香🥹而且粒粒飽和有咬口，好味🥹🫶🏻 👍🏻🍹馬蹄好椰清補涼 $29甜度剛好，解膩一流🤤 👍🏻🍽️蛋酥軟糍粑 $48好食既黑糖糍粑😆仲好貼心，整到一粒粒，一口好過癮😋 免費自助茶水，水溫60-70度，好貼心🫶🏻還附有洛神花陳皮茶包，喜歡可以自由浸泡飲用👍🏻不過個人略嫌太咸太酸🙈 #太二老壇子酸菜魚 #太二 #小菜 #深圳過江龍 #過江龍 …查看更多

呢間太二相信冇人唔識，喺內地紅到發紫，人氣餐廳，之前嗰個香港人都衝上去食酸菜魚，而家嚟到香港都有得食，當然要試吓香港嘅質素啦。之前試過又一城分店的酸菜魚上菜是10分熱，所以很美味。airside呢間分店的酸菜魚不夠熱味道大大減分。最離譜的是辣子雞，本身已經不是很大碟都不要緊，因為價錢都不是太貴，但居然有半碟都是不知道是筍還是什麼的東西，它的形狀和外型都跟辣子雞相同。我們每一次夾辣子雞就好似睇吓抽唔抽中雞一般，有一半機會不是雞，我們覺得很過分！…查看更多

最近突然非常想吃酸菜魚，於是和家人決定來到這間以酸菜魚聞名的專門店。這間店在酸菜魚界可謂是無人不知，無人不曉，無論是味道還是品質都有口皆碑。店內環境乾淨寬敞，裝修風格與大陸的店鋪如出一轍，讓人彷彿置身於國內的餐廳。太二酸菜魚這道酸菜魚絕對是餐廳的招牌之作！魚腩部分非常嫩滑，入口即化，完全沒有腥味，可見食材的新鮮度非常高。酸菜的酸度恰到好處，不會過於刺激，花椒的麻香也非常突出，讓人一口接一口停不下來。湯底雖然濃郁，但並不會過於油膩，搭配白飯一起吃簡直是絕配。芥末蝦仁球這道芥末蝦仁球讓人驚艷！蝦仁非常Q彈爽口，外層裹著一層薄薄的炸衣，口感酥脆卻不油膩。芥末沙律醬的味道調得剛剛好，不會過於攻鼻，反而帶出一絲清新的辣味。飛魚子的加入更是點睛之筆，為整道菜增添了豐富的口感層次。…查看更多

今日我哋四個大人，四個小朋友黎呢度食野，餐廳好好，雖然冇八人枱，但都安排左我哋入去一張六人長枱再加多一張凳，等我哋可以坐埋一齊。我哋等了大概1小時……..終於可以入座了！坐位解決了，到食物啦，因為呢度有兒童餐，所以唔使擔心佢哋食乜嘢。兒童餐有齊餃子雞翼同蔬菜。就係冇飯。所以我哋再叫多個牛肉炒飯俾佢哋，咁我哋大人就可以專心食辣嘢啦！無論酸菜魚同毛血旺都好好味🤤酸菜魚我哋揀咗三個配菜，-寬薯粉 -脆豆腐 -豆腐卜呢三款都好夾盤酸菜魚👍👍推介最搞鬼喺呢度有得嗌半碗飯😂…查看更多

之前同另一半又嚟咗呢個我最鍾意嘅商場，最後決定食酸菜魚。weekend夜晚要等位，生意都算唔錯，門面幾光鮮。入到去坐得幾舒服，服務都算唔錯，仲好貼心地有叉電器同叉電線提供。我哋兩個人嗌咗一盤大嘅酸菜魚，香辣味，外加薯粉同埋萵筍。雖然呢份嘢話就話係兩至三個人份量，但係其實我覺得一個人都可以食得晒，因為實在太開胃，所以兩個人食應該唔會飽，而且薯粉同萵筍嘅份量太少，同埋如果你唔係好食得辣嘅，唔建議叫香辣味，因為香辣味都算幾辣。撇除太辣同份量問題，整體嚟講個酸菜魚水準算幾高。兩個人食咗$300鬆啲，都算合理水平。…查看更多

首先要利申一下，一向無北上消費食野嘅習慣。甚至係後來先知原來太二老壇子酸菜魚係國內嘅過江龍，所以以下講嘅味道同價錢都未能同大陸分店作比較。話說今日去開airside 睇戲，見到有我最愛嘅酸菜魚就決定入去試試🤪我地兩個人叫咗2-3人份嘅老壇子酸菜魚，佢set 咗免費加兩個配菜，最多只可以加三個配菜，而第三款要加HKD20.最後我地加咗粉絲，金菇同紅薯粉。另外叫咗個宮保酸甜雞，同埋蛋酥軟糍粑做甜品。餐廳有陳皮洛神花茶免費供應，其實都幾貼心，不過，我同男朋友都唔太識欣賞🫣男朋友嫌佢酸，我就覺得陳皮味濃到有d 澀🙂‍↕️酸菜魚上枱時，男待應突然好大聲講咗句唔知咩方言😂俾佢嚇咗一嚇，上網search 原來係「好吃的酸菜魚來了，好好玩哦，先喝一口湯，哇塞 屬實被惊艷」講返佢嘅味道，上枱時的確好香椒麻味，魚肉嫩滑，份量亦好足，正常三個人都夠食，湯頭酸酸辣辣幾開胃，但略嫌有小小過油。配菜份量略小，特別係薯粉同金菇，撈埋得兩小撮。食食下太開胃又想加個飯😂白飯同酸菜魚果然係完美配搭，三扒兩撥就清曬枱😚宮保酸甜雞亦有驚喜，外表炸得香脆可口，內裡肉質依然juicy,就連伴碟嘅炸米粒亦好有誠意，配埋個酸甜汁都幾惹味。蛋酥軟糍粑上枱熱辣辣入口軟糯，配上黑糖漿，味道剛好，未有過甜。--餐廳服務尚可，不過偶而聽到員工同員工間以普通話對答，感覺似返咗上大陸食飯咁。另外，唯一要彈嘅係，酸菜魚雖好食，但食完之後勁口渴，平時出名滴水不沾的我都口渴到灌水🥲整體而言，味道ok,但未去到驚艷，路過又諗唔到食乜可以一試。…查看更多

9月23日晚大約7點9於Airside太二酸菜魚餐廳等位期間，看見派飛小姐步向一位帶有一隻小狗等位的客人及傾談，其後該携🐶客人於派飛小姐面前將🐶放入其手提袋內；過了兩三張籌後，派飛小姐叫該携🐶客人之籌號，其他侍應招呼該携🐶客人入內用膳，位置是於餐廳最入之餐桌。有見及此，我向派飛小姐詢問是否可以携帶寵物入內進食，她完全沒有考慮下，即回答”不可以”，我說”但剛才那位小姐袋內有🐶”，她竟說”是嗎？”，然後以對講機作內部溝通，我當然聽唔到佢哋嘅對話，期間有一男一女侍應以不太友善的目光望向本人。派飛小姐內部溝通完畢後，完全當冇事發生，繼續派飛及安排其他客人入座，沒有作出對我回應嘅打算，我唯有再次詢問😓佢嘅答案真的令我百思不得其解😅⋯⋯佢話”同事話因為🐶細隻，已入袋，又唔會嘈，所以可以安排入去食飯”😱😱😱聽完佢嘅解釋後，雖已等候了一段時間，我都即時俾番張飛佢，去第二度吃。Airside其他食肆有規劃部份用餐區於食肆外，讓寵物可陪伴主人左右。但Airside太二酸菜魚餐廳嘅用餐區明顯完全於食肆內，理應不得携帶竉物進入，這一點派飛小姐亦已向本人確認了。上網見到跟據食環署食物衞生守則，不得帶狗隻進入食物業處所，除非導盲犬或有職權人士帶領。太二酸菜魚餐廳是次之安排，是否不當及有欠衞生呢？🤔🤔🤔…查看更多

約咗朋友嚟呢一個商場行街，去到先食個午餐先啦，而呢真係諗唔到食咩，就叫朋友呢先去咗呢一間度攞飛先，而我一到呢就輪到我哋啦，所以我哋就決定嚟一度食飯。我同朋友其實經常去大陸食呢一間嘢，喺香港開都預咗佢會貴好多，但係可以過下口癮其實都開心嘅，今次呢叫咗佢嘅酸菜魚啦，另外呢朋友都推介呢食一個叫做芥末蝦仁，都俾佢經驗到，佢個味道係幾好食，如果蝦仁都係非常之彈牙，作為前菜咁食吓呢都開心嘅，而佢個酸菜魚呢就係一路食開嘅味道，但係略嫌呢佢有啲太辣嘅感覺，下次都會再嚟食嘅…查看更多

Weekend睇完戲8:30pm即刻拎飛045號，排隊本身要等10張，諗住落一層邊行邊等，可以scan佢個qrcode mon住叫到幾多號。隔左10分鐘，第一次check既時候仲有5張，過幾分鐘之後再check一次過叫到047。心諗邊有可能突然間快咁多，即刻衝上去睇咩事。上到去餐廳門口一片混亂，至少連埋我4張都拎住比人skip左。點知個staff話唔洗緊張佢地只係想臨截單前睇下仲要serve幾多張枱，但佢求其將佢前面既人拎住個個number 要補飛個d唔順序咁抄低。當時仲見到有人即場拎飛排，然後個staff就截左單了。如是者呢個順序就係佢個個所謂既順序，然後仲要一張飛補一張，要佢叫個個number冇黎既客佢先會補一張。即係一組一早已經拎飛排隊等左半個鐘既客，係會因為你一次過禁曬d飛黎睇有幾多張枱要serve搞到個客要等補飛枱，而且遲過截單前衝過黎拎飛既客入座。咁你點解唔直接叫我即場拎過張飛仲快過我補飛呢？本身落單都唔需要staff既餐廳，索性連帶位cashier都cut埋佢🙏🏻反正d枱食完都唔係即刻執，由得d客繼續等到天荒地老🫡…查看更多